lsmlcl's Profile

Follow Foodie Mandie👗星期六喺觀塘做完瑜伽，諗住附近都係工業區，唔會有咩好嘢食諗住去其他區搵好嘢食～咁啱經過開源道，俾我見到近年好興嘅三文治午餐，就忍唔住口決定入去試吓見到有幾款想試嘅都賣晒，最後揀咗蝦兵蟹將鐵板三文治🦐🦀🥪味道：8/10賣相：8/10價錢：5/10 (略嫌少貴)回頭率： 10/10🥰蝦兵蟹將鐵板三文治(HKD$65):入面包咗香脆可口嘅軟殼蟹、自家製嘅醋漬紅蘿蔔絲，加埋青瓜沙律，配上香炸多士，香口得來又唔會好乾，層次感爆豐富😍下次想試佢嗰啲吐司，但留意番只係下午三點後供應🤣小提示：份三文治對女仔來講都幾大份，可以叫個吐司一齊share，應該會再開心啲☺️…Read More

今日難得經過西九龍高鐵站，就諗住去排下春水堂間舖係B1層，同離港大堂同層，大家搭高鐵未做出入境手續前可以嚟排下隊本來以為會打哂蛇餅，但去到既時候發現都唔係太長龍，職員話20分鐘就可以攞到🍹見到個餐牌，所有鮮奶茶都賣哂，剩番用奶粉沖既奶茶，但一場嚟到，都決定買番一杯我叫左一杯珍珠奶茶(HK$27)，等大約10分鐘就拎到。飲落下，珍珠較為細粒，但都幾軟熟，好快可以吞到。但由於用奶粉沖，味道不夠香濃，d冰味仲出過奶茶味:(總括而言，本人覺得唔需要得登嚟試，但如果經過，都可以一試建議大家可以試下鮮奶茶，應該味道會濃郁一d~…Read More

今日農曆初二，好多行街舖頭都無開，唯獨食肆依舊燈火璀璨👀個陣已經8點幾，唔想再諗食咩，就搵咗女人街間沙嗲王食平時食沙嗲王，都無大排長龍，但今晚都好多人😯我哋等二人枱，最後都等咗20分鐘先有得入🤔上到二樓，其實都見到有吉枱，但可能人手不足，無人執枱，所以遲遲未能入座今期沙嗲王同大熱monster hunter搞Crossover，整咗個special menu，每一款食物都係一種任務，同埋特色能量飲品🤡但我對原本menu比較有興趣，所以就無叫到。另外，佢仲有個精選二人餐，計過每位比散叫貴多10幾蚊，就有餐湯同埋Haagen dazs雪糕，都抵食架☺️如果啱食都不妨可以叫下。由於想食粉絲，最後就散叫咗日式蟹粉豆腐鍋配飯($70)、自選沙嗲香茅豬扒粉絲($56)、避風塘炒軟殼蟹(27週年優惠-$59)、韓式蜂蜜芥末醬雞翼($42)叫咗$30以上既菜式，就可以半價加配嘢飲，所以就叫咗杯士多啤梨雪香同埋芒果椰汁冰配西米日式蟹粉豆腐鍋：次次嚟沙嗲王都必點，上面舖滿一層咸香既蟹粉，仲有金黃色既蟹王膏，配上熱騰騰既日式滑豆腐，真係好滋味不過份量實在太多，食食下會好膩，未試過食得哂😂沙嗲香茅豬扒粉絲：呢個配搭係好耐以前我朋友推薦，一試難忘😍沙嗲汁好入味，連湯食d粉絲，好易入口😋仲有三塊大大塊豬扒，保證你會食到好飽避風塘炒軟殼蟹：menu上有辣椒，本身都驚好辣，但最後發覺係「岑」滿粉既部分先辣。一分有兩隻軟殼蟹身，香脆可口，送飯一流韓式蜜糖芥末醬雞翼：係普通雞翼沾上咗蜜糖芥末醬，兩者相融，但就缺乏驚喜，寧願叫番普通雞翼每次食沙嗲王，都覺得價錢相宜，加上又唔會趕你走，啱哂糧尾既人約朋友嚟食😗…Read More

今日花開又一年，適逢花市季節，決定第一日去維園花市湊下熱鬧我朋友啱啱腸胃不適，就諗住去食粉麵，清淡一d本來我哋一去係去糖街個間，但係去到見到門口大排長龍，有排都唔會等到上openrice發現，銅鑼灣仲有另外一間分店，我哋就行咗過去兩間舖其實一橋之隔，好快就行到。去到幾乎唔洗點等，就入到去😍呢間係主打車仔麵同埋牛既產品，每人平均消費要$34或以上，有好多餸俾你揀，好多都係平時食唔到既車仔麵餸除此之外，唔夠飽既仲有好多秘製小食，都係好出名我哋最後叫咗一個三餸油麵(HK$41:魚肉春卷、豬頸肉、牛肚)，而我朋友就叫咗個四餸粗麵(HK$47:牛根、牛腩、豬頸肉、魚肉春卷)腩汁味濃，但略嫌太細碗，而牛肚就好un，好難咬開😢豬頸肉肥瘦適中，係亮點👏🏼但魚肉春卷就無咩特別，放耐咗仲會林哂😕但我會再因為佢既汁而幫襯佢架，下次會試埋d小食，聽講咖哩/滷水汁墨魚頭都好好味🐙🐙🐙…Read More

已經凍咗兩個星期啦，但係今日仲係得8-12度🤧🍃🍂今日收工，就決定去食番個暖笠笠既火鍋，驅走寒意。星期二晚7:20到，2人枱已經要等17張枱😯好彩我朋友未到，最後等到8:10分先入得🔝真係好長人龍入咗去，就見到張餐牌，所有鍋都係一人鍋，而任何鍋款都係$108(包一碗飯或者粉絲)，加$12可升級做滷肉飯，仲可以叫其他台式小食或者飲品搭配🍹🍽🍚我哋兩個最後叫咗一個招牌臭臭鍋、香蒜牛肉鍋，升級一碗滷肉飯，同埋叫咗一杯冬瓜蘆薈茶招牌臭臭鍋:叫得臭臭鍋，當然以臭豆腐做主打🍲佢分咗幾個辣度：無辣、小辣、中辣、大辣，而配料就包括咗臭豆腐、豚肉、豬腸、豬紅、台灣貢丸，米血糕、炸枝竹等。個湯底好濃，浸咗臭豆腐陣臭味😋雖然每樣配料兩至三件，但咁多款加埋一齊，就好夠飽。值得一提既係，個火燒到咁上下就會自己停，唔洗專登叫人嚟整熄佢香蒜牛肉鍋：由於我朋友想食牛，而餐牌又得呢一款係唔辣，所以就點咗佢。同樣地，都係好多唔同花樣既配料😍包括牛肉片、蟹籽丸、甜不辣、牛丸、凍豆腐、翡翠魚豆腐等等。今次呢款湯底清甜，但就唔夠濃味，要配佢既特製醬汁，d餸先夠juicy🤔蘆薈冬瓜茶:好大杯，但係太甜，飲完佢仲「頸渴」呢個一人鍋，大食既朋友都應該會好夠飽，但需收加一，我就覺得個價錢同台灣差好遠試過一次都好夠…Read More

心血來潮想食日本嘢，我朋友就介紹咗呢間日本連鎖餐廳，諗住出雙糧食番餐好我朋友7點半到，由於無限時段食，就問下職員可唔可以入去坐住等，佢話唔洗點等就安排咗帶位我遲咗20分鐘去到，已經見到門口排哂長龍，好彩我朋友早到少少佢有一個餐牌同埋一張手寫魚生壽司紙，上面既選擇係唔同既講咗生既食物先壽司:元貝唔係好新鮮，見到佢表面暗黃色🤔其他壽司都唔錯，可惜比係其他舖頭食到既細件，一啖兩舊都得😂軟殼蟹卷：一份6件，每件都好大舊入面包住真材實料既軟殼蟹，口感好豐富我最後外賣咗一份走跟住到熟既部分黑松露牛肉炒飯:一拎上枱，好香既黑松露味份量十足，入面都幾多牛肉塊😛但係同普通炒飯無咩分別，又炒得比較乾身不值一試！燒雞翼:一份兩串，睇落都幾燶但加埋檸檬汁，食落都好香口，唔係好覺燶味，我最後叫咗兩份食係商場入面，做到呢個價錢，其實都接受到，同埋又有好多分店，下次會再嚟食…Read More

上星期日想同屋企人去飲茶，康城係一個了不生蛋既地方，我哋一家人就決定搭的士，出將軍澳飲茶而添好運就係我哋落車附近，素來聞名佢係米芝蓮星級香港美食之一，加上茶位/$3及免加一，就去排隊攞位。我哋去到見到，午市時間特別多人排隊，目測要等半個鐘，攞完飛就企埋一邊等。終於叫到我哋，但我哋攞4人飛得3個人到咗，佢就堅持一定要齊人先俾入座。過多陣終於齊咗人，反而又要再等多15分鐘坐低咗，d職員好快手舖好枱面，俾點心紙我哋寫。之前嚟過兩次都無鮑汁鳳爪(HK$29)，今次終於有仲叫咗晶瑩鮮蝦餃(HK$27)、鮮蝦燒賣皇(HK$27)、鳳爪排骨飯(HK$29)、蝦腸($26)等11碟點心。個場好忙，連經理都幫手上菜，幾碟幾碟咁上🥟酥皮焗叉燒包：呢個都係次次嚟必點，外脆內軟，配帶入味既叉燒汁，但略嫌份量較少，不夠飽肚。蝦餃:4粒都大大粒，外皮熟既程度恰到好處，唔會一拎就散哂，蝦仁都好足料，啱啱好俾我哋4個人分呢度好啱兩三個人嚟飲，每碟份量都剛剛好，如果遇到大食既朋友，就要考慮清楚啦總括而言，人均消費$60-$70，咁既價錢，味道都保持水平，值得回頭…Read More

以前係荃灣讀form5時，啱啱木子新開張，成日都食，今日行過大本型，先知呢度有分店天氣咁凍，就決定食埋糖水先番屋企。打開餐牌，全部都$1x-$20左右，想要其他配料就另外加，都幾平🤔我哋一人叫咗一碗，我叫咗熱既椰汁紫米露+包餡芋圓(HK$14+$3)，而我朋友就叫咗凍既宇治牛乳芋圓+蘆薈(HK$20+$3)椰汁紫米露：冬天熱食好暖胃，椰奶味香，但係d紫米一pat pat，應該係唔夠熱搞唔散😣可能太多人食，成碗嘢都唔夠熱宇治牛乳芋圓：其實係宇治雪糕+牛奶既配搭，價錢係成張餐牌算貴既食物，建議多d特色小食以前既木子好食好多，希望可以維持水準啦…Read More

次次諗唔到想食d咩既入味韓國菜，都會第一個諗起school food🇰🇷🇰🇷咁啱係新世紀廣場睇完與神同行，就係度搵嘢食。呢間School Food位於4樓，係扶手電梯旁。今日係平日，入面唔係好爆，所以一嚟就有位，可以叫嘢食😍我哋叫咗個叻叻豬鐵鍋炒飯(豬頸肉)(HK$82)、紳士先生(卷物)(HK$65)、廚師卡邦尼年糕(HK$68)，加兩杯韓式飲品廚師卡邦尼年糕:呢款係入面仲有粉條既微辣版(仲有一款叫做卡邦尼年糕，就係唔辣既，但就無咗d粉條)，忌廉味好濃郁，年糕煮得好軟身，啱哂我胃口，配埋洋蔥&煙肉，回味無窮但要留意係，忌廉一凍咗就變得好稠，要快d食哂佢叻叻豬鐵鍋炒飯：叫得叻叻豬，梗係用豬做主菜，佢用咗豬頸肉、珍珠米，加埋塊裝芝士同埋太陽蛋做配襯，視覺感豐富。但本以為芝士會完全溶落d飯到，但最後仲係好大塊，口感一般加上炒得比較乾身，食完仲係好口乾，希望下次可以濕炒。紳士先生：呢度每一款紫菜包飯都有獨特既名稱，而呢款就係以芝士做主打，中間包住餐肉既做法D芝士入口都仲係流心既，米與米之間唔會太痴粒粒，好快就食到飽！呢三款既份量可以提供到3個人既分餐😂😂😂題外：最近school food推出咗新會員計劃，一次過食滿$300就可以送你一張堂食7折優惠券架，仲有每月唔同既會員優惠😎我哋因爲用咗恆生信用卡一至四88折優惠，兩個食唔夠$300啦，但好推介大家幾姐妹一齊去食架😎如果想要食得飽，呢間絕對係不二之選，不過食物可以再整熱d，無咁快凍哂…Read More

早幾年中學讀書，成日係度食lunch，$3x有碗大大碗既泰式炒河，超抵食🍜到依家我每番荃灣，佢都係我To-eat list上📝上星期六晚，我和友人7點幾8點先到，諗住夜少少食，人龍會少d。但我哋錯哂，去到仲要等20張枱，先知道原來可以電話訂位，下次嚟食就唔洗排長龍💆🏽‍♀️等咗30分鐘，終於入得lu☺️由於我唔食得辣，都揀番d餐牌上無🌶既食物。我哋打算叫一個主食同埋幾份小食，最後就叫咗馬拉盞海鮮炒河粉(HK$80)，印度薄餅(HK45)，青咖哩雞煲(HK$9x)，同埋一份泰式炭燒豬頸肉(HK$84)，加上一杯泰式特飲(HK28)。馬拉盞海鮮炒河粉:用上特製河粉，每一條都沾滿醬汁，口感十足，配埋足料海鮮配料，超級好味呀😋😋但係略嫌有少少辣，千祈唔好俾個無🌶餐牌呃咗🤔泰式炭燒豬頸肉：次次嚟泰國餐廳都必點，佢仲有其他兩款配搭，偷如青檬豬頸肉，但我就揀咗呢款最原汗原味既。佢整得好香，肥瘦分明，釀埋特製醬汁，保證回頭率100%！印度薄餅：一客8小塊，咁既價錢分量真係太少，本來打算配上青咖哩汁食，但佢拎俾我哋已經唔係太熱，好快已經清哂希望可以多番d份量啦！青咖哩雞煲：青咖哩應該係咖哩中最唔辣既選擇，食落先知佢用一個比較甜既方法去整，都幾惹味。賣相雖然一般，但係都幾多雞件，d汁好濃郁，建議加添白「餸」汁今次係我半年來第二次幫襯，整體嚟講都幾貴，同食lunch價錢差好遠，不過勝在免加一…Read More

對上一次嚟呢度，係佢試業期間，個時無咁多人食，又免加一，真係好吸引今次嚟，發現佢已經要加一，但係唔係好夠人serve你，好多時都要自助服務希望佢整番個免加一啦。今次叫咗兩款主食加一款小食，包括有Mama比薩—香草腸+肉醬+溫泉蛋🍕(HK$71)、黑松露菌皇煙肉忌廉意粉(HK$79)，最後配上一份四隻既柚子蜜芝麻烤雞翼(HK$15)。上菜速度都快，一碟一碟上，唔洗慢慢食到凍哂💨Mama Pizza:三種配料都好夾，芝士味濃郁，同埋好夠熱，估唔到加上蛋既Pizza都無好膩既感覺但個Pizza比較薄身同埋硬，凍咗食既話會無咁好食。忌廉意粉：終於搵到一個唔乾身既carbonara成碟都好香，又多汁，都好足料，好多煙肉同埋菇，keep住食都唔洗飲嘢同埋都食唔濟，高度推介呢款主食🤙🏼整體嚟講，坑口既商場食物標價唔算太貴，但服務質素有待改善🤔…Read More

自從搬離青衣，就好少機會再去行青衣城。今日趁住星期日，就重遊故地，順便行埋12月17日開幕既青衣城2期成個青衣城都改革得好靚，引入咗好多懷舊或者年輕食肆餐廳，人潮洶湧行到夜晚8點幾，我哋就經過見到一間內裏掛住「全院滿座」牌匾既餐廳，俾個裝修吸引住，就決定去食。🔮夜晚8點幾，已經差唔多過咗正常晚飯時間，所以員工係一叫即到，服裝周到。由於唔想食太飽，我哋就叫咗一樣主食同埋三款小食—羅麥炒飯(HK$65)、香矛蜂蜜豬頸肉(HK$53)、芝士莞茜蝦春卷(HK$36)、蜂蜜紅豆西多士(HK$28)🎈羅麥炒飯:炒飯加添白飯魚，更加惹味，但係炒飯略嫌較乾身，如果有d醬炒會更加perfect香矛蜂蜜豬頸肉:聞到好濃既蜂蜜味，酸酸甜甜，同豬頸肉味道搭配十足，加上足料分量，好大驚喜芝士莞茜蝦春卷：本身驚好重莞茜味，食落又唔覺，反而流心芝士入口即溶，好似食緊芝士卷咁，好好味蜂蜜紅豆西多士：蜂蜜同紅豆相配太膩，好快食濟，不建議作晚餐食用不過唔洗加一呢個服務好好，星期六日好難再搵到唔洗加一既商場食肆總分:3.5/5…Read More

尋日除夕夜，約咗7點半邊爐，事前無咩做，就決定去下排呢間嘢飲💖尋日條隊係有史以來咁長排咗10分鐘，一步都無郁過但係我打算點都要堅持下，難得想排。可能職員唔夠，落單同埋攞飲品既時間都好耐🤢最後我同友人等咗一粒鐘，終於到我哋落單，佢可以用八達通俾錢，方便無帶cash既顧客我哋叫咗杯馳名既黑糖鹿丸鮮奶(HK$28)同埋小確幸奶茶(HK$28)，最後再等咗15分鐘，終於飲得🤔不過，杯黑糖鹿丸鮮奶入面既鹿丸十分有咬口，好Q好彈，鮮奶味濃郁，比起好多其他珍珠鮮奶來得優勝🤤🤤🤤但有少少略甜，建議可以選擇少糖我第一次會食哂所有珍珠！另外一杯小確幸奶茶有三層，當中加入紅豆蓉，三層混合飲用，口感一流，而珍珠都好「林」，我都清哂😌但係，真係唔值要排一個鐘，如果可以排15分鐘既話，我應該會日日嚟飲…Read More

今個聖誕節，適逢澳門有光影節，就決定同友人book咗晚酒店，離開香港過大海、嘆美食🧚🏼‍♂️🍽🍸🏘去之前，都好驚澳門餐廳好似香港咁，狂加價🤢原本物超所值，都有機會變成高檔食物:(好彩澳門好有人情味，好多食肆都無加價同無加一😍加哂分！次次去旅行，我都唔希望去食俾其他遊客大肆宣傳既標準食品，而係希望食到當地既本土美食😌今次，我就特登由金沙搭shuttle去威尼斯，再行去搵呢間隱世餐廳。佢係一d住宅既地舖，唔係好顯眼，但我4點去食都仲要排隊😦😦我哋叫咗個馳名免治牛肉飯(MOP4x)，菠蘿油(MOP12)，同埋雞扒包(MOP3x)🤤佢個免治牛肉飯唔係一般既瘦牛肉，而係我哋打邊爐成日食到既滑牛菠蘿包既牛油入口即溶，熱喇喇好正架我哋叫咗三樣嘢，加一杯凍檸蜜，埋單都係$110！聖誕咁抵食邊度搵😆我下次嚟澳門都會再食！…Read More

最近收到銀聯通知，係美麗華廣場某幾間食肆消費，會有特別既折扣🍽🥂今日襯住早收工，就打算去試下我哋無book位，但就打咗電話去問可以walk-in。一去到，我友人仲未到，就堅持唔俾入座住，要齊人先可以入但係個職員叫我坐住bar枱等，算係咁啦😇樣樣都未食過，但又睇落好好味咁，心大心細，最後就order咗一份黑松露芝士薯條($62)🍟大烤菇芝士牛肉漢堡($105)🍔同埋一份蜜糖芥末大烤菇煙肉牛肉漢堡($110)🍔撞正佢3-8點係happy hour，就順便order咗一杯draught beer 1664($50)🍺份薯條上菜時熱辣辣，睇得出新鮮炸起，配上黑松露芝士醬，口感豐富但係薯條裏面就略嫌有d太「淋」，唔夠脆:(而個兩份漢堡就十分巨型，牛肉鎖住肉汁，無論分開食，定配合其他配料，都係咁惹味🤩埋單用埋7折先每人$120，好抵食呀🤯…Read More