Pandada's Profile

間唔間中都會去名門食飯,因為地點方便,食物一流,最重要係唔會比人催你埋單走人,同朋友可以慢慢食慢慢傾 今次一行13人,叫咗好多餸:1）蟲草花牛肝菌炖鷄湯2）特式冰鎮鮑配燒汁芥辣醬3）特大鑲鑽黃金蝦4）名門秘制陳皮骨 拼 大良炸鮮奶5）砵酒焗原隻美國桶蠔6）杞子桂花浸桂花魚球7）古法秘制新鮮羊腩煲8）啫啫芥蘭爽肉煲9）生炒臘味糯米飯10）皇牌蛋白杏仁茶特別推介"特式冰鎮鮑配燒汁芥辣醬", "特大鑲鑽黃金蝦" 同"砵酒焗原隻美國桶蠔", 當然仲有我最欣賞既"名門秘制陳皮骨"。首先講下"特式冰鎮鮑配燒汁芥辣醬", 鮑魚好淋好入味,我覺得個燒汁芥辣醬係錦上添花, 我仲留起個醬去點黃金蝦黃金蝦炸得剛好,若配番個甜酸醬會更好,因冇咁"漏",不過我有個燒汁芥辣醬秘制陳皮骨既味道係出面餐廳食唔到既,又香,肉又嫩。炸鮮奶炸漿略厚砵酒焗原隻美國桶蠔個人覺得好味過南乳焗蠔,冇咁濃味,個汁仲甜甜地帶出蠔既鮮味其餘菜色都中規中舉,強烈推介以上菜色!!! p.s.蛋白杏仁茶也不可錯過!!!…Read More

想搵間價錢中等又好味既西餐,朋友介紹咗Jimmy's Kitchen, 話佢既懷舊英倫菜好好味。是晚叫咗洋蔥湯, 個湯超正,有香濃既洋蔥味,又有芝士喺面!必食推介!!!意大利素羅宋湯,雖然冇用肉去煲,不過清清地好清新，不過相比洋蔥湯係有D失色Wellintoning steak, 肉質剛好，yummy~lamb chop 煮出英倫懷舊味道，又嫩又juicy!!!!apple crumble,加埋個sauce 真係好好味，作為big meal 後既完美終結…Read More

fri night係時候鬆一鬆, 咁啱要去觀塘,上openrice見到好多好評,又有啤酒飲於是去試下雜菌鵝肝同多士, 好香,鵝肝好味!德國鹹豬手,ok, 兩個人都食唔晒,連D肉同支骨攞番屋企第二日煲粥~~~…Read More

之前睇雜誌介紹,個豬扒飯好吸引,終於去左試下,七點去到即刻有位唔洗等叫左焗豬扒飯同溫泉蛋白汁雞皇飯+凍奶茶。等左陣個豬扒飯黎喇,賣相好正,不過望真D件豬扒唔熟既!!!???同左waiter講,佢好快攞番去廚房整過,再拎黎時最厚肉個位都係唔熟,不過算喇,費事再整過....味道其實唔錯!至於個溫泉蛋白汁雞皇飯.....賣相唔得,味道都唔得, 味太淡!!! 凍奶茶呢...唔滑,奶太多又太甜....渣過好多茶記!要比貴2倍價錢食茶記既野食,真係.....試一次就夠喇!!!!…Read More

同朋友慶祝生日,3個女仔叫咗個$5xx既2人set + tapas combo + 3 set white wine (happy hr 買一送一,total 6杯)個set 揀咗caesar salad, tomato sauce blue mussels, 周打蜆湯+蘑菇湯, pork rib, salami sausage angle hair, 心太軟+Banoffee pie, 同2杯餐茶。blue mussels 比我想像中好食, pork rib都夠腍,成餐飯最記得既反而係心太軟,但係個Banoffee pie真係唔多掂整體黎講食物質數中規中舉,但環境& service 都ok, 下次都會再幫襯…Read More

地方有D難搵，上到去感覺舒服，有designer feel! 只得3個晩餐，叫咗雞扒意粉。可能係小店緣故，人手唔夠，等咗好耐先有人落單，野食都等咗好幾個字先有得食....不過味道真係唔錯，雞扒皮脆肉嫩，醃得入味，伴以我最鍾意既火箭菜，食落唔會太油膩，不過略嫌意粉唔夠腍.... 依度環境適合同朋友傾計食飯既好地方，若果有埋酒飲就更加一流！下次想試下tea time黎食…Read More

提早同家人食團年飯，坐無虛席。點咗松子魚，京燒羊肉，炸菜肉末，叉子燒餅，酸辣湯，蒸銀絲卷，拔絲蘋果同拔絲蓮子。松子魚一直都保持水準，魚肉嫩滑，醬汁酸甜適中！京燒羊肉略嫌油咗D，以前中環既花滿樓真係做到好出色！銀絲卷香軟，加埋煉奶真係一㳘！酸辣湯，炸菜肉末同叉子燒餅都ok。拔絲蘋果係每次必叫既甜品！…Read More

平時經過見好多人食，所以一於試下。叫咗個二人咖哩餐，加咗$叫mango lassi, 盛專$203。選了浮雲沙津，炸什菜薯角，羊肉炒飯，咖哩雞同蒜蓉薄餅。首先講下個沙津，D菜唔新鮮，有D啡啡黃黃，有幾塊炸脆片，有油醷味....個炸什菜薯角D麵粉勁厚，又乾！羊肉炒飯都唔錯，幾香，D飯又唔會太硬。個咖哩雞幾香既，不過就油得濟，蒜蓉薄餅夠軟熟，不過都係油咗D！總體黎講唔太差既，不過元朗仲有咁多好野食，真係暫時唔會再翻兜住囉！…Read More

之前有人介紹依間豬扒麵，話連食神饀饀都推介，於是襯星期六去開元朗去試下！搵左一陣先搵到，其實都有DD難搵，最後要問人先知。。。麵底係用出前一丁，有人推介蟹皇麵，於是叫左豬扒丁同豬扒雞翼蟹皇麵，豬扒真係好OK，有D脆脆地，雞翼就麻麻地，冇咩味，蟹皇麵我只係覺得普通，下次都唔洗加＄轉！枱面有兩樽辣椒油，加左蒜味個隻辣椒油落豬扒度真係好正！！！順帶一提，環境無想像中咁差，其間有個女士抱住隻狗仔入黎，D亞姐都好禮貌叫個女仔出去坐我自己都好鐘意狗仔，不過唔入袋就抱入人地餐廳既行為真係唔多好!!!…Read More

三個人叫咗2個豬扒定食，一個黑豚，一個白豚，蟹味噌凍豆腐同薯餅。豆腐真係要一讚，好香好滑，撈埋個味噌醬，真係一流！本人比較鐘意白豚，下次唔會加$轉黑豚，最like佢地任refill椰菜絲，d芝麻醬又香！薯餅都ok ke!…Read More

下午茶時間先食第一餐，叫咗個快餐，西多同2杯凍奶茶。見隔離枱個校長多士好似好正咁，等咗一陣就有得食喇！上枱時真係幾香，熱辣辣，有好濃既芝士味同黑松露既香味！當然d松露味比屋企個黑松露醬有段距離，不過廿幾蚊仲想要咩級數！？…Read More

今次八點幾黎到，只係有五六個人喺前面~~~ 等咗10分鐘到，叫咗龍眼冰，大熱天時食真係一流，成碗都有龍眼同椰香，加埋有d打碎咗既龍眼肉，西米同椰果，係比較欣賞既糖水舖！下次想試下其他冰凍甜品~~~…Read More

每次經過都太多人而冇食到，今日大概3點幾見冇乜人，終於可以食到~~~ 叫咗豬紅，蘿蔔，雞翼尖配油麵，朋友要豬腸，蘿蔔，魚旦，豬皮配油麵。蘿蔔唔夠淰，豬紅冇咩味，最好味都係豬腸，夠淰同入味！整體黎講，只係一碗正常再正常既車仔麵，未至於要大排長龍去食…Read More

好多時食拉麵都覺得個湯底太咸，自己又偏愛淋D既麵質，豚王就啱晒我喇~平日兩點幾等左十五分鐘到就有位，排隊個時已經每人有張落單紙，可以揀湯底咸度，麵質.... 入到去。。。。超逼..... 我叫左豚王，同事就叫左黑王，加左溫泉蛋，試左個湯底，我自己就鐘意豚王多D，因為黑王太濃。值得一提係佢地既溫泉蛋，真係好好味，同埋放係枱面任食既辣芽菜，好惹味~~~ …Read More

有一排冇去名門食飯,聽聞佢地新出左個盤菜,一直都想搵個機會試下。除夕夜唔想出去同人逼，於是即刻約埋班friend去試下因為一早book定，所以有間房，真係名副其實既私房棻~~~~ hehe~冇叫到我既favorite--- 陳皮骨&南乳焗蠔，因為個盤菜好似好大份，費事食唔晒浪費啦~首先黎過炸蓮藕餅，兩大片蓮藕夾住Ｄ豬肉，外脆內軟，正!!!　之後有個炸鯪魚，雖然本人對鯪魚冇咩興趣，不過當加埋個盤菜汁之後就即刻夾多舊落個碗度終於到主角出場喇!!! 大大個盤菜上枱，有蝦有鵝掌有花膠有蠔豉有菇有雞有肉.....多到list唔晒呀~~~ Ｄ花膠，蠔豉同菇食得出唔係普通料，特別一讚既係個蘿蔔同芋頭炆到好入味，雖然唔係Ｄ咩貴價野，不過只要新鮮，加埋個醬汁，都可以做得出色 最後叫左碗蛋白杏仁茶，真係要比十個讚佢，又香又滑，我媽咪之前都煮過比我食不過就煮得好稀，試過好多次都唔成功真係好想問下呢度個大廚究竟點樣煮到咁好食。唯一美中不足既係個桂花糕比較硬身，有待改進，我自己就鍾意加埋龍眼肉既桂花糕，清甜得黎又滋補雖然價錢唔大眾化，但係得閒豪下一兩次，換來回味無窮既美食都值得既…Read More