LearnG's Profile

平時好少行入始創，都唔知原來呢度有間春芳號！因為之前朋友買過幾杯外賣一齊飲，覺得幾好飲，啲杯又好靚好有特色！今日親自經過，又見12月都仲有25度，點都要整返杯解下渴😆上次飲咗奶綠，今次揀咗烏龍珍珠奶茶嚟試！落單時店員有細心咁問珍珠要唔要轉愛玉/寒天，話佢哋今個星期開始有得轉呢啲配料～ 我都係揀返original — 覺得珍珠配奶茶先係最夾😆 飲品一拎到手就覺得個杯好靚好有聖誕氣氛！烏龍珍珠奶茶好飲！叫咗半糖，甜度適中，烏龍茶味好出，奶茶好順口～ 珍珠飲落口滑得嚟 咬落又幾煙韌！下午茶整返杯春芳號真係好滿足！…Read More

朋友已經試過呢間，想encore～ 咁啱我又未食過，就一於嚟試下！我叫咗佢哋嘅招牌花膠雞米線～ 仲有一份泰泰雞翼同朋友一齊share！花膠雞米線果然係招牌菜，足料、湯底濃郁，食完成個身暖晒～ 而泰泰雞翼係甜辣嘅，好香口開胃！讚👍🏻 …Read More

Lunch hour同同事一行4人嚟食呢間和歌山，我哋3個人揀拉麵，1個揀定食～ 呢間上菜好慢，等足25分鐘先上咗兩個拉麵同一個定食，我揀嘅呢個叉燒玉子豚雞湯拉麵嚟咗先，味道唔錯嘅，幾鍾意隻蛋！但覺得碗麵都唔夠熱，唔知係咪人手不足 裝起擺埋一邊…..而我同事嗰碗叉燒玉子豚骨湯拉麵更加等足8個字先上菜，嗰陣我都食完我嗰碗了…. 不過佢嗰碗又好夠熱喎，出晒煙！總結係味道幾好味，但上菜極慢，肚餓同趕時間都唔會想再幫襯😌…Read More

同朋友們約咗嚟呢間Meowtini食嘢同吸貓😻 我哋一行4人，有3個都係第一次嚟貓cafe，所以相當期待！Cafe木系路線，好cozy，貓貓都好痴人😻同貓貓玩同影相前我哋都叫咗嘢食先，我哋叫咗兩個2人set dinner (但其實係lunch都可以叫嘅套餐)！前菜揀咗雞翼、煙三文魚沙律同埋好特別嘅鴨肉餃子～ 三樣都唔錯！主菜揀咗燒春雞同一款pasta兩款意大利飯，覺得整體都幾好味！幾鍾意煎帶子鹹蛋黃risotto！燒雞都ok，唔乾柴，配搭嘅薯條有驚喜！幾好食！而套餐有配甜品的，圖片顯示係蛋糕(cheese cake)，不過當日得雪糕，如果有蛋糕會滿足啲🥲 第一次嘅貓cafe初體驗係唔錯嘅👍🏻…Read More

同朋友約咗喺觀塘食嘢，朋友話想試下新嘢，又見到呢間有8折優惠！對於鍾意日式嘢嘅我哋嚟講，沒有不試的理由😆我哋係週六嘅下午2點幾去到，本身都book咗位，但店內唔full，直入都得～ 同朋友分別用qr code點餐，可以即刻各自俾埋錢，唔使之後再計數～我叫咗個飛驒和牛漢堡湯烏冬，配一杯凍綠茶！隨餐有一小碟漬物～ 漢堡扒唔錯！湯咖喱濃而不濁，烏冬煮得好食，仲有半隻溏心蛋添！整體很不錯！同友人都食得好滿足(友人都係食飛驒和牛漢堡扒，不過配飯)！…Read More