Freebc's Profile

初初開時好好，外脆內軟，之後越來越差。隔了一段時間，今次專登再去買，一攞上手已經超淋超軟瀨瀨…，咬落去好似食緊糕咁，今次唔知點解超甜，覺得有落糖精，乸喉🥴又唔係平，唔會再買了。…Read More

以前幾次都係去旺角店，感覺不錯，奶茶質感都厚，好有驚喜！今日第一次幫襯銅鑼灣店，同樣的堅果烏龍奶茶，好似淨飲茶咁，好稀好薄，比出面一般奶茶更加淡，又稀，好似飲D有味道嘅水咁，失望！…Read More

真心又好味又抵食！出面食碗湯粉麵基本上都少少粉少少餸最小都四五十蚊，呢度賣三十幾蚊一大碗，竟然大大碗到達滿瀉嘅程度！！真係快滿瀉!同朋友一人一碗四寶河同火車頭，粉多餸又多，小小酸酸辣辣非常開胃，雞肉鮮嫩，四寶河上獨有的小小越南肉，好有特色同非常好味，坊間未食過，湯底開胃又冇味精👍另外老闆自製飲品都好有家嘅味道，唔係好甜，感覺健康。可惜因為太飽冇叫到其他小食，下次一定要再試。好味好味，好飽好飽，老闆加油。…Read More

海南雞飯同新加坡店完全兩回事，雞肉超鞋！雞肉超鞋！雞肉超鞋！完全冇雞味冇鮮味。員工服務亦好差，喺門口攞飛時問依家嗌到幾多位，問兩次都唔理你，當聽唔到，入到去落單同賣單時亦睇到當睇唔到，員工行來行去就偏睇你唔到，應咗你之後又冇咗回事，已經過咗最嘅繁忙時間嚟幫襯都咁様……另外，此店員工一般都係黑面，中午落場休息時店員會在店內大聲喧嘩，商場走廊遠處都聽到，因沙田店是三面全開放式店面，觀感真不好。總結，唔會再幫襯～！…Read More

一直久不久光顧，早前購買天貝漢堡套餐，明明聽到店員間講已沒有沙律，取餐時見到袋中平時有三盒但當時只得湯和漢堡盒，便告訴店員漏了沙律，店員還說已放在漢堡那盒內，回去用餐打開時發現其實只是多了2條沙律菜，真是只有2條，其實如果賣晒應該告訴顧客，或可用其他食品代替，而不是推糖說謊。失望，這些員工存在就是把支持餐廳的人趕走。:(…Read More

多年前光顧的是去交易廣場店，當時真的是驚為天人，當時拉麵很大碗，配菜亦很滿滿，麵質湯底各方面都真的是驚為天人，多年後一直想再回味，知道搬了去荔枝角，雖然知道現在評價不高，今天路經也終於的起心肝光顧。對於現在此店湯底麵質配菜方面並無驚喜，當然亦不復當年勇，一半水凖也沒有，唯一的「驚喜」，就是斷估唔到作為拉麵靈魂的叉燒竟然像拖鞋般又鞋又’銀’；另外店內冷氣沒開，空氣侷促，光速吃完便要迅速離開比店，街上比店內更涼快！…Read More

摸了三次門釘，今次終於吃到了.....點了生牛肉河粉，但河粉很碎很碎；越南法包口味是特別的，但是不好吃；只有春卷不錯；總結，和朋友一致覺得試過一次便可以了。另外，結帳時服務員在風口下噴玻璃水清潔旁邊的玻璃門，一噴，玻璃水即轉向好像直噴我塊面一樣，弄得我整塊面成個身都係，仲要入眼，穿黑色服的領班/經理看見只叫服務員停一停，便立刻繼續在收銀處和收銀員談天說地，反而收銀員雖然一邊聊天也一邊說幾次對不起，真心希望尊重顧客。總結，有期望所以失望。…Read More