babysumling's Profile

亞士厘道...平時返工食晏都會去附近食飯，有日經過見到呢間餐廳..覺得幾得意....因為呢間餐廳有2層....係路邊望過去覺得似酒吧多D...行近D睇餐牌先知原來係食火鍋既....今晚就放工去試下.....首先經OpenRice訂位係會有折扣...所以如果想試嘅話就建議經OpenRice訂位喇而今晚我就訂咗夜晚6:45所以會有八折...餐廳環境好舒服....侍應亦都好好禮貌呢間餐廳有一個秘製辣醬用嚟點火鍋配料好好食開始分享一下我叫咗啲咩嘢食...加$18一位就可以任飲檸檬茶...檸檬茶偏淡用嚟配火鍋一流...可以解渴鍋底...我叫咗佢哋招牌嘅鴛鴦鍋底（酸菜魚加麻辣）非常之推介酸菜魚鍋底...（鍋底附送鮟康魚）用嚟食烏冬....同食魚好正特級牛肉拼盤..一個價錢食到唔同既牛佢哋嘅手打牛肉丸都好好食....我特別鍾意食黑栢葉....另外我都叫咗雲吞....炸午餐肉..皇帝菜都好好食...可能因為個鍋底好食所以覺得其他配料都一樣好味😋侍應嘅服務非常好會定時走過黎睇一睇需唔需要加湯....如果兩個人黎講我覺得份量啱啱好。呢個價錢有咁嘅質素....抵食😊…Read More

因為工作地點既關係，放工既晚餐都係銅鑼灣食多，拉麵係又快又飽肚之選，霸嗎拉麵暫時係我係銅鑼灣食過最好味既拉麵。湯底濃之如唔會太“傑”。黎^霸嗎^一定要佢地既燒叉燒....勁厚肥瘦剛剛好，超級好食。一個月入面我黎左5次...上次食既雞叉燒其實都唔錯，可惜我太鐘意食辣,所以次次都食呢款。仲有佢哋既炸餃子有3隻味，今次食原味，其餘2款味道都好有特色。座位都尚可，唔會太迫。食到最後仲有雪糕糯米糍送，可惜既係溶哂，如果唔溶就太好了。…Read More

今次係第一次食素菜。一直以來都覺得素菜係毫無味道的食物。但完來完全唔係，反而令我鐘意左。環境清静而且服務員態度好好，因為第一次食既關係，對住個餐牌完全叫咩好所以叫服務員推介比我地。叫左3樣餸，一個湯。呢度個湯一定要試，冇味精又足料，可惜係我冇影到相，因為實在忍唔住飲哂先記得原來冇影到。小籠包好特別係一個碟仔放一個，味道可以。雜菇露筍好好食，新鮮炒得剛剛好，唔會太淋。最驚喜既係個藍帶豬扒，明明係素，但我食到豬扒既味，雖然係炸，但食落完全唔覺得油。就係呢餐令我對素食改觀，又健康又好食。呢度仲有午餐架平均都係50到。下次會試下lunch黎食。試多幾款唔同做法既素食。…Read More

平時好鐘意食拉麵既我，今日去試灣仔既黑龍拉麵。去到門口,見到有個牌寫住佢地既叉燒係用沖繩既豬豬做既。當時因為係9點幾所以唔使等位。我覺得湯太濃，感覺食緊沾麵咁，味道幾好，有好重既胡椒味，如果湯冇咁(傑)就好，叉燒唔好食，好鞋食落口感覺好油。沾麵，味道幾好，溫泉蛋同牛根好好食，不過牛根得4-5粒好小。2個人食左236拉麵黎講覺得有點貴，份量好小，但味道搭夠，所以下次都會再黎，試下其他味道。…Read More

放工约左老公係銅鑼灣食晚飯，當我地仲諗緊食咩既時候，經過希雲街就比呢間餐廳既門口吸引左過去，係外面睇好似有一個好高既門咁。當我地入到去眼前一亮裏面樓底好高，有張長長既吧檯，木製既枱同彩繪玻璃窗！同時間播放住輕鬆既音樂。經過一位細心既服務員介紹下，揀左佢地既經典名菜青口鍋配比利時薯條，豬手另外仲有牛他他。FRITES 原來係一間比利時既啤酒屋，有超過一百款既啤酒可選擇，對於嚐酒既人來講可以同朋友來過Happy hour... …Read More