凍檸啡's Profile

多年前朋友帶我來品嚐豬手米，就是這裡令本來不吃豬手的我從此愛上吃任何口味的豬手。很久沒有來，下午三時左右打算碰碰運氣睇下有無得食啦，因為好快賣晒，好運地又比我食到，三點半再出一輪兼唔洗等位。　之前未試過牛丸，所以今次叫左碗大既豬手米加細牛丸，佢地既辣椒油好好食，我自己添左三次。　佢地既豬手係比較爽口個一種，而牛丸都幾彈口，湯底亦夠味但又唔會太濃，以出左名既食店黎講仲keep到算係咁。…Read More

小弟甚少食寫評，文筆亦唔好，但遇上有誠意的食店，都希望能夠略盡綿力為該食店發揚一下，希望愚見對會大家有幫助。:)一直都係住係屯門長大，但以前唔發覺龍門居有咁多野食，地方雖小但食店都頗多，有機會再品嚐一番。昨日在某論壇見有人提起老朱的粥及燒賣很不錯，收工後二話不說衝去會一會它。其實屯門愈來愈多連鎖食店，真係睇見都厭。所以都希望屯門人自己多啲支持一下本區有誠意的小店食肆:)唔好凈係幫襯晒所有大財團食肆。入正題，今次慕名而來是為了品嚐自家制魚肉燒賣及生滾粥。老朱只是一間很細的鋪，多數見人外賣，或者係門口開台坐低食。魚肉燒賣　－　＄６／３粒，開頭以為同平時食的燒賣差不多大，怕唔夠食所以叫了兩串，點知埋到黎原來比平時食既大粒，佢地既燒賣口感唔會好似平時食既感覺落左好多魚膠去溝稀，呢個價錢我認為係抵食，另外提一提大家記得加埋喼汁，因為會好味啲！（老闆人很好，朋友係隔離買碗糖水過黎食都無問題）生滾粥　－　佢門口有個雪櫃，入面放左好多自選食材，我就點左一豌蠔仔加蝦，因為蝦要貴Ｄ（成本貴掛）　海鮮粥單拼$25 雙拼$40, 而我個碗就$45, 不過真係好足料, 有3隻蝦同十幾粒蠔仔, 我覺得價錢尚可接受, 佢地都有艇仔粥之類, 當然無咁貴。不過粥身有點稀，如果能夠''結''番啲就會比較好，食到尾段變得水汪汪，佢煮得碗粥好夠味，唔會好似用白粥是但滾熟啲材料咁。…Read More

午餐時間去, 好多人, 但唔洗等位都好好。同友人點左兩個喇沙火米粉食, 喇沙湯底算濃味, 椰汁味都好重, 鐘意食椰汁味呢個算唔錯。但配料只有蝦﹑豆卜﹑魚旦(應該係)蝦 : 無乜味, 似雪蝦豆卜 : 普通豆卜味疑似魚旦 : 都係無乜味要$4X一碗, 我覺得有D貴…Read More

食左一碟炸醬撈麵，盛為33蚊，味道係唔錯，但貴。以往都有買開佢地既蝦子麵，以前真係好足蝦子，煮完個煲底一定好多蝦子，以家唔知係咪通脹啦，愈來愈貴，蝦子愈來愈少，所以都少買左了。…Read More