natsu's Profile

落左單一小時pancake仍未送到， 搵店員跟進， 店員A視線對上就走左⋯另一店員覆我「整緊，等多幾分鐘」十分鐘仲未上檯， 再搵店員，店員完全無意再跟進Pancake上檯， 個心係凍嘅。疑似經理嘅職員理直氣壯答我「個pancake係即叫即整」問佢乜野都係重覆呢句一句會幫手翻熱 或者 唔好意思都冇。真奇怪係即叫即整嘅話， 個心就唔會凍一係就煮好好耐一直冇店員送上檯？服務差劣， 貼錢買難受荃灣西餐廳仲有好多間呢間真心冇下次…Read More

叫外賣自取一盒wasabi明太子八爪魚丸， 收晒錢同我講peak hour, 要等20分鐘。 雖然疑惑八爪魚丸係lunch set, 點解要等咁耐，不過可以行陣等下嘅。20分鐘後番鋪頭，拎住單問取餐，冇人理， 有個女職員pack緊幾十盒八爪魚丸，叫我等等。等左5分鐘，佢行埋黎再叫我等等。 又等？我問佢：「你話廿分鐘取餐，到左你叫我等， 你而家叫我再等？」佢仲要唔信咁chk我落單時間，之後先衝入廚房問下幾時有， 出到黎再叫我等4分鐘。火都黎仲等，最後退錢走人。呀姐， 你20分鐘都出唔到餐就收錢前同客講啦。一盒八爪魚丸等半個鐘都未知有冇， 好離譜你pack緊咁多盒外賣八爪丸， 俾一盒自取客拎先都得啦，變通下好嗎？…Read More

廚師突然搬出一盤雞翼，見幾吸引咪揀囉，點知夾左落盒呀姐話要+$5🙄 點解無啦啦要加錢嘅？明明標價2餸$25，有啲唔老實啵餸菜係幾多選擇嘅，亦都邊賣邊有新餸出爐，改善下個價錢牌啦，標明晒會好好多…Read More

$88外賣 雞肉螺絲粉配一杯茶 ， 一打開係咁嘅份量，雞肉得幾塊，配菜都無粒。夠晒驚喜。 就算味道ok都覺得唔值，唔會再去喇。見好多正評，午市又坐到爆晒，諗住搵到好野食，中伏。…Read More

侍應好無禮貌訂左位午飯，已知設最低消費每人$88落單四個小菜，叫佢擺低menu,諗住一陣再叫。無耐有個男侍應走黎，隔住幾張檯距離向我地大叫「你地未夠最低消費喎」，後來又加句「你地要叫多百二蚊左右」。咩事呀？埋黎講唔得？況且我地無話落完單。上菜速度龜速食完一碟，半個鐘都未黎下一碟。隔離檯都換左三檯客，新入黎嘅客都上左菜，我地果啲都未黎。見下面有食評話啲侍應殭屍咁，真係好貼切上菜竟然問番個客呢個係咩菜，問佢地問題又唔願答咁。反應最快係埋單。食物普通又咁嘅態度，真心趕客。…Read More

晚餐叫左咖哩豆腐漢堡扒奄列飯一上檯個飯真係見到呆左...明明叫奄列蛋，隻蛋老到煎蛋咁，完全無奄列蛋果種滑蛋口中texture，內裡啲飯粘住一舊舊，好似落左好多水煮既飯咁。食到一半已經唔想食。收人百幾蚊，煮唔到該有質素，食又食唔落。唔好浪費食材啦好嗎？比起以前舊鋪ucc,味道真係相差好遠。還好呢度服務同環境唔錯，都坐得舒服。有兒童餐適合一家大細食。不過，可一不可再。勸勉大家入坐前三思，睇睇食評先入坐。…Read More

連加一 $140/人，但食物係現成野多，唔值。---------------------------酸忌廉芝士薯條 - 薯條出晒油再番叮蜜糖雞中翼 - 4個人真係得4隻酥皮pizza - 似現成手抓餅皮加料整焦糖布丁 - 現成訂番黎落糖漿，唔係脆面果隻雪糕 - 現成牛奶公司細杯裝肉醬意粉 - 呢個味道唔錯，份量合理蕃茄芝士法包 - 幾好😊但140一位食呢d野唔值。其實廚師煮個意粉都幾好味丫，點解反而買現成野搭救呀？🤔…Read More

第一次去果時已經覺得麻麻地叫車仔麵餸又少又唔熱,麻辣花枝丸冇乜特別6蚊得果2粒杯凍檸茶淡到飲緊水咁好,今日俾多次機會佢!試多次老細勁sell既車仔麵是次配搭 - 魚蛋+炸魚腐+米線(走辣)魚蛋 - 好林,浸左好耐咁,一D味都冇炸魚腐 -算係3樣入面最OK,但冇味,我以為自己圈左2次魚蛋....米線 - 好少,份量好似俾人食左半碗咁!完全未煮林,仲有D係硬TIM!湯 - 走辣清湯都成碗油最"安全"既配搭都搞成咁,收人18蚊。拎獎?咪搞笑啦~列入Bad List! Bye~~~~…Read More

路過記起呢度有好野食,當然唔放過機會啦!街市唔大,好易搵到=]鋪仔細細,但都算多位可能係TEA TIME,冇人坐低食,多數都係外賣鋪面得2個STAFF想ORDER時黎左個人買外賣..其中一個STAFF理左佢老板娘係度就咁望住我地....一D表示都冇我果下仲諗,佢係咪唔做生意?而家睇番下面D食評先知老板娘唔明廣東話,哈哈叫左 燒雞河 + 雲吞河 + 芒果特飲 + 椰子汁 + 烤雞串燒雞河 同 雲吞河 都普普通通湯底清清地,加埋辣椒粉幾好味但係 D燒雞 好多都燶左,食落又冇乜特別果下有少少失望,明明飯友都話推薦架MA!反而,個「芒果特飲」扳回唔少分唔會太甜,芒果味同花奶O岩O岩好!!!呢個要讚!但係個 椰汁 就好甜...會唔會係重左手呢..?雞串..D沙爹醬甜左少少啦..又唔夠花生味..總括黎講係幾抵食,價錢都係15-20左右一碗至於好唔好食就見人見智啦~ 可能撞O岩我今日去煮唔出水準都未定個人都係鍾意去禾輋果間多D…Read More

行完uny,又熱又攰,諗住搵餐廳醫肚休息下點知想食o既間間都爆行過見呢間到,有個女仔出黎sell都唔想再行,入去一試一打開門見到鋪頭細細但得一檯客..果下都諗係咪好難食冇人入但都冇辦法..都入左去囉好唔好都試下先啦..d waiter好快手拎左menu同水過黎仲企係度等落單,服務都唔錯點左2set tea- 咖哩香煎雞排飯(甘口) - 鐵板燒北海道扇貝拉麵先講 咖哩香煎雞排飯 賣相唔錯,至少係我預期之上。呢度咖哩標榜唔落椰汁,又ok wor,冇咁"留",依晒成碟都冇頂住個胃的感覺。=] 塊雞扒真係要讚,夠香口又唔油,keep到肉汁食落唔乾!。塊雞扒仲好大塊tim! 鐵板燒北海道扇貝拉麵我覺得普普通通...個拉麵好像食緊彈牙d既福字麵咁..( 之後見到隔離幾檯都叫左麵,但轉左烏冬..唔通烏冬好食d??)d扇貝真係烤過再落麵既~味道ok,冇雪味。但呢個麵同我預期中有d出入....所以..普普通通啦我見到好多人都鬧叫間野d服務態度..唔,可能我去係tea time,少客d d waiter反應幾快,唔使3催4請係俾佢地企係隔離望住有少少唔知點lor..又撞o岩佢地d staff食飯時間,佢地坐埋一邊傾計都幾應聲,但都接受到既...不過之後佢地係鋪面打籃球..真係一班有energy的staff..haha..…Read More

朋友話想食上海菜,見食評幾好,未去過就去試下食後感想...一句講晒 - 失望知道呢間野多人,我特登早2日打去訂檯, 訂7點,十幾個人個staff話只係俾到一個鐘我地,多少少都唔得十幾個人都係一個鐘,有冇搞錯呀4人都要食9左字左右啦,十幾人先一個鐘,真係好離譜咁都都算嘞..去到食叫左十幾個菜...雞絲粉皮小籠包賽螃蟹香蕉高力豆沙...等除左上面幾個OK..其他食完都唔記得係乜..味道只係普普通通....有D失望食食下侍應係旁邊左望右望,極速收碟趕客又係咁提話之後有人訂檯,催人食呢個舉動真係好討厭結果,計埋埋單真係O岩O岩好一個鐘D服務真係「好」到呢.......拿,如果大家食完飯有節目唔遲得既話,我推薦去呢間呢度有人肉鬧鐘服務,好準時架但如果大家係想食餐安樂茶飯,呢間 唔係好選擇希望會見到改善…Read More