小花 flora's Profile

見openrice d comment 都ok，走黎試下。唔駛等位，就可以直接坐底叫野食。我地叫左cabonara 同煙三文魚三文治，份量都ok, 2個人食，超飽。個cabonara整得唔錯，好好味，仲好足料，但個三文治既伴碟薯條就麻麻地，太淋，太粉。…Read More

依家周圍都係新派既上海菜，傳統既買少見少，老上海係少數既傳統上海菜館，無論店內裝修定係食物，甚至乎店內員工都個個年過四十，但他們仍然努力為顧客服務，實在可敬。以前食既素鵝全部都係炸既，但呢度既素鵝係用汁煮既，冇咁熱氣，可以食多幾件。其他野食，我地至愛回鍋肉，好野味，又唔多肥肉，連揀任擇食既屋企人都鐘意。 仲有好少有既香蕉拔絲，但因為中秋節太多人，所以暫停供應，冇得食。…Read More

之前同事極力推介金龍軒雞煲，見佢出左團購，$98/位好似幾抵食，咪買黎試下。先講講環境，普普通通，一般工廠區食堂。餐具尚算整潔，但地下好滑，出入要份外小心。服務態度一般，可能因為任食任飲，枱面冇擺放水杯，要問侍應生攞，第1次問攞杯，個女侍應求其指個方向叫我自己去攞，但其實果邊係冇杯既，最後要再問另1個，先可以係另1個角落度攞到。至於食物，因為朋友唔食辣所以叫左唔辣，唔知係咪因為咁樣，成個雞煲只係得個汁杰，完全冇味，要求加番少少辣味，希望會d，點知待應姐姐叫我自己去調味區攞辣醬加落去，對佢呢個答案，真係O左咀。雖然係任食，但選擇唔多，質數亦都麻麻，肥牛超肥，超多根，唔食也吧。到最後，唔知係果度既職員定老細生日，佢地開大個卡拉ok係度唱，不停“恭祝你福壽與天齊……”，完全冇顧及客人感受，我地亦因為佢地美妙既歌聲轉戰第二度飲野傾計。今次用左openrice個網上訂枱，諗住儲下分，點知....明明到左，朋友先到亦有同佢地講訂左枱，但佢地只係不停問擺團購紙，完全忘記幫我按出席，最後雖然有再問佢地，但換來答案係....我地冇話佢知，訂枱已取消，冇得儲分。…Read More

見佢出左團購，買黎試下，係銅鑼灣百幾蚊for 2既set lunch都算ok. 食物同環境都唔錯，個fish and chips d薯條外脆內軟，值得一讚，但個忌廉蘑菇汁意粉就淡左d, 冇咩味…Read More