christyli_97's Profile

旺角的確有好多火鍋店舖，我哋一想OpenRice 見到有肉浦團，俾個名吸引左就去食晚餐個位置係有啲鬼鼠我哋叫左$248 套餐！打得邊爐湯底梗係要喺日本壽喜燒啦 依間嘅日本壽喜燒湯底都同日本一樣咁重味，一食以為自己係日本食緊壽喜燒邊爐🫕 Staff 都係好有禮貌，照顧周到，會幫我哋攞衫套套住大嬲，呢樣已經值得加分啦一黎碟牛肉，賣相靚，有塊牌仔展示每款牛肉由於我哋太中意食肉，另叫一碟安格斯牛小排，的確係再高一個層次嘅牛肉呢一款係我嘅牛肉推介任何價錢嘅套餐都會有自助吧！自助吧嘅食物都係seasonal嘅自助吧食物黎講，種類的確唔算太多，亦都唔算太特別，都有丸、豆卜、台灣腸、萵筍等等，但係。。。唯一有一樣最特別嘅係呢一間肉浦團火鍋有冰菜 的確唔多火鍋店會有冰菜為火鍋配料！大家嚟到食嘅時候，都可以試吓冰菜另外，我哋都試食左海蝦同蠔、海鮮都好新鮮所以大家都可以叫海鮮加餸嘢飲方面佢哋都有自家製洛神花烏龍同埋桂花烏龍、汽水同蘆薈飲品呢間新開嘅火鍋店舖黎講，座位好寬敞，裝修外貌都好舒適 最surprise 嘅係有甜品送，而Menu係無寫到會有甜品送㗎我哋叫咗原味芝士蛋糕同朱古力蛋捲今餐真係食得好飽又有驚喜…Read More

大角咀嘅高質西班牙餐廳🍴店舖裝修有格調，有個酒bar，燈光都好有feel 我哋叫左三道菜西班牙蛋餅蛋餅配薄薄Parma Ham，蛋餅裏面有洋蔥粒、辣肉腸、薯仔粒！一上碟係熱嘅，食落去好香蛋味，唔會太熟賣相靚Today’s special: 炸馬介休球炸馬介休球（Pastéis de Bacalhau）係葡國菜之一，而RuRu Tapas就用左西班牙style黎整每一粒都係欖形，金黃色，外層香脆，內裏軟綿還透有一點魚香味，能食到一絲絲魚肉 加上沙律醬，食落無咁油膩8安士牛排牛排係最正配上炒菇菇同西班牙Salads(番茄洋蔥粒加黑醋)，夾埋啲牛排一齊食，味道無咁膩牛排係五成熟！啱哂我口味俾足100分…Read More

今日係荔枝角接朋友收工，行過見到呢間潮食地Chill Cafe 晚餐餐牌係有各種唔同嘅炒麵、炒飯，當中都有小菜叫 價錢都好合理我哋睇完個餐牌之後，叫左三樣餸，有兩碗中湯，兩杯嘢飲客家咸香雞呢個雞就正啦！雞肉好嫩滑、咸香味係好重食呢個咸香雞，最啱配埋暖暖嘅白飯一齊食冰鎮咕嚕肉不嬲都好中意食咕嚕肉嘅我，菠蘿🍍係唔少得架啦！最緊要係冰鎮，不但開胃，而且賣相靚！用黎打卡簡直一流 配埋黑牛、雪糕紅豆冰，可以話係冰鎮3重擊茄子炒豆角既然又有肉又有雞，點少得菜呢 茄子炒豆角就係一啲經典嘅家常便飯嘅菜式！食完之後，都有種係屋企食飯嘅温暖 飲埋兩碗湯，呢個世界係太美好啦店舖裝修：顔色鮮明，環境舒服員工服務態度良好，又有笑容大家都可以經開荔枝角，入去潮食地食下！真係潮食小菜集中地…Read More

今日我同媽咪由沙田行去科學園散下心，諗緊去邊一間餐廳食飯，係OpenRice 揾到呢一間西餐廳🍴環境寧靜、裝修格局都寬敞舒適我地一睇到份Set Dinner Menu，我哋樣樣都想食餐包方面，並唔係普通牛油加餐包共有三種唔同嘅麵包🥯 橄欖粒麵包、軟軟白麵包、燕麥麵包外脆內軟、上碟嘅時候係熱嘅醬汁方面並唔係用普通牛油，而係用咗魚柳醬汁，揸上去外脆內軟熱辣辣嘅麵包上面食，真係好正Starter 1: 慢煮雞胸配牛油果沙律&法式醬汁法式醬汁好出色，甜甜地好開胃牛油果好甜加埋一啲醬汁同切到好薄嘅慢煮雞胸一齊食，簡直一流Starter 2 : 63度温泉蛋、蘑菇配黑松露油Green Lentil Bean(小扁豆)兩塊麵包片好脆 60度溫泉蛋一篤即爆好重菇味夾埋小扁豆一齊食，好有咬口啱晒我呢啲鍾意食菇嘅菇友Main Course 1 : M4 級和牛眼扒配野菌飯、新鮮時蔬及日式燒汁M四級和牛眼扒總共有五塊，每一件和牛眼扒都外皮好脆、牛肉亦都好嫩整得非常之好味，鍾意食和牛嘅朋友必叫啊Main Course 2 : 波士頓龍蝦扁意粉伴龍蝦汁波士頓龍蝦🦞啖啖肉、意粉除咗重龍蝦味之外，加咗萵筍同蘆筍一齊食好滋味Drinks : Latte純粹係想飲下咖啡☕️係咁寧靜嘅環境梗係要嘆吓咖啡Chill下啦Desserts: 梳乎厘梳乎厘好出色做到好soft嘅感覺，配埋水果仲有雲呢拿雪糕🍦呢一餐食得好滿足平時我哋想去沙田市中心到食飯，都會有好多人，而今日去科學園食呢一餐晚餐環境寧靜得來又舒服😌的確係唔錯同食得愉快嘅有少少似遠離繁囂嘅感覺…Read More

我哋太耐無食過唯一麵家，經過荃灣地鐵站，見肚餓就即入左去食午餐我哋叫左一個雙拼麵：唯一擔擔+無錫排骨配米線🍜 ($56)、酸辣湯加水餃🥟($50) 仲加左一杯豆漿($8)唯一擔擔+無錫排骨配米線🍜 唔好以為係平時嘅擔擔麵，花生味較小，反而重蝦米味越食越開胃，越食越滋味 加埋無錫排骨，酸酸地，肉又林又入味，簡直一流酸辣湯加水餃🥟 不但大大碗，而且8粒大水餃🥟 水餃餡料係韮菜豬肉 包你食得又滋味又飽肚 飲埋個湯同豆漿，別有一番唯一上海味道 大家有時想去食上海野，咁啱又係荃灣，不如走去試呢一間唯一麵家啦…Read More

我哋晏晝去左荃灣近福來邨嘅初見食午餐12點先開舖頭，我哋叫左Signature-香草吉列牛肉 （$128） 仲有一隻溏心蛋食，用舊肥豬肉放上去豆頭上面整啲油出嚟，就可以放牛肉上去燒而牛肉熟嘅程度當然因人而異一食入口，牛肉好香好林，外皮都係脆脆地！另外，我哋食完燒肉，當然要食返啲湯類嘅食物，我哋就叫左一個牛肉鍋定食 （$68）牛肉多，有椰菜、冬菇、豆腐、魚蛋、娃娃菜 等配料飲品方面，我哋叫左花茶同柚子蜜唔使加一，坐位同環境都乾淨舒服:) 大家可以去試下 都幾多人去呢間餐廳食lunch …Read More

今日去左屯門雅都商場一間叫雙辣嘅餐廳食lunch 呢間餐廳嘅外型設計好大中國風我哋入到去，見到大大小小嘅餐牌，一眼就俾自選干鍋餐牌吸引左我哋叫左孜然味道，小辣，配菜有雞件、花甲、炸鳳爪、豆卜、娃娃菜、雞髀菇當然呢一個干鍋仲有其他配料，例如有紫洋蔥、芫荽、花生等等，所有食物加埋一齊係好好食大大碗，越食越滋味我哋另外仲叫左酸辣土豆絲，係熱炒嚟嘅酸辣土豆絲好大碟，有蒜頭、薑、辣椒一齊炒，非常香提一提，呢一碟嘅酸辣土豆絲酸度較高，辣度就適中。若又喜歡食酸又中意食土豆絲嘅朋友仔就可以叫一叫啦另外，飲品方面我哋分別叫左王老吉同豆漿總括嚟講，大大碗嘅自選干鍋有驚喜，大家有興趣嘅，都可以去試下…Read More

近朗屏嘅一間泰國餐廳 - 湯泰我哋叫左一碟泰式蝦醬炒飯($48)、一碗泰式雞絲金邊粉($40)、一杯凍奶茶同一杯青檸梳打泰式蝦醬炒飯有肉鬆、臘腸、腰果、雞蛋絲，撈埋一齊食就更加好味，份量適中、賣相還好食落去都好香蝦醬味泰式雞絲金邊粉係屬於船麵嘅種類，食完一啖，飲左一啖湯，突然回想返泰國曼谷所食過船麵嘅味道越食越停唔到，一啖湯、一啖金邊粉雞絲嘅份量都好多，唔韌 一個字凍奶茶係泰式奶茶，茶味芳香、甜度適中，整體茶味濃度都還好青檸梳打，好重青檸味，記得攪勻之後再飲，味道會更佳員工嘅態度良好，好有禮貌呢一間餐廳值得一試…Read More

今日去左元朗 一番日本料理 壽司🍣絕非是一般日本壽司，Size 起碼大一倍相撲壽司，要用Jumbo 黎形容佢嘅Size唔只係壽司飯夠大，日本飯上面嘅刺身係仲大1. 天婦羅炸蝦壽司2. 蟹子沙律腐皮壽司 花之戀 芥末八爪魚壽司 (第一行從左至右) 辛辣三文魚壽司 京蔥三文魚壽司 (第二行從左至右)*特別選用新鮮嘅三文魚，切成粒辛辣三文魚壽司嘅辣醬汁係一番日本料理秘製出嚟3. 皇帝蟹柳壽司*呢一隻皇帝蟹柳食落已經超級甜，大大舊好抵食串燒1. 燒冬菇2. 燒牛舌3. 燒甜薯4. 燒雞腎*燒冬菇有鮮味*燒牛舌一啲都唔韌，林到成塊午餐肉咁添清酒煮蜆鳳梨乳酪*呢一杯鳳梨乳酪有椰果粒冬瓜龍眼茶*夏天飲呢杯冬瓜龍眼，消暑解渴餐廳嘅員工服務態度好好，壽司大大舊，包你食得飽大家不妨去試下啦…Read More

沙田河畔花園其實有好多好食嘅店舖，今次就去試下和氣食堂食日本菜我哋入到去望到Menu，真係咩都想食，咩都想叫3點刺身盛 - 有三文魚、甜蝦、活赤貝每一款刺身有三塊，新鮮厚切三文魚、甜蝦夠新鮮夠甜、活赤貝好爽口鐵板煎霜降一口牛一上菜就已經聞到好香，熱辣辣嘅牛肉粒，每一粒都好Juicy、洋蔥好甜好入味、仲有秀珍菇同冬菇、金菇，加埋蔥粒蒜粒，真係食到好滋味大阪豬扒丼賣相好得體，最適合打卡有木魚、椰菜絲、洋蔥、滑蛋豬扒、飯由頭食到落尾，好似一個小火山咁樣，呢個飯嘅份量二至三人都適合一齊share食芝士軟殼蟹卷不嬲都鍾意食軟殼蟹嘅我，點可以唔叫芝士軟殼蟹卷呢 上面有一塊薄薄嘅芝士、沙律醬同蟹籽、餡料有軟殼蟹同生菜絲，一口食落去，非常滿足田樂麵豉燒日本米茄子呢碟燒茄子，上面有麵豉同菇粒，一啖食落去，估唔到麵豉燒茄子原來都幾夾，意外地好好食千迴火鳥呢個好有氣勢，好有名堂呢三隻火鳥（燒雞翼）係辣辣哋，食落去會令你想追住食，呢一隻辣絕對唔係令到你想停口嘅辣員工態度十分之良好，間唔中都會幫我地斟茶 環境都整潔乾淨，店舖放滿左酒瓶同埋日本可愛擺設大家有興趣嘅話都可以去試吓食和氣食堂…Read More

而家無得去旅行都好，想去韓國嘅可以去尖沙咀韓國街到食韓國菜山林道有一間李家，佢嘅菜式係還原返韓國菜嘅味道令你好似去左韓國一樣無骨蜂蜜蒜蓉炸雞🍗 如叫有骨嘅話，價錢會平一啲，每一款炸雞同樣呢個炸雞不但炸得脆，而且啲汁係好足料，有蒜蓉同原粒蒜頭魚餅湯：我地叫左少辣，材料有豆芽、魚糕、芽菜，湯都好鮮甜，好好味配菜反而係送酸蘿蔔同椰菜沙律🥗飲品方面: Coronarita，係啤酒加檸檬汁，開胃醒神，酸酸地幾好味藍色多瑙河：一杯藍色嘅汽水，味道甜甜地，好啱打卡影相…Read More

今日我哋去左尖沙咀又近佐敦嘅Potluck Eatery 環境好舒服、乾淨、木色嘅格調，坐位位位置都寬敞明亮我哋叫左兩個Set Lunch (Week 4): 墨西哥辣肉醬熱狗配黑醋沙律及脆薯格 （L3）全日素食早餐 (L10)食物包括：牛油果半個、大啡菇一個、茄汁豆、黑醋沙律、牛角包一個、牛奶滑蛋、薯餅啱晒啲素食者叫嘅All Day Breakfast 啊另叫左一個 白酒忌廉汁大蜆 （A11）*Appetizer 會係2:30pm後先供應每一隻蜆都好大隻，好多汁，喜歡食蜆嘅人都可以試一試，味道唔錯野飲: Iced Mocha 同 Bailey Snow *Bailey Snow 係有少少酒味，唔飲得酒精嘅人就唔好叫呢一種Coffee啦…Read More

今日去左北角和富廣場個間Orange Elephant 泰國餐廳食午餐叫左一碗生牛肉湯河，可樂+$3一黎到個賣相都還好生牛肉都已經唔係生牛肉，係熟左嘅牛肉，仲有少少熟過頭，有啲難咬、有啲韌個湯底有紅蘿蔔、白蘿蔔、酸菜、蔥、芹菜、生菜菜脯，湯底同埋河粉一齊食就更加好味有機會嘅話，我都會試下其他麵餐或者午餐:)…Read More

今日去沙田個一間唐宮小聚食午餐，4點last order，可以坐到4點半先離座第一擊沙田乳鴿乳鴿味道還好，每人一隻，我覺得皮可以再脆啲就更加正第二擊小聚拼盤我哋total 叫左5樣野食黑松露雞、沙薑豬手、醬汁鴨舌、醬汁蘿蔔、雷椒茄子🍆每一款野食都係少食多滋味、唔同味道、辣得嚟好開戲胃第三擊脆蝦多士唔太油得嚟，多士夠脆、隻蝦上面有黑松露嚟調味第五擊焗鮑魚酥餅皮上面有黑松露菇來做配搭，加埋鮑魚一齊食仲好食，值得一試第六擊牛肉叉燒呢碟牛肉叉燒真係無得頂，好好食 塊塊牛肉都係五成熟、入口好juicy 必叫！！！！！第七擊椰皇燉雞係一個椰皇燉雞湯、飲完個人會好暖、仲可以食埋椰子肉第八擊熱情果水果茶依家天氣咁熱，飲番杯熱情果水果茶就啱晒，仲要咁大杯…Read More

今日我哋經過富健花園街市，行過一個巷仔，見到滿滿呢一間店舖，就入左去食嘢店舖內嘅裝修簡單舒適，環境衛生都好整潔乾淨滿滿係主打四川菜，飽肚之選就有麻辣同酸辣米線/紅薯粉 ($27)，有唔同嘅配料俾你選擇例如：豬大腸、豬腩肉、雞絲、魚蛋、蟹柳等等……仲有……點少得小食同小菜呢！而家天氣咁熱，食返碟涼拌皮蛋、涼拌蓮藕、涼拌豬耳粉皮，不但消暑，仲好開胃啊另外，重慶雲吞都值得一叫啊 雲吞皮夠滑夠薄，餡料有木耳豬肉，每一粒雲吞都睇得出老闆老闆娘嘅用心製作辣方面，係有Bb辣、小辣、中辣、大辣！佢嘅辣會令你想不停食落去老闆同老闆娘都服務態度非常好，好友善位置方面係喺富健花園街市內街，生果檔隔離大家都不妨去試下啦…Read More