Miji's Profile

之前係胡社生行的一間日式放題店食左個半自助午餐，食物好正多選擇棒住個肚走，1佰蚊鬆d食得好飽好滿足。 呢日見有時間再諗住回味一次，点知去錯左1樓(之後至知應去5樓)。呢間格局ok, 都係食日式放題，平日午市都有半自助午餐，最平定食是$58再加一，坐低左咁就試下啦。一出去個自助吧，咦？少左咁多野食既？又冇湯又冇糖水又冇沙律，叫做仲有白灼蝦，青口，蜆同螺高少少成本既食物。蒸籠点心係急凍蒸熱同唔好食的，炸物得雞宝薯條仲有一款忘記亦冇食到的。涼菜都係日式白爪魚仔海蜇那些。叫左個三色井有炙燒三文魚，蚝同鳗魚各3片放在一碗不太大的壽司飯上，味道是ok的。但此半自助餐是只包一杯飲品仲要同侍應点不是自取，唔知道既我攞左罐汽水要加6蚊。雖然佢俾你食2個鐘，但冇野好食之下，d自助吧野食又唔好食，未夠一個鐘就走了。最後加埋一$71走人。今次係我去錯左另一間，但諗住都係差不多質素及性質吧，点知係劣食，諸多限制又唔好食！我寧願俾多40蚊去樓上5樓雖然得一個鐘但自助吧多好多野食又好味，汽水雪糕都任食，食完好滿足而唔係一肚氣囉！…Read More

$38芝士蕃茄焗豬排飯包羅宋湯或盒裝飲品，即叫即整，仲要好大盒，d飯雖唔係炒飯底但唔會淋扒扒。$38焗飯雖同兩餸飯差不多價錢，但好味好多，比起連鎖店平成十幾蚊仲好食過佢，食飽好滿足。…Read More

見到食評及餐牌覺得幾吸引，但失望而回。午餐價錢係幾抵，但亦都換來低價既食物。卡邦尼火腿煙肉螺絲粉，個汁同買包日本即食白汁無異，不是卡邦尼。拿破崙茄汁焗魚柳飯，個汁好甜，好難食。鴨胸炒意粉，朋友話可接受。小食叫左一片薄餅，雖然OK但冇諗到咁細塊囉，朋友叫既烤雞同caesar salad反而仲抵食。凍啡要加$4，但好细杯，兩啖冇晒。熱啡OK。今次食完個lunch唔會再食，呢個價同區可以食得好味d開心d。知道而家成本上漲，唔求得咁多，但如果品質差，份量又計到咁盡，反而趕走d客。希望個廚會改善下d食物。…Read More

食左呢間餐廳好多次, 真的要寫個食評讚下佢.  首先, 佢地$33一個快餐包湯包飲品, 仲要份量多又好味, 係今時今日都已經唔知邊度有了, 即使深水埗街市既熟食中心食一個餐都要成$34, 何況佢地仲有湯送呢!!食左咁多次, 最鍾意係佢地既快餐牌裡成日見到既冬菇蒸肉餅, 肉餅份量大, 又滑又夠味, 真係可以用黎KO晒成碟飯呀!!  有時快餐牌又會有干炒牛河, 又係又大碟又好味呀!!  大佬, 炒粉麵都常都要成40幾蚊架, 有D仲更貴添, 而佢擺係快餐牌時連湯連飲品都係$33, 真係冇野好講.而今次催使我寫食評係因為剛剛上星期日去食LUNCH時竟然係快餐牌見到西檸煎軟雞, 第一次見到呢個選擇即時二話不說叫一客來食.  嘩!!  上枱時竟然同我地之前叫過一次係小菜價既份量係一樣咁多同一樣咁好味, 簡直喜出望外呀!!  所以個餐食得好開心, 因為覺得超抵食, 亦很多謝老闆咁益街坊, 多年來不加價, 亦冇減份量, 可知道數年前$33一個快餐叫做市場價, 但今時今日就已是超抵價了.PS. 呢個快餐係由11am到11pm都有呢, 真係好抵, 老闆抵讚!!…Read More

其實都是前一排食的, 但現在見到它的食評都要補讚它的美味.認識此店是透過雜誌介紹, 說老闆在新加坡學過煮喇沙才在香港開店.  所以知道自己會去新加坡前, 便先在此店試一次先, 才可以去到新加坡確定此店的水準同新加坡地道的味道有咩分別.我食的是牛舌喇沙, 因為食材不平同埋不是度度有得食, 所以想食.  新加坡是沒有牛舌喇沙, 但老闆創呢個牛舌喇沙都有成3塊 同埋煮得幾好食, 牛舌又香又淋, 啱晒我呢隻食肉獸喇沙最緊要湯底, 千萬不能hea, 求求其其咁無黎味道.  而呢間既喇沙湯底係好好味, 好濃, 好香椰汁味, 有少少微辣, 同我之後係新加坡食既湯底係差不多咁滯, 真係好驚喜, 因為可以係香港食到一碗新加坡味道既喇沙.  雖然$45係西九龍美食廣場算高少少的消費, 但是佢都好大碗下, 同埋如果驚唔夠, 落柯打時可叫老闆加多少少麵.  但因為我實在太愛過湯底, 所以飲晒, 食完之後飽晒.  希望老闆繼續努力, 喇沙專門店呢個名真係浪不虛名呀!!!…Read More

見到話幾抵食又近屋企, 所以去搵食, 見到下午茶餐又確係平喎, 自己叫西多士加熱飲餐只係$20, 朋友則叫左炸髀加薯條餐包熱飲$24.  真係平過連鎖快餐店呢!!!但是, 西多士一上枱, 係兩塊薄方包夾花生醬再係咁易炸一炸, 完全係半西多半麵包既狀態, 咁我寧願食番連鎖快餐店那塊了, 起碼好食D先啦 朋友的炸髀及薯條要成10多分鐘至到, 炸髀及薯條係即炸, 熱棘棘, 薯條炸到透晒唔好食, 茄汁偏酸.  炸脾OK大隻就抵食D.  朋友叫的凍啡小甜, 飲左一啖, 係凍小啡奶水 總括而言: 平得黎食物一般, 可以話麻麻........... …Read More

呢間麵店食左好多年, 當年都成日幚襯, 唔只平, 仲要係好食.因為食過其他餃子店, 但仍然覺得佢最好, 所以再突登去食懷緬一下我最愛的菜肉雲吞麵.  呢個年代, 大碗麵再加4大粒菜肉雲吞都係$21, 邊度有??  即使係其他麵食如牛腩, 牛什, 炸醬, 雲吞, 丸等既麵都係$21, 死未??麵店多年來都冇變, 裝潢當然唔能夠同譚仔, 翠華佢地比, 但有的是實力同衛生, 即使陳舊但感覺衛生, 不會笠次次的.菜肉雲吞係多菜少肉, 但好夠味的, 不會覺得很淡, 所以我很喜歡吃.  麵是蛋麵, 粉量足夠, 不是兩箸不飽那種, 湯底OK啦.  朋友叫了牛腩麵, 牛腩份量不少, 麵是生麵(可要求轉蛋麵), 份量好似比蛋麵少D啦, 但牛腩都不少, 偷吃了兩塊, 好淋好入味, 好正, $21真係超值呢!!!!!其實仲有佢最出名既豬扒麵 $23, 豬扒即炸, 薄薄的很大塊很夠味的, 當日好多枱都有叫, 同埋佢既担担麵都好食, 下次會再去懷緬下, 支持老店…Read More

繼上次去試左一次之後, 食過番尋味, 平安夜又一大班人去呢間餐廳再吃一餐, 貪佢可以間開一間房俾我地玩, 仲唔洗出去同人逼或趕住交枱咁趕嘛.  因為訂房, 我地仲索性寫定菜單, 唔洗煩, 當然佢地亦都好好人咁幚我地預算同設計菜單啦冰鎮新鮮八爪魚 - 聽個名唔多吸引, 但係食落就停唔到口, 好爽口呢!!XO醬翡翠雙蚌 - 夠晒惹味, 又係好爽口!!惹味生扣元蹄 - 好夠味, D皮好淋, 有好豐富既骨膠原美極香煎海中蝦- 呢碟係極推介, 食左幾隻清蒸雙海石斑 - 魚很滑, 很鮮沙薑焗龍崗雞 - 很大煲, 雞很滑但味道略淡干燒伊麵 - 濃湯鮮菌泡菜 - 最後連湯都飲晒真係睇唔出呢間野D餸咁有水準, 最後我地15人每人$220(連加一) 飽晒又坐足一個平安夜, 超值呀…Read More

係屋企附近開左一間很少在深水埗出現的意式餐廳, 老闆很大膽, 係呢個舊區舊街開一間咁星街或尖沙咀feel既餐廳, 俾個勇佢!!!仲有佢個名 - Miss Black Kitchen Original, 完全唔怕邪門, 一於叫黑小姐廚房, 邪門邪雖然深水埗近來都多左呢一類既型格西餐廳, 但以佢呢間係最開揚同平少少既價錢, 絕對有得揮!!  而佢既裝修襯番佢個名係以黑色為主, 同配上米黃色加上大玻璃透光, 唔係黑沉沉之餘反而又幾有格調, 所以先至吸引左我既注意力同去試佢既意慾.內部裝修都不錯, 沒有43寸電視直播高清翡翠台, 反而播放聖誕light jazz, 給人一種好舒服閒適既感覺, 很不錯.餐牌, 由$58-$88不等, 由$58-$88不等, 包餐湯或沙律, 主菜及一杯飲品我地選左肉醬長通粉($68)及白汁煙肉意粉 ($68).  湯就係甘筍橙湯, 見隔離枱的沙律也很大碟, 下次可以試下.  個湯份量亦比一般餐廳大碗, 雖然淡左少少, 但食到係用新鮮食材泡製, 配以數塊麵包沾黑醋及欖油, 湯與麵包都好味:)跟住係上主菜, 肉醬長通粉及白汁煙肉意粉選用高級餐廳的碟, 賣相不錯, 份量不多但剛剛好.  味道方面, 無其望既肉醬長通粉味道不錯, 但反而諗住好味既白汁煙肉意粉雖然夠juicy同煙肉份量都多, 但個sauce就略為偏甜, 美中不足哩最後上飲品, 一杯熱咖啡, 一杯凍咖啡(加$2), 如點cappacinno/latte等便要加$22, 加甜品如tiramisu都係加$20, 但我地都冇點到.個熱咖啡不錯, 同好似人地茶餐廳個杯咁大杯, 可以慢慢飲, 好抵飲呢!!總括來講, 呢間餐廳絕對可以再去, 食物有heart去做, 不會因價錢而將貨就價, 縮少份量, 而佢地只係比附近茶餐廳多$20-$30, 但就提供一個深水埗的世外桃源俾客人寧靜下, 嘆下, 完全係超值.  而且佢地侍應既service 係very good, 好有禮貌同有quality, 唔係茶餐廳既伙計, 係同其他高級餐廳冇分別的侍應 , 幾驚喜.  希望老闆繼續用heart去做, 加油…Read More

 平時好少去九龍城食飯, 係咁啱有朋友係個區新居入伙去賀一賀佢, 而佢話附近都有間中菜館新開張, 既然大家都係新加入九龍城, 一於去試下, 貪佢新開張人唔多唔洗等位喎8個人食左成$1100度, 又蝦又雞又魚等, 都幾抵食.  同埋就算碟碟都係惹味菜, 但又唔會好咸食完好口渴個隻, 唔錯, 有下次!…Read More

經YAHOO團體去食呢間新開酒店的早午自助餐($188 + $19 = $207).地點都算OK, 因為都係黃埔附近, 巴士易達.  裝修風格本人就很喜歡, 因為走年輕活力的型格路線, 很modern and hip.  因為咁, 所以佢地D staff都係很年青的, 同佢地既制服都係young and smart casaul, 都係個句, 好活力, 好有朝氣, 唔錯.去到1樓, 主題都係年輕同色彩, 配以強勁既dance music, 好特別, 真係非一般的悠閒寧靜的酒店.一去到餐廳已見全場差不多滿座, 因為大多數都係團購客, 但如果不是團購, 可能冇咩人知道有呢間餐廳呢!先巡下buffet枱, 最吸晴的莫過於係龍蝦鉗, 青口同凍蝦了.  龍蝦鉗係波士頓的, 隻隻都好大隻好多肉, 仲要係幾新鮮, 唔霉, 同源源不絕, 所以我都食左好多隻下, HAHHAA, 青口同凍蝦都好爽口, 唔錯, 唔錯.而之後再吸晴既係雪糕, 唔係Dreyer's, 就係Haagen Dazs, 仲有一隻係韓國既粒粒雪糕.  而其他食物就仲有中式點心, 中西湯, 少量熱薰, 麵包, 沙律, 即煮意粉及湯粉, 剌身, 蛋糕, 馬卡龍, 木康布甸, 葡撻, 朱古力噴泉等等.個人覺得除左係龍蝦鉗, 青口, 凍蝦, 蝦餃, 甜品係讚之外, 意粉, 剌身同其他食物真係麻麻地...........如果以團購價去食既都OK, 可以叫做嘆下一個brunch time, 如果係以原價$288仲要再加一的話就唔係咁抵食了.另外值得一讚既係佢地既員工, 好年青, 又勤力, 態度又好, 非常好!!!…Read More

見到食評至知有呢間野, 真背...........食評有讚有彈, 但始終都要自己試過至可比評語.裝修比其他粉麵店靚, 夠光猛同乾淨, 但亦如有食評話齌, 有陣味, 但又未至於係"押"味, 但又真係有陣味囉, 即使我已經唔係坐廁所門口.............叫左碗魚湯西洋菜餃麵($21), 麵係得上海麵, 可揀米粉或河粉, 要麵有5粒, 淨餃有8粒.魚湯係白色, 但係冇魚味, 係白色有少少咸既湯, 要加自帶的鹽至好味D, 佢唔叫魚湯好過.淡淡的湯加上冇味既上海麵, 真係唔多好食, 好彩佢過西洋菜餃好好食, 夠晒味, 雖則菜多肉少, 但勝在調味調得好, 又夠大隻, 所以拉番好多分.見佢原來可以買生既餃子, $20/1打, 在家打邊爐或淥麵一流!!!!  下次都係買生既西洋菜餃慢慢嘆!!!!!…Read More

新發現這間新食店, 係一對韓國夫婦開的, 淨係韓式炸雞!炸雞分4種味, 蒜味, 醬油, 甜酸及大辣. 佢地好叻, 識得擺晒4款係度俾人試食, 等你試過好食至幚襯, 我都係試食完先幚襯大辣好惹味, 亦好夠辣, 唔飲汽水唔得, 不過就真係好好味, 仲要夾左幾舊韓國年糕過你添呀, 真係抵晒!佢地分唔同杯唔同價錢, 我地食$28都好多舊下, 仲要啖啖肉, 冇呃秤:)絕對推介, 因為係正宗韓國人煮, 仲耍唔係貴(出面都唔只呢個價, 仲要係流水作業式同唔好食呢)!…Read More

行過好幾次, 因為有報導話呢間又係會結業既小店, 所以突然多人起來, 而知道呢間係好多人愛戴既食店, 咁我有試下啦去到鋪頭, 好香既炸雞味, 但外賣返公司食又點可以叫炸雞脾, 炸雞亦呢, 所以叫左熱狗同漢堡飽, 各$10.見到有個學生妹叫多醬, 我又唔執輸要多醬, 結果都唔係好多醬..............:(我見到佢地既熱狗腸係一包包既廚師腸..............唔係熱狗腸:(返到去一咬, 個飽好粉唔鬆軟, 再加廚師腸同唔太多既醬, 真係唔太好味:(同一質地既麵飽加一塊漢堡扒同小量茄汁, 夾埋又係唔好味:(因為兩個飽太粉既關係, 攪到平時3-4時要吃餅乾的我不需要吃餅乾但係一路食一路想起中環永樂園既熱狗真係好好味呢!!!!!!!!!!!!!!!!唔通去丹麥餅店只應該食炸雞脾而唔係食麵飽?????????????…Read More

因為呢間餅店同新假期有game玩, 所以幸運地可以有得免費試食佢既cake set - 2件mango roll, 1件macaron (價值$120).領取之前要預訂, 聽電話既女士好nice, 見到佢既真人都一樣好nice, 仲好落力咁推介佢地一磅裝既大size macaron, around $250.............叫我返去試左個細好食既就再返黎幚襯:)個cake set 一早已包好放係雪櫃, 返到屋企, 即刻影幅相同大家分享我冇即時食, 放左係雪柜第二日至食. 個mango roll好好味, 芒果好甜, 成個都好食 但個macaron就有d失望..............唔係唔好食, 而係個底濕左, 當初以為係我放入雪柜唔即晚食而導致, 但睇番幅相, 原來個底一早已濕, 因為有中間d berries, 可能攞番屋企途中遇熱已濕左................但係都好味架, 唔太甜, 不過餅店都要諗D計仔, 如乾冰保溫或即時食等等喇...................地點唔係難搵, 不過平時好少行去個度囉, 店舖裝修得好靚, 仲有個open kitchen可以見到個師傅整餅:)…Read More