好耐冇同老公去嘆下午茶，難得有時間，就試吓打電話去前幾年好難book嘅Butterfly Room ，問即日仲有冇位，好好彩有12點同5點揀，最後我哋揀咗12點，因為即日約，所以唔需要預先落訂。依個時間佢同咗首爾一間餐廳合作，所以食物方面同平時嗰啲唔同，冇咗出名嘅拿破崙。聽完Menu 介紹同確認我哋冇食物敏感之後就可以揀飲品。第一碟係兩個細tart，雖然食材係好靚，有龍蝦，但係因為太細件，所以都唔係幾食到啲味。食完之後，仲同老公講笑話之後可能再要食多餐。另外有一杯用椰菜花打成嘅mousse加魚子醬，味道幾特別。跟住就係三文治，basic嘢，但係幾好食。之後就係成個餐最靚最特別嘅甜品，噴晒煙，打卡一流。其實佢係芒果味嘅甜品都，幾好食。下一個都幾特別，因為用咗麵豉湯sorbet加peach。然後係下午必有嘅鬆餅，但係我覺得味道一般。再嚟幾款朱古力味嘅甜品，有一款個餡係車厘醬味，所以我都麻麻哋，另外一款榛子味嘅幾好食。之後就係望到都開心嘅朱古力餐車，任你揀嘅，啱晒仲未食飽嘅人。但因為食到太飽，所以都唔係試到好多。呢兩件都食唔到，因為真係太飽啦！總括嚟講，可以一試，但係應該好耐先會有下一次。…Read More
