AlfredSing's Profile

這家火鍋餐廳位於熱鬧的商業區，環境寬敞舒適，適合聚餐。這裡的火鍋選擇非常多樣化，可以滿足不同口味的需求。湯底香氣撲鼻，特別適合喜歡重口味的食客。新鮮的食材是這家餐廳的一大亮點，尤其是新鮮的蝦，肉質鮮嫩，口感滑順，煮熟後更是鮮美可口。此外，餐廳還提供各種蔬菜、豆腐和肉類，每一種都新鮮可口。特色甜品值得一提的是，他們的泰式糕點也非常受歡迎，作為火鍋的配餐很合適，讓整體用餐體驗更加豐富。價格方面相當合理，考慮到食材的新鮮程度和多樣化的選擇，性價比很高，適合家庭聚餐或朋友聚會。經Openrice訂仲有優惠！這家火鍋餐廳不僅提供多樣的火鍋選擇，還有新鮮的蝦和美味的泰式糕點，環境舒適，非常適合聚餐。無論是與家人朋友共聚，還是享受美食，這裡都是不錯的選擇！…Read More

成班朋友聚餐，餐廳真心唔差，回頭客。可惜已結業。## 日式放題食評### 環境這家日式放題的餐廳位於市中心，可要求坐卡位### 食物日式放題的選擇相當豐富，包括壽司、刺身、天婦羅、燒烤等。我們一開始選擇了幾款刺身，鮮魚的質量非常高。…Read More

見佢個店面企企理理，啲圖又唔錯就入去啦。老老實實，由入坐到賣單戈下都無咩服務可言，加水都無加，叫又無咩反應。但佢都有收加一，真係覺得有點唔抵。食品同飲品都無咩選擇，食物都係炸雞類，飲品得三款乳酸。我叫咗個炸雞飯（竹）同一杯芒果乳酸。成個便當得麵鼓湯係好飲，叫做有應有嘅味。個炸雞配三款醬，每款得勁少，點幾下都無，而且三款都係咸，只係咸嘅程度唔同。個炸雞不得不提，又乾又厚炸粉，基本上係食炸粉加油。炸雞店但炸雞唔好食，咁唯有期望下飲品，飲品個感覺完全係似溝咗水。唔係無味，而係淡而且似飲香精加糖水。所以個人覺得完全唔值。…Read More

食得非常滿足嘅一餐雞煲！間餐廳係女友介紹，戈日我哋一行三人去食。如果你係求靚裝修、靚包裝、酒店式服務，你可以另覓他處。但如果你自問比較實際，講求味道同價錢為主，呢度絕對係星級選擇！我哋嗌咗個重慶雞煲，小辣，食落咸中帶甜仲夾雜少少辣，味道不錯。而且雞件好厚實，唔係得層皮包骨嘅雞件。食完個雞煲好開胃，叫左唔少火鍋料，最驚喜係有響鈴（唔洗加錢）！！而且質素唔錯！！肥牛都不過不失，同出面大舖提供戈啲比有過而無不及。而佢其他配料好高質，啲灸燒芝士丸好好食，魚皮餃都唔係用劣質野。落單後出料好快，姐姐們都好nice，而且出料非常準！無少無漏！無收加一！如果同一啲同價大型連鎖比，我覺得你係侮辱緊呢間野。因為佢真係比戈啲高一截水準！任飲任食，足足兩個鐘！仲有WI-FI用，呢個價真係好值！好滿足！…Read More

要一個懶人特登關登寫臭一間嘢係好難，但佢真係完全唔值得排長龍食。我幫襯過兩次，一次買咗份乜乜蜜糖星星雞蛋仔，原諒我忘了個名。因為佢乜春味都食唔出，得個甜字，而且好硬，唔係香脆，係硬。無蛋香，口感又差。第二次係買嘢飲，顏色就好好睇，但飲落就係一杯不折不扣嘅糖水。老老實實，路德圍近荃錦戈邊有間食雞蛋仔好一千倍，唔開名費事俾人當打手。但水準完全係兩個層次！我只係洗了錢食了伏，仲望到咁多人排忍唔住要出聲。…Read More

我同朋友去食lunch，間餐廳唔大，由印度人打理。四十幾蚊一個lunch set，有湯，飲品就少少貴要加五蚊，特飲甚至要十蚊！ 點咗個炒飯同咖哩雜菜配薄餅 等嘢食戈時我望下環境，周圍都貼住印度啤酒嘅poster，電視不停播住印度歌嘅mv！啲女歌身材同樣都好好！！！（重點誤）個湯就無乜特別，咸咸地又甜甜地嘅菜湯。主菜嚟到！個炒飯味道比較淡，但無乜油膩感！重點都係想講個咖哩！咖哩個味道調得幾好，雜菜真係毫無賣點可言，三色豆為主 :( 但係咖哩汁啲味幾好！我後尾用啲汁嚟撈飯！我會期待有下次嚟食晚餐試其他嘢 整體感覺都覺得值得一食，啲服務好親切！ …Read More