ronkel615的個人專頁

星期六晚見呢間有位唔洗等就試吓，因為附近大部份食肆都要等位，點知就係中伏嘅開始先講服務，除咗個經理之外，其他樓面後生女職員都真係犀利👍🏻自問唔係要求店員要賣笑嘅人，但係佢哋啲「禮貌」真係由心而發出嚟。事源我落完手寫單，等咗好耐都未有嘢食，至少都10-15分鐘，直到隔籬有檯新客坐低，一坐低無幾耐就有嘢食，之後我就問店員有無落單，然後就見到佢就咁擺咗張落單紙喺經理後面。我諗最基本都講聲「唔好意思落漏咗單」，點知一句都無講過就行開咗👍🏻另外仲有就係嗌咗個酸菜白肉鍋，相信個煲都有返咁上下熱力，然後個店員放喺一個2歲小朋友面前，叫佢放另一邊就西口西面😂之後就講食物，嗌咗五樣食物：擔仔麵、肉燥飯、蚵仔酥、台灣烤腸同埋酸菜白肉鍋擔仔麵係幾好食，台灣腸都正常水平肉燥飯，我諗大家都expect係甜甜地，但係嚟到個肉燥飯勁鹹而且有少少辣椒碎，我唔可以講話好難食，但係完全唔係大部份人心目中嘅肉燥飯蚵仔酥還可以，但我諗幾十粒入面得5,6粒係比較豐滿嘅size，其他細粒過花生至於個酸菜白肉鍋就真係經典，酸菜唔酸，白肉厚切之餘仲要無切走層皮，我諗叫做腩白菜鍋就差唔多總結：peak hour唔洗排隊係有佢嘅原因🤣…查看更多

今日和朋友來到位於銅鑼灣的鮨逸吃廚師發辦Omakase。餐廳的環境十分舒適，我們選了「逸」的套餐，一共25品，再加一個湯和甜品，食物質素一流，高性價比，推薦大家來吃。北海道白玉粟米吃下去十分清甜，有冰涼的感覺沖繩水雲配松葉蟹肉絲攪拌均勻來吃有蟹肉的鮮味，因為加了醋，微酸的作為前菜十分開胃北海道活水八爪配草啫喱八爪魚片切得很薄，晶瑩剔透，中間的是吸嘴，吃起來很爽脆松葉蟹肉豆腐豆乳味十分濃郁，吃起來很creamy，加了魚子醬的點綴，帶出蟹肉的鮮味龍蝦刺身即劏起肉，因此十分生猛，師傅端上檯面的時候蝦頭還在動；而龍蝦肉爽口，味道較為清淡，適合蘸上少量醬油食用日本黑玫貝汁煮過後，咬下去爽口，末端部位像雞潤的質感和味道，可以吃出它的甘香味磯邊燒平貝撒上七味粉後微微辛口的調味帶出了平貝的香味深海池魚腩肉質和油脂分佈平均，不會太膩，有彈性的口感活赤貝味道鮮甜，口感幼嫩金目鯛炙燒外皮後很香口，吃得到魚的油脂香湯葉配三文魚子腐皮的豆乳味十分香濃，口感十分滑溜，有喝豆漿的感覺石桓貝是時令的刺身，一切開會自動反開，十分新鮮牡丹蝦刺身擺盤十分精美，蝦肉軟中帶點彈性，配以蝦膏燒成的醬，味道絕佳獨眼龍生蠔十分新鮮滑溜，過後味道仍能逗留口腔北海道象拔螃鮮甜爽口，有著回彈的口感北海道喜之次❤️燒完的魚油香十分美味，肉質肥美入口即化，不愧為魚王活北寄貝師傅拍打刺身表面會立刻收縮，十分新鮮；而青檸汁把剛才口腔內吃過喜之次後的魚油感覺變得清新吞拿魚醬油漬馬糞海膽兩個味道融合在一起，十分配搭紫海膽配上湯啫喱、三文魚子海膽味道比較清甜，配合上湯啫喱和三文魚子，味道剛剛好南非鮑魚配蟹膏麵豉鮑魚的肉質彈牙，味道新鮮，而蟹膏麵豉的味道非常濃郁，能令鮑魚更加提鮮酥炸香魚酥炸後仍然可以擺出站立的姿態，魚的頭尾部分微甘，撒上海鹽，味道香口大拖羅❤️師傅特意幫我們把大拖羅炙燒，油脂味十分香濃，入口即溶的口感一絕，再加上吞拿魚茸，能同時吃到兩種吞拿魚的烹調方法，十分滿足北海道白海膽比剛才的紫海膽更滑更creamy，配搭底下的炸海苔，有著多一重口感毛蟹配醋啫喱、食用菊花攪伴後直接食用，酸酸的感覺十分特別，而蟹的味道十分新鮮玉子布丁用日本蛋製成，微甜，滑溜最後以湯品和甜品作結。湯以剛才刺身的龍蝦頭熬成，十分清香；有著微微的秀珍菇和薑味及紫蘇葉香。而甜品方面，北海道夕張哈密瓜味道清甜，瓜肉軟綿綿，入口即溶。…查看更多

很久沒去吃晚市的我復出了，店舖格局寬敞。我選了白酒煮青口味道香甜白酒清香，吃下去青口新鮮，蒜頭及紅椒味道帶出青口海鮮的味道，同時配料味道不會過濃，不過喧賓奪主。青口煮得恰到好處，沒有過熟變硬。餐湯選了一個蟹肉蕃茄湯，蟹肉作為蕃茄湯的點綴酸酸甜甜的蕃茄味配搭蟹肉，口感不錯，蕃茄打成蓉煲湯，能看得出餐廳的用心。黑松露海膽扁意粉送到枱上時已經有重松露的味道，用料絕不馬虎，另外可見海膽份量十足。基本上每一口意粉都能夠吃到黑松露及海膽的味道，十分滿足，然後再喝下一口白酒能夠一解油膩感。燒春雞配薯蓉，烤雞是原隻份量十分大，雞皮香脆肉汁在雞肉溢出，令人垂涎三尺，雞汁精華落在底部薯蓉，讓薯蓉也含有淡淡雞香味，值得一提的是雞脾及雞胸已去除了大部份骨頭，方便進食。朱古力心太軟配杏仁布甸，杏仁味很出，感覺像豆腐的感覺，入口即溶，朱古力心太軟熔岩式流出來，心太軟上還有金箔，朱古力漿充足適合喜歡甜點的朋友們。Mocktails 芒果口味感覺清新令人精神一振。…查看更多

這間店舖雖小，但五臟俱全。一進店內空間並不是很多，大概只有十個座位，座位都是吧枱的形式，一眼便可以看到師傅煮食的情況。我和朋友在餐單的眾多拉麵中，朋友選擇了德川將軍拉麵，即是醬油豬骨湯底，醬油味香濃是重口味的至愛，不會是醬油味的死鹹，鹹中帶有少許甜。拉麵的重心如果不是湯底便是叉燒，這裏的叉燒的屬於薄身切割的那種，肉質軟腍，不會很韌。我自己選了的是豐臣將軍拉麵，即是四國香葱油湯底，足料的葱讓湯底帶出一種葱青香味，個人十分喜愛可以一減拉麵油膩的感覺，相信香葱能夠為大家帶來清新的感覺，另外溏心蛋的拿捏也很好，半熟程度可以沾在麵上。最後的便是日式煎餃子，可能大家餃子沒甚麼好介紹，我認為最重要是餃子皮必須夠脆，這是店舖做到的，而且咬下去的時候內裏的肉汁仍然滿滿存在，實在值得一試。…查看更多

一間很有格調的日式餐廳，走居酒屋路線。這次選了一個特上手握壽司拼盤，有長長的鰻魚，入口肥味充滿油脂味道，另外帆立貝都十分新鮮，飯較細適合食量較少的朋友，玉子凍凍的非常開胃。100g 日本產霜降A4和牛西冷部分，先在枱上磅好才烹調，入口即溶，旁邊配有鹽、蒜及芥辣，喜歡吃和牛原味的我便不用加其他東西，直接吃掉。Firebird牛肉串燒盛盒，中間的雞頸像豬頸肉般味道較濃及肥美，另外自家製免治雞肉棒可配鮮蛋黃，最為吸引，日本醬汁加上鮮蛋黃不俗。最後，便是生蠔，大大隻新鮮，士多啤梨冰沙，不會有很多大粒的冰在其中。…查看更多

這間很有格調的餐廳，很適合三五知己來共膳。這次和朋友選了一個二人餐，有餐湯、沙律，主菜2個及甜品。餐湯是粟米湯，餐廳自己把粟米打碎再煲，有香濃的粟米味道配搭蒜蓉包，使用恰到好處的蒜蓉，不會吃後出現口氣問題。沙律是一個比二人多少少的份量，蜜桃蟹肉藜麥明太子沙律，個人認為蜜桃香甜配藜麥能夠有fresh的感覺，另外蟹肉再加明太子醬令沒有太多味道的藜麥容易入口。主菜選了澳洲安格斯肉眼7成熟，烹調得內裹粉嫩，肉汁香濃，就算不沾燒汁也很有牛味，加上配菜讓肉汁浸透蔬菜，實在不錯，在羽衣甘藍下更是紫薯打蓉。另一主菜則是脆炸吉列廣島蠔冬蔭意大利飯，本來以為冬蔭公配意大利飯會好奇怪。誰不知酸辣口感的冬蔭恰好中和牛扒及炸蠔的油膩感覺。最後薑味汽水附上甜點作一個完結。性價比高，值得一試。…查看更多

這次去了一間友善寵物餐廳，一進餐廳便有很多人在排隊，大概等了10分鐘便可以進店內，一進入店內便看到不同寵物。這間打卡餐廳很適合女士們來同友人chill一下，這間餐廳分3個區域。我和朋友選了一個燒牛肉紫洋䓤沙律，有少許辣的是來自它們的沙律醬像泰式辣醬般的，吃起來十分開胃，加上菠蘿亦是燒過的十分香甜，另外燒牛肉剛好，不會過韌。另外，選了個主菜分別是60度溫泉蛋卡邦尼意粉，溫泉蛋流心配搭忌廉味道濃郁，然後吃下去有淡淡芝士味道，而且醬汁掛麵口感豐富。另一方面選了一個巨型豬扒拼薯菜，來到枱面真的很大，有點擔心豬扒會否好韌，誰不知豬扒仍然有彈性，相信大家都明白，如果要煮這麼大的豬扒是有難度的，薯菜新鮮炸起不錯。最後選了兩杯飲品，分別是多一士不如少一士（士多啤梨沙冰），另外，很適合打卡的戀愛預告。…查看更多

是日去到荃灣香車街街巿附近食晚餐，夜晚6點幾已經見到店舖內有唔少客人，而且泰菜menu望落又幾適合我口味，於是就決定試一試。兩個人叫咗四份餸菜，包括黃咖哩牛腩、薄餅、大蝦金邊粉同炒椰菜苗，每碟份量都幾大，兩個人食係難以食得晒😂估唔到黃咖哩牛腩係有驚喜，驚喜在牛腩煮得夠腍，腍得嚟又唔會令到啲肉好散，亦無一件會煮到好韌。因為一般喺泰國餐廳食到嘅牛腩都係好硬，所以今次真係膽粗粗咁去試，點知又幾好食👍🏻食咖哩當然要配埋薄餅或者多士，不過薄餅質感係脆身，同我理想中軟身嘅印度薄餅有出入。個人認為脆身難以沾上咖哩汁，令薄餅無咁索味，所以建議大家叫多士比較穩陣。基本上食泰國菜我只會叫蝦醬炒飯或金邊粉，今次叫大蝦炒金邊粉，甜得嚟帶少少酸，再加上炸蒜、青檸汁及其他香料，味道非常吸引而且極度開胃！大蝦新鮮，食落彈牙爽口，唔似用急凍貨，呢碟粉值得一試👍🏻炒椰菜苗味道就普通，可能唔用蒜，用馬拉盞會更惹味😋飲品只點一杯蕃石榴特飲，可以加酒精或唔加都得，因為今日揸車所以就無加酒精。味道少少苦澀，但從中散發住一份甜味同果香，幾好飲。整體嚟講食物質素係高，至少對得住個價錢，不過座位就比較狹窄同埋張枱比較細。…查看更多

阿叔泰麵是日早收工，即刻仆住去食阿叔泰麵，原因係平時一到7點幾8點晚飯時間，又或者星期六日就好難食到，因為太多人排隊，加上大熱天時更加唔想排隊，所以難得早放工就去食返餐。不過時間太早，未算好肚餓，兩個人叫一碗牛肉船麵、一份豬頸肉同一杯香茅菠蘿特飲share。牛肉船麵質素一如以往，牛骨湯香濃、牛腩夠腍夠入味、牛丸爽口彈牙，個人最喜歡就係麵上面嘅炸豬皮，當係小食食的話一定會食唔停口。厚切豬頸肉食落唔會韌，肉汁依然保存得好好，配埋泰式辣醬食就無得輸。香茅菠蘿特飲，酸酸甜甜，香茅味又唔會過份濃而搶走菠蘿味，夏天飲的話解渴一流。…查看更多

今日約咗老婆收工去尖沙咀行街食晚飯，由於唔想食火鍋燒肉同普通西餐，於是就搵咗間印度餐廳試下新款式。入到餐廳就見到張長吧枱，有不同種類的酒精，亦有調酒師在場，而且設有露天雅座及貴賓室，如果收工同朋友食飯飲酒，相信將會係個不二之選（可惜當日下著大雨，未能到室外參觀）。此處樓底不算高，不過地方寬敞，令人感覺一樣舒服。頭盤方面點選了一份新德里懷舊三式小食拼盤，坦白說呢份小食拼盤真係未必適合香港人口味，事關汁醬太多，有點媗賓奪主嘅感覺。其實本身小食味道係非常可口，作為餐前小食或送酒小食係唔錯，但如果可以適量調配醫汁比重，本人會更加喜歡。不過作為一份傳統小食，唔知餐廳又會唔會作出改良去迎合本地人口味呢。主菜方面，點選咗兩款，第一款係西印隻德省慢煮羊肉咖哩，再加配蒜香烤餅。咖哩香濃，雖然餐牌上寫有兩條辣椒，但實際上並唔太辣（本人唔太食得辣），羊肉經過慢煮處理後，肉質幼嫩，唔會好韌。至於烤餅，我認為係非常出色，原因係因為以往食到的印度薄餅都係好厚身，感覺似食麵粉多過食薄餅。但係今次食到的唔太厚亦唔會太薄，而且脆身，配上咖哩食簡直係完美！除了印度主菜，仲點選咗一款地中海菜式「摩洛哥烤紐西蘭羊架配石榴汁、薯蓉及彩虹甘荀」，值得一讚係羊架本身品質好，食落完全冇羶味，而且廚房烹調功夫出色，羊肉唔會過熟，食落軟綿。不過石榴汁又好似唔太食得出係石榴味，有點似燒汁，配落薯蓉度食又非常之夾！整體來講係值得再食，下次頭盤會叫返沙律或者雞肉小食試下！…查看更多

是日晚上同老婆去到有「天橋之城」之稱嘅荃灣食晚飯，喺如心廣場見到The Point個餐牌係主打老婆最愛食嘅龍蝦，二話不說就入去餐廳。由於限聚令關係，餐廳人數始終唔算多，所以唔會坐得好迫，環境方面夠寬敞，令人幾舒服。頭盤有一份龍蝦紅菜頭沙律以及各人一客龍蝦湯，紅菜頭沙律係我第一次試，感覺非常清新而且酸酸甜甜嘅味道帶來醒胃嘅感覺，龍蝦湯味道濃郁而且稀稠度適中。下一道菜係火焰焗釀龍蝦pizza，當中帶有車厘茄吊味，讓整個pizza味道唔會太過單調，而且鹹中帶點酸甜，芝士唔會變得太過滯。3選1 main course選擇咗龍蝦香草risotto，外觀色澤來說非常吸引討好，龍蝦肉嫩多汁，意大利飯汁香濃，整體而言係色香味俱全。如果鍾意食龍蝦的你，不妨試試如心廣場呢間The Point。…查看更多

今晚收工同老婆去到荃灣撐枱腳，見到呢間火山燒門口有條人龍排緊隊，而且全部都係後生仔，睇完menu覺得幾吸引之後決定排埋一份試一試。各人叫咗一個主菜，加$29可以有套餐，沙律同湯雖然份量唔多，不過味道唔差。至於串燒就係日式雞肉串，我覺得如果可以轉做雞軟骨的話應該會更加引。金標和牛肩胛肉眼200g牛肉嘅生熟程度，任由自己發揮，可以一邊食一邊煮，確實係一種樂趣。塊肉眼牛味非常濃烈，煎到5-7成熟就最好攞起件牛扒等佢rest下。因為如果繼續放喺石上面燒，好快就會燒到全熟，肉質就會變韌。另外牛肉配有兩隻醬料，一隻似燒汁，一隻似泰式酸辣醬，不過我自己習慣食牛扒盡量唔加醬汁，因為我比較喜歡食到牛嘅味道。安格斯肋腰背滑蛋丼呢碗飯真係要讚，啲安格斯非常好食，我覺得好食過塊肉眼，肉嘅熟度大約係7成，食落好有肉汁，牛味重，而且牛肉厚薄適中。滑蛋就略嫌有少少失色，食落唔太滑，有少少過咗火喉。不過整體都好食，因為啲牛真心好食。服務質素唔錯，侍應反應都好快，值得一提嘅係上菜速度非常快，基本上兩個人食半個鐘就食完😂下次再去的話，我會試下食蛋包飯，望落都幾吸引👍🏻…查看更多

趁着平日夜晚，特意相約朋友打邊爐聚聚。朋友在荃灣工作，最後左思右想，決定到一鍋堂試試。電梯一開，沒想到平日晚市，店內竟然熱鬧非常。放眼望望，幾乎滿座，打邊爐果然係要熱鬧啲好！我哋選擇了120鐘火鍋放題特選B餐，跟餐有十多款湯底任君選擇我們選了胡椒豬肚湯及芫茜皮蛋湯。胡椒豬肚湯帶微微的胡椒辛辣，豬肚件同酸菜份量十足。而芫茜皮蛋湯亦是足料的一大扎芫茜，配埋皮蛋，絕對是芫茜控至愛。用手機掃QR code落單，火鍋料很快就送到。兩份牛肉都借得一再Encore！封門柳肉味重，口感厚實，適合我呢啲重口味人士。而牛小排就油感重一點，口感較嫩，兩隻牛肉梅花間竹咁食，絕對感覺滿足！竹笙夠長，用黎吸湯汁一流，入口一刻湯汁滿溢。雞件新鮮大件，食落嫩滑，唔會有雪味。打邊爐點少得海鮮！今日的是日海鮮是沙白，雖然細細隻，但勝在夠鮮甜。脆鯇魚腩亦係我嘅最愛之一，同樣係細細件，但爽口又彈牙，食過返尋味。一鍋堂係我少數見到有羽衣甘藍同冰菜食的火鍋店。冰菜唔係人人喜歡，但它的口感特別，真是一試難忘。除咗食物，我覺得全晚最令我印象深刻的是這樽自家製飲品。這樽冰糖燉檸檬帶微酸，甜度剛好，加上外型極之igable，朋友們都爭相用來打卡。整體而言，是晚十分滿足，絕對是高質的火鍋放題。…查看更多

此食肆主打星馬美食，我相信元朗區內冇乜類似嘅食店，而且仲係良心小店，不過座位比較迫，同埋太多人食就等得比較耐，唔太適合活潑好動小朋友或年邁嘅食客。招牌海南雞飯，望望雞皮同雞肉之間嘅透明啫喱，就知道皮爽肉嫩，配埋辣醬同黑豉油，再加油飯，整碟飯都非常香濃。招牌喇沙，呢一份比較失望，椰香味唔夠重，米粉完全唔索味，非常奇怪。印度薄餅，新鮮滾熱辣，配上咖哩汁，香脆可口，餅身唔會好厚，值得一試。鮮油咖央多配斑蘭，多士夠脆但唔夠熱，斑蘭味唔算太突出。整體質素唔差，下次會試埋其餘咖哩飯，因為望到其他食客食得幾滋味，賣相亦唔錯。…查看更多

見到openrice有咁多好評，而且又屬於中價日本菜，今日放假就去試試晚餐。先講服務，我唔知間居酒屋係咪唔休做定還是做開熟客，年青店員態度惡劣，事關鋪頭寫6點開門，但我6點15左右見到掛住個牌寫住「準備中」，然後我就問職員：「唔好意思，我想問下開門未？」，個職員望一望個牌之後就答：「開囉」。😒作為一間中價嘅餐廳，但就提供比快餐店還要差嘅服務，真係希望佢哋可以改善一下。再者，入到去無招呼無介紹餐牌，係好彩後來有位年紀大少少嘅店員比較有禮貌。佢每個時段都有唔同優惠，我屬於早段所以就有小食半價同埋酒精類折扣，不過我有揸車所以就無叫酒。刺身就有兩個超值之選，餐牌上面都有唔同種類嘅刺身、壽司、串燒及其他熟食。小食我就點選咗雞泡魚干同炸魷魚鬚，雞泡魚干係燒得唔錯，唔會柴皮同肉身唔會太乾，食落有少少肉汁，作為送酒小食的確幾好，而炸魷魚鬚係炸得香脆，可惜食落唔多覺有調味，如果加返少少鹽或者其他調味粉，食落會更惹味。刺身盛，海膽得個盒加日本字，唔清楚產地，食落一啲都唔腥，但係就唔算好creamy。帆立貝刺身唔太新鮮，赤貝爽口都算唔錯。兩隻生蠔好瘦無乜肉，海水味好重，亦都唔知來源，廢事同店員有太多交流。至於香箱蟹，雖然等到耐，因為要蒸完再拆肉，但係就絕對值得一試，蟹肉清甜，蟹膏香濃唔會腥👍🏻串燒只係點咗免治雞肉串，雞肉撈得唔錯，可惜嘅係本身肉串上嘅醬太鹹，搶走咗雞肉味同蛋黃醬嘅味道。至於壽司係用赤醋去做，不過食落就唔算好重味。…查看更多