meredithmoumou's Profile

今日同朋友係長沙灣荔枝角呢邊，搵餐廳食野，近近地就係Aeon入面，試食呢間籽泰，一睇就知係泰國野，望落餐牌選擇同價錢都唔錯，而坐低佢果張墊枱嘅係兩set到會套餐，性價比望落應該唔錯。而今日我自己食嘅係以下呢一個餐，整體中規中距，並沒有什麼特別或者唔好，而我自己覺得令我有feel嘅係炸豬皮啊！呢個surprise到我，其他就普普🙃至野飲，跟餐免費送嘅龍眼冰，ok～～價錢都還好，不過提提大家另收加一服務費哦～…Read More

呢排都係海盈邨附近返工，一向都近近地食就算，不過附近有間一直食開嘅仲要執埋。。。聽講太貴租。。。今次就跟朋友仔過黎試下和平餐室，同幾個朋友黎幫襯，我自己點左下面呢個😬個名好特別嘅不過我唔記得左🤣🤣食落堅唔錯，炒飯底幾好食，雞排夠哂大塊又唔會整到好硬身好柴口，個汁特別得黎又幾好食，而我覺得最得意嘅係佢個炒飯上面有幾粒提子乾，畫龍點睛就係靠佢！整體相當唔錯，不過都係個句🙃係屋邨一個飯跟野飲要7字頭有少少貴，by the way佢一黎就上個餐湯都幾ok ge~~完！有機會會再黎食下其他野😛🍻…Read More

咁岩出灣仔呢邊，朋友帶路幫襯尚青商號，由入鋪到上麵之前一直都好有期待🤐睇完openrice ，自己點左份大家都好評嘅埔里花鵰半筋半肉寬麵，朋友點左其他麵食同刈包。。。整體而言，我只可以話真係普通，佢有跟啲小伴食嘅，中間份炸點好油，其他唔錯食。至於都方面，花鵰味都唔錯，唔會死重，其他就一般，我覺得純粹食物黎講唔值呢個價錢，相對黎講係偏貴。。。應該食完呢一次，如果唔係有朋友咁岩約食呢間，都唔會再試🤣不過又唔會拒絕嘅～只係覺得唔值啫！…Read More

琴晚同朋友係油麻地做完野，跟住帶左我去生記食粥，平時都有係其他食開粥鋪，不過呢間食落係有啲特別，我同朋友點完粥之後，我朋友話呢度啲粥食完唔會口乾架，果下都係聽完就算！我點左份鯪魚鮮雞粥，唔記得個名係咪咁🤣食落真係有啲surprise😍我一撩，好多料。。。8舊魚肉仲有好多雞，雞食落係岩岩熟好嫩滑，仲有少少酒香味，堅好食！！！魚肉都一樣好好食😬粥低都好甜好清，食完又真係唔會口乾，有少少美中不足嘅係料多粥少🤣無計。。。哈哈！…Read More

前排朋友見到大學站呢度有間餐廳未試過，話搵日早餐過黎試下啦，今日朝早開工前終於黎試食一下。整體各方面都唔錯！由醫院大廈門口入去，唔入到去都唔知有呢間野，個名仲要咁特別～～整體望落環境分數起碼都高先。。。我哋三個人過黎食早餐，影就影左兩個餐，食物質素高，價錢都唔算貴，亦都唔會話平，咁睇返醫院位置都正常嘅，如果你係職員或者中大學生都有優惠嘅～可惜我無帶證😂😂呢個西式魚柳餐，呢排鍾意試唔同餐廳嘅魚柳餐，整體算中上，食得出即點即處理，讚👍三餸麵餐黎講係平同埋幾好食，餐肉大大塊，好味，雞排都係即整，皮係脆嘅👍整體暫時睇落可以比幾高分😬…Read More

成日夜晚係粉嶺游泳池游完水都想試下食呢間，終於琴晚早游完過黎仲未截單，就過黎試食啦！馬拉茶黎講整體水平中上偏高，但未係最好，覺得好好食但仲係有一間天花板存在會覺得佢未係最好🤣琴晚點左一個套餐同啲小食，整體價錢合理，不過不失😌馬六無骨海南雞飯拼新加坡喇沙一個套餐可以食到海南雞油飯加喇沙，正！雖然喇沙量少，但兩個人食加小食，完全夠哂！一個人食嘅話唔洗加小食！食完喇沙同海南雞，仲可以試下喇沙湯飯🤣榴槤咖央多士望落感覺就係多士，不過食落味道又真係唔會令人吐嘈😛娘惹蘿蔔餅望落去非常之油膩，但食落去唔會，整體感覺幾好😬椰子班蘭冰，幾好飲，不過無特別感覺🤣唔係配餐可以平啲加點唔會特別點黎飲🙈整體兩個人食，價錢真係唔算高，又可以食到好多唔同野，開心！係粉嶺終於有間似樣嘅馬來西亞餐廳啦😆😆不過我。。。都係覺得佢啲小食有少少貴🤣…Read More

自從返呢份工開始，日日朝早都係沙田排頭村呢邊出現，偶然都會係排頭餐廳食下早餐，你要話排頭餐廳真係好好好好食，又講唔出，不過真係一直都維持到佢嘅質素，同埋真係咁耐以黎都未見到出現過狀況，同埋真係黎多左，食多左，係會有人情味嘅出現，平時都食開麵餐，今日試下其他野，食下個吉列魚柳餐先賣相相當之唔錯，食落都幾好食😬醒起食左咁耐，都可以接近0負評，入黎幫佢寫返篇先！讚👍👍不過呢。。。偶然個爐會壞左，攪到淨係可以餵烚蛋🤣🤣…Read More

今日又過黎鴨脷洲附近呢邊開工，平時都無過黎呢條街度食，好少過黎不過又搵到好野食啦😬越南野食其實唔算多，好食嘅就更加少見，雖然好似周圍味道都差唔多，但係一食落就感覺到分別架啦～呢間細細地但係真係幾唔錯！一入到黎環境唔算大，不過好企理～店員都好nice，個姐姐仲驚我哋班佬唔夠飯食，叫我哋唔夠食同佢講🤣其實佬都未必大食架😬我自己食呢個西貢拼盤飯加凍奶茶～拼盤飯入面幾樣肉食，已經可以睇到係咩料！札肉最正，味道口感都岩岩好～成個飯整體都好好，唯一少少挑剔位就係個卷炸得有少少油。。。其他幾個朋友食嘅野無影到相，不過感覺都唔錯…Read More

呢間係鴨脷洲嘅西式餐廳，呢排經常過黎幫襯，一開始頭兩次對佢無咩感覺，但係食多幾次發現都幾唔錯既。。。不過問題就係好特別，明明西式餐廳，但係我哋成日過黎食佢啲中式午餐🤣通常50蚊包埋飲品，算係幾抵食啦！今日又過黎附近做野，成朝都無咩野做，咁十點幾行過黎諗住早啲食啦，先發現佢開11點半🙈咁就等佢啦，途中職員都好友善唔會嫌我哋阻住佢哋開鋪。照舊食午餐set，今日係上果陣睇落好少，對於我呢啲大食之人黎講。。。不過食落岩岩好😊味道各方面都唔錯…Read More

今日繼續係港島區做野，過黎海怡呢邊食野，今次食周圍都有嘅意樂。我點左個鴛鴦扒飯，係呀！你無睇錯，望到一塊係面，雞扒切件加埋有3條，同3隻手指一樣大。。。食落去唔錯嘅，汁同飯都好好食。個紅湯咸到呢，飲埋杯野都頂唔住。然後一路食一路食，聽到遠處有人係度講：「嘩，呢塊西冷黎架？咁大塊啊。。。」聽落都知咩事🤣🤣而家啲肉應該好x貴，食落聽落好多怨聲哈哈！我呢set59蚊，我覺得。。。呢。。。點嘅野食唔貴，食落去又ok ge，嫌雞扒細左啲啫！…Read More

今次開工出黎香港仔搵野食，原本諗住食燒鵝，點知無位停車。。。最後過左黎果然冰室試下，一入去客都無隻。。。都無咩所謂嘅，坐落零零丁丁開始有啲一個人嘅客入黎食，睇落似街坊。但係各方面都真係唔錯，無論環境，服務態度，野食，同埋價錢，我覺得都真係好好！！完全唔知點解會無客。。。我自己係食咖哩雞扒加凍奶茶少冰少甜，咁樣一set58蚊，件雞扒又真係極大件，正！無得頂，係呢頭咁嘅價錢有咁嘅質素同服務真係希望呢啲餐廳多啲人知同多啲生意啦😬…Read More

呢排成日係海怡呢邊出出入入，咁又一定走唔甩就係食譚仔啦～不過都唔係食得太多次，呢間今日第二次食！每一次我都係食過橋米線，實無走雞啦，料次次都係果啲～咁問題就黎啦，應該每一次味道質素都一樣架嘛，但係今日食呢，啲肉嘅質素問題就feel到哂啦！今日嘅肉比起上次又硬左少少un左少少，問題都唔係太大嘅，不過有feel囉～～每次都係食過橋米線清湯，今日第一次轉下口味，試下湖南酸辣，結果果然同想像中一樣，出哂汗係咁洗鼻水😂仲出少少眼水添🙈不過整體嘗試覺得唔錯😬…Read More

呢排都係港島區做野，日日周圍搵野食，過到黎海怡，食左幾日都唔知食咩好～跟住今日見到車仔麵就諗住試下啦😬就黎左食八妹啦～八妹車仔麵整體氣氛都幾懷舊下，不過好整潔舒服。而大食一族唔洗諗直接食八餸大碗麵＋咸檸碧真係好大碗，好多料，食落又唔錯，我自己最鍾意佢蘿蔔，好甜好有味，豬紅雞翼尖都唔錯食～咁樣食埋單74蚊，略貴不過還可以接受。呀姐仲比我哋試佢個新醬，對於淨係鍾意辣嘅朋友黎講，佢唔鍾意，但係我呢啲鍾意麻辣嘅就覺得幾好食下😬…Read More

近期個幾月都係海洋公園附近返工做野，落車一定要搵野食架啦！食左一排街市之後，為求方便，轉左黎盛德呢度食，每日都係食沙爹牛餐腸麵，凍鴦/茶走，整體無咩特別，都食得下又平，30蚊出頭。近排同事話菠蘿油唔錯，食得下，今朝我都試左下如果唔仔細去講呢，睇落食落都真係幾唔錯，幾好食嘅，仔細講呢就成個好軟熟，食落都好舒服，味道都唔錯，不過呢就食落唔似菠蘿包，塊牛油望落幾厚，但係好細塊，另外就係如果大大啖聞一下呢，會聞到有陣唔知咩味，應該係塊皮果陣味，都幾勁下。。。完。。。…Read More

今日出香港大會堂聽concert，咁一定要搵野食先架啦！朋友介紹，就黎左金鶴拉麵食野啦。原本都覺得都應該係普通日式野，應該無咩特別啦，點知唔食唔覺，食完嚇一跳，真係好好食我哋兩個人黎食，點左兩個拉麵。一個人氣No. 1嘅極濃雞白湯拉麵一個限定嘅北海道極濃蟹湯拉麵仲有兩份串燒，一份明太子雞翼同埋一份五花腩串整體食完，我哋點嘅都好評，好好食！個人覺得最驚艷嘅係五花腩串，係我暫時食過最好食嘅食之前覺得好貴，食完覺得係值得嘅！…Read More