garyln42's Profile

是日準備要去AIA嘉年華玩，晚餐就打算近近地喺IFC搵間餐廳快食。撞啱天氣凍，就揀食拉麵暖暖身🍜我叫咗⭕️貝汁醬油拉麵⭕️ $128拉麵嘅湯底清甜，feel到有蜆湯嘅味道👍🏻對比於朋友嘅貝汁鹽味拉麵，我會鍾意醬油多啲，多幾分甜味。叉燒同拉麵不過不失👌🏼另外加錢叫咗隻糖心蛋，係分開上的，也是普普通通，冇驚喜，亦唔算難食。根據餐牌介紹，入面加咗牛肝菌醬及黑松露醬。我個人就幾鍾意黑松露💕 但牛肝菌嘅味道令我有啲「出戲」唔太夾😂所以我快快脆一啖飲晒啲牛肝菌醬就算🥶舖頭容納人數頗大，除咗梗枱亦有吧枱。員工尚算殷勤，見到你舉手會好快回應，亦好有禮貌👍🏻👍🏻…Read More

我試咗丸京拉麵，有3塊真叉燒同3塊叉燒。我理解嘅真叉燒應該係用慢煮方式去處理，但唔知點解我碗拉麵嘅兩種叉燒，無論外表 口感 味道都好相似，除咗其中一種個邊有少少燒過嘅痕跡。雖然兩款叉燒相似，但其實味道都唔錯，好嫩滑，薄薄地仲好容易沾d湯一齊食。☝🏽麵係幼身嘅，不過不失☝🏽蛋太咸了，加上我又食濃湯，我啪完隻蛋就即刻隊左成杯水😹 而且煮蛋嘅火喉似乎要改善，外層熟到變淺黃啦☝🏽不過店面真係比較細，坐得有d逼☝🏽食食吓有d熱，舖頭有冰涼嘅水，加返d分✅…Read More

附近一帶都係做街坊生意，而石排頭路成條路都有好多茶餐廳同埋潮州粉麵。其中呢間輝最令我感到驚喜，而我亦都返頭幫襯過幾次。最令我心掛掛嘅係佢魚蛋，非常彈牙香口，唔會食到成口粉咁👍🏻👍🏻 另外魚皮同埋豬手都唔錯，值得一試👍🏻 不過雲吞就不建議，因為入面嘅餡料少之餘仲有啲乾😾 奶茶檸茶就不過不失啦👌🏼…Read More