真正良心食評's Profile

早餐好難食 ，午餐肉一早煎超過一小時以上 ，用油太多，表面完全風乾 ，另外塊豬扒都係一樣 ，凍奶茶糖膠亦都差唔多變味， 牛油多士只係草草搽一下牛油 ，多士底亦都浸咗豬扒、餐肉D剩餘生油， 難以入口，整個早餐食唔到一半已經放棄，証明廚房品質沒有要求。 整間餐廳畀人感覺服務麻麻， 不求改進 ， 衛生方面都係差， 好多地方都油淋淋 ，地下有水漬 ，這間餐廳我係第二次嘗試， 畀我感覺都係差。 我亦都向經理反映過，希望真係作出改善， 我相信唔會再幫襯。…Read More

一家三口到店享受吓工厦式飲食文化，兩個月前見初開張未有營業，所以留待今次一試，店內人客數枱，店員只有兩位，侍應就放低餐牌後就我自己睇，少推介，最後點咗鰻魚炒飯， 壽司船，串燒八件，六件花卷壽司，食後感見串燒可以，但壽司就感覺需則有噴煙花巧工藝，但入口真係未夠班，飯質差别，壽司船只有六件壽司，但要成$168,加埋一就要$180,等於成三十蚊一件。確實有啲貴，另外蝶鰻鱼飯，鰻魚有八吋長，但飯份量就太少，只夠一個人進食，現場經理重手重腳，枱發出好多雜聲破壞氣氛，最後埋單要五百多元， 經理向我哋解釋 你哋消費已經超過五百蚊 已經幫你減100蚊呀,盛惠四百六十多蚊，我問之前你無講出呢優惠?佢話依家就講，態度一般，環境一般，只覺今餐結論_，試一次便足夠…Read More

油塘太興下午茶食燒味飯，紅腸义燒飯，一見啲义燒就知道出事，义燒似鴨胸色，柴皮乾水，一睇完全知道係昨日買剩放雪櫃後翻熱既，大失所望，我即刻去燒味部視察，燒味部展示係另一種新鮮义燒，我即時同經理指責以上問題，但回應係無用，但我明顯見到品質有太大分別，我食咗一塊就食唔落，同食樹皮差唔多。以往見上址燒味部對顧客都十分刻都薄，份量有咁少得咁少，食切雞、油雞飯，永遠無肶位，因另外有一種叫雞肶飯(貴啲)，今次會係我最後一次太興食燒味。…Read More

我點咗個三至四人套餐，約十至十五鐘到，每個餸都份量十足，無稀少，重要打包走，但油飯可加多少少咸味更好，招乎快，清潔做得幾好，直得推介，價錢合理，適合一家人二至四位。…Read More

點咗碟燒肉切雞飯$57，熱檸茶$9，侍應話燒味無餐價，飲品另計，好啦，你地可能燒味掂，價錢無問題，跟住一試，食舊燒肉，梅既無肉質，好似攞去煲完湯既豬肉渣咁，再試舊雞，硬夾乾，食到一半我已經食唔落，張枱同用具全部油淋淋，地下濕，部電視長期停留無訊號，同職員反影，跟住又有另一枱客同我一樣食到滿肚火我以後都唔會再去，最後去燒味部同佢地師父講出問題，佢地只係愛理不理，收銀呀姐就即時收錢先，呢間舖真係做唔到回頭客…Read More

飲品極之差劣 ， 檸檬冇檸檬味 ，茶亦冇茶味， 咁樣嘅凍檸茶 ，失敗中嘅失敗， 向上址職員講， 職員只係識答 ，凍檸茶就係咁樣， 我係只感覺飲糖加水 冇分別。如果只係度食野，可以過得去。…Read More