hkgastronomy_'s Profile

近期大熱莫過於位於銅鑼灣嘅依間麵包店🥯每日大排長龍，由前四季酒店師傅製作。小編平日4點左右到，遠遠已見好長人龍，最後排咗1.5鐘終於買到，結論係，無特別唔需要排隊買🙈🤣買到新鮮出爐嘅係伯爵茶同抹菜口味嘅菠蘿皮麻糬QQ，因為熱辣辣出爐，菠蘿皮係好脆，入面一大舊麻糬，但完全食唔出有伯爵茶/抹茶味🥲但勝在唔太甜，唔會太膩。題外話：店舖嘅店員完全係開啟咗Zootopia嘅樹獺模式，唔怪之得人龍keep住都咁長🤣…Read More

假日遠道而嚟錦田，見到依間泰菜排長龍，就一於試吓，一試就愛上😻「香葉辣肉碎燴飯」好香少少辣，肉碎炒得好入味，略嫌肉碎份量少咗啲，唔夠撈飯食😫必點隱藏版嘅串燒‼️雞豬各3串，即叫即燒，上枱熱辣辣，好香好惹味，兩款肉質都好好，特別豬肉，好彈牙，而且燒到可以鎖住肉汁，大推👍🏻沙嗲醬好濃郁，食到粒粒花生粒，食落更加惹味。「蟹肉番茄湯河」不過不失，食得出少少茄膏味，蟹肉份量略少，但河粉比較闊，短身，但質地煙韌。另外佢哋午餐都跟飲品，「泰式奶茶」唔會太甜，濃濃茶香味🤤…Read More

依間梳乎厘舖位特別隱蔽，來回行咗三次先見到🤣🙈佢哋pancake好厚好高身，「鮮雜果厚pancake伴玫瑰花釀醬及雲尼拿雪糕」，即叫即製，未上枱都已經聞到好香，蛋香咪濃郁，好動L。食落口感紮實，厚實，又有啲鬆軟，完全無空氣感，唔膩亦唔太甜。玫瑰釀醬唔太食得出玫瑰味，不過不失。另外，配料嘅雜果唔太新鮮，特別係芒果，見到有啲發黑🤦🏼‍♀️另外，士多啤梨窩夫伴士多啤梨雪糕，雖然話即製，但食落淋晒！淨係得返條邊係脆🤯🤦🏼‍♀️大家可以唔洗叫窩夫嚟食。…Read More

葵涌廣場出名多嘢食💛依間係新開，韓國人氣小食Croffle，即係牛角包口感嘅酥脆窩夫。新開仲有得試食，試食後忍唔住買咗份「焦糖燉蛋酥酥」，佢唔係熱食嘅，食落係攤凍咗，但一啲都唔會好似出面個啲咁淋咗，咬落好酥脆，外脆內軟，焦糖燉蛋比較流質，但唔會太甜，同窩夫十分夾。問返店員，點做到攤凍嘅又有配料嘅，但都咁香口，咁酥脆？原來佢哋面頭會加層焦糖，所以上面有任何配料，都唔會影響到窩夫嘅口感，即使放1-2個鐘，都依然咁好食！…Read More

過江龍嚟自美國嘅肉桂卷，終於食到🤤食飽飯就買兩個細嘅試下，點知，太好食唯有再買個大嘅返屋企再食🤣🙈有三種size，當日食嘅Minibon，揀咗「Classic」同「Chocobon」，即食關係，店員會幫你即刻reheat返，一拎上手，熱辣辣勁香肉桂味，卷物咬落軟熟，唔會太甜，就算面頭有糖漿都唔會覺得好膩！朱古力嘅相對比較甜，而且有啲遮咗肉桂卷味道，但食完都唔會覺得好頸渴，可以一口一口接住食。…Read More

近期打卡cafe非佢莫屬！裝修好用心，懷舊風，成部單車、旋轉木馬都掛咗係牆身。食物主打石垣和牛，5個定食中，4個都係牛🙈「燒汁水煎自家手打漢堡扒」，即叫即造等咗大概20分鐘，漢堡扒係50%使用石垣和牛造，口感彈牙，因為水煎，可保留住肉汁，淡淡牛肉味。餐廳使用紅米混合白米，食得出係日本米，口感煙韌。當日配菜有酸酸甜甜豆嘅淹漬物，好開胃，日式薯仔沙律不過不失。另外，「斐濟朋友咖喱素菜飯」，咖喱偏向印度咖喱，比較香辣，但奇怪入面紅蘿蔔無煮過？紫菜麵豉湯，味精偏淡，比較似水咁🤦🏼‍♀️Deluxe Chocolate較為濃郁，唔甜，飲完唔會頸渴。…Read More

過江龍珍煮丹又有新品啦💛今次推出潑墨系列，啱晒打卡。「茉香圓圓」以綠茶作底，配以黑芝麻、芋圓，飲用前，職員叫我哋要成杯搖至灰色先飲用，一路搖覺得好治癒😆揀咗3分糖，所以飲落一啲都唔甜，起初以為芝麻會遮掩晒茉香綠茶底，但完全唔會！黑芝麻味濃郁，飲到沙沙口感，又有淡淡綠茶香，芋圓粒粒都好煙韌，仲食到少少芋頭粒，好想再飲🤤…Read More

深水埗布街一帶愈開愈多cafe💛今次依間只係新開咗十幾日，裝修偏向日系風，門口有幾張枱可以帶埋狗仔嚟坐下。但食物質素有待進步🤦🏼‍♀️先講飲品，雖然叫Latte，但其實非咖啡類，「黑芝麻拿鐵」黑芝麻味濃郁，唔甜，同奶配合得宜。「宇治抹茶拿鐵」適合鍾意抹茶嘅人，抹茶味香濃，帶甘香，一樣唔甜，飲落唔會好膩，但份量真係少咗啲🙈另外，鹹食方面係4款Egg Drops，4款都好麻麻，麵包唔脆，用料普通，特別係「牛油果」，淡而無味，而且牛油果偏生，「香草蟹肉」食得出用上蟹肉罐頭，有返啲咸水味，但唔鮮甜，勝在蛋炒得夠滑，可以搭夠返🤦🏼‍♀️「牛肉」用咗日式牛肉飯個啲肥牛，整體唔太夾，「鰻魚」因為有燒汁醬先令整體有返啲味道，但鰻魚份量偏少，得2舊，而且完全無被燒烤香濃嘅味道😣新開人流係多，但質素都進步下先可以keep返住啲客。…Read More

鳳鳴腸粉想試好耐💛開咗係荔枝角黃店一條街！「黑米雞蛋豬肉腸」黑米腸粉高纖維，健脾胃👍🏻腸粉即叫即整，食落滑嘟嘟，豬肉碎增加口感，甜豉油味道啱啱好，面頭有炸蒜、辣椒粒，少少辣好惹味。…Read More

大埔墟街市名物🤤馳名嘅炸豬扒，係熟食中心個層。東記同世記兩間好似係兩兄弟店，唔知係唔係特登分開時間營業，第一次去食就世記開，東記唔開，第二次去就東記開，世記唔開🤣兩間炸豬扒都好出色，炸粉唔厚，好香脆，肉質嫩滑有彈性。份量仲要好多，起碼有成一塊半嘅大豬扒份量，食極都仲有🤣🤤食咁多舊都唔會覺得好熱氣好肥膩。今次揀咗上海粗麵，麵質好彈牙，仲配有兩條菜心🤣湯底清淡，完美中和返。檔口係無售飲品嘅，可以係隔離嘅舖頭叫。…Read More

蘇媽蘇媽次次嚟都要等位，今次平日晏晝好彩有枱😚「椰香咖央多士」必點👍🏻🤤🤤即叫即整，一上枱聞到陣陣椰香味，麵包烘得熱辣辣好香脆，而且咖央醬同牛油份量balance得好好，唔會搶左對方風頭。「湯咖哩米通粉」好重椰奶味，唔太辣，米通粉口感特別，食落煙韌，但整體普通。反而「檳城福建蝦油麵」有驚喜😍面頭撒上蝦乾，每一啖都好香口惹味。小編唔太鍾意佢地既「棒棒骨肉骨茶」，中藥味太強烈，入口帶啲苦澀味，棒棒骨煮到好腍，易入口。…Read More

一個唔愛食粥嘅小編都表示依間真係無得輸🤤👍🏻一般出面粥舖食落都係好稀，水水咁，料又少，但依間完全唔會！「皮蛋瘦肉粥」皮蛋起碼有成6-7舊，舊舊都大大舊，而且碗粥入面有滿滿瘦肉，肉質唔鞋，最重要粥底係十分綿滑，見到係一粒粒米煲出嚟，好濃稠，好足料。食完唔夠喉，想再encore🤣🤤🤤「蒸蘿蔔糕」食落好綿，面頭佈滿蝦乾、蔥花，蘿蔔味濃。「叉燒腸粉」啲叉燒多到凸晒出嚟🤣腸粉皮唔算話好薄，但食落煙韌。…Read More

長沙灣愈開愈多靚cafe❤️依間新開仲要平靚正！五十幾蚊有意粉、湯、飲品，而家真係好難搵。牛油果他他吉列魚堡，魚柳大大塊，大過手掌嘅size，食落香脆軟滑仲好juicy，醬汁有番茄、椰菜絲同沙律醬混合，但略嫌唔太食到牛油果味。配菜薯條即叫即炸，份量唔少，好香脆，外脆內軟。香草汁大蝦扁意粉，炒得好香，有啲黑椒好夠味，蝦大大隻，彈牙，唔會有雪藏味。跟餐有南瓜濃湯，好香濃但略嫌南瓜味淡咗啲。飲品揀咗接骨木花茶，好少地方有仲要唔洗加錢👍🏻好香，飲落有淡淡蜜糖味，但都唔會太甜。仲有幅花牆啱晒打卡，趁住新開未係好多人發現就好去食啦🤣🤣…Read More

平民價5-course fine dining💛有麵包、湯、兩個頭盤、主菜、甜品、茶/咖啡，但整體嚟講質素一般，有更大進步空間。先上餐包，麵包軟熟但佢無橄欖油/cream cheese搭配，齋食包有啲難頂🙈當晚精選餐湯係「粟米濃湯」，飲落感覺似罐頭加水開，唔太香濃，反而「法式蕃茄清湯」有驚喜，味道清淡得嚟又有蕃茄味，唔會好酸好易入口，好清新。兩道前菜分別揀咗「廣島蠔配薑汁及橄欖油」蠔身偏細，淡而無味，反而「慢煮雞胸配山形洋梨甜酸醬」有驚喜，雞胸因為慢煮關係，食落嫩滑，而且同醬汁配搭得宜，酸酸甜甜好開胃。主菜「丹麥傳統酥皮焗豬肉眼」酥皮香脆唔油膩，入面豬肉眼肉質唔鞋，朋友叫嘅「自創蒲燒鰻魚配香煎意大利飯」相對特別，鰻魚尚算肥美，本身意大利飯比較有咬口，再拎去煎，口感好似食緊飯焦，但唔會痴牙，第一次食，幾特別！整體嚟講，食物擺盤係靚，睇得出係用心嘅黃店💛但質素就不過不失，價錢上面取勝。…Read More

我諗大部分人去為食仔都係食卜卜蜆，但其實佢哋雞煲都好出色🤤當日我哋兩個人叫咗「麻辣鮑魚雞煲 小辣」，鮑魚總共有4粒，size偏小，但都算爽口。至於雞煲一打開已經聞到好香濃惹味，食落雞件嫩滑入味，就算雞胸位都好滑，但略嫌佢小辣唔夠辣。「黃金魚皮」即炸起，熱辣辣好脆，每一舊都有滿滿金沙咸蛋黃，兩者配合得好好。…Read More