chengsir.fredcheng的個人專頁

今晚星期二同朋友嚟食飯，服務員非常之親切，入到去餐廳又乾淨，早啲入去食仲唔使等位，嗌完嘢食之後好快就食得，今次我嗌咗蒜香黑椒牛肉飯（見圖片），蒜蓉味道再加埋鐵板黑椒牛肉飯，簡直係絕配！…查看更多

呢度嘅沙嗲牛肉麵超級濃，牛肉不算太韌，但如果唔食得辣嘅就不太建議呢間，因為呢度啲沙嗲濃得嚟有啲辣。呢度仲要包埋一份多士、煎蛋/炒蛋/太陽蛋再加埋一杯嘢飲，加加埋埋都係$40 ，相當之抵食，難怪隔離嘅茶餐廳都靜到拍烏蠅，呢度搶晒客，再加埋呢度其實連位都唔使等，入得嚟將軍澳一定要食！只需要喺將軍澳地鐵站坐114A小巴喺雍明苑分站落車，行多兩步路就得啦，食完之後仲可以去附近行Donki，一舉兩得。…查看更多