chui chuiii's Profile

提早食聖誕🎄大餐，預訂坐位時冇特別要求坐位，最後好好彩被安排坐到一間私人日式榻榻米房間，房間很大，可以坐到6人，需要除鞋坐。店舖聖誕裝飾都好靚、有氣氛。.點了二人A5黑毛和牛壽喜燒套餐、雞拼盤串燒、兩杯酒🍻、日本啤酒買一杯，有優惠加$10有第二杯，有店員細心介紹後，幫忙燒肉，先燒了兩塊後，亦會問我地要唔要休息一陣先再食，會俾我地休息一下，不用一次過食晒全部牛肉，一會兒再過黎幫忙燒剩低既牛肉同埋蔬菜烏冬，都食得好飽，好好食！…Read More

慶祝拍拖週年紀念，見到觀塘新開左間扒房做緊優惠、野食同環境睇落都唔錯，所以就去試下11月做緊新店開張優惠八五折$338/set 同任飲紅白酒套餐包前菜沙律🥗、南瓜湯、主食同任食薯條🍟，份量多，男仔黎食都夠飽！前菜沙律🥗有焦糖合桃好香口，西班牙鬆脆包，外脆內軟，配埋香蒜希臘芝士醫，超好味不得不讚，另外，泡沫烤南瓜湯超都好濃味好好飲安格斯肉眼牛扒 & 安格斯西冷牛扒 10安士叫左5成熟，煎得啱啱好而且會有蠟燭係下面暖住，啲扒就冇咁快凍今次慶祝周年紀念預訂咗火焰雪山同寫紀念字牌，店員將甜品送到黎嘅時候會同你提可以拍短片，非常吸睛！甜品外層係蛋白包住入邊係椰子雪糕、有啲椰絲喺入邊、仲有一啲脆脆係中間，最低嗰層係香蕉蛋糕底，食落口應豐富有層次感又唔會好甜值得一試…Read More

男朋友生日，所以book 左呢間慶祝，今次我地叫左14件壽司或天婦羅set $580 （我地簡左10件壽司 + 4件天婦羅）套餐包括餐前沙津、燉蛋、湯及甜品、總結壽司比天婦羅出色，天婦羅即炸，新鮮熱辣辣，外衣厚度適中，唔會好厚。壽司🍣1️⃣ 九洲池魚 配海苔醬2️⃣ 赤背3️⃣ 中拖配大拖蓉4️⃣ 長崎青魚配法國魚子醬5️⃣ 鰹魚6️⃣ 北海道餃蝶魚7️⃣ 白海膽&馬糞海膽8️⃣ 瀨尿蝦配櫻花蝦 脆9️⃣吞拿魚蓉 天婦羅 手卷🔟焦糖玉子天婦羅🍤1️⃣ 海蝦2️⃣ 沙追魚3️⃣ 小香魚4️⃣ 鮑魚1. 九洲池魚 配海苔醬 ⭐️⭐️⭐️⭐️配搭好好食好夾，池魚一啲都唔腥2. 赤背 配青瓜粒⭐️⭐️⭐️肉質爽口鮮甜好食3. 中拖羅配大拖羅蓉⭐️⭐️⭐️⭐️⭐️面頭配上芥辣蓉令拖羅鮮味昇華，入口即融，好好食🤤4. 長崎青魚配法國魚子醬⭐️⭐️第一次食生嘅青魚，口感軟，食落有少少腥5. 煙燻鰹魚 ⭐️⭐️⭐️⭐️經煙燻製作，配上芝麻食落非常香口，好食6. 北海道餃蝶魚⭐️⭐️⭐️⭐️⭐️係今次14件壽司入面最好食🤤肥美，灸燒左嘅餃蝶魚，油脂重，配上魚肝醬，食落口香濃，油脂重，入口即化，好好食🤤7. 白海膽&馬糞海膽⭐️⭐️⭐️⭐️一啖好creamy 好甜嘅白海膽，一啖少少海鹹香味嘅馬糞海膽，配撈好左嘅海膽蟹肉壽司飯，食落口非常香濃，啖啖海膽一口甜一口少少鹹，幾特別8. 瀨尿蝦配櫻花蝦 ⭐️⭐️瀨尿蝦爽口配上香脆櫻花蝦，都好香口，略嫌有啲乾身9. 拖羅蓉配天婦羅手卷 ⭐️⭐️⭐️⭐️⭐️拖羅蓉配天婦羅，增加口感嘅層次感，油脂重，好食10. 海蝦天婦羅🍤 ⭐️⭐️⭐️11. 沙追魚 ⭐️⭐️⭐️⭐️12. 小香魚 ⭐️⭐️⭐️…Read More

平時係香港食西班牙餐廳都會有食過churro ，但就唔覺得特別好食，對佢嘅印象係得個甜字，今次男朋友介紹呢間，見佢咁色彩繽紛，就決定過黎試下！就發現好有驚喜門面雖然唔大，但都有一排bar 枱，可以坐係到食，睇住店員新鮮即整一個個色彩繽紛嘅churro,十分吸睛今次就試左 Cookies & cream $58新鮮炸起 曲奇味嘅churro 配雪糕，一熱一凍咁食，真係好夾！最驚喜嘅係個churro 真係超脆，而入面係較，又好食又好睇十分推薦另外再外賣了一份 榛子醬口味嘅churro $38俾朋友，佢都話係好食！另外，店舖內都有得買一set一盒咁外賣，都可以係考慮買散水/升職餅之選！…Read More

假日觀塘工廈餐廳好多都唔開，但依間難得有開，而且假日去食比起平日少人，晏晝去食lunch ，walk-in去都唔使排隊！ 一直想去試下依間餐廳，因為係香港少有台灣餐廳有得依蛋餅，所以一場黎到，點都要試下佢個蛋餅！叫左個肉鬆芝士蛋餅$40台式蛋餅最重要就係佢個醬汁，雖然唔係台灣戈隻醬汁味道，不過個餅皮勝在夠薄，食落去唔會覺得係一團粉，而餡料十足，肉鬆同芝士一齊食好好味，芝士食落好香嘅燒焦鹹香味，十分推薦佢地嘅蛋餅！另外假日嘅lunch 都有套餐食，所以就叫左個鹽酥排骨滷肉飯套餐$67 另加$18 花枝丸！鹽酥排骨好大件又好食唔會好乾唔會好鹹，套餐包埋冬瓜茶，天氣轉熱，飲杯清涼冬瓜茶，身心舒暢，又唔會好甜，甜度適中！另外，單點了一杯 抹香奶綠$20，奶味較重…Read More

Happy Friday 收工梗係要去放鬆下，去咗依間靚靚西班牙餐廳食野飲下野chill 下😚🍻餐廳霓虹燈牌同門口都好吸睛，仲可以坐露天，而店舖內坐位與坐位之間都有一定距離，唔會好逼，坐得舒服野食方面點咗 薄切炙燒吞拿魚腩（$88）吞拿魚腩圍邊有輕輕燒過，食落好香口配上少少芝麻同乾辣椒，同埋配上沙律菜，好新鮮🤤主菜就點咗 烤慢煮西班牙黑毛豬鞍架 （$158）黑毛豬食落好香好有豬味，配上醋燒汁，唔會搶走原有豬味，配埋個好脆炸薯都好脆好食，只係個豬略為乾身，可能燒得耐咗少少另外點咗 個慢煮鴨胸配薯條（$128）因為冇晒蕃薯條所以轉咗做薯條最後點咗一杯red 一杯white sangria 個人鍾意red多啲冇咁甜，整體環境舒服，食物份量足，價錢合理…Read More

星期六想搵間坐得舒服嘅餐廳，經過見到依間木系小清新裝修嘅餐廳，就決定去試下🌿🌿.哈欠🥱係一間寵物友善餐廳🐾🐾，除咗有主食、甜品，仲有寵物menu 提供，夠晒貼心，可以帶埋屋企嘅貓狗一齊嚟嘆🦦🦦我戈日去就見到格離格有三隻好可愛嘅貓貓🥰.糖脆雞翼（$88）⭐️⭐️⭐️⭐️雞翼焗得好脆身，好多汁，熱辣辣加埋啲蜜糖係好食.甘筍果汁牛肋條伴寬麵（$118）⭐️⭐️⭐️⭐️牛肋條好整得入味，配埋甜甜地嘅雪梨🍐意外地夾，份量足.伯爵茶卷蛋（$68）⭐️⭐️⭐️⭐️⭐️好香好濃伯爵茶味嘅卷蛋，卷蛋試面嘅cream唔會好甜配埋少少焦糖脆脆都好襯好好味🤤，卷蛋中間嘅伯爵茶cream 一啲都唔孤寒好足cream，食每一啖嘅蛋糕都會撈到啲cream嚟食，又唔會好甜.紅火龍豆花奶.蘋果玫瑰香蜜四季春…Read More

將軍澳海濱長廊最近開咗越嚟越多餐廳，可以一邊食野一邊欣賞海景，非常舒服，係放假去放鬆心情嘅好地方，而且依間係動物有善餐廳，可以帶埋屋企嘅貓狗嚟食嘢！.威士忌木桶煙燻鮭魚忌廉芝士酸種麵包⭐️⭐️⭐️⭐️忌廉芝士配三文魚好夾好好食，留心蛋啲蛋汁浸林左個麵包夾埋一齊食好好味黑芝麻戚風蛋糕 ⭐️⭐️⭐️⭐️嚟依間餐廳食，最主要嘅原因係想試佢哋嘅戚風蛋糕，今次就試咗黑芝麻戚風蛋糕。個蛋糕就咁食都已經好重黑芝麻味，雖然就咁食有少少乾，但係加埋佢上面嘅黑芝麻cream食落口就係滿滿嘅黑芝麻味，好好味，值得一試！海鹽焦糖蘋果烤酥批 ⭐️⭐️⭐️依個海鹽焦糖蘋果批係純素蛋糕，食vegan嘅人可以一試，食落口好重肉桂味，加埋燕麥同蘋果嘅味道。…Read More

一心諗住同朋友慶祝生日，知道依間店只可以walk-in, 我朋友6點半已黎到排隊，同埋問職員可否幫忙先把蛋糕keep起，店員話雪櫃full咗冇得幫我地擺，之後排隊等到近8點既時候，都驚個蛋糕唔擺得咁耐，請店員a幫忙把蛋糕放在店內冷氣地方，等左個半鐘，我地係最後一枱客人入座。.入座後，店員a 俾左個蛋糕我地問我地洗唔洗食左先驚我地蛋糕都溶，咁我地就落完單就直接切蛋糕，一邊食主菜一邊食蛋糕，食到一半既時候，店員b突然走埋黎同我地講，其實我地店係唔可以帶外來食物入店食，不過係我地啲店員冇同你地講，示意叫我地唔好再食個蛋糕。.但係一開始我地6點半黎到已經同左店員講我地帶蛋糕黎食，店員都冇同我地講唔可以係店內切蛋糕，到我地等左個半鐘終於到等我地係最後一枱入座既客，到我地坐抵左，店員a示意問我地洗唔洗食左個蛋糕先，去我地已經食緊個蛋糕既時候，店員b先走過黎同我地講唔可以帶蛋糕入店內食？令我地好難理解既係由頭到尾都冇任何店員同我地講過唔可以帶蛋糕入店內進食，如果一開始有講，我地一定唔會係店內切蛋糕。.而最後我地都冇晒慶祝生日興致，好趕急咁食完個蛋糕，收拾好蛋糕既垃圾就走，而成個用餐既過程，店員b一直都用態度差惡同不滿既眼神望住的我地用餐。.所以，如果係要慶祝生日，絕對唔建議黎呢度慶祝。同埋間鋪好細，如果係3-4人聚餐既都唔建議黎呢度，因為佢地得好少4人枱坐。…Read More

這是新開的一間素食咖啡館🌿環境舒適，食物有好多選擇，今次吃了All day breakfast $70及 無花果吐司$75，份量足夠，價錢合理。 無花果吐司配以芒果加藍莓果醬味道很夾，再加上乳酪，酸酸甜甜很開胃不會覺得漏。飲品點了鮮奶咖啡$42和豆腐焙茶$55。咖啡拉花很有心機，豆腐焙茶味道十分重，會食到一些豆腐碎，十分推介。下次會再去試其他食物，而且見到有賣純素蛋糕，都想去試下。…Read More