ftefou8's Profile

喺太古坊返工，見到呢頭多了幾間新餐廳，鏞鏞應該算係其中質素較高嘅一間。環境： 入到去覺得幾舒服喎，裝修係新派中式 feel，紅磚牆加埋啲中式 details，幾有格調。最正係啲位夠闊落，唔使同隔離枱膊頭掂膊頭。牆上面啲手繪畫都幾靚，可以打下卡。食物： 我哋幾個人 share，叫咗幾樣嘢試下：燒鵝：嚟得呢度，點都要試下佢個燒鵝嘅。皮成陣油香，肉夠嫩，保持到中環店水準。鏞鏞雪茄：個樣好似真雪茄咁，炸到脆卜卜，入面係鵝肉絲，幾特別，值得試下。家鄉梅菜扣腩肉：腩肉食落幾軟腍，梅菜好入味，吸晒啲肉汁到暈，撈飯一流。啲 staffs 幾好笑容，serve 得幾快手，啱晒喺太古坊呢頭搵食嘅打工仔。環境舒服，同家人黎食飯或者同同事 happy hour 都得。價錢喺呢區嚟講就中上啦，但質素有返咁上下，值得一試。…Read More