raymeilam's Profile

今日經過附近剛好下午茶時間，見呢間有下午茶餐又唔使同人迫，就入去試試。叫左個東北雜醬面茶餐，面上面有半只滷水蛋，牙菜同黃瓜絲，仲有肉同豆腐乾制成的醬， 成碗麵撈勻之後剛好夠味，多菜又唔辣，夏天食啱晒。下午茶仲送埋一小兜涼拌黃瓜同豆漿夠晒飽，期待下次試佢啲水餃!…Read More

昨天經過時覺得有點餓, 咪買個武大郎食下, 開頭咬果幾口都好正常,點知咬到中間時, 好似有成塊鹽咁超咸,而且仲有沙, 之後仲食到有條樹根的物體(我估係啲咸菜的皮), 唔知係唔係我黑仔啦, 但今次食真係好失望…Read More

我知有呢間手抓餅一排了,但都就唔到來試,今日終於有機會來食了!我點咗一份芝士手抓餅,食落的確同台灣食的有點差別,但我覺得都幾好食.開頭咬落有點硬,但食落就發覺都幾脆,又好有咬口,再加埋有少少溶的芝士,真係食到唔停得口不過覺得等的時間耐咗點,如果我唔係去買珍珠奶茶,就真係等到有點呆滯:(另外就係油咗少少,如果減緊肥或者怕油膩就唔係咁適合食品但我會再幫襯的:)…Read More

今日lunch去食呢間,三個人食咗一份三人餐,包括一個pizza,四件炸雞,一客排骨,三個嘢飲,首先我地叫咗個環遊世界pizza - 夠熱及新鮮,個邊夠脆亦唔會硬 炸雞 - 超熱,非常脆,非常滑及多汁 排骨 - 可能今日比較多客, 燒得比較燶,同埋唔夠入味,我地今日飲汽水,無咩特別見到個下午茶好抵食,最平$18,下次要去試吓…Read More

好早之前已經知荃灣開咗間小倆口,由於超喜愛食蛋餅,所以成日都想去試吓,睇吓係唔係同台灣食的一樣,但佢個位真係太唔就腳了,所以只有搭車經過時望吓....:(前兩日終於有點時間,專登行多五分鐘去買了一份蛋餅($10)同一份鮪魚三文治($10),買蛋餅時個阿姐不停推銷加餡料的比我,但我一向在台灣都係食無加的,所以最後都係選咗原味,一食就覺得同我係台灣食的有九成似,特別係個特制蒜味醬油,非常好味,但個蛋就欠咗點蔥花同調味,至於個三文治就留咗第二朝食,非常足料而且都好好味!我會搵時間再去的!!!如果佢開得就腳點,我一定會成日去的!!…Read More

未到之前都諗緊,做咩山長水遠來呢度食?而且仲咁舊,啲嘢得唔得嫁?結果非常警喜,啲嘢食仲好過啲XX大酒樓,價錢又抵,而且環境好似去返粵語長片的景咁,勁正!來緊我又約咗啲FD去食,到時再來回報…Read More

試過兩次在度買外賣,兩次都覺得麻麻地,應該唔會有第三次!第一次買咗個蓮耦豬肉快餐,第二次買咗個咖哩薯仔排骨快餐,第一次等咗勁耐(超過三個字),跟住返到去發現啲湯涷的,啲飯就熱,但就超淋(爛飯),餸的味道普通,野飲的味道就正常茶餐廳味道!第二次就幾快,但飯就一樣咁淋,啲咖哩味同佢隔離間金世界就差得遠了!而價錢方面: 快餐就同隔離間金世界一樣,雖然佢的款式比人地多五六樣,但湯同嘢飲只可以二選一, 但人地就兩樣都有,所以都金世界抵啲!…Read More

上星期同老公兩人來到呢間度食晚飯,可能時間早(六點三左右),所以無咩人,同之前去一樣座在大木椅上,非常好座,而且啲侍應又好好禮貌老公見佢有好多種唔同的全魚刺身食(話其他日木本食店比較少見),想試下, 所以選了條'彩線立魚' 薄切($200) , 而且食完仲可以免費用個魚頭同魚骨煮魚湯, 條魚來時跟咗碟醋,開頭我地都係用豉油同芥末點先,但覺得怪怪地, 後來試吓佢跟果碟醋先發現原來點醋係好味好多,完全可以帶出條魚的鮮甜出來,而個魚湯有點菜同豆腐亦都好甜,令人滿意!另外我地仲食咗個炒烏冬,個烏冬的麵質都幾煙韌,而且炒得幾入味!佢個茶都ok好飲,後尾發現佢完來如果無叫野飲的話,個茶每人會收$5,下次都係叫野飲好點(睇過都幾多選擇)下次會再去!令次有條魚,所以貴點,如果無叫魚,一百元度應該可以落樓…Read More

平時經過都會食佢的燒餅皇,但今次想試吓新野,於是就睇咗一陣,俾我發現佢唔係放在櫃裹的一串金蓮,個造型好似一串三隻的沙翁再加沙律醬同芝麻,個樣幾靚但配答上有點怪,抱住一試無妨的心態買了一串,給果卻十分令人驚喜,一咬落去個包的質地唔似沙翁咁軟,而係煙煙韌韌果隻,跟住沙律醬的酸味中和咗沙糖的甜味,令到整體無咁漏,再加上芝麻的香味,真係極之好味,下次必定再食…Read More

昨晚一個朋友帶我地(一行五人)去咗呢間泰屋度食,如果唔係有朋友帶,真係唔識來!一入到去, 個環境好鬼似我之前去泰國布吉果啲餐廳, 外面有少少熱帶風情feel,個bar枱又有酒吧feel, 另一邊仲可以自己去選燒烤嘢食,如果唔係尋日好凍,我真係以為自己在泰國食緊嘢!極力推介大家去度坐要 "室外"至於啲嘢食雖然不及去九龍城果啲咁五宗,但都算中上水平啦!我地食咗:柚子沙律(我其他朋友都超鍾意食,但本人對'木瓜沙律' 情有獨鍾,所以覺得ok啦,不過唔知呢 度的木瓜沙律好唔好食呢,下次來試!)沙嗲 (一盤有晒豬牛雞三種,我覺得普通啦,如果燒焦少少更好)咖哩蝦 (啲汁超好味,用來配飯或薄餅一流,蝦用番薯粉包住炸過,再吸埋咖哩汁就非常入 味,本人呢餐最愛!)冬陰公 (本人就覺得咸左點,可能夏天飲就啱啱好!)燒青魚 (條魚都幾新鮮,啲肉幾結實唔會'梅'又燒得剛剛好)牛尾 (炆得好諗好嫩好入味,個汁都幾好,不過似西餐唔似泰菜)燒板蠔 (有點蛋同番薯粉撈埋一煎,加埋個汁,真係好似台灣的蚵仔煎)薄餅 (由於食咗以上咁多嘢,所以只可以食到一塊仔,如果唔係,以佢燒得咁好味,一定可 以食多幾塊,就咁食都正,配埋咖哩或牛尾汁就更無得頂!)甜品放什錦椰汁榚同椰汁西米糖水(好味,但下次記得要留肚食)我地五個人都飽到捧住個肚走,埋單$970.00…Read More

上星期五去旺角食飯,經過見到有'五月花',由於之前在荃灣的'五月花'食過, 佢的魚生同赤貝都超新鮮同好食,於是決定呢餐在旺角五月花食,一座落緊係點我最愛的魚生同赤貝啦, 點知一放落口,魚生勁多根,赤貝有雪味,又唔得爽口,唉!之後落咗個台式的田螺,啲肉'梅'的!啲服務就ok,炸物又ok,但魚生咁的質素,真係無下次!…Read More

呢間米線由佢在舊舖就開始食,仲記得第一次食就係'酸辣腩肉腐竹米線', 果陣時真係覺得超好食,碗米線當年有好多酸菜,芽菜,仲有九菜,湯底仲好濃添,但近呢兩三年去食,水準真係差左好多,碗米線無咗九菜都算了,湯底仲時濃時淡,又試過同樣小辣,一次辣到飛起,一次就淡到自己要加辣椒醬,仲有次食到豬肚係壞咗的,真係越食越失望,而家一年都會去食兩三次的,但真係覺得越來越差…Read More