metadiner's Profile

Happy Friday 最開心就係同班Friend子搵個地方輕鬆食野吹水啦~ 最就腳都係尖沙咀、旺角呢啲地方，但要搵個好坐而啲野又好食既地方都唔容易。呢間響寶勒巷既"The Right Place"，無論係搭西鐵定荃灣線既朋友都一樣甘咁方便，地方亦四正闊落，熱鬧得嚟唔會嘈到要嗌出嚟先傾到偈。講返野食先，主打西餐肉類既main course, pasta 同埋各款佐酒小食。我地一行四人就嗌左個牛面珠肉醬手造大通粉、招牌蟹肉蟹粉海膽扭捲粉、黃金雞翼、芝士薯條、避風塘蘿蔔糕同埋低溫慢煮豬鞍。要香口有香口，要高汁西廚都滿足到。先講兩個意粉，個牛面珠好冧，配手水牛cheese令個肉醬冇咁漏。至於個招牌蟹肉蟹粉海膽扭捲粉，雖然charge成$238有d貴，但真係足料啖啖蟹肉，海膽亦冇欺場，真係好滿足!!!個低溫慢煮豬鞍就不過不失啦(應該只係因為其他野太出色)。黃金雞翼脆卜卜咸香邪惡、芝士薯條、避風塘蘿蔔糕熱辣辣，送酒一流!酒水方面唔係話特別抵，但勝在選擇多同埋唔趕人，可以慢慢坐，盡請吹水。Overall speaking，食物同環境都對得住呢個價錢，有下次~…Read More

早排未禁晚市堂食前特意再去MOKO 的象屋嘆泰國菜, 一解無得去泰國的思鄉病。我地叫左個398 的2人餐, 份量好足. 另外餐廳的環境舒適,好適合朋友聚餐傾計.頭盤我地揀左小食拼盤, 有春卷, 黃金包, 蝦餅同炸雞波, 一人一件岩好。另外揀左冬蔭公湯, 味道都ok幾開胃, 不過可以再濃D 酸d.主菜第一個係啡菇忌廉意粉, 意粉彈牙而忌廉汁夠濃, 我朋友食到停唔到口.另一個係炸軟殼蟹配冬蔭公意大利飯. 呢個組合看似風馬牛不相及但出黎效果幾好, 意大利飯吸左冬蔭公湯的酸辣味而不失咬口。不過加埋炸軟殼蟹對少食油的人仕就未必咁岩心水.…Read More

Weekday剛好去HKU 開會，正煩惱Lunch食咩好時，同事推薦呢間在般咸道的小店，話佢個Tiramisu好出名。店面不大，5-6張4人枱左右，等位唔耐，但小店人手有限，野食上得比較慢。店內手繪壁畫好靚，佈置亦文青，但open kitchen ，油煙味不可避免。講返野食先。同同事兩個人叫左個蟹肉白汁意粉同三文魚碎蛋沙津bagel配蕃薯條。加錢跟左杯latte and passion fruit ice tea.  lunch menu 主要都係risotto, pasta, bagel, burger and 燒春雞。個意粉啖啖蟹肉，意粉亦索晒啲白汁，啲蟹籽亦豐富左口感。下次會想試埋個蕃茄蝦意粉。Bagel 亦好味，包底有幾款揀。三文魚同碎蛋沙津好夾，但如果外賣就會改炒蛋。蕃薯條甜甜脆脆，一條接一接停唔到手。而慕名而來的Tiramisu果然冇令人失望。首先，份量好大，$48嚟講。而最正既地方係有酒味，仲blend得好好! 個人比外面標榜正宗意大行餐廳的Tiramisu更出色。以working day happy lunch 嚟講十分滿意!…Read More

自從疫情冇得外遊，唔可以去旅行慶祝生日，唯有同另一半留港慶祝。見到中環核心地段開咗間西式素菜餐廳，就不妨一試，整體感覺啲嘢都好精緻同埋好食😋頭盤叫左Hokkaido Scallops, 帶子經過微炙，配合乳酪，青檸，佛手瓜，更加帶出鮮味，令味蕾提升並迎接之後嘅Main course🤗Main course叫咗店內兩道招牌菜Jackfruit Croustillant, Patagonian Toothfish。Croustillant睇落似西多士，但內有乾坤，內裡係大樹菠蘿植物肉，食完唔會有罪疚感🤪Patagonian Toothfish肉質肥美，不過配紫椰菜花，可惜椰菜花令我諗返英國嘅炒椰菜花飯，當堂冇咗胃口🥴好彩生日最緊要嘅蛋糕，依然係我至愛嘅Pavolva, 加埋熱情果同埋奇異果，更加提升酸味，總算扳回一城☺️…Read More

Covid 左咁耐，好耐都冇同班好姊姊聚下。咁咁岩一個宣佈結婚，另一個就有左，一於聚一聚，賀一賀佢。最理想就梗係有間房可以佈置下，又可以比我地N個女人N個墟大聲傾計又唔會嘈到人。問左好多間餐廳，even我地午市用餐，房間要求既最低消費都好拿貴。最終撞手神搵到觀堂呢間餐廳，只係要求我地每人都點佢一份 private room set lunch ($250 +10%)就可以比間房我地三個鐘。拿拿林落$500訂hold起個期。聚會當日入到間房簡直喜出望外，有貴妃椅沙發，有音響，projector，同埋間房都幾光猛寬落，影相一流。我地用左projection wall來做deco所以就冇請到盧海鵬嚟試音試下佢套PA system啦，maybe next time, lol。講返0的食物，水準都好ok，有圖有真相，自己睇。份量都好足，仲包埋野飲同甜品仔。雖然我地入左房，又係weekend，都唔會話嗌極冇人理。而一0的special request，例如大肚婆想將流心蛋轉做烚蛋同埋夾上菜時間，manager都好細心跟到足。所以，我地都食得好開心，好滿意~…Read More

上一次去翠樂庭已經係四年前嘅事啦. 呢一間位於迪士尼酒店裏面嘅西餐廳一直令我念念不忘喺. 疫情逐漸穩定之下, 佢最近又開返自助餐我, 梗係要即刻book位再去食啦!翠樂庭餐廳嘅食物選擇都幾多, 最主要嘅當然係好多食物都有用到卡通人物, 特別係米奇老鼠嘅形象去做裝飾.無論大人小朋友去到都咁開心. 我同朋友book咗食八點嗰一輪, 入到去當然急不及待要食下佢個蒜蓉粉絲蒸龍蝦. 龍蝦大大件斬咗件好食又方便食. 食完龍蝦之後我就進攻 佢嘅凍食區，我也特別欣賞佢嘅蟹腳同埋翡翠螺呢兩樣食物，十分新鮮而且refill嘅速度亦都好快， 保持住食物嘅質素。另外我亦都好鍾意佢嘅泰式牛肉沙律同埋其他嘅凍肉拼盤。之後梗係要轉戰返佢嘅熟食區，呢度有幾多特別嘅食物，包括佢有和牛煮嘅日式火鍋shabu shabu ，細細地一碗有牛肉,冬菇等等嘅配料加上甜甜的上湯。另外佢今期亦都有以黑松露做主打嘅即製意粉意大利飯，對於身為黑松露控嘅我來講真係大滿足。其他嘅嘢食包括中式嘅蒸魚/西式日式炸物同埋香煎美國牛肉等都好好食。最後加埋款式多多的蛋糕，真係十分完美。用$600左右嘅價錢食到咁高質素嘅自助餐確實係物超所值！…Read More

好朋友生日當然要book一間高質omakase 賀一賀，挑選左一間系尖沙嘴評價不差的餐廳。晚餐的omakase 有三個sets，同朋友慶祝我地就order左最貴個set – Omakase Moon，HKD1580：有前菜，刺生五款，熟食，壽司10貫，湯，甜品。前菜很豐富，最有記憶點是粟米天婦，玉米很鮮甜，炸得的松化。五款刺生當中最IGable的，一定是鮫蝶魚。視覺上，師傅用肥皂泡吹了個波波出來，當個波波一爆左，裡面的氮氣氮氣就飄出來，“舞臺效果”十足。鮫蝶魚融合海膽，味道出奇地夾，鮮味十足。生蠔size 超大只，好肥美，超creamy！師傅話秋刀魚呢期當造，所以肉質同油脂都是最上乘，魚味豐富。整體來說，食材都是新鮮，看得出師傅的精心挑選，友人對呢餐生日飯都表示滿意。…Read More

日日lunch time行過都超多人排隊,等我又跟隊一齊排下先,第一印象覺得佢只係一間包裝過嚟叉飯店,個招牌太可愛, 其實真係吸引到好多女仔, 通常呢啲打咭店都唔多好食, 仲要個名叫charsiu, 有啲似我去到外國時候嗰啲欺騙外籍人仕嘅假中餐, 點知一試就知佢有幾wow,首先面頭煎蛋係脆邊流心, 完美～叉燒大大粒又好 滿足～,黃金coating好香口 加分～, 個飯先係重點, 啲汁滴左落去之後, 又有啲肉嘅餘溫, 令到喺呢幾日有啲凍嘅情況下都加點暖意, 原來個招牌得意嘅餐廳都可以係好食嘅, 下次再嚟試埋個雞先, …Read More

今日約咗朋友去旺角玩board game快快手喺朗豪坊附近的蘇媽食個快 晚餐。之前幾次食蘇媽都係喺深水埗。旺角分店嘅面積大好多亦都有更多馬來西亞地道特色嘅裝飾。我哋四個人嗌咗六樣嘢，樣樣都抵食夾大件.食馬來西亞嘢一定唔少得肉骨茶啦。蘇媽最出名嘅就係佢嘅肉骨茶，而且最重要係肉骨茶湯任添 無錯係任添呀。湯底好甜係用好濃嘅豬骨加埋藥材熬成嘅。我哋今次揀咗一字骨，想試吓佢啲軟骨嘅味道。鍾意食肉嘅我真係啱晒。另一道我每次去到都會嗌嘅就係砂鍋老鼠粉。老鼠粉食落有啲似銀針粉，而係老鼠粉上面分別有肉碎香蒜乾蝦等等嘅配料，加埋啱啱好熟嘅窩蛋成個配合簡直係Perfect，一打開個煲蓋濃烈嘅香味就撲鼻而來啦。另外我哋又食咗雞絲河粉，味道比較淡啲，配合返其他濃味嘅嘢食比較合適。串燒嘅水準都OK但係相比老鼠粉同肉骨茶，就冇咁特別出色。食完主食，另一個甜品嘅胃就出嚟啦。食馬來西亞嘢就梗係要食埋呢個椰香咖吔多士啦。椰子香味好濃多士十分脆口，係一個極度邪惡但又令人把持不住嘅選擇。我哋用咗45分鐘左右就食晒枱面嘅嘢啦。總括而言蘇媽嘅嘢食堅抵食，坐嘅位置都舒服但係要長坐就未必太合適。…Read More

我唔係成日去佐敦, 唔係好熟, 今次朋友帶我去呢間餐廳, 佢地SEND啲相俾我嘅晒時候, 我已經好期待, 事源我係好鐘意去歐洲旅行, 見到啲相已經有去左歐洲希臘旅行嘅感覺, 我地四個人, 先叫左個pizza,個餅底整得好脆, 喺一個咁陽光普照嘅中午,, 增添左一份度假嘅感覺食完歐洲版Pizza, 之後再叫多左件日文版嘅芥末口味三文魚pizza ( 餐廳寫menu嗰個注意, 你寫錯字, 你寫左芥未), 其實我係對喺PIZZA上加生果就一般, 不過呢個還可以接受. 呢個nachos 反而有啲驚喜, 因為平時啲醬都係啲shasa咁, 但係呢間係用左焗過嘅芝士, 唔錯唔錯, 我自己就叫左個午餐餐牌先有嘅明太子醬卡邦尼意粉, 味道OK, 啲汁剛剛好, 如果啲意粉al dente啲會好啲, 不過有時啲餐廳係要為左適應香港人口味, 都會整得淋啲, 最後就有甜品, 呢個窩夫, 一人一件, 剛剛好, 啲皮都幾脆, 可能因為喺佐敦嘅關係, 定價都無咁高, 我地無叫野飲, 每人百頭就搞掂, 都幾抵食店內加藝術品一件, 增加歐洲風 …Read More

Been craving for mussels lately, and was the delighted to have stumbled upon this awesome mussels place. Situated in a prime location in central, it's easy to reach. The restaurant has nice vibes, and would be a great place to go especially for families with children. the Kids play zone would keep the younger ones happy, whilst you and the rest of your friends can enjoy the food and drinks. The food is generally quite decent, the salad failed to impress me, but the pasta sauce was top notch, and the mussels proved itself through its freshness and creamy sauce. I made sure I fully dip my bread into the sauce after I’m done enjoying the mussels. I highly recommend it!Will certainly revisit again with friends and family. …Read More

今日喺中環入咗一班好耐冇見嘅朋友仔，大家心血來潮想食中菜，之後搵到呢一間喺好有浪漫氣氛嘅煤氣燈街隔離嘅一間中菜廳，其實我之前都嚟過呢度去聽音樂，入到去之後發現每一台都係有好多嘅女士。中我啲朋友一齊到個set lunch menu，以為係咁多樣嘢要揀其中一樣，最後發現原來個頭盤係包晒所有嘅餸，全部有十一樣餸。我哋咁多人食咁所以就一人一份，我覺得個芝士漢堡春捲係最好食嘅，呢啲fusion菜成日都有啲驚喜，其他就係一啲比較傳統嘅中菜，個水晶宮菜餃上面仲有啲金箔㖭，睇落去都幾高級，都可以用嚟呃下followers。之後我同啲朋友揀咗唔同嘅主菜，上菜係有啲慢，因為成間餐廳得四五個侍應，但係總共有大概六七十食客喺間餐廳，我哋大約係十二點半叫嘢食，要到大約一點半先至上齊啲菜，想得最快嘅係黑松露雜菜炒飯，之後係我哋最多人叫嘅紅燒牛肉麵。紅燒牛肉麵啲肉好淋，啲麵嘅爽口程度都非常之適中，但係就得三嚿牛肉，略嫌有啲少。呢一個紅油抄手就幾好食，適合一啲平時唔係食太多辣嘢嘅朋友。…Read More

最近行開佐敦，諗住都係食越南菜為主，點知搵到間文青餐廳，想去旅行既感覺即刻返晒黎🥳我本身都唔係特別鐘意食bagel（如果去過倫敦Bricklane Beigel Bake食過鹹牛肉bagel既朋友應該知我講乜🤪）不過呢間既bagel真係令人有所驚喜，款式多， 想食西式定係日式bagel都任君選擇😋同埋唔想食到咁肥既人，可以去玩下室內鞦韆，果日玩到樂而忘返😂…Read More

難得相約好耐無見的朋友去K11 Musea 行街，一早訂左係Rosewood 上面的彤福軒直落食dinner我地上到餐廳的第一個印象是- 哇超正的環境同國金軒有得Fight 幸好朋友提醒我提前打電話安排，我們不用等足一個鐘食呢度出名的烤鴨。師傅把一片一片香脆的烤鴨片和鴨肉切下的同時，香氣亦隨之撲鼻。烤鴨的質素之高係我在香港食過的top 3 。除左片皮鴨仲有生菜片鴨崧，二食加埋1000 元有找值回票價。其實食左鴨都已經飽左一大半，我地用餘力食埋煎焗魚嘴。魚嘴焗完之後好香，不過連續食兩樣偏油的野未必個個okay 服務員推介了一杯桂花 cocktail 比我地 裡面有桂花 桃 意大利氣泡油，岩曬食左一輪香濃美食的我地balance 下腸胃，準備迎接甜品甜品係off menu 的炸牛奶。外脆內軟的經典順德甜品真係好考師傅功夫。我自己好種意奶類所以好岩我，我朋友對牛奶一般般 但都話好食。係咁既靚景之下同朋友嘆美食 吹下水 確係一大樂事…Read More

有班中環朋友約食飯，想食啲好野，所以就揀左呢間扒房。七點鐘到，先叫左支香檳飲下先，呢枝其實幾抵，出面街自己買都要千五六，呢度賣大約二千。睇一睇個menu，已經覺得好正。因為有朋友唔食牛（佢算好朋友，唔食牛都跟我地黎食牛）,我地就先叫左個海鮮拼盤，有龍蝦，蝦，蟹，魚子醬，帶子等等，仲有個好好味嘅海膽。餐廳名叫porterhouse，當然要叫一客porterhouse啦，1公斤嘅porterhouse要$1880，係澳洲嘅Mayura純種和牛紅屋牛扒。七成熟嘅1kg嘅牛扒，無可能一個人食晒啦，都係一齊分享開心。我地八個人，仲有叫埋最貴嘅Tomahawk條骨非常之大條，雖然係兩公斤，但係肉嘅份量同Porterhouse差唔多，都好多汁。不過可能我地食個海鮮頭盤太耐，我地要等到八點半先見到啲牛扒。…Read More