lamzoie的個人專頁

#foodiezo食在長沙灣 #foodiezo九龍篇估唔到長沙灣都會有好食嘅泰國嘢🤓 裝修都好有泰風🙂 店員好nice 都會主動介紹佢哋嘅餐牌😚 同埋都唔會急急腳要你落單，等你揀好先order😜 今次主要試咖哩同船麵，我成日會用船麵黎評價一間泰菜lol —————————————————————🐔青咖哩雞煲 $138 + 薄餅 $45正常青咖哩係辣嘅，但我哋order時話自己唔食到太辣，店員都好好幫我哋調整咗辣度🤪 椰奶除咗可以降辣仲可以令成個汁更綿滑🥸 雞肉都係一般雞柳，薯仔好粉🫶🏻 仲有蘑菇、洋蔥，煲到淋曬勁啱蘸薄餅食😍 整體味道都好香濃，下次可以試返正常味道haha-🐮正宗泰式牛頸脊船麵 (金邊粉) $88牛頸脊薄切更食得出肉汁同牛味😋 湯頭香濃而不膩，大量香料熬制，非常足料😉 金邊粉都掛到湯👍🏻 炸豬油渣令人一嚐再嚐🥸-🥭芒果糯米飯 $75用杯上，咁仲易控制到自己食幾多haha 芒果清甜，糯米軟糯加埋椰奶，軟軟綿綿😌 以此作dinner ending 真係一流😆…查看更多

#foodiezo食在觀塘 #foodiezo九龍篇我諗好多人都食過花膠雞米線，我自己都試過唔同嘅鋪頭，湯底各有特色😌 有啲著重生滾雞骨嘅味道，湯底都係呈黃色；有啲就著重雞肉+豬骨湯嘅奶白湯底，真係好睇個人口味😗 而我就兩樣都欣賞😘 今次食呢間正係濃雞湯嘅湯頭，果然長期有人排隊係有原因㗎！—————————————————————🍜姬松茸竹笙花膠雞米線 $78 （轉雞髀+$10）因為有姬松茸同蟲草花嘅加持，湯底超甜同濃厚！花膠有嚼口，比較花膠筒又係另一番滋味😉 雞髀肉好滑，加錢係值得㗎！雞皮無毛，滑到好想食埋😛 竹笙索曬湯又係超甜，爽滑，食到停唔到haha 米線屬於幼身米香味濃☺️ 口感紥實又掛湯食完好滿足😋 encore!…查看更多

#foodiezo食在馬鞍山 #foodiezo新界篇 馬鞍山近年愈開愈多小店，而且都係有水準嘅😆 努力洗脫美食沙漠呢個污名🤓 匠山都幾受區內人歡迎，勝在壽司、刺身、定食、丼、燒物乜都有得揀😉 店面唔算大，但坐落都唔覺逼嘅😗 所有食材都好新鮮，要加分🫶🏻 ————————————————————🍣壽司 - 吞拿魚 $25 / 帆立貝 $38 / 劍魚腩 $38劍魚腩好爽口，刀工勁，切得好靚😍 帶子好鮮甜；全部壽司飯size 適中😚 油甘魚切得靚，新鮮、有魚味🤤-🦐刺身 - 赤蝦 $88大大隻，蝦頭爆膏🤪 味道鮮甜，入口嫩滑🥰 可以加10炸蝦頭，但怕太熱氣所以無揀到🙈-🍢串燒 - 雞腎 $48 / 軟骨雞肉棒 $48 / 翠玉瓜 $38 / 雞軟骨 $38雞腎大大粒+爽口；翠玉瓜以木魚碎帶出甜味；雞軟骨、雞肉棒有咬口，正🤓-🐟燒油甘魚鮫 $88燒物一定要食油甘魚鮫，夠大份！啲肉多到兩個人分都飽曬😆 微脆嘅魚皮，蘿蔔蓉+醋，蘸完之後更開胃😚-🍘炸蟹肉忌廉薯餅 $48熱辣辣食，係香脆同軟綿綿嘅口感融合🥹 食到好味嘅薯餅好開心😝…查看更多

#foodiezo食在大圍 #foodiezo新界篇出親大圍都係食廣東菜、越南嘢、船麵etc 其實仲有好多唔同菜式嘅小店喺啲橫街小巷嘅🤓 只要花啲心機去搵，就會發現到驚喜😏 今次呢間小店座位只有十零個，嘢食都好有家的味道🫶🏻 價錢還可接受，幾切合香港style - 快、靚、正🤣 ————————————————————🍜紅燒牛肉麵 $68好清甜嘅牛肉湯頭，淡淡藥材香料味 類似八角、當歸🤓 料有蘿蔔、牛𦟌、小棠菜、蔥，麵條煙韌彈牙，同炆到好淋好入味嘅餸互相襯托👍🏻-🐖萬巒豬腳便當 $64豬腳無毛抵讚👍🏻 炆到入曬味，好重膠原，女仔食多兩舊都唔怕😎 魯肉醬唔算多肥，撈飯剛好，仲附送兩塊辣辣哋嘅小食，幾抵🤓-🌱珍味海蜇皮 $18爽口、長居我最愛小食排名haha-🥬燙高麗菜 $22有啲魯肉醬喺面，提升咗單純嘅菜味😆-🧋台式珍珠奶綠 半價後$11茶味濃，珍珠彈牙，叫走甜就fit曬😚…查看更多

好耐無食申子居酒屋喇😍 間唔中都要搵啲美食獎勵吓自己嘅😛 平日晚都八成滿☺️ 好在book咗位 有卡位坐😉😗 申子嘅定價喺旺角區都算係偏進取嘅定位😳 不過一分錢一分貨 係對自己有信心先會有呢個setting 嘅😌 如果想飲杯嘢食吓串燒/特色嘢，呢度都好啱feel🥰—————————————————————🥗蟹肉蟹子牛油果沙律 $148好多蟹肉😍 似係人手拆肉，因為會有微微量蟹殼😛 蟹籽嘅份量好足夠撈晒成碗沙律☺️ 牛油果令到成碗沙律更多層次😉 呢個前菜好鮮甜開胃😀-🍣申子新卷 $248算係比較創新嘅配搭，卷物頂頂係一啲吞拿魚蓉海膽同埋三文魚子嘅混合、入面就夾住海苔脆脆，做到外軟內脆嘅感覺🤣 -🐮極上鹽燒牛舌芯 $128呢個係每次必點😗 牛舌心超軟腍🥹 蘸少少柚子胡椒又可以做到解膩嘅效果😝 記得趁熱食啊😌-🦀鮮蟹肉粥 $168份量超多😍 蟹肉同粥嘅份量幾乎係每啖都有蟹肉😲 仲有蟹籽撈埋一齊 真係啖啖肉又唔會太悶🥶 味道清甜 溝埋其他燒物一齊食就啱啱平衡返喇🤗…查看更多

#foodiezo食在新蒲崗 #foodiezo九龍篇陳儀興打冷就成日聽，食都食過幾次😀 陳儀興有得打邊爐就真係第一次聽😆 地點都係紥根新蒲崗，做區內街坊生意為主，平日晚都8成滿，好旺場！重點係唔洗加一、唔收茶芥同醬油費！呢樣真係抵食過好多大型/連鎖火鍋店👍🏻 店內staff 都係叔叔姨姨，好nice 會教埋我哋幾時食邊樣、點食🤓 服務態度一流😍 仲好親切haha 我覺得幾啱一家大細去食😊 一間幾有人情味嘅餐廳😉—————————————————————🫕湯底 - 海鮮濃湯黃金甲 $348要預先訂嘅湯底🤓 一上枱已經見到兜嘢勁滿！完整大大隻嘅肉蟹、數唔盡嘅蜆、洋蔥、半個南瓜、芫茜等等，食曬啲料都飽咗一半🤪 湯底因為有南瓜同海鮮嘅關係，超級鮮甜！！！啲蟹真係啖啖肉、蜆無沙勁抵讚🥰 南瓜可以留一半煲到溶個湯底就會更加甜又唔洗咁飽haha 啲staff見我哋剝蟹仲會俾兜熱茶+檸檬🫖🍋我哋洗手同辟味🫢 好懷舊而又好work嘅方法😆-🐄安格斯牛肉 $178肉味濃郁、脂肪比例適中🤓 唔會好似肥牛得啲肥膏咁🤪 啱怕肥又想食牛嘅人食😳-🥟芥末西芹餃 $53自家製勁大粒！wasabi 煮熱到係另一種衝擊😂 因為無except 係咁勁，攻到標眼水🤭 餡入面有豬肉+西芹粒，好在啲豬肉唔係淨肥豬肉haha 一碟有八粒，有心理準備會被啲餃塞飽個胃😆🤣 -🫶🏻蟹籽墨魚滑 $32 / 蜂巢豆腐 $42 / 響鈴 $57 / 皇帝菜 $36墨魚滑好彈牙、好多蟹籽；蜂巢豆腐同響鈴都係平時食開嘅味道，不過不失；皇帝菜好鮮嫩，打邊爐必食💯…查看更多

#foodiezo食在沙田 #foodiezo新界篇搵食搵到入科學園真係好癲🤣 我真係可以為咗食而唔怕路途崎嶇😆 去石門練完yoga就撘806B入白石角食嘢🤩 好在有yoga buddy 陪🙂‍↕️ 佢又食得辣 所以就試間川菜🤪 鋪面好大 出面有幾張圓枱，梳化打卡位 啱曬我哋呢啲港女坐📷————————————————————🌶️藤椒青湯酸菜魚米線 (麻辣) $65湯底有芽菜、金菇、木耳，少酸+麻麻哋嘅辣😛 食完個嘴唇會發麻 好正🤩 魚片嘅份量都唔少，無骨非常好🤓 魚肉唔會一咬就散，酸菜多又爽脆🙂‍↕️-🫕酸菜肥腸香鍋 $58用鑊仔上仲配埋絲苗白飯，原因係真係好辣🥵 一定要送飯🌶️ 就咁睇已經有好多隻辣椒😂 舀咗好多出嚟都有啲辣椒籽係豬大腸入面 好癲🤣 腸煙韌 除咗辣 食落唔會覺得油😆 炒得好乾身😉 勁食蓮藕、椰菜花，酸菜都好惹味🤤-🐚香蒜牛油燒花甲 $58見到落足牛油🤫 花甲無沙抵讚嘅 都燒到好香🫢 -🥚重慶燒椒皮蛋 $28呢種整法第一次食😳 平時食開嗰啲感覺無咁正宗😆 估唔到皮蛋同青椒咁夾🫨 剁碎咗嘅青椒散發曬啲香辣出嚟 加埋蔥花 連溏心皮蛋食 好開胃…查看更多

#foodiezo食在灣仔 #foodiezo港島篇如果一聽到間餐廳有花膠雞食一定會毫不猶豫衝入去😍 呢個組合真係無得輸，點整都咁好食！！！今次聽同事講去咗灣仔一間幾出名嘅花膠雞專門店食😎 灣仔地段非常矜貴，所以店鋪嘅位置都物盡其用🤣 我哋6點去有卡位坐，比較寬敞☺️ 又唔限時可以慢慢食😎—————————————————————🌟期間限定 - 羊肚菌蟲草花花膠雞米線 (轉雞髀 +$10) $92可以揀跟爐上，熱住食更滋味🤪 湯底清甜又滑身，加上羊肚菌帶出鮮味，蟲草花令個湯更加甜🤓 另外加咗錢轉雞髀真係唔同啲，係新鮮雞，好滑、肉質細嫩😚 花膠處理得好好，膠質好重🤓 推介大家試！-🐔藥膳黃酒花膠雞米粉 $68湯底藥材味濃，好補身😆 唔係苦澀味🫡 雞件就雞翼雞胸為主，雞胸都唔榎～米粉更索湯！建議大家揀米粉食🤣 食完個身即刻暖曬，冬天食會更適合🤣…查看更多

#foodiezo食在太子 #foodiezo九龍篇之前試過大角咀總店，對墨魚餃念念不忘😍 見到太子都有分店，happy friday 就入去enjoy多次🤓 全滿座，都等咗陣先有位😌 證明幾受歡迎🥸 6月起仲update 咗個新menu 有雲吞雞食呀😍 推介大家都去試試🙌🏻—————————————————————🐔砂鍋雲吞雞配白飯 $88份量多到一個人食真係未必食得曬🤪 食雞前飲啖湯，清甜嘅雞湯令人好想一飲再飲☺️ 有各部位嘅雞件，就算係雞胸都唔會柴 有雞味👍🏻 白菜仔好索湯，仲有雲吞都好足餡☺️ 送飯必選😙-🥟墨魚馬蹄餃擔擔麵 $65外皮加咗墨魚汁所以係黑蚊蚊，皮都比較煙韌。個口感唔係墨丸果隻黎，係淋淋地嘅墨魚肉加埋爽口嘅馬蹄，同傳統餃子完全唔一樣，值得一試再試😆 擔擔麵湯底重花生醬，好香，仲有好多花生粒粒同蝦米仔👍🏻-🥢老醋海蜇頭 跟餐加 $18見親有海蜇頭都一定會嗌😛 因為海蜇頭爽口又香脆，加埋醋食就勁開胃🥰 呢度仲會加埋蒜青瓜蘿蔔絲 好惹味呀😉-🐷千層醬豬耳 跟餐加 $18愈來愈少餐廳會整呢味嘢，因為整法複雜😳要將汆過水嘅豬耳放入滷水汁煮半個鐘，再用充滿膠質嘅雞湯冷卻而成，見到嘅千層豬耳，其實係用重物壓平先會有咁嘅紋理🙂‍↕️ 買少見少嘅小食，見到記得要試😎…查看更多

#foodiezo食在觀塘 #foodiezo九龍篇如果唔係喺附近返工真係唔會知呢度有間樓上cafe😳 環境幾舒服 間隔闊落，咁啱dinner時間仲有奧運直播睇🤓 又無限時，同朋友鍾意傾幾耐計都得🙂‍↕️ 仲有幾多唔同類型嘅食物選擇，串燒、小食、便當、意粉都有😉—————————————————————🍱日式咖哩吉列豬扒便當 $78份量都好多🤣 好欣賞佢個日式炒雜菜同埋焗番薯☺️ 好清甜同淋 啱晒我呢啲懶咬嘢嘅人😆 珍珠米飯粒粒分明，豬扒冇肥膏唔怕食多幾嚿😆 咖喱汁好啱送飯☺️ 仲有個炸春卷都好好食☺️-🍝秘製日式燒汁豚肉炒麵 $98上枱嘅時候有啲嚇親，因為有好多沙律醬，本身唔想撈晒😛 但食落發現其實日式炒麵就係要撈埋沙律醬先好食😆 所以都唔理咁多了 一次過撈曬😆 豚肉係有煎過，好香口☺️ 中間夾雜咗啲紫洋蔥同埋蟹籽 所以幾有咬口😉-🐤燒雞皮 / 🐮燒牛肋條串燒都幾惹味😉 價錢就同市價差唔多啦😌 即叫即燒，熱辣辣食保留住啲肉汁好食呀😀…查看更多

#foodiezo食在旺角 #foodiezo九龍篇齊柏林新副線 - GYUDONYA牛丼家🆕 唔止賣熱狗🌭 仲賣埋日式丼飯🥸 撈過界又夠唔夠撼呢😆 今日實測咗😗 首先地理位置係近旺中，夠方便👍🏻 營業時間由7:30 做到凌晨2:00 夠flexible👍🏻 啱曬啲夜鬼 仲可以當宵夜食😆 定價合乎質素🤣 幾廿蚊就有大大碗飯仲跟埋餐，依家真係買少見少🥴 坐位闊落，坐得舒服係好緊要架！樓高2層，聽講遲啲仲會有埋壽喜燒供應添🤫 應該都會幾受歡迎🤗—————————————————————🧀雙重芝士牛肉飯 + 青菜 + 白桃汁 $55還原普通日本牛肉飯🫢 用最簡單嘅鰹魚醬汁同味醂整成嘅牛汁撈飯，已經好香好好味🥹 牛肉就係薄切肥牛 好淋☺️ 碎芝士都做到輕微拉絲🤪 牛汁份量唔會搞到成碗飯濕曬👍🏻 青菜就係油麥菜，鮮嫩☺️-🐮雙重芝士牛魔王飯 + 公魚仔 + 冰紅茶 $70牛魔王其實就係漢堡扒咁解😆 真係平時食漢堡扒嗰塊扒，厚切，入面仲夾住啲洋蔥碎，好鬆軟😉 味道有少少燒汁感覺 幾送到飯😉 仲有啲子薑好好食！甜酸好開胃🤗 推介🖐🏻…查看更多

#foodiezo食在旺角 #foodiezo九龍篇呢幢由唐樓活化成商場嘅地方，有好多特色小店同餐廳，周不時都會有市集添；而我一直都有幾間餐廳想試🤓 先試呢間西Cafe，鋪面大，有卡位同大枱😀 環境幾chill，staff都nice 有問必答☺️ 上菜速度快，如果趕時間嚟呢到食就一流😎—————————————————————🦀甲羅燒蟹之戀意大利粉 $208蟹蓋上放滿蟹膏、蟹肉同蟹籽 就咁食真係幾咸香，撈意粉食就啱啱好喇😛 意粉主要用味噌醬炒成，清清哋用蟹膏襯托返成碟粉嘅精粹😚 仲有三色椒同白蘑茄切片伴碟，感覺健康又滋味😉 -🍄酥炸靈芝菇配紅菜頭意大利飯 $152炸咗嘅靈芝菇都好juicy😗 意大利飯好煙韌，飯嘅煙韌再加菇嘅juicy，層次分明，飯仲掛曬紅菜頭汁，fresh 之餘又有豐富纖維🤩 唔怕食多幾啖😊…查看更多

#foodiezo食在灣仔 #foodiezo港島篇喺囍帖街附近嘅fusion餐廳，樓高兩層，平日晚都7成滿，要坐上層😳 對比樓下，樓上光線較暗、雖然都坐滿人，但樓底有返咁上下，所以啲聲都唔會焗埋一齊好嘈咁😉 上菜速度都係15分鐘內，可接受😊 —————————————————————🐚法國香草脆田螺 $98外層係威化，入面包住田螺，焗溶咗香草牛油同時焗脆威化☺️ 有兩層口感，先脆後軟，啱曬做餐前小食😛 -🐟紐西蘭脆皮三文魚 $298選用刺身級嘅三文魚，即使唔係全熟都放心食😉 店員介紹佢哋係用咗果皮同檸檬去醃三文魚，可以令條魚煎出嚟無咁油☺️ 食落去全部都係omega 3😀 欣賞佢配咗好多蔬菜係底，有秀珍菇、矮瓜、四季豆等等夠曬營養🤓 魚肉好嫩，蘸埋個汁，解到膩啊😉-🍝特色卡邦尼意粉 $238呢度用金華火腿同臘肉代替咗平時選用嘅煙肉😌 非常特別嘅選擇，咸香味重，同蛋黃汁好夾😋 意粉煙韌，掛汁，推介🙌🏻…查看更多

#foodiezo食在荃灣 #foodiezo新界篇荃灣廣場地庫原來有條食街😆 唔係搵@homeland.kitchen 都唔知😆 餐廳裝修以花牆為主，俾到人少女心嘅感覺☺️ 仲有組霓虹燈slogan 好打卡able😜 嘢食比起上一次又多咗啲fusion 嘢揀喎🤓 整體都唔錯啊😝—————————————————————👫🏻Pipi Pizza 二人套餐 $348🥗溫泉蛋素煙肉粒凱撒沙律主要係生菜同烘多士粒，加啲素煙肉碎、芝士粉，溫泉蛋嘅蛋黃會令成個沙律無咁dry😆-🍅蕃茄湯 / 🦞鮮打法式龍蝦湯兩個湯都配有法包，蕃茄湯微酸，係打到變蓉咁濟，加埋啲蕃茄肉粒🤓 龍蝦湯有蝦肉😆 幾濃郁同唔會死咸，有鮮味😉-🍕秘製北京烤鴨薄餅係薄脆嘅餅底😍 餅面鋪滿京蔥同青瓜絲😳 鴨肉係用煙鴨胸😆 仲有芝士可以拉絲☺️ 加埋個醬100% 還原北京填鴨個味道🤤 呢種食法好創新，不過我都係鍾意傳統啲 用蒸皮夾鴨肉食🤭-🥘龍蝦汁鐵鍋海鮮燉飯 +$18有青口、蜆、蝦、墨魚仔等嘅海鮮都處理得好好，無腥味同雪藏味，令食材都上到龍蝦汁嘅味道😉 飯係意大利飯嘅口感😗 仲有特別嘅係佢炸咗啲紫蘇葉，加埋飯食增加脆口感😆 無咁單調，不過有心理準備塊葉係油啲🤪-🥔香草蒜香焗田螺拼薯蓉 +$68都幾多田螺😂 薯蓉本身整到好滑，加埋粒粒薯增加口感☺️-☕️ 香芋latte唔係用粉沖水嗰啲，係真係有blend 過啲香芋 超香😍…查看更多

#foodiezo食在尖沙咀 #foodiezo九龍篇一間主打美式傳統漢堡嘅小店☺️ 用美國靚牛製作手工漢堡😚 連店員都係講英文，夠曬地道😆 除咗安格斯牛都仲有日本和牛、天婦羅蝦、雞扒同素漢堡，迎合返唔同人士口味😀 今次試嘅係店員極力推介嘅美國安格斯牛😆 每個都係即叫即整，高質🫶🏻—————————————————————🍔黑松露蘑菇安格斯牛漢堡 $125多餡到跌曬出嚟😍 個包皮有煎過 好脆😉 啲芝士同蘑菇mix埋一齊 好juicy🥹 塊牛肉汁滿滿，肉同脂肪嘅比例溝得啱啱好，咬落去好鬆🤤 撈埋黑松露醬又再昇華，好濃味😝 配啤酒一流👍🏻-🧀 車打芝士安格斯牛漢堡 $85呢個相對會清啲，主要係洋蔥mix車打芝士再配沙律醬酸瓜、蕃茄，牛肉，重點放返落牛度，唔會俾啲配料搶fo😼 想原汁原味可以試呢個😆-🥔炸薯條加瑞士芝士 $57煮溶咗啲瑞士芝士再淋上炸薯條上，趁熱食啲芝士好軟熟😍 薯條係粗直薯，唔洗再加鹽已經好惹味☺️…查看更多