FrancisChan0309's Profile

見今日假期同女朋友嚟到長洲估唔到假日嘅長洲比出邊旺角更加人山人海行到攰攰地見到一間裝修非常之靚嘅鋪頭門口仲有隻可愛嘅狗仔見到隻狗有風扇有嘢飲真係做狗好過做人😂一開頭以為佢哋有嘢食不過店員話事業期間暫時只係得飲品不過唔緊要反正我哋都未肚餓入面嘅環境都非常舒服座位唔多不過成個燈光裝修都令人覺得好放鬆而行到最入邊仲有一棵好大嘅櫻花樹梗係要打卡啦我哋飲咗芝芝芒果（$38）+芝芝草莓（$38）飲得出係新鮮生果味道天然仲有淡淡果肉芝士奶蓋濃厚咸香超級好味其實長洲因為係旅遊區所以一般飲品同食物都比出邊貴但係呢一間佢同同我喺市區飲嘅價錢差唔多而且佢好足料性價比好高店員亦都好有禮貌如果下次嚟到長洲會再返嚟…Read More

呢餐飯我係2019年10月27日食不過之前太忙一直冇打到食評最近卒之有啲空閒咁就補返晒啲食評啦當日係同屋企人食飯屋企人都幾鍾意食辣於是乎就試咗呢間係Yoho的泰國菜入面的環境裝修都幾舒服起碼唔會坐得迫迫夾夾而服務亦都相當殷勤大部份店員都會好主動咁樣去服務你尤其係一個店員服務態度真係非常好其實好老實講左咁耐已經唔記得啲菜叫咩名但味道就依然記得嘅今日我哋叫咗以下呢啲菜仲有啲飲品由於篇幅有限就唔打出嚟啦每一個菜都相當唔錯尤其係佢個柚子沙律同埋乳豬呢兩個係我哋咁多人都覺得最鍾意嘅最後埋單六個人$1640每個人二百幾蚊就已經食得好飽呢個性價比真係高到不得了住元朗又鍾意食泰國菜的你一定要試…Read More

由於工作太忙所以好耐都冇打過食評最近終於有返啲時間可以好好補返晒之前嘅食評仲記得係10月嘅時候當日同朋友喺屯門搵嘢食午餐時段唔知食咩好剛好其中一個朋友話想食拉麵於是就試咗呢一間位於屯門市中心的拉麵店去到門口都幾多人排隊所以對佢嘅拉麵都幾有期待排咗大概20分鐘其實入邊嘅店員服務就一般可能因為太忙我哋都好體諒但係佢食物嘅質素亦都相當一般我哋叫咗三款唔同嘅拉麵湯底都算濃郁但係就唔香比起其他拉麵店都稍為遜色麵質尚算可以都幾掛湯但啲叉燒同半熟蛋有啲失望叉燒冇乜味隻蛋仲係凍嘅叫咗個小食炸雞表面就香脆但內裏就老左啲總括來講其實一個麵都接近100蚊價錢來講唔算特別平呢個價錢的拉麵來講可以有更加多更好嘅選擇事隔幾個月唔知有冇改善但個人來講就未必會再試…Read More

同朋友聚會食完飯想飲杯野驚朋友介紹嚟到呢一間係尖沙咀柯士甸路嘅手工啤酒吧入到店內已經見到有好多唔同種類嘅手工啤酒由於我本身好少飲手工啤所以唔係好識選擇店員過嚟好詳細咁樣問我嘅口味然後推介左好幾款嘅啤酒俾我雖然當晚我飲醉咗已經唔記得咗個名係乜嘢但係味道真係相當唔錯有啲有水果味有啲有咖啡味而唔係好似平時啲啤酒咁剩係得麥味而且店內嘅手工啤酒每個月都會有啲唔同嘅品種替換可以每個月都嚟試新野每杯啤酒都係80到$100不等喜歡手工啤酒嘅朋友一定要試…Read More

半夜收工女朋友突然間話想食豬骨湯嘅嘢即刻上來OpenRice查吓見到一蘭拉麵好啦試一試其實位置都有少少唔就腳都搵左一段時間先至搵到去到門口見到裝修都好似幾吸引於是乎就好期待咁樣入到去:)店員好大聲咁樣講咗一聲歡迎光臨之後就帶咗我哋去一個位度然後同我地講如果想飲水要自己去拎:(落單係自己用張紙剔選擇唔算好多我哋好快叫完嘢食唔使10分鐘啲嘢就嚟啦一開頭嚟嘅係慢煮豚肉燒啲豬肉煮得過晒龍好似食緊湯渣咁醬汁調得還可以但口感就真係非常差⭐️⭐️⭐️（5⭐️滿）之後嚟嘅係拉麵其實味道就無乜特別豬骨湯都算香濃係配料略少其實可以當係食緊淨面⭐️⭐️⭐️最後埋單差不多$300 連水都要自己出去攞單又要自己出去埋就真係唔知點解佢收我服務費而且味道亦都唔係出眾呢個價錢有更加多唔同嘅選擇無下次…Read More

去到荃灣搵嘢食驚好朋友介紹試呢一間連個門口都唔知點入嘅鋪頭（點解我會咁講？試吓你就知）聽講呢間鋪頭平時排隊排得好長龍不過咁啱我哋夜晚9點幾先去所以唔使等位就可以好快入座:)場內嘅環境都幾舒適柔和嘅燈光賠償歐陸式嘅裝修都好適合三五知己過嚟坐吓傾吓計其實睇完個餐牌有好多野都好想食不過因為胃口有限我哋就叫咗黑松露軟殼蟹意大利粉意粉煮得彈牙唔會太淋再配上黑松露忌廉汁同埋炸得鬆脆嘅軟殼蟹味道就真係唔錯唯一挑剔嘅點就係個汁唔夠鹹⭐️⭐️⭐️⭐️（5⭐️滿分）Caramel  Banana  Waffles 配料非常多口感很豐富重點係全部配料味道都非常好個窩夫亦都做得非常鬆軟亦都非常香整體配搭令我十分驚喜⭐️⭐️⭐️⭐️⭐️抹茶流心吐司上面凍冰冰嘅抹茶雪糕球配上下面烤得香脆熱辣辣嘅吐司再加上吐司入面香龍嘅抹茶流心簡直係抹茶控嘅天堂香濃嘅抹茶再加上豐富嘅口感簡直就好似成個人浸喺抹茶入面一樣⭐️⭐️⭐️⭐️⭐️Chocolate  Paradies非常香濃朱古力尤其係個心太軟都好好味不過比起其他野食就好似無乜特別⭐️⭐️⭐️⭐️熱榛子朱古力非常香濃的榛子味和朱古力味而且口感順滑喜歡朱古力的朋友要飲⭐️⭐️⭐️⭐️奶泡桂花荔枝特飲外型好靚桂花味同荔枝味都夾但飲到最底的時候太咸可能係海鹽溝唔均勻⭐️⭐️⭐️最後埋單367蚊呢個質素3百幾蚊絕對係抵俾驚喜程度非常高喜歡甜食係比主食好食好多喜歡食甜品必試…Read More

星期日出旺角行街買嘢有朋友突然想食上海菜於是乎見到呢間滬小館咁就試一試佢啦一開頭來的係自選三小拼邊三個小食其實可以自己揀嘅而我哋就選擇咗手撕烤夫，油炆筍，鎮江肴肉烤夫同油炆筍都唔錯係個鎮江肴就爭小小啦唔夠香，口感亦一般⭐️⭐️⭐️(5⭐️為滿)雞絲粉皮呢個都幾好味佢嗰醬除咗香之外亦都非常之夠味⭐️⭐️⭐️⭐️雪菜肉絲炒年糕雪菜肉絲略嫌少左d令到食嘅時候唔係每一舊年糕上面都有所以唔係好夠味⭐️⭐️⭐️上海菜肉大雲吞呢個非常多餡不過湯就冇乜味而且個人唔係特別鍾意食雲吞⭐️⭐️⭐️上海生煎包呢個可以話係最好味嘅一樣野皮嘅上層唔夠鬆軟而下層亦都剪得夠香夠脆而且啱啱上嘅時候一咬落去仲會爆汁⭐️⭐️⭐️⭐️⭐️酒糟蔥油辣椒雞呢個鍾意食辣嘅朋友一定要試非常入味香辣味同雞尾配合得相當唔錯⭐️⭐️⭐️⭐️最後埋單三個人一共係$260正常價錢不過服務就真係一般般…Read More

之前喺大陸食過好多次咁啱路過尖沙咀分店有個服務員上嚟推銷話送蝦滑好啦就嚟試一試香港同大陸有咩分別入邊嘅環境都幾乾淨幾舒服而且店員同大陸嘅一樣咁熱情:)我哋本身諗住叫個兩格鍋底點知店員同我地講話原來叫個四格兩格選你要嘅湯底兩格就選白開水係會平過你就咁叫兩格真係多謝店員嘅介紹咁又慳咗幾十蚊係等嘢食嘅期間店員拎左碟西瓜同埋一碟免費小食俾我哋味道不過不失不過免費就唔好咁有要求我哋兩個人叫咗無刺沙巴魚片呢個係每次你海底捞都一定要叫嘅完全冇骨非常嫩滑味道一流⭐️⭐️⭐️⭐️⭐️（5⭐️為滿分）血旺嫩滑唔會太散係略嫌麻辣湯底煮完都無乜味⭐️⭐️⭐️⭐️撈派牛肉牛肉嫩滑有牛味又係每次黎的必點⭐️⭐️⭐️⭐️⭐️皇帝菜菜夠新鮮味道不俗⭐️⭐️⭐️⭐️炸饅頭外層金黃香脆內裡鬆軟香甜而且不會炸得太油⭐️⭐️⭐️⭐️⭐️魚籽蝦滑呢一份係送既味道亦非常不錯蝦夠彈牙滑都夠滑加上魚籽口感豐富⭐️⭐️⭐️⭐️⭐️撈面除左特登有個人來幫你拉麵外其實味道無乜特別口感都夠煙韌⭐️⭐️⭐️自助醬料有好多十幾二十款$15一位另外仲有湯，生果，小食係免費任食嘅最後買單兩個人$415估唔到香港比起大陸都唔大分別而且呢度嘅服務質素係非常之好店員嘅貼心服務一定唔會令到你想再來鍾意食火鍋嘅朋友可以一試…Read More

十二點幾覺得肚餓喺尖沙咀唔知食咩好經過厚福街見到門口大大個字寫住「一碗亂湯都可以飲埋嘅米線」即刻走入去試一試見到淨係米線都已經相當多選擇我哋兩個人就點左芫荽雞湯米線椰子雞湯米線同埋啲小食芫荽雞湯米線（加玉子豆腐，豬頸肉）果然個湯頭非常清香濃郁嘅雞湯配上芫荽非常之夾（芫荽味其實唔算太重）雞件亦都算嫩滑性價比相當高⭐️⭐️⭐️⭐️⭐️（5⭐️為滿分）椰子雞湯米線呢個亦都非常好味清甜嘅椰子湯同雞湯混合奶白色嘅湯底令到雞件感覺上更加滑⭐️⭐️⭐️⭐️⭐️小食方面我地點左黃金皮蛋金黃色嘅皮蛋賣相一流之餘佢嘅醬汁亦都調得相當好十分惹味⭐️⭐️⭐️⭐️⭐️最後係爆芝黑松露燒大菇呢個就無之前d菜咁出色啦芝士同黑松露都夠多但係呢兩種野都冇乜味:(菇燒得唔夠香唔算難食但都唔算好食⭐️⭐️⭐️加咗小食加咗咁多餸最後買單兩個人都係$200到已尖沙咀地段來講性價比都算相當高鍾意食米線嘅朋友一定要一試…Read More

玩完op既哈佬喂已經12點幾唔知有咩食諗起呢間火鍋開到半夜3點朋友們又有興趣於是就搭車黎食我地點左個花膠鯊魚骨膠原鍋奶白色嘅湯底配上爽口嘅鯊魚骨同埋嫩滑的花膠正D湯可以直接就咁飲配上送嘅鍋巴食都一流⭐️⭐️⭐️⭐️⭐️（5⭐️為滿分）醬料有6款($13/位)食火鍋來講都相當夠蟹籽墨魚油炸鬼脆卜卜嘅油炸鬼上面加上墨魚滑同埋蟹籽口感豐富又脆又軟滑⭐️⭐️⭐️⭐️⭐️頂級安格斯牛頸脊油脂分布均勻而且唔會切得太薄影響口感即使煮到熟曬都唔會韌⭐️⭐️⭐️⭐️⭐️超甜粟米&油麥菜不過不失冇乜特別超甜粟米唔係真係超甜:(⭐️⭐️⭐️鮮淮山個人真係特別鍾意食淮山建議只煮1分30秒咁樣嘅淮山非常爽脆但係又唔會怕太生食完會痕⭐️⭐️⭐️⭐️⭐️自家脆響鈴上枱嘅時候仲係熱辣辣出緊煙配上奶白色嘅骨膠原湯底食真係相當唔錯⭐️⭐️⭐️⭐️⭐️最後係壓軸嘅象拔蚌刺身店員同我地講話$788嘅時候我哋本身都唔期望係加拿大蚌所以對佢嘅要求都冇咁高但係上黎之後啲肉食落口有啲腥係唔新鮮嗰隻腥本身自己都經常食海鮮所以分得好清楚而佢個膽嘅附近個心都仲係結冰嘅所以呢一度係非常之失望⭐️總括嚟講其實呢間野我哋都食過幾次除咗個象拔蚌刺身其他都OK鍾意食火鍋嘅朋友可以嚟一試…Read More

母親大人生日咁啱見OpenRice上面有優惠即刻買左3位順帶一提食飯係有泊車優惠嘅不過當日我哋就因為唔識路所以冇泊到係個度餐廳嘅門面做得非常之靚裝修非常豪華作為生日飯嘅地方真係相當體面今次嘅餐牌有三款同四款選擇唔鍾意食甜品嘅朋友可以揀三款而我哋買咗套票嘅梗係食四款啦店內嘅環境亦都相當好有個海景之餘環境亦都夠寛敞舒適有個咁好嘅環境梗係要開枝酒啦唔飲得嘅朋友可以好似我哋咁樣選擇半枝黎過下口癮享受左一陣美酒🍷靚景之後頭盤就黎啦珍寶帶子三重奏呢個係又由底食返上頂每一層都係用不同的烹調方法帶子亦相當鮮甜真係一次過滿足你3個願望⭐️⭐️⭐️⭐️⭐️（5⭐️滿分）之後係湯堤岸龍蝦濃湯配香煎蟹肉餅龍蝦湯非常濃厚配上蟹肉餅口感非常豐富唯一缺點係咸左少少:)⭐️⭐️⭐️⭐️接住黎嘅係主菜我地有一位選擇咗火炙鱈魚柳配牛油燴大蒜魚柳處理得相當好肉質嫩滑，外皮酥脆魚的油脂香味在口內久久不散非常美味⭐️⭐️⭐️⭐️⭐️而另外兩位就加左$60，選擇香烤28天乾式熟成西冷扒配原隻大虎蝦牛扒方面其實真係相當唔錯牛味香濃火侯亦都做得幾好:)但係個虎蝦就真係有d失望唔新鮮，無味，口感亦都似橡筋要加$60真係唔算值但淨係食塊牛扒係OK嘅⭐️⭐️⭐️到最後係甜品因為屋企人生日一早已經預訂左個生日牌仔甜品係香橙甜酒疏乎厘配薑味雪糕甜品比想像中大份薑味雪糕夠晒特別味道不錯配上疏乎厘感覺像食薑汁撞奶而疏乎厘口感鬆軟綿密不過個人唔特別鍾意食甜覺得個甜品甜左少少⭐️⭐️⭐️⭐️店內環境服務食物質素都不錯食物賣相亦夠精緻人頭$500左右能夠在酒店內享用海景晚餐性價比真係相當高有興趣嘅朋友記得係OpenRice度買優惠卷…Read More

見九月有個優惠$1480就可以享用到夜上海嘅四人晚餐即刻同朋友預訂左呢間餐廳一試米芝蓮級數的美食本身預訂左係8:00佢都話要等等結果都等到差唔多8:30先至入座不過過程當中服務員嘅態度都非常好由於我哋本身已經訂咗呢個餐所以坐低一陣就已經開始上菜先來個小食話梅南瓜🎃食落個味道其實唔似南瓜反而有啲似紅蘿蔔🥕酸酸甜甜咁好開胃⭐️⭐️⭐️⭐️(5⭐️滿分)再嚟係鎮江肴肉口感非常特別好似啫喱入邊混咗啲肉咁仲有啲午餐肉味⭐️⭐️⭐️⭐️脆椒香酥蝦好夠鑊氣脆椒夠脆調味做得相當唔錯但可惜啲蝦唔夠脆⭐️⭐️⭐️⭐️迷你佛跳牆非常足料湯頭亦都好鮮甜唯一可惜係隻鮑魚有少少腥⭐️⭐️⭐️⭐️⭐️鹹香炒肉蟹加咗鹹蛋黃嘅肉蟹非常香非常惹味調味方面就已經做得好好啦但可惜隻蟹唔係新鮮蟹肉質方面有少少霉⭐️⭐️⭐️⭐️招牌龍鬚鮮魚絲呢個菜可以話係全晚嘅mvp非常鮮味除咗調味方面芽菜同鮮魚肉嘅配搭簡直係一絕⭐️⭐️⭐️⭐️⭐️杞子薑絲菜苗啲菜夠嫩兩件薑絲有啲太多蓋左本身菜嘅味道⭐️⭐️⭐️⭐️馳名黃橋燒餅餅皮鬆化但個餡其實就冇乜特別⭐️⭐️⭐️⭐️燕窩蛋白生磨杏仁茶呢個糖水非常之好味夠滑杏仁未夠重而且啲配料亦剛剛好唔會太多亦都唔會太少⭐️⭐️⭐️⭐️⭐️總括嚟講其實成餐嘅味道都唔錯環境亦相當之好服務亦都不錯人頭$500能夠在馬可孛羅酒店內用餐性價比亦相當高唯一可以改善嘅係下次可以嘗試出餐嘅順序跟返個餐牌因為相信佢係有設計過味道由淡到濃整體上來講係唔錯可以一試👍🏻…Read More

早左放工出到太子始創中心呢邊買嘢買完野後唔知食咩好到處關左一下就發現左呢一間台灣野餐廳入邊係以懷舊特色主題環境都算唔錯當時已經係九點幾唔想食太多於是乎就叫咗兩個飯同兩杯野飲店員先上咗兩杯野飲一杯係蜂蜜檸檬水新鮮檸檬配搭上天然蜂蜜酸酸甜甜都幾好飲5星另一杯桂花冰梅汁就有啲失望啦其實就係普通嘅酸梅湯係一啲桂花味都冇嘅3星再嚟上咗兩個飯鐵路雞扒便當雞扒唔會太老不過可惜唔入味而且滷肉飯啲滷肉實在太少個雞排又唔夠味滷肉又少就好難食晒成個飯3星另一個一口小香腸便當啲香腸幾好味都係同樣問題滷肉少左啲但味道係唔錯嘅4星總括嚟講$150食兩個碟頭飯係有少少貴性價比唔算好高而且店員服務亦不算好但在太子區來講如果你唔知想食乜預算又唔係特別高想食飽的話其實都可以嚟試一試…Read More

之前已經聽過呢間酸奶店嘅名今日咁啱行經尖沙咀見到有分店鍾意飲飲食食嘅我梗係即刻試一試啦！下午4:30都已經人山人海可見呢間鋪都幾受歡迎相信質素都不錯剛好有手邊上有個排行榜於是乎試一試第一名的吃米酸奶同埋第三名的莓果粒粒飲品大概等左10分鐘左右排名第一的吃米酸奶奶味都幾香唔太甜飲落去仲有啲紫米紫米煲得啱啱好相當煙韌非常有咬口配搭上酸奶都真係幾特別至於排名第三的莓果粒粒草莓味非常之重呢個會比吃米酸奶甜小小但都不會太甜所以鍾意飲甜野嘅係一個不錯嘅選擇而且入邊嘅果肉都幾多29 30幾蚊一杯好過你買7–11嗰啲唔知乜嘢果粒酸奶最重要係呢度飲落去感覺上比較健康大家值得一試…Read More

星期五放咗工冇咩做咁啱之前食開的海鮮蒸氣鍋餐廳在尖沙咀開了新店於是乎馬上去試一試去到門口有啲裝修都未整好不過就有隻會發光的蟹都幾易認入到裏面嘅環境都相當不錯比起以前元朗店嘅店面寬敞舒適好多歐陸式嘅裝修俾人嘅感覺好舒服我哋今次選擇咗刁鑽海鮮套餐入邊有10款嘢食有九款都係海鮮嚟嘅一開頭店員會先幫你落粥底但由於之前都食過好多次所以唔記得咗影相入邊有南瓜 排骨 粟米 珍珠米然後就上咗個海鮮大拼盤入面有翡翠九孔鮑魚越南海虎蝦🦐深海龍躉片象拔蚌仔(店員話由於當天象拔蚌仔靚所以取代越南貴妃蚌)日本大元貝韓國慶南蠔其實睇賣相都知海鮮真係非常新鮮呢一盤入邊個人尤其喜歡蠔 鮑魚真係蒸啱啱好🤤蠔非常鮮甜 蠔味亦非常夠鮑魚唔會過熟軟滑彈牙😁5星好評⭐️⭐️⭐️⭐️⭐️所有嘢都會有店員幫你蒸和處理所以唔使擔心唔識處理好似食緊殘廢餐咁，好正👍🏻再嚟係原條深海東星班廚師會成條幫你起咗肉先成條都係啖啖肉非常鮮味不過我個人就唔係特別鍾意食魚嘅4星⭐️⭐️⭐️⭐️鍾意食魚嘅朋友一定要試🐟野生賴尿蝦店員話因為多謝我哋咁支持所以免費升級左一隻大嘅俾我哋隻賴尿蝦成隻手臂咁長咁大而且會有店員幫我地拆埋殼賴尿蝦肉非常之鮮甜 彈牙而且係非常之實肉證明左係好新鮮五星好評⭐️⭐️⭐️⭐️⭐️澳洲青年龍蝦🦞越南頂角膏蟹🦀呢兩個真係我哋期待已久嘅主菜啱啱攞出黎嘅時候佢哋仲係郁緊嘅新鮮嘅程度真係不在話下蒸好左嘅青年龍蝦味道鮮甜肉質彈牙😋比起你平時出邊食到嘅波士頓龍蝦呢度嘅青年龍蝦完全係超晒班👍🏻👍🏻👍🏻至於蒸好左的越南頂角膏蟹蟹味濃郁可以食到好似鹹蛋黃咁樣嘅蟹膏又可以試到軟滑嘅蟹膏一隻蟹雙重享受食完之後蟹味仲會一直停留喺口腔入面🤤🤤兩樣都5星好評⭐️⭐️⭐️⭐️⭐️食晒海鮮之後仲有個有機蔬菜籃入面有粟米 南瓜 娃娃菜 生菜蒸既菜會比一般嘅炒菜菜味會濃好多同清甜好多4星半⭐️⭐️⭐️⭐️最後係個粥底所有海鮮嘅精華都滴晒入去尤其係粥底係用珍珠米個粥底非常之綿配搭埋海鮮汁嘅鮮甜味🤤真係一絕不過由於太吸引所以唔記得咗影相就食晒食粥嘅時候仲可以加埋菜譜蔥花芫荽重口味嘅朋友都唔使驚埋單$1000左右食海鮮來講真係唔算貴而且咁嘅環境咁嘅服務質素直頭係超值性價比好高下次必定再嚟食👍🏻…Read More