Terence Yip's Profile

公道講句，食物質素方面，我覺得係不錯的，但由落單之後就開始出事，令人好掃興，我覺得直情係破壞哂整餐飯。我們一行五人，19:30入座，當時目測入座率冇一半。部長A：試下我哋嘅招牌茶燻雞？我：OK，咁要一隻茶燻雞。A few moments later.....部長A：唔好意思，茶燻雞冇哂。部長A：會唔會試下炸子雞、芝麻雞或者香妃雞？都好食㗎。我：OK，咁轉炸子雞。A few moments later.....部長A：唔好意思，炸子雞我淨係俾到半隻你。部長A：半隻炸子雞，半隻芝麻雞OK嘛？我：OK，無問題。A few moments later..... 部長B走過來部長B：唔好意思，今晚我哋比唔到雞你。我：下？剛剛你同事話有，你會唔會問清楚先？部長B：幫你睇睇先。A few moments later.....部長B：係有半隻炸子雞留左比你地檯，但芝麻雞冇哂了。我：咁你地仲有冇其他雞？部長B：冇哂啦。最後我地只得到半隻炸子雞.....先唔考究點解一間中餐廳晚市剛剛開始就冇哂雞，其實我唔介意無雞食，問題係你明知自己冇，點解你落單時唔講？落左單又要改，仲要來回改左幾次，你唔嫌煩，我都掃興啦。…Read More

星期六傍晚，同老婆喺尖沙嘴行完街，想搵間居酒屋食吓日本野，上 OpenRice 搵到南瀛水產，食物同環境都唔錯。環境夠大，座位闊落坐得舒服；食物方面都好出色，我地食咗：池魚、油甘魚、鯛魚、海膽壽司，花魚一夜乾，燒牛舌，溫泉蛋和牛釜飯，鰻魚玉子燒，甲羅燒，燒牡蠣；冇乜可以挑剔，整個用餐體驗都好滿意的。唯一美中不足嘅係，我經 OpenRice 訂位，19:00 入座係有正價 88 折優惠，但最後埋單時餐廳冇計到；而我埋單俾錢時亦都冇留意，係事後先發現。相信今次係無心之失計漏左，而我自己 check 單時都有責任；希望餐廳可以多加留意，祝生意興隆！…Read More