Joda lau's Profile

如果喜愛宮崎駿的話，一定會被門口嘅可愛造型擺設吸引，見好多朋友都在打卡留念，內部裝修明亮簡約，再加上用暖色，感覺親切自然。 餐牌有多款套餐選擇，套餐除了包括前菜、湯、肉、飯之餘，還有一樣額外嘅肉/甜品，可視乎自己喜好點選。 由於用餐限時60分鐘，略為趕急，我只點了牛小排餐配玉子飯及雪糕，幸好上餐速度快，可以及時食晒走人。 欣賞牛小排嘅肉質幼嫩，個人認為燒到7成熟就最正，加上充滿牛味，所以無需加太多調味已好好食。玉子飯要加$15，但都幾大碗，舖滿紫菜碎及木魚，連蛋漿入口……正。 雖然人手略為不足，但整體感覺吾錯，下次會再來試其他。…Read More

朋友話春節開運要食鮑魚（包你年年有餘）🤭🤭，俾佢講到我心思思……本身都係鮑魚控 😂😂 咁啱經過樂富店，又俾我睇到元氣今日做緊半價帆立貝😍+富貴鮑魚雙味🤩即時有種幸福double up嘅感覺🥳🥳！ 門口職員好有禮貌，主動問客人有否需要紙袋放口罩，雖然只係隨便一問，已反應到服務態度👍👍其實食咁多次元氣都冇寫過食評，因為都係醫肚為主（冇興致寫） 🤣🤣但今次嘅富貴鮑魚雙味都算特別，有兩種煮法，一件以日本醬油、清酒🍶及味醂慢煮，味道較清，另一件用甜醬油調味，兩種風味各具特色！ 口感都吾錯，彈牙，易咬有𡁻口😋😋…Read More

最近做得好辛苦，真係係時候慰勞吓自己，要食豐富d，但係不能太貴，始終都要就住荷包，預算喺$100內，有特色就更好🤗 同事話我發神經， 邊有咁多出奇蛋可以滿足我三個願望呢 ，我唯有用經典對白回應～《別人笑我太瘋癲， 我笑他人看不穿》 🤣，就係憑住呢一股傻勁， 真係皇天不負有心人， 俾我搵到呢間Antoshimo Cafe & Bakery ，以沖繩料理為主題。叫咗個套餐，真係唔使$100，有三色野菜雞卷+竹籠蒸飯+雪糕伴冬甩+凍飲，係咪好勁呢😂，雖然有咁多嘢食，但係一啲都唔肥膩 ，始終沖繩料理都係偏向清淡，豐富得嚟呢又唔會食滯你😜，個野菜雞卷係用雞肉包住甘筍和雜菜，再配清甜嘅椰菜，夠健康， 個飯用個蒸籠上，夠熱，吾錯。 其實成餐飯我覺得主角係個甜品-雪糕伴冬甩，真係冇得輸🤩，熱辣辣嘅冬甩， 配上凍冰冰嘅雪糕，冬甩 煙煙韌韌 ， 口感一流 😋😋，就係咁樣冷熱交戰之下，完全停吾到口，食晒🥳🥳真係勁好味😋😋我下次一定要試埋其他口味嘅冬甩。…Read More

聽朋友講，青衣城亞參已開咗一段時間，但日日都好多人排隊，所以一直都未有機會尋覓99分海南雞飯🤣，今日好彩，唔使排隊，原來因為海南雞賣曬，要等20分鐘，我聽到真係心中暗爽，因為好難得有新鮮即製，為左食好野，我當然樂意等。 一上枱已聞到雞嘅香味，買相亦同相片十分接近👍可能新鮮即製嘅原故，肉質真係好好，雞胸位都滑😋醬汁好有海南特式；個湯都吾差，吾覺有味精。薏米水都足料和好飲。整體上有90分，值得再來😋🤭😍…Read More

通常一個人食飯都係茶記或快餐，唔會有太多選擇嘅，今日心血來潮好想食啲熱辣辣嘅野， 咁啱真係俾我見到有鐵板上嘅燒味，所以就入去試吓😜一個晚餐$63，有鐵板上嘅厚切叉燒+白飯+灼菜+飲品，真係抵食。叉燒份量都唔少㗎，肉質有少少肥，所以吾乾吾鞋，口感吾錯，加埋個洋蔥汁幾惹味😋呢度係好似快餐店，你先買飛，之後自己搵位坐低，佢會有人送餐畀你，座位都舒服，吾會太迫。呢餐飯食得幾舒服，又吾貴，下次會再來試其他🤭…Read More

本身都好少喺屯門搵嘢食， 經過間舖頭門口望到個餐牌，老闆娘就即時好熱誠推介，心諗咁細間舖都捱得住，應該吾差掛😅入去坐低發覺間舖頭真係好細……不過都ok舒服嘅。點左個香辣大蝦粉意粉，可以加錢配埋湯及飲品，佢地用細杯載湯，份量係偏少，不過真係有啲驚喜喎🥰佢個西蘭花忌廉湯真係睇到係一粒粒嘅西蘭花打架，好有西蘭花味及吾會太重忌廉味，吾錯😋至於個蝦意粉都算足料，加埋什菌彩椒香蒜一齊炒，好惹味，估計係用橄欖油炒，所以唔覺油膩，食完隻碟都唔會見到好多油。佢地d餐具係圓身，所以吾太好用，洗手間要攞鎖匙去返商場，吾太方便。總括黎講，如果$8x蚊食午餐，應該有更多選擇。…Read More

本身胃口吾大，真係吾啱去食自助餐（怕回吾到本 😂），所以只會選食品高質嘅餐廳，而呢間去過幾次，每次都保持到食品和服務水準 👍食物亦加得快，再加上坐得舒服，難怪要預早一個月訂位 🤣我幾乎全程都係食海鮮 🤣🤣🤣🤣飽魚好入味，帶子剌身夠大隻，真係令人食吾停口🤭😍😋龍蝦亦令客人食得好方便 🥰清湯都好夠味又吾油膩 😊超大粒藍莓😍餐廳為客人特別準備嘅甜品整體來說，食物貴精不貴多，絕對係對得住個價錢🥰🥰🥳🥳，真係值得再去…Read More

見到咁多好評再加上好想食懷石料理……馬上訂位😜餐廳吾太大，有小小私房菜感覺，可能訂位時註明是慶祝生日，被安排接近廚師座位，一邊等食一邊望住師傅整野食，感覺好正呀😍呢個分子料理打開盒時有煙出，以為係乾冰效果，原來係煙燻味 😂每枱都會打卡，有夕張蜜瓜配風乾火腿、紫薯蓉果凍、北海道粟米……我最愛之一嘅牡丹蝦魚子醬他他，可以搽上米紙食🥳😋紅蝦蒸蛋，師傅話係用左魚湯打泡沫雖然只有少少馬糞海胆，但都好令人回味😋日本A4和牛，煎得怡到好處，肉質軟滑 😋用日本糯米做嘅黑松露膾飯，下次要少飯 😂😂甜品係日本水果，官崎芒果好好食 😍😍其實樣樣都好食，未能一一盡錄，秋天會再來 😍😍…Read More

本身冇諗住寫食評，所以冇影相😂😂😂，通常來食飯都很少會叫野飲，但朋友話想試吓，就點左杯薄荷朱古力凍飲，嘩嘩嘩好夠薄荷味又吾太甜，非常好飲 😍😍下次泥都會再飲…Read More

假期歎個late lunch，想食咸又想食甜 🤭一於試吓呢間過江龍法式三文治，一上枱已覺得賣相靚仔，有牛油果+沙律菜太陽蛋+厚芝士多士（厚多士 🤣🤣🤣）一刀切落超有厚感嘅芝士再送入口，好軟綿綿，蛋漿配埋煙肉蕃茄，口感非常豐富🤤🤤，塊面包都吾馬虎架，好有自家製感覺(即係鬆軟得泥又吾會似食空氣)🤩🥰😋😋牛角waffle單食都好食，配埋香蕉朱古力漿 👻肥死喇，至於飲品就冇什麼特別。整體感覺吾錯，下次會再來。…Read More

今日即興去赤柱，雖然天陰，好彩冇落雨，可以慢慢行，慢慢食。赤柱有吾少餐廳，但多數都只有地下，與途人較近距離；而呢間餐廳除地下外，亦有2樓和3樓，我地坐3樓窗口枱，邊食邊hea，間中有微微海風吹埋嚟，感覺真係吾錯 🥰今次試左super bowl走芝士， 裏面有藜麥、羽衣甘藍、 果乾和松子仁，配油醋汁，非常健康。另外試咗個八爪魚， 個汁有少少辣，好開胃。整體環境吾錯，食物都幾好味，飲品就貴左少少 🤭食完後心情大好，可以去行街街 😂😂…Read More

两個人食中菜，一般都會點套餐，因為通常套餐都係款式多但份量吾多，亦可以不用煩惱 😂😂但呢度係可以點半份架 🤩真係啱晒想試多款嘅朋友😜杏汁菜膽燉花膠：個燉湯有手掌咁大嘅花膠 🤩 夠曬滋補養顏🤭飲到杏汁味之餘又飲到菜膽味 🥰鵝肝金錢雞：而家真係好難食到金錢雞，呢個改用鵝肝和菇片，更特色塊鵝肝煎得好好呀，外脆內軟，配埋件滑滑雞肉，真係食到舐舐脷😋頭抽珍菌香煎花尾躉（半份）：師傅只係用咗少少頭抽吊味，完全食到個花尾躉嘅魚鮮味😋和牛面頰（半份）：我覺得全晚最有特色就係呢一個餸，佢個做法有啲似威靈頓牛柳，但係外面改包芋頭蓉，我冇諗過芋頭同牛肉係咁夾嘅，配左幾粒炸杞子，味道好好食🤤果木煙燻匈牙利鬈毛豬叉燒（半份）：雖然其他酒店都有類似菜式，但呢度個 煙燻效果做得好好，未入口已聞到煙燻嘅果香（荔枝味），舊半肥瘦叉燒入口後更加感受到個層次（煙燻+果味+肉味），果然係招牌菜 👍👍每次來嘉麟樓都冇令我失望😍🥰🤩 返尋味指數10/10…Read More

難得唔使等位 ，可以試呢個堂食優惠，真係好正㗎😍 既好味又抵食🤤👍雖然係特價優惠 ，但係品質一啲都冇馬虎，整體嚟講樣樣都好味 ，最有驚喜係個煲仔飯🤤🤤😍 臘味同啲飯都好香👍👍…Read More

出街shopping嘅例牌節目就係食下午茶 🤭 見呢間啲咖啡都幾出名，仲要唔使等位……即時坐低🤗呢度係冇tea set㗎， 所以就叫咗個Egg Benedict 兩份食， 呢個都好豐富㗎，佢用英國鬆餅墊底，加脆煙肉，嗰隻蛋係流心蛋嚟㗎，仲有少少沙律菜， 呢個其實做早餐或者下午茶都好好味。杯Dirty Mocha好有驚喜，凍飲但走冰，令到個朱古力味同咖啡味一直保持平衡。另外個爪哇咖啡都吾錯，好香椰子味。整體食物質素都唔錯…Read More

原本係想食魚生飯，但被編排坐鐵板燒吧枱，望到流口水 🤤即時轉食鐵板燒，睇住師傅煮俾我地食，真有feel 🥰個2人餐好豐富架，掛住食……所以沒有影齊相我覺龍蝦同鵝肝最好食，龍蝦係新鮮劏，個湯非常鮮甜 😋😋鵝肝煎得啱啱好，外脆內軟，甜品係大大杯綠茶軟雪糕，正 👍份量好足，我地食吾晒，所以包走一碗和牛炒飯和一份牛肉（明天帶飯），人均消費約600，算合理。值得一提，份牛肉同炒飯隔左晚都依然好味 🤩😍返尋味指數：8/10…Read More