or#tm70115577's Profile

因為今日要行chiikawa展，所以最後選擇喺K11到食晚餐，本身鍾意食燒肉，所以就隨便揀一間食，冇任何睇評論下已知中伏。如果好食貴都唔係問題，問題啲肉水準一般般，和牛丼啲和牛唔係特別好食，好似燒過濃咁，而且用XO醬調味而唔係用正常嘅日式燒肉醬，奇奇怪怪。個特級A5和牛燒肉一定唔係A5，A5邊會咁韌，非常難咬開。半生熟和牛刺身唔係半熟，只係凍咗啲嘅牛肉，不過已經好食過其他兩樣。茶漬飯一般般，冇咩特別。當我哋食晒啲嘢，職員冇問已經收起啲碗碗碟碟，明明寫住90分鍾用餐時間，8點入座，8點40就想趕人走，咁趕客啲人都唔會再加單啦。食咁少嘢已經909蚊，早知出返去食算。同埋都唔知啲調味料盤擺咗幾耐，啲職員執完枱就會即刻擺好枱，下一位客人唔會知佢係幾時執，食物安全有憂慮。…Read More

特登嚟為咗咒術迴戰主題，以為會有特別嘅周邊，但只不過全部都係已經出過嘅產品。樓梯前面係擺放周邊嘅櫃，而右手邊就係廚房，客人想睇吓個櫃嗰陣就會阻住到職員出入。一嚟到有個着白色衫嘅女職員（便服，唔同其他職員一樣有制服）就叫我哋喺樓梯口隔離張枱坐住等先，然後我哋等咗大概5分鐘都冇人理我哋，嗌人先嚟confirm booking。成間餐廳得幾枱客，但可以營造到好似好忙咁。坐低主題位就即刻嗌咗嘢食，五條悟嘅卡邦尼意粉又硬又唔好食，而且唔暖，杯嘢飲就糖漿，加梳打水，芭菲一般，全部都食唔晒。嗰盤拉麵都一般，奇異果汽水加雲呢拿雪糕都唔好飲。真係嚟淨係為打卡。…Read More