Jen Chan's Profile

食左個pulled pork burger ,點左杯mocha 同叫左個French toast.Mocha 正常發揮，burger 食得出自家製，有啲彈性，不過啲pull pork汁令到個包有d淋左。不過個人認為pull pork個汁欠左啲酸味，無開胃既味道，得紅椒粉味。。。另外on side 既薯條係翻炸再翻炸既，真係減分。食左一大半先記得無影相，就無影返。。。個French toast 直頭癲覆左我對French toast既認知！蛋漿淨係浸左半邊包，焗又焗得唔脆，啲blueberry sauce 淨係得個酸字，連一pat whipped cream 都無，成份嘢完全無酸甜balance,無外脆內軟既質感，失望！90幾蚊一份咁既French toast,完全係overpriced……Read More

夜晚8點半過啲入到去，全店無人，諗住掂啦，包保食物新鮮熱辣。叫左cheese burger, fish burger. 加左regular fries & coke Combo ,同叫左buffalo wings.個combo要40幾蚊，你俾啲翻炸勁多次既薯條我，真係仲難食過McDonald 既薯條（起碼人地係新鮮熱辣）圖中左右都係全部揀左出嚟：翻炸到乾晒，唔L食得既。。佔左三份一個fish burger 既炸粉聞落去有小小怪味，食落就無特別，醬汁唔惹味。唔係難食，但唔好食。。。個cheese burger 明明即刻整，但都覺得塊beef burger 唔夠熱。埋單360幾，可以有更多好味既選擇。只能說句：中伏！…Read More

呢度無餐set,全部單點，間唔時就會上嚟食西多士。今次試咗新野，阿華田西多士中間有阿華田醬，炸得金黃香脆，外脆內軟，面層仲有啲卜卜脆米，增加左口感，令到成件事再精彩啲！有驚喜！炸雞飯既炸雞香脆juicy唔油膩奶茶紅豆冰嘅紅豆煮到好林好正！…Read More

芋蓉蛋餅好似無乜煎過，完全唔係香脆feel，如果有煎香應該會正好多。芋蓉算係綿密，冇乜鹹蛋黃味。紅油抄手冇辣味，好普通。個Mochi 完全唔係台灣Mochi 嗰種，唔Q唔軟糯。佢餐牌話係木薯粉整既，但嗰pat嘢係凍既，同水Nel nel，入口會溶左既。overpriced 同真係唔係嗰樣嘢囉。。。…Read More

6點無堂食，經過大圍小館，買左半份第一刀加餸，打開盒覺得都幾大份，超級厚切，加餸一流，2個人食都有剩，真係食兩塊已經夠爬一碗飯。微波爐叮返熱一分鐘，咁厚切都仲好淋👍🏻👍🏻下次開返晚市想去食埋佢個米芝連都推介既蟹飯。…Read More

我發覺自己原來都幾鍾意食多士。平日下午四點都等左20分鐘左右先有位。本來以為中間個布甸係熱，原來係凍既，多士好脆，外脆內軟，布甸滑，食落件多士有少少焦糖味，唔錯。軟殻蟹多士味道正常，軟殼蟹我覺得唔夠脆，三文魚籽少少腥。略貴。蕃薯條好食但份量唔多。…Read More

幫襯小店，入左呢度食lunch.叫左海膽汁蟹肉炸軟殼蟹意大利飯$98，跟餐得茶唔使加錢，叫左茉莉茶。海膽汁蟹肉炸軟殼蟹意大利飯食落有海膽味，不過蟹肉唔多，炸軟殼蟹完全冇粉漿，不過都ok脆，食到中段就有啲寡。環境較迫，嗰日好焗無開風扇冷氣咁。最令人唔舒服係播既歌好嘈，都係啲粗口歌，改詞翻唱但難聽既「黃歌」，食完拿拿聲走。我都係支持黃店，但呢度環境我麻麻。…Read More

本身睇完Spider-Man,心情都好好。揾下有咩食，見Dan Ryan 唔使點排隊，就入左去。叫左個半份小食platter ，豬鞍，和牛burger…未order 時就上左啲餐前包，無乜特別，個walnut muffin 食到啲baking soda 既味，麻麻地。個小食platter真係超級唔抵，得3塊淋謝謝既無味薯皮，3片洋蔥圈同3隻難食buffalo 雞翼。雞翼係一啲都唔惹味，你想像下係真係撈左小小hot sauce 落去就算，難食！呢度要成$198…中伏！再黎上左和牛burger ,我想話塊和牛pattie仲瘦過啲用瘦肉做既pattie….完全無肉汁同無油，唔知係點做到！個薯條上面咁細篤既黑松露醬少得可憐，夠你食三四條薯條用。低處未算低，個16oz豬扒一切落去實到無朋友，已經心知不妙，食落口又鞋又乾，頂你。。。真係一路食，忍唔住要X出聲，茶餐廳都整得好食過佢。做grill嗰個廚師 一定係好有問題，全部野都overcook曬，想點？有大半塊肉都係乾同鞋，到中間同尾部有脂肪嗰個位先正常小小。。。食左唔好食又貴又唔值既嘢，真係令到我好抆。。。。。。。。。…Read More

好耐冇去過飲茶，夜晚就食點心做晚餐。呢間舖頭有做埋牛腩麵嗰啲粉面，不過我就淨係叫咗點心食。呢度竟然仲有蜂巢糕，好多年前喺廣州既酒店第一次食跟住就愛上。不過呢度做得麻麻地，唔夠蜂巢孔😅燒賣蝦餃正常嘢。腐皮卷香脆，叉燒腸都唔會鞋颯颯。鳳爪係以前細個飲茶食到大嘅味，呢度都抵食既。而家啲奶皇包周街都係用吉士餡，唔係流沙餡，唔知邊度有得食呢？…Read More

見有咁多好評，喺附近做完嘢就去試吓。叫咗三個餸，其餘兩個其實都OK，不過個牛腩片炸完就有啲乾…但一見到個蠔餅真心失望,因為全部都係炸粉漿同埋炸蔥碎。搵咗勁耐，成疊野數埋唔夠10粒手指尾指甲咁細嘅蠔仔，覺得個師傅好勁，冇餡嘅嘢都可以整到咁大碟🙈真係食到嬲！未食前個樣:食完後個樣都仲係咁大碟， 因為根本全部都係炸蔥同炸粉漿，根本超級極度勁少蠔肉最好食係個菜牛腩片味都OK但係乾…Read More

豬手細份其實都好多，四人食都有剩。好食！煙un 得黎都淋既。有生菜，包醬，蒜片，辣椒片包住食。魚糕湯食左啲先影相，湯頭順口，飲完唔頸渴，魚糕都好多，仲有啲韓國粉絲喺入面。Out 晒focus Tim,海鮮煎餅煎得香脆，足料。半半炸雞，啖啖肉，甜辣醬同埋蜜糖蒜香都好食，食完要舔手指🥰薯格有啲唔同味既粉喺上面，螺旋形薯片超正，外脆內粉嫩！嘢食全部都好味，下次會再嚟…Read More

叫左個炒辣肉腸，薄切令客人易咬啲，咸香。大蝦汁海鮮意粉大蝦汁算濃郁，好多海鮮粒粒，啖啖闊條麵都食到海鮮，唔錯。慢煮牛面肉整得好淋，膠質係個嘴慢慢散開。不過唯獨一樣野就係唔夠沾醬。如果有多啲汁就perfect,就咁食牛面肉好似食薯條但無茄汁咁。當晚食客都多，廚房整既質素唔錯。係商場無咁就腳。…Read More

叫了3個set lunch,刺身配烏冬，刺身厚切，新鮮爽口。如果個蝦頭可以炸埋黎食就更好。鰻魚飯正常發揮。薄切牛舌配炒飯無影相，個炒飯多料，有櫻花蝦，幾香既。牛舌煎完都唔會好un,但好似無落鹽咁，無乜味。櫻花蝦豆腐外脆內軟，但又係點埋汁都無咸味，如果師傅可以注意返啲調味會好好多。…Read More

食4:30嗰場，5月1號公眾假期都唔多人。入到去即刻俾左open rice coupon俾waitress, 到埋單時都係黎左張原價既單，要叫佢改返8折，折完加埋一都要610幾蚊。睇圖都見到個scone唔係好對路，個scone 食落真係好唔掂，硬骨骨，無牛油香，個底直頭係硬到切唔開。。。失敗！三文魚三文治正常。Crab quiche個撻皮係淋既。。味道正常，但賣相係成個set都唔靚既。。。燒牛肉卷有啲乾爭爭。鵝肝醬無鵝肝味道，好淡，比無花果嘅酸味蓋過咗，個面包底又係乾硬化。。。真心對啲咸點感到失望！紅莓泡芙好似無filling 咁，內餡似係少少jam同乾燥紅莓脆粒，我expect 入面會多啲filling。抺茶紅豆tart既抹茶味唔夠濃郁，成件食完係偏甜左啲，要即刻飲水。。成個set唯一好食既係朱古力脆皮嗰件cake,蛋糕濕潤，有果仁增加口感，有少少passion fruit 酸味balance 返個朱古力既濃味。Black Forest 杯仔甜品，正常嘢。成個set食完係覺得個出品好無誠意好hea 。我完全唔會建議大家黎食，600幾應該可以有更好既quality. …Read More

唔使點等位，同知道係黃店，就入去支持下食個lunch。餐廳上面三樣都係扁意粉，我哋就揀左一個明太子扁意粉，一個肉醬扁意粉，一杯ice mocha明太子意粉得明太子醬同有小小切左絲既紫蘇葉，成碟食晒就有啲咸，好齋。肉醬意粉真係唔係好見到有肉碎，味道係好食嘅，但係啲肉真係少得可憐。Ice mocha冇特別，有啲細杯。用餐時間得60分鐘，如果以呢個價錢，食物質素，舒適度既性價比來講，我會去第二度食，可以坐得耐啲，hea啲chill d..…Read More