cklleung3's Profile

燒味飯+燉湯，連服務費一人要$200 ，其實不便宜呀！以前有茶服務的，現在連一杯清水⋯都變成自助了⋯⋯那麼10% 服務費就是上菜了吧？但可惜連上菜服務態度都差！上菜只放下餐，並無問是誰的餐⋯⋯服務員還會駁咀反擊的，態度很差。帶位及結帳的那位男士是友善的，但$200 一個餐還要受氣？！難怪香港人要北上消費⋯作為本地客都幫唔落⋯呢個結果係香港人自己造成的。（注意：我並無北上消費，想幫襯本地店，但無奈本地店服務態度真的極差！！）我叫了叉燒飯，叉燒很乾，不是半肥瘦；白飯也很乾，豉油也很稀身⋯⋯整個飯就是不值$88 吧！要俾錢受氣的餐廳，不會再俾機會，無必要！…Read More

第一次試，外賣的，叫了no.11 胡椒豬肚雞湯。超級咸！！唔知係咪因為晚上7點先買，湯底全部是黑胡椒⋯我加左一次熱水都唔得，再加水，先叫入到口⋯⋯⋯唉浪費左成碗湯$85！太咸啦，我明胡椒湯係會辣，但連我家人都飲唔到⋯⋯煲湯個位重手左⋯⋯希望佢其他湯唔係咁，又希望佢只係煲衰左呢款吧？但伙記是有禮貌的我客觀評論呢碗湯，無意唱衰佢但胡椒湯，真係唔合格⋯⋯…Read More

環境靚，食物外觀同質素都幾好唯獨敗於店員服務⋯⋯星期六幫襯都知好忙，但廚房負責拎野出黎個個女仔，放低碗碟似茶記阿叔，勁大聲⋯⋯黑口黑面咁⋯呢一下已經扣哂分，你會覺得自己俾過百蚊坐呢到，究竟食緊日式餐廳？定普通茶記？！？同一個伙記，再拎飲品出黎，再一次好大聲放上枱！連隔離枱嘅食客都留意到⋯嚇親⋯⋯忍唔住笑⋯。我估佢都唔敢相信呢個咁靚環境，但有咁嘅伙記係到⋯⋯！個位伙記，戴color con，金髪，有紋身，女仔黎如果店主見到呢個post ，請你叫呢個員工注意一下服務態度⋯⋯⋯破壞哂成間餐廳形象！…Read More

入火炭大家都只識得食津津，但其實行入少少呢間大排檔仲好食！推介菜式：1）冰鎮墨魚頭，好彈牙爽口又新鮮！2） 避風糖軟殼蟹，好夠熱又夠味～3） 蜜味炸脆膳 ！！最推介～勁彈牙！又大舊，食到想encore ～～4）五味炸豬手但客觀地評雞係麻麻地，今晚試左風沙雞一般雞粥幾好，但雞唔夠滑呢到可以自帶酒水 / 買海鮮黎俾佢加工自由度大～～幾好今晚6個人食叫左十樣野+4支大青島+汽水每人只係二百幾蚊抵到爛～～～老闆好好人，野食又好味都唔明點解呢到咁少好評佢位置比較黑暗難搵，但其實廚房咁正，真係路遠我都會再黎幫襯而家出面食乜都限時，又貴又唔好食。呢種大排檔風味真係好少架喇…Read More

之前有望過食評寫得咁差，一直都唔敢入嚟食。不過今日病要食粥就試吓。鯪魚球粥 $46驚喜的是，每粒鯪魚球都超級大粒！仲要有六粒！！碗粥又大，好飽，其實性價比幾高。鯪魚球味道其實有啲似貢丸，可能加咗冬菇，仲要無我討厭的芫荽芹菜，所以我覺得特別好食。但可能調味料有啲重，雖然好味，但食完好渴⋯缺點：舖頭入面有個小空間，近廁所，好臭！！其實臭到本身唔想坐低食⋯⋯可能坐出面會好啲⋯喺灣仔返工，40幾蚊咁大碗粥都算係咁⋯如果大家要同「靠得住」去比，咁就真係搵野黎講⋯⋯😂總結，無我想像中咁差，有驚喜。下次會試下雞粥，聽到隔離枱大讚好正…Read More

店舖裝修靚，食物都唔差，但佢其中一位女店員服務態度超級差！我只能講，全間舖敗係呢個店員身上⋯⋯排隊拎飛，已經茶記阿姐語氣叫你拎飛，號碼到左，我地聽唔到叫號，個女店員仲串我地「下，叫左喇喎」其實當時無人拎飛，根本眼前得我地一張飛，佢認得我地，都唔通知，仲怪個客聽唔到叫飛。坐低，其實裝潢真係好靚，好日本但呢位女店員真係茶記阿姐咁款⋯企又企唔直，求其放低menu 好快咁rap 左一大段介紹，根本唔知佢噏咩。最少都企定定，正正經經講完先丫佢個身懶得行過黎，打斜咁⋯完全同環境氣氛唔夾佢嘅無禮貌，係叫完野食已經想投訴⋯！！重點，同時間聽到隔離剛入座的客人好不滿咁講：「嘩，佢都幾”好禮貌”架喎⋯⋯⋯⋯⋯」我望一望，又係剛才個位女店員serve 佢，只係帶入座呢個動作，佢已經激嬲左客人（當時客人仲未坐低，都激到著火）可想而知，個女店員態度有幾差⋯⋯以我知嘅係，個女店員喝停客人，叫佢唔好入去坐住，係出面等一陣先，應該語氣太差，茶餐廳咁⋯客人先會咁嘅反應。佢見客人發嬲，先低聲下氣講句「呀唔係，我驚你地行黎行去嘛，等一陣」全間店沖咖啡的男店員 都衣着整齊，動作慢，有笑容，好配合整體氣氛的，唯獨呢個女店員，頭髮散亂，黑面，對住自己員工都態度差（一入店，等入座時，已經聽到女店員串緊男仔staff ，係到炆緊發脾氣； 亦炆緊食客的要求）佢錯在⋯係一間咁靚嘅cafe 到，將呢啲野表現哂出黎，俾客人見到⋯⋯好影響氣氛⋯⋯浪費左成間舖頭⋯⋯本身想投訴，睇下佢叫咩名。但唯獨得佢無名牌，我懷疑，佢其實係店長⋯⋯⋯😓大家體驗下就知唔係得我一枱投訴佢無禮貌…Read More

在枱上scan QR code 落單，拎食物時見到外賣包裝，我奇怪問店員：「我堂食，不是外賣。」店員：「你落單時叫左外賣，係咁的」我：「但我無㩒到外賣」店員不耐煩：「但總之㩒左外賣，就係咁，轉唔到碗俾你」我奇怪：「你現場有碗，點解轉唔到俾我？？」店員不耐煩：「咁我要問下經理喎」問完經理，經理黎到都笑笑口，但答覆是⋯⋯「包左係咁架喇，其實你咁樣食都一樣架姐～我倒出黎俾你，其實都倒到亂哂架～～」我更奇怪問佢：「下？咁我要現場食，我想要個碗，你倒番出黎俾我。得唔得？？」佢Ok ，入左去倒落堂食碗其實外賣碗係麵&食材分開，又何來會亂哂？？就算亂、都係店員佢地有無心做俾個客嘅問題吧？點會同客人講「倒到亂哂架！！係咁架喇」其實就是想省功夫，叫你外賣咪外賣碗頂住先囉，咁解⋯⋯態度已經差，食物更是唔掂⋯⋯我叫左「醉雞捲麵」，雞捲好咸！全碗野唔係出煙熱辣辣，只能說是溫⋯其實中環街市，其他店（越南河，肉骨茶（個啲都好咸！！我家人叫左，大家都覺得食物唔多掂⋯⋯味精重。我睇左久久呢間台灣店的食評都明白佢點解負評係話「態度差」因為真係極差⋯⋯⋯⋯⋯唔會有下次⋯⋯⋯…Read More

備長多年前已幫襯，好食相隔幾年再黎，無諗過差左咁多！特別想投訴那個便服的女店員，負責派位樓面個個女人！我地叫串燒開住蔬菜個頁，考慮緊叫咩，問佢係咪「都係兩串起？」佢就九唔塔八，係咁推薦「食白鱔，銀鱈魚～牛羊串丫」我地：「我地本身唔食牛羊」（*已經俾我見到佢黑面，反左少少眼，覺得好出奇咁）跟住叫其他串燒，只不過問佢：「一串幾多隻雞翼？」（*佢就唔耐煩咁講，其實好簡單，一串一隻，兩串起。如果想食牛羊，一串就得，或者可以試下銀鱈魚丫～」我心諗：你究竟有無理過個客想問乜講乜，佢一味係咁推薦貴野⋯⋯自己講解min charge 又唔清楚⋯⋯仲要茶記咁嘅聲量落單 搞到無哂氣氛⋯⋯最嬲令到我一心決意唔會再黎，就係：我朋友想去廁所，佢出左去又番黎問「係咪廁所推唔開就係有人？定鎖左」個女人「係呀 你入唔到咪即係有人囉」當我朋友返回座位時，俾我見到！！個便服女店員，勁翻白眼，意思好似係頂唔順我朋友，問埋啲咁嘅問題。喂！間餐廳唔係好平，氣氛幾好，但無啦啦有個咁啲女人，咁嘅態度對客架咩？？俾我見到佢翻左幾次眼，咁唔滿意客人，咁我地以後都唔會黎！仲要真心，覺得食物質素下降，因為我本來好鐘意食「荔枝豬肉」。但豬肉唔新鮮有味環境 好！熱！好焗⋯⋯⋯總之，一句講哂我有幾想幫襯都好，店裡搵個咁嘅女人黎接待客人咁我祝佢好運，只會趕客唔會有人番轉頭幫襯你唔滿意客人蠢/ 什麼都好，番去休息室翻眼囉唔好係客人面前咁啦茶記咁嘅聲量語氣，叫個幾串野，一杯啤酒，咁就三百幾仲要睇面口⋯⋯仲有想講Lift 廣告同餐牌「清酒買一送一」佢話無做優惠了咁你換左個餐牌啦！俾錢換左廣告板佢啦！好似呃人咁⋯⋯⋯…Read More

一向都有幫襯開呢間，因為附近唯一的串燒店，其實食物係OK ，等得耐就慣左，都唔係問題。最大問題係：伙記每一個態度都好差，問多句都反你白眼，喝你。食飯覺得冷氣凍想轉位，又黑面串你，一路調位一路同其他伙記解釋：「佢話冷氣吹到佢痴根喎！」我都有講唔好意思麻煩到佢地，但其實個位真係吹到頭痛⋯⋯⋯客人想調又有咩好鬧？！仲要串我：「我都著短袖⋯⋯你有咁凍咩」心諗，咁做野緊係熱，點比較啊？！可能環境又細，又嘈多人，又等得耐（起碼15-20分鐘先有一串野食），次次去食都搞到心情差⋯即使佢食物OK，都唔知再幫唔幫襯好入去俾錢俾人鬧咁！要頂得順港式服務態度+ 忍受等好耐，你先好食～～…Read More

假日等位，一家三人入座，點知入到去先知佢俾張【1-2】枱，貼邊，即係得番L位枱我，想請問點坐三個人落去食麵？🤷🏻‍♀️🤷🏻‍♀️張四方枱細，前後又逼，總之任何人見到都會呆左⋯無可能呢個係【3人位】⋯⋯見狀，告知員工想轉枱，旁邊員工清潔緊一張4人枱，我地話想轉去個張，點知員工話「留俾下一張4人枱」，叫我地坐個張 2人枱，仲話：「出面咁安排就係咁，唔關我地事，你自己出去問」🤷🏻‍♂️🤷🏻‍♂️再另外有個伙記拍拍膊頭，叫我地：「幫幫手，坐到架」⋯⋯其實個L枱點坐三個人？🤷🏻‍♀️叫第三個人對住個尖角食野？仲要兩個大男人，食麵雙手提起2個人都嫌逼⋯⋯仲要我地三個點塞落去？？🤷🏻‍♀️🤷🏻‍♀️🤷🏻‍♀️最嬲係，所有員工都唔幫手當睇唔到，同門口派位個個講，佢都態度唔憂做少你一個客咁！😡食飯食到咁受氣，呢間野為左賺到盡要客人逼到唔make sense 都叫你坐低，真係唔幫襯都把就！！😡😡我見前面對情侶，間餐廳派左個【一人位】枱，叫佢兩個塞係咁逼嘅空間食⋯⋯兩對手根本縮埋先食到⋯😒做生意唔好做到咁啦⋯⋯⋯其實叫後一張4人家庭，係外面等多一陣先就可以了。門口安排位個男人，其實叫佢拎籌都係十問九唔認，明明聽到當聽唔到。總之呢間野貼錢買難受，有幾好味都唔想幫襯啲咁嘅老闆⋯🤬賺到盡，但屈就客人，真係仲想幫襯支持？？？…Read More

叫左二款拉麵，黑蒜黑豚肉拉麵，赤濃豚肉拉麵。一飲湯底就知唔係長時間煮過嘅有料湯底，只得黑蒜味，感覺似食緊即食麵個種味。麵底方面，直頭係韓國辛辣麵口感，唔係難食，不過就唔算係拉麵⋯豚肉方面，先唔講佢係咪黑豚肉，就連基本豬肉味都無！直頭無味，唔知自己食緊咩，又唔軟腍又唔香，好似連醃味都無咁⋯真係好失望，仲要話係黑豚肉？！呢碗野收我$82⋯但感覺似食緊$45-50 質素嘅麵，加埋一，差唔多成$100 食碗咁嘅野，真係食到一肚氣。講真、拉麵唔夠專業，就唔好收人咁貴，都尚可接受。咁樣味道與價錢不成正比⋯就太失望⋯家人食咖哩飯，間舖好似主打咖哩，但個咖哩無乜特別，又唔係特別難食嘅⋯不過都收你$75 以上，咁我食CoCo仲好過喇⋯⋯總之唔好食拉麵，好伏⋯⋯⋯唔會再有下次…Read More

滿心期待的鐵鎚炸醬麵....點知一敲....竟是一盤茶記風味的豉椒炒麵！外皮不夠脆，油味很重麵極度咸！！太多黑椒！食一啖飲一杯水的程度另外、鐵鎚熔岩天使麵，竟然是一碟充滿南洋風味的喇沙麵！！而且麵不夠熱，但這個比起炸醬麵味道還可以的。最後值得一讚是：甜筒炸雞上面的cream 和番薯蓉和炸雞味道很夾～～P.S. 其實不像韓國餐廳......…Read More