tnlbear's Profile

事件一：我媽咪一坐低，人有三急問洗手間，個女侍應就叫我媽去麥當勞廁所，我媽話吓，幫襯你要去麥當勞廁所。事件二：問個阿叔侍應攞多套餐具，見我家姐同阿媽食緊炒意，就好悔氣問我碗要唔要呀！驚死我問佢攞多次。個個做到咁悔氣，唔好做返屋企啦！…Read More

店內環境美觀，坐得舒服，用紙仔落單，套餐都幾抵食，價錢親民，經理招呼不錯。講返食物，四川擔擔面咸既食得多，甜既第一次食，好似落咗好多糖咁，唔好食。生煎包熱辣辣，一啖咬落去，爆汁辣親個咀，建議放一陣先好食，小籠包皮都幾薄，但講到生煎包同小籠包個肉餡，胡椒味蓋過晒肉味，點解既呢？:(麻麻哋！糖醋魚菜飯，魚都幾香脆，不過要快啲食，如果唔係啲汁浸淋晒就唔好食㗎喇！醉雞翼算係最正常既味道。總括擔擔面同包既肉餡真係有待改進。…Read More

飲咗杯碟豆花青檸似藥水味，叫既海鮮併盤，隻蟹入口水加梅，一食就知死蟹，條燒魚都唔係太新鮮，魷魚、青口、鮑魚都OK嘅，但味道只係一般，整體海鮮可免則免，冬陰公湯好飲夠酸，因為我鍾意飲酸啲，但得一隻蝦，湯份量亦少，沙律扎肉粉絲味道OK，整體食物質素講真只係普普通通，叫我哋出張會員卡有85折另有$400 coupon送，叫咗3樣嘢，3杯黑啤加一杯飲品，扣咗$400 coupon同做咗85折，埋單都要$700，只係食環境加音樂 ，有啲失望。…Read More

入內裝修昏暗舒適，唔知係咪價單貴，入座率應該得2、3成，因同大廈既任食火鍋排長龍先走落嚟食，叫左鴛鴦湯分別有麻辣湯/美人湯，美人湯湯底真係超好飲，麻辣湯附送鴨血一份,叫咗肉眼肥牛感覺普通，響鈴新鮮熱辣，紫淮山麵冇味，併餃$118有12粒每款兩粒，其實差唔多成$10粒，感覺一啲都唔抵，竹笙＄88得7、8條，其實皇牌只係個湯，人均消費＄470，如果大家想試個湯認為抵嘅咪試吓囉！啲人話啲餛飩蝦肉好新鮮，好彈牙！做飲食業既我知道，想令啲蝦彈牙食落新鮮，落啲化學劑（特麗素）搞掂晒，其實越彈牙先越要驚，因為落咗好多化學劑。入去時基層服務有禮，到埋單問有冇匯豐信用卡，有雪糕送，揀咗榴槤味同益力多味，榴槤味OK！之後張單由個後生啲既管理層送到嚟，俾匯豐卡佢，佢話卡機壞咗，要俾現金，心諗我幾分鐘前先聽到其他枱埋單碌卡機聲，加上基層員工主動問有冇匯豐信用卡，好照俾現金，但心愈諗愈唔憤氣，埋單＄940如果冇帶咁多現金點算，門口又冇張貼卡機壞，行去收銀嘈佢，見到有個五隻手指紋晒身嘅阿叔，同佢講幾分鐘前先聽到卡機聲，佢同我地講部卡機時得時唔得，問佢咁點解一開頭後生啲嗰位走埋嚟話直情唔得呢？試都未試！心諗我9倍信用卡積分咁就冇咗，當時後生啲嗰位所謂管理層就企喺收銀攞住部電話打緊game，到我哋行到去收銀時就直情搵張枱坐喺度打game，打工都咁舒服，又係既靜到拍烏蠅。其實係咪間公司現金流不足，選擇性平啲就唔俾碌卡（其實都唔係平吖），平均$400至$500一個頭，咁如果十幾個人，冇帶咁多現金點算呀？分明擘大眼講大話感覺進入一間店…Read More

同老公黎晚飯，叫左梅菜扣肉煲/海味乾煸粉絲煲/濃香杏汁潤肺湯/凍柑桔蜜/凍柚子蜜。個湯係我至愛好好飲，黎親都會叫，雖然知道應該係中央工場黎既湯膽。好言歸正傳，今次我想講既係，作為飲食管理層既我，梅菜扣肉煲一黎，見到個煲又崩又裂應該係第一時間丟左去嘛！有冇上衛生督導員或衛生經理課程架！咁簡單既衛生安全意識都冇，好喇！講個海味乾煸粉絲煲，$59真係粉絲煲囉！摷晒都係得3舊魷魚，少少熟晒既飛魚籽，加少量蝦米，其餘全部粉絲，好心你地唔好食水咁深啦！真心堅唔抵食…Read More

外面見到先係俾裝修吸引，繼而入去試食，侍應對飲品成份不太熟悉，食物味道跟一般日本料理無異，至愛就係海膽飯，海膽新鮮二百多蚊都值嘅！飲品調製出色，好飲！兩個人叫左6樣野，食唔晒！服務OK!環境一流！…Read More

黎到先係點餐，野食上晒但爐，抽氣冇人幫你開，可能因為接近九點，全體員工安排晒喺後面收檔，但客人安排係前場，但前面完全零睇場，都唔緊要爐邊既粟米芝士，泡菜蛋叫先有人行過嚟落，完全零服務，自己開爐燒，後來有員工發現好大煙先走過嚟話我哋個爐開得大，再發現冇開抽氣，最精境埋單先發現送漏湯及雜菌，問職員，同我哋講個餐聽日先賣，咁我問仲乜咁快換餐牌呢？價錢照收，個員工反話你應一早問，我哋同你跟返，責任落晒我地身上，好似完全唔想出返俾我哋咁，反而埋單就識主動過嚟問，但唔問啲野食到齊未嘅？隔離枱吼晒杯要加水，完全冇人聽到，請問係咩服務呢？7百幾蚊完全唔值囉！最後想話啲牛肉堅韌，好難咬囉！…Read More