Spoiler's Profile

因為要慶祝生日，所以買咗個班蘭芒果蛋糕試吓。但估唔到係大失所望…..一切開個蛋糕就見到中間好厚嘅忌廉，而嘅厚度係成個蛋糕嘅一半！仲要佢唔係輕忌廉😩中間夾層嘅芒果竟然係碎粒嚟，碎到唔開胃 無晒芒果肉質感。真係伏到核爆💥千期唔好試🙅🏻‍♂️一定唔會有下次！❌…Read More

喺灣仔食lunch 真係好似去難民營咁搵嘢食，就算垃圾都要排要等。依間都唔另外，幫襯過佢1次Lunch真係講唔出有乜好食，更唔知點解咁門口咁多人排隊食垃圾。堂食過1次早餐質素係一般唔算好吸引，但份量一定夠多。不過早餐外賣真係廢到唔鬧唔得，買個包1杯茶都起碼要等5分鐘以上。仲要凍飲沖得勁慢，熱奶茶就預早沖好成6杯放喺枱等打包。等都唔緊要，最廢係我買吞拿魚包同凍檸茶等到杯凍檸茶出嘅時候吞拿魚包已經包晒俾我後面單嘅人，真係火都嚟！我企門口睇住負責包外賣個女職員，條女係咁出熱飲外賣將吞拿魚包包走晒。冇留返俾凍飲嘅單。另一位專門負責派包個位阿姐見冇晒吞拿魚包都係咁叫冇魚冇魚，我斷估唔到熱飲單優先出晒吞拿魚包而凍飲單因未有凍飲就連包都冇留起。終於到杯凍檸茶出時冇晒吞拿魚包，條女連道歉都冇句就講冇吞拿魚轉唔轉叉燒包？等咗成十分鐘唔好意思都冇句 仲串到話一係退返錢我時間都浪費咗仲要我受你氣，我欠你㗎？以後都唔會再幫襯依間垃圾!…Read More

見係黃店諗住支持下，點知就炒晒車唔會有下次。用外賣App叫咗兩碗牛肉麵、一盒豬軟骨飯、一碗肉燥飯、一份咸酥雞，總數係$359。半筋半腩牛肉麵每樣係得一舊，每舊個size係正常唔係特別大個種。放得兩舊餸咁名貴，係咪當五星米芝連餐廳？盒豬軟骨有3舊，個汁咸到餸飯都食唔落，飯又生米把鬼！細肉燥飯個碗仔係細糖水碗size，估唔到細真係堅細👍🏻成為$47。咸酥雞係最差，每舊好似魚旦咁細粒，炸得又乾又多粉，$50一份。自問唔係大食嘅人，諗住叫3個人分量嘅晚餐無諗過會少到咁。…Read More

見到幾個食評都ok諗住唔會好差，點知會係食過最難食嘅泰國粉麵。今晚3個人分別叫了一碟海南雞飯、羅勇雜錦河、魚旦米粉、煎魚餅、雞翼串燒及牛肉串燒。兩碗粉都係深啡色湯底，但食落去一點鮮味或調味都冇，清湯都不如！海南雞飯個醬又唔好味，煎魚餅有5塊但薄切上碟冇晒彈牙感。雞翼串燒係炸唔係燒，點牛肉串燒個醬又係唔掂冇沙爹味。埋單時問收銀係用乜熬個湯底係，佢答係豬骨鹵水湯；仲問返我轉頭好唔好味？我話都冇味～…Read More

平時無寫開食評，好食嘅餐廳唔會寫免得太多人去，唔好食嘅好多都算數忘記佢。今日要寫係因為真係好垃圾！話說今日少人一齊食飯，所以就買飯盒自己食。去到依檔買盒瑞士汁雞脾飯，拎到返公司打開一睇，成盒都係芙蓉蛋叉燒飯！我買個時人又唔多，得1-2個人排隊都可以錯？唯有拎返去換返盒飯，換都好快唔需要等。返去打開盒飯雞脾size算唔錯，飯都夠汁。但一食落去無味嘅？ 隻脾同d飯都好夠色，但一d瑞士汁味都無。而且連最基本咸甜都少到就快唔覺，另外杯豆漿先健康夠淡唔覺甜。今餐真係清淡之選，以後唔會再幫襯！平時經過見到佢個舖都知有幾乾淨，而且唔會有堂食；環境和衛生係廚房格局。論價錢係好抵食，但食垃圾就仲浪費。…Read More