Fong Li's Profile

首先, 人手不足導致排隊order去到攞餐嘅時候已經勁混亂. 啲餐齊嘅時候，部機仔又冇震叫我哋去攞。餐牌得一半，要自己行出去餐廳出面睇menu。食物方面: 本身見佢平平哋所以先試下，點知成碗麵得嗰三四塊肉，肉完全冇醃過冇味，麻辣牛奶湯完全冇味。 牛肉飯真係去吉野家食好過。想食正正常常質素嘅話，可以揀咖哩吉列豬扒飯，炸皮脆的，但咖哩汁可以多啲囉，唔夠撈飯。跟餐烏龍茶都可以完全冇味係想點...環境衛生很一般。應該係做學生生意所以先咁頹。…Read More

以為銅鑼灣淨係得貴嘢?咁就錯啦原來有間比利時餐廳雖然青口好似係比利時名物但因為我對青口真係冇咩興趣所以冇叫但臨走前見到枱枱都有叫下次真係要試下.反而叫咗我嘅至愛 oyster醬汁非常之多 除咗普通嘅檸檬tabasco仲有 white wine medium & 洋蔥汁蠔好好食, 算大隻, 起碼好過ava restaurant slush bar.另外見到之前openrice有人留言話popcorn colanda好好飲 咁我都叫咗一杯果然好正，完全冇嗆，好易入口下次真係要happy hour嚟飲，好抵環境好舒服, 唔會好嘈侍應都好好service…Read More

happy Friday. 一直對有live music嘅餐廳都好感興趣 難得星期五就去放鬆下. 去西餐廳我多數都會揀我嘅最愛豬肋骨 然後見到蒜蓉包 嘅相好吸引 就揀咗蒜蓉包 最後叫多個洋蔥圈配蜜糖芥末醬. .蒜蓉包堅好食 超香蒜蓉. 有別於一般蒜蓉包 可能佢切得比較薄身所以中間係軟身 而唔係脆卜卜, 但都好好食..洋蔥圈簡直失敗 完全食唔出入面有洋蔥 好似食緊麵團咁 係唯一個醬 ok..豬肋骨係ig睇人哋幅相好大份, 好驚兩個人食唔曬. 佢有十支骨 但好彩骨同骨之間嘅肉唔會好厚好多, 所以最後我哋全部都ko曬. 豬肋骨 啲肉好彈牙好有豬味, 啲醬亦都好夠. 就算平時我鍾意食軟淋淋嘅豬肋骨, 我都一支接一支咁食, 停唔到口. .可惜員工態度就麻麻地, 我都未食完就好趕咁樣執嘢. 我都完全唔想答佢, 直接以行動表示我仲食緊, 唔該唔好收我隻碟🙄 另外可能因為我太早, 九點半食完都仲未有live music, 下次要再夜啲去先得.…Read More

星座冰室可能九月結業， 佢一直係我 to eat list入面，今日故意路過尖沙咀。星座冰室位於一個唔起眼嘅香檳大廈仲要喺地庫，我都搵咗一陣先搵到。可能始終仲有一段時間先結業，所以仲未有排隊人潮。我揀咗芝士蕃茄牛麵($42)，食得出係真番茄無味精， 芝士味就要食中塊芝士先有芝士味 牛肉醃得好入味唔會鞋口。 其實就係一碗 好平凡喺屋企都煮到嘅蕃茄麵 所以都真係好佩服佢可以煮到咁出名。我諗佢出名嘅原因係喺香港都幾難搵到冇味精嘅真蕃茄麵，因為真係要用好多個蕃茄煮先得。 最後成碗嘢我 all in清曬 👍…Read More

一月逢星期一西多士做緊買一送一, 咁啱又約到阿妹一齊出去食😚 我bookmark 左呢間餐廳好耐㗎喇.一見到menu就已經覺得阿華田西多($68)係最特別最值得食, 因為其他味道 e.g. 紅豆奶黃紫薯 相信好多地方都有得食. 阿華田講到底其實都好似朱古力味, 最特別莫過於係佢用吉列呢個方式嚟炸西多. 加牛油忌廉一齊食真係好好食😇. 至於西多入面有咩餡我已經唔係好清楚 因為我哋三姊妹好似成班餓鬼咁喪食😂 本身諗住好cheap精咁樣就埋單走人去旺中再食過. (因為兩個妹budget有限) 但最後都係唔想煩 就叫多咗威靈頓牛肉($188). 一直好想食威靈頓牛肉呢樣食物, 但出面西餐坐底都要三四百 呢度分量當然係細件啲但可以淺嘗. 酥皮好脆, 一切開好香蘑菇忌廉味. 牛肉好厚身但唔會好鞋口 完全冇渣. 萬萬想不到嘅係佢隔離平平無奇嘅蔬菜係超好食. 番茄仔好甜, 西蘭花應該係有牛油, 豆角好新鮮. 果然係高級地道中餐廳. 一定要再去食過!…Read More

去咗 the waffle club tw 打卡. 最近新年優惠like and share facebook仲可以減2蚊tim. 因為心形嘅雞蛋仔真係得佢先有, 少女心即刻出曬嚟😍. 繼續揀返我嘅至愛朱古力心太軟($30) 個店員唔係好禮貌同埋應該冇乜心機整, 所以朱古力唔太流心. 搞到啲朱古力粒去 曬個心心外面，變咗朱古力乾，但味道係ok嘅. 內脆外軟係基本吧. 不過我食呢間雞蛋仔真係純為咗打卡，好食過佢嘅雞蛋仔真係大有人在.…Read More

bookmark 左諗住做聖誕餐,點知太忙 等下等下變咗做新年飯. 一開始係畀佢ig粟米幅相吸引咗 所以想食. 叫咗牛油果藜香芒汁沙律 墨西哥粟米 香辣蕃茄扭扭粉. 牛油果沙律菜都好新鮮感, 脆脆絕對係令沙律更加好食, 但芒果汁唔多夠. 粟米好香好甜, 但芝士同辣椒好少, 所以變得好普通. 扭扭粉有屋企feel, 彈牙嘅. 兩個人食 係飽與唔飽之間 猶疑咗一陣我都係決定要食甜品 因為見到隔離枱 刨冰 好鬆軟😍 menu 相係哈密瓜, 但上到枱就係密瓜 原來係季節限定😔. 好在蜜瓜都好甜 不過食完蜜瓜就會覺得牛奶刨冰 唔夠甜 食曬啲蜜瓜之後就覺得刨冰好香牛奶味同埋係夠甜嘅. 而且佢個刨冰冇令我失望 係好鬆軟 唔會變硬而係會溶左變牛奶水. 佢嘅甜品絕對係會令人返轉頭再食 睇嚟佢甜品係比較出色.p.s. 沙律碗竟然係雞公碗, so funny😂anyway, 去到夜晚11點我地要去seven買宵夜食, 食菜唔夠飽…Read More

今日搵朋友食午飯, 佢推介呢間八鯨話抵食夾大份. 睇openrice先知道原來喺大埔都好出名, 午市同晚市都好多人, 不過好彩唔使等好耐. 最驚喜係麵豉湯入面竟然有菜,食過咁多間日本餐廳第一次見到咁多料. 三文魚煎得脆口 雜菜都唔馬虎 用蒜頭炒過. 魚生飯(冇影到相) 好足料新鮮. 連茶都泡得好夠味 值得推薦!…Read More

咕嚕咕嚕 again. 但今次好失望. 畀咗錢先同我講要等十幾分鐘 因為個爐仲未開. 都算, 三色薯條上枱先話冇黑松露醬 得鹹蛋黃醬. 我食三色薯條就係為咗個黑松露醬炸. 醬料唔係應該整定嘅咩? 店員話可以幫我整熱醬料 當然好啦, 凍冰冰嘅鹹蛋黃醬斷估都唔會香. 點知佢再畀返我嘅時候都係凍嘅🤢 完全食唔出鹹蛋黃味. 薯條真係唔可以一個人食 好飽. 加上如果唔係個醬料, 其實三色薯條係冇咩特別. 雞翼我本身係揀咗雙拼黑松露同抹茶朱古力味 點知 佢話黑松露要再等. 由於我趕住返學所以唯有全部要曬抹茶朱古力味😔 聞落同食落都有朱古力味嘅,但食食下我先醒起抹茶味去咗邊呢? 完全冇抹茶味! 總結 由於今次太失望所以 應該都唔會再食啦…Read More

上網search上水美食見到呢間有竹蔗粥都幾特別，所以來試下。 見到個套餐幾抵所以就叫咗， 另外叫咗個炸兩。 炸兩都預咗唔脆， 普通。 五花茶飲咗一啖感覺會糖尿病， 可以煮飯堂菊花糖漿用。炒米...只有幾粒蔥和兩條芽菜。食落未食過咁硬嘅米粉 好似食膠條咁。 竹蔗粥就真係唯一食得落嘅嘢食，足料 而且好健康。 我第一次食嘢食到覺得人生冇意義， 一天的心情都被他破壞了， 以後都唔會再食呢間。 我男朋友話第一次食完唔想俾錢，當畀乞衣。…Read More

本身見到有blogger介紹睇相好似好好食,所以特登過嚟食.佢係即叫即做嘅. 叫咗雙重脆芝士，話要等五分鐘。 的確好快五分鐘之後就有，但點知仲淋過毛巾，連一粒完整嘅雞蛋仔都撕唔到出嚟。味道係ok嘅，但連外皮都唔脆我覺得係食緊麵包 唔叫做雞蛋仔囉。 未食過咁差嘅雞蛋仔。…Read More

以前去餐廳食嘢，我會覺得嘢食只要好食服務態度差唔緊要，但今餐飯我同我朋友真係食得好唔開心，激發起我要寫人生第一篇食評。入到去，訂咗四位但係得兩杯水，menu畀得一本。侍應態度差，好似唔休做咁。但食物質素係好好嘅，雖然成間餐廳淨係食素，但係你唔會覺得自己淨係食素咁好寡，而係好似食肉咁，可能係因為啲茹。隔離張枱走咗，侍應執枱。佢哋一邊執一邊大聲笑細聲講，喺度話隔離枱:有冇咁多嘢講呀。我唔知佢哋坐咗幾耐，但你哋餐廳又冇限時，同朋友多嘢講都好正常啫。我好肯定當我哋埋單走人佢又會即刻講我哋壞話。 總括而言，如果你哋唔介意服務態度差但想食好食的素菜，就去呢間食啦。…Read More