kathyngai's Profile

開係港島仲要性價比超高真係好難得！經過見到呢間懷舊裝修嘅餐室就走左入去食，嗌左個好正蔥油雞飯($65)再跟餐加左杯椰汁紅豆冰，唔係講笑，我覺得呢杯紅豆冰係最中我口味，佢唔會好死甜，椰汁味又夠出👍🏻個蔥油雞飯都唔洗講啦，隻雞超嫩😋之後再嗌左個港式濃情蕃茄芝士焗豬扒飯($58)汁超多，而且豬肉都好淋，份量又夠大，但好食到我自己一個女仔都清哂成兜😂最後再嗌左個招牌楊枝甘露($38)唔會太甜，又足料😍…Read More

銅鑼灣食野食到悶，呢間成日搭車經過都好好奇，今日決定要嚟試下🤣嚟到點都要試下佢地嘅招牌蔥油雞扒撈丁😍加左$9轉左佢地嘅台式珍珠鮮奶茶😋嚟到發現超大碟，我諗撈丁份量唔止一個，應該有個半至兩個，如果女仔食嘅話未必食得哂😂燒雞扒好好食，皮好脆但啲肉就好嫩🤩個麵再加埋啲蔥油簡直係絕配🙂‍↕️個珍珠鮮奶茶飲落係似茶餐廳嘅奶茶，呢個combo又幾特別🤌🏻之後就再嗌左個馬拉咖哩吉列豬扒飯(嗌左少飯但嚟到都好大份)🤪佢個豬扒唔厚粉，個咖哩汁好香👍🏻…Read More

籍貫潮州嘅我，係附近住左咁多年，第一次嚟呢間餐廳食飯。係香港要搵好食地道傳統又正宗嘅潮州菜好難，今日打完風就走左過嚟試。一開波又點少得一碟鹵水鵝片，下面仲有豆腐，份量唔少，啲鵝片非常新鮮👍🏻之後就係潮式炸雙棗，分別有蝦同蟹，我就覺得蟹棗更好食！食咁多肉同炸野又點可以唔嗌反碟潮州沙茶炒芥蘭，夠哂鑊氣又夠哂爽口！平時唔鍾意食菜嘅我都清哂成碟😛最後壓軸嘅係我最鍾意食嘅潮式糖醋麵，要整得好食好難，出面食個啲好容易就會漿住一pat野咁，但佢呢到夠哂薄而且煎得好脆，大推！😍佢呢到仲有免費糖水，個晚有綠豆沙同馬蹄爽，但可能我太夜食嘅關係，綠豆沙已經冇哂，逼於無奈試左馬蹄爽，點知好清爽好甜，非常驚喜👍🏻…Read More

呢間冰室都開左好幾年，今日突然想落街食😂身為食雞愛好者嘅我，例牌廣式沙薑雞就緊係要整反碟啦，見到佢完全係比沙薑浸住，岩哂我😍初頭唔知佢有配埋飯，搞到我地又嗌埋咖喱厚切豬排飯同重量級足料厚切豬排飯🤦🏻‍♀️名乎其實，真係厚切，仲要超冧😱跟餐仲可以用$8分別加左紅豆冰同咸檸七，兩杯都完全係以前最正宗個隻傳統味道🤩再加左個田園咕嚕肉，啖啖肉，唔會成口粉成個皮🙂‍↕️最後又點少得食反個港式甜品做收尾！雖然已經夜媽媽，但都有得食鮮牛油粒粒西多士，好開心😋…Read More

兩年幾前嚟食過一次，今次放工同frd又嚟食個飯，趁佢地6-8pm仲係happy hour, 即刻嗌反杯classic cocktail都只係$78杯😙睇menu睇到眼花繚亂，淨係appetizer都已經嗌左3款🫠我地嗌左一件香煎鵝肝配焦糖洋蔥吐司($108)，兩個女仔嘅話，其實一件share都已經夠哂，超厚肉，絕對對得住個價錢！之後再嗌左個地道黎巴嫩沙律配水牛芝士，用嚟打定底清下腸胃就岩哂🙂‍↕️最後一樣係火燒牛骨髓松露和牛生牛肉他他，平時食開嘅tartare都係細細份，佢呢到簡直係份量十足，其實食完呢3樣已經有啲飽😂到main course又點少得澳洲M3和牛肉眼扒，我地嗌左3成熟，簡直係perfect🤌🏻最後再加多個黑松露蘑菇pizza($168), 份量簡直係驚人，我地淨係食左兩件已經要打包留肚食甜品😳甜品就嗌左個最有可觀性嘅火焰雪山，用嚟打卡就一流🙂‍↕️見到佢地仲有新tea set好吸引，下次又嚟試下先😍…Read More

魅ktv終於嚟到香港，簡直係中環打工仔嘅福音！一放工就即刻衝過嚟唱k解壓，咁當然都要醫埋個肚嘅🤣可惜個日冇中菜供應，我地就只好嗌下啲小食。我平時食得燒烤都會必嗌芝士年糕，但襯煉奶真係第一次試，竟然又幾夾😯我地仲嗌左個黑松露粗薯條($88), 咁嘅價錢真係大件夾抵食，因為個份量真係超多，過下口癮就最正🤣野食嚟講我覺得香辣酥炸雞翼係最出色！至於串燒方面我都幾推金菇牛肉卷同風味羊肉串，基本上同內地嘅味道好相似🙂‍↕️…Read More

嚟得食台灣野又點少得鹽酥雞，佢唔似平時係出面食開個啲細細粒，佢呢到份量多之餘，仲要大大舊又juicy，而且價錢相宜，只係$48👍🏻重點嚟啦，就係佢地嘅招牌紅燒腱心牛肉麵，佢有得揀幼麵/手工麵，但我個人係極力推介手工麵，我覺得食牛肉麵唔食手工麵簡直就係冇左個精粹🙂‍↕️鍾意食台灣甜品嘅我又點會放過，我地就嗌左個純貞芋圓2號，入面集齊哂我鍾意嘅野，佢用左桂花冰糖做底+黑糖珍珠+豆花+芋圓+紅棗杞子，個芋圓超冧，食完飽到上心口，超滿足😋…Read More

呢間成日經過見到有唔同期間限定嘅芭菲，今次終於忍唔住入嚟食左個晚餐😋淨係睇個舖名都知佢地嘅綠茶比較出色，即刻嗌反杯凍抹茶牛奶白玉綠茶雪糕🤣綠茶雪糕非常濃郁同香，冇話太苦，再根據香港人口味嗌反個少甜就岩岩好！主菜我地就嗌左海老蕃茄豆乳烏冬同明太子大葉豆乳芝士意大利飯，仲配埋個面豉湯👍🏻個飯偏濕，初頭驚食落會好膩，最後我清哂成兜🤪平時食開湯烏冬，冇諗過原來蕃茄撈烏冬係咁夾，而且個烏冬仲夠哂煙韌！最後點少得一人嗌反個芭菲收尾，我就嗌左個黑芝麻蕨餅芭菲，平時最驚就係芭菲食完面舊雪糕，入面淨反哂啲cream...好彩佢入面係云呢拿軟雪糕，再加上個底仲有芝麻奶凍，非常完滿😙…Read More

好幾年前係觀塘食過，今次就先試左個螢光魷魚漬先，用嚟送酒真係岩哂😋咁嘅size我都係第一次食，食落有啲咸，襯反白蘿蔔蓉中和反就岩岩好🙂‍↕️之後就係網燒牛舌，佢地揀左中間最冧最多肉嘅位，厚肉得嚟一啲都唔韌，身為牛舌愛好者嘅我，表示很滿意🤪再之後就係倫敦橋，其實姐係壽司卷，包左三文魚+青瓜，再搭配海膽係面，我本身唔係特別好海膽，但呢個好鮮甜😍再嗌左個安格斯蔥牛卷，好香好正。最後用火山卷物做收尾真係一流，非常之打卡able😎…Read More

我地個日嗌左個晚市套餐，$538兩個人(未計加一)，包餐湯+兩小碟+兩主菜，簡直係超值！頭盤我地就嗌左法國田螺，襯反佢地嘅香草蒜香牛油，超入味👍🏻之後主菜就嗌左個蟹肉+芝士菠菜意大利雲吞，佢個ravioli偏乾身，但佢地比蟹肉真係一啲都唔孤寒，大大舊啖啖肉。係店員嘅推薦下再嗌左個阿根廷安格斯牛脊肉，我地叫左5成熟，就算唔加汁都好夠味，伴碟嘅燒薯粒都好唔錯😋最後甜品就揀左蘋果肉桂可麗餅，好足料，唔會食到最後得反塊皮😂我地兩個都叫左mocktail, 一個就嗌左frozen strawberry daiquiri, 叫左走糖漿就岩岩好🙂‍↕️另一個就嗌左杯熱嘅honey ginger punch, 暖笠笠，真係岩哂冬天飲！…Read More

呢間位於利東街樓高兩層嘅餐廳，我地今次就坐左係上層，係窗口望出去仲見到啲燈籠，打卡都唔錯🤣crepe其實我不嬲都淨係食開甜冇食過咸，因為覺得會好奇怪。但今次見到龍蝦汁鮮蝦可麗餅好似幾吸引，佢啲蝦大大隻，仲有菇同芝士，食落真係意想不到地夾😍main dish我地就嗌左個安格斯肉眼扒，5成熟拿捏得岩岩好，肉好冧又juicy😋配菜仲有得揀燒薯/薯蓉/薯條👍🏻最後點少得甜品，我地今次就試左個烤棉花糖可麗餅，入面係nutella, 啖啖都超豐富！十個推！…Read More

想嚟試好耐，每次經過見到個裝修都覺得好吸引😍我地個日兩個人total嗌左4樣野。首先嗌左個香草牛油焗田螺，佢個底鋪左啲薯蓉，面再燒一燒，揸埋落toast一齊食就岩哂🙂‍↕️之後就嗌左個法式大蒜蘑菇忌廉烤雞，超大份，再配多4塊toast, 襯埋佢地嘅creamy mustard sauce, 簡直係絕配🤌🏻本身驚唔夠飽，又再嗌多左個燒三文魚香草忌廉手工戒指意粉，佢個三文魚簡直係mvp, 最鍾意食呢啲個面燒到脆一脆，但入面就非常嫩嘅三文魚，仲要好大條🤯最後就食左個火焰雪山做收尾，入面係朱古力雪糕，而下面就係蛋糕。仲要係你面前燒，非常之打卡able🤣…Read More

時隔就嚟一年，又走嚟試試🤣我地第一樣就嗌左個Akagai, 赤貝包住啲蘆筍，又鮮甜又爽口🙂‍↕️之後就係shredded celtuce salad, 將萵筍切到一絲絲，再配啲三文魚子，清清地幾開胃😋然後到我最鍾意嘅caramelized pumpkin, 每粒都燒到好脆，南瓜又夠哂甜，一啲都唔滯😍到Charcoal grilled eel, 佢地會係你面前攞住舊碳燒，但都唔會好乾😎重頭戲當然係A4 Wagyu cutlet charcoal sando, 舊牛好正好冧😙最後點少得甜品收尾，我地就嗌左個綠茶cheesecake同紅豆大福，如果2揀1的話，我個人更推薦cheesecake👍🏻我地仲嗌左H2O sour同AOAO Sangria兩杯cocktail, AOAO Sangria個杯飲落甜甜地，好易入口🫶🏻…Read More

時隔年幾又再嚟食，坐出面都幾好feel🤣襯住7pm前仲係happy hour, 即刻嗌反枝米酒嚟飲，大大枝，兩個人每人都起碼飲左4 5輪😳前菜有兩兜，kimchi好好食，佢仲refill左比我地😛見平時食親韓國菜都食泡菜煎餅，所以今次就嗌左個dried prawn pancake. 之後再嗌左個hanwoo kimchi fried rice, 好正好大兜，係好正宗嘅泡菜炒飯，面仲有隻煎蛋😋最後嗌左bossam, 係啲熟左嘅五花肉，冇任何嘅調味，隔離有啲辣魷魚，夾埋啲生菜一齊食又幾夾👌🏻…Read More

平時飲開moscato, 對sake冇特別興趣。今日先發現，原來sake都可以咁好飲😎佢地分左house sake同tasting set, 價錢十分相宜。佢問我地鍾唔鍾意飲甜，如果鍾意的話推薦鍋島，不過佢地嘅menu每1-2星期就會轉一次。tasting set total有3杯，全部都係用愛山米，佢推薦我地由純米吟釀開始飲起，然後係大吟釀，最後到純米大吟釀。3杯都甜甜地好易入口，我自己就最鍾意第一杯。飲得酒又點少得襯反啲小食，我地就嗌左沙嗲雞肉串，日式照燒雞肉串同冬蔭功雞肉串。冬蔭功雞肉串味道就最夾最特別👍🏻最後再試埋佢地嘅隱藏菜單清酒煮蜆，正到我地連湯底都飲埋🤤…Read More