catloveyou's Profile

服務幫襯之前都睇哂Openrice同Google review知依間野態度麻麻，所以有定哂心理準備，但去到現場又感覺Ok，唔好expect職員會好殷勤好有禮貌同熱情，正常對答啦環境天氣好風景好靚，有d海風時好舒服。但圍欄外係公家路，靠住圍欄食嘢睇風景嘅時候會有路人好近咁係你面前經過😂同埋冇海風嘅時候通風情況麻麻哋，雖然我哋已經加咗$400（2個爐)坐海邊位，但隔4-5張枱嘅客人有段時間係度煙燻嘢食，我哋隔咁遠都俾啲煙攻到標哂眼水，幾個屋企人去搵水洗眼，幾個去廁所(有冷氣)，幾個行到出燒烤場外唞氣。我哋同職員反映，佢哋話燒嘢食係咁㗎啦，然後見到果枱人帶哂公仔麵煲同膠盒裝燒好嘅野食，我哋諗可能係熟客或者自己友，所以職員都冇溫馨提示佢哋影響到其他人啦食物始終係任食都唔會expect質素好好，大部分肉類都醃得偏鹹，以假日價$338一位全日任食黎講，食物種類數量可以接受。但牛扒豬扒豬頸肉等等全部都一大塊，記得自己帶鉸剪或者刀方便進食，現場只有提供環保木刀😂飲品任飲有汽水橙汁蘋果汁同水，全部喺汽水機撳出嚟，夠哂凍，另有罐裝樽裝飲品同酒精飲品可以加錢買，大概$10至$20，一定貴過超市但出街食嘢不嬲有係酒水最賺錢所以ok啦，可以自備飲品，但係如果帶酒精飲品入場就要俾”開瓶費”總括嚟講，幾百蚊任食任飲咁多個鐘，地方又乾淨企理有海景，算係咁啦。人多唔想準備咁多嘢都值得嚟幫襯，但係如果人少少就寧願自己買靚食材，搵個會所燒烤場燒嘢食仲舒服。…Read More

第一次幫襯係朋友生日，4件貓貓樣cupcake加8件普通唧花$260，見價錢幾抵就試吓，拎貨時見到d貓樣幾得意仲開心咗陣，但食落d cupcake係又乾又硬，叉都拮唔入，個個食到一半就放棄咗。嗰種又乾又硬嘅程度係件cake明顯已經雪咗幾日，cream就可能早一兩日唧上去所以表面睇落新鮮第二次幫襯試佢d批，見到咁多食評讚到咁好食，話晒有藍帶，可能cupcake唔得啲批好得呢？點知買咗五款，得個焦糖蛋嘅好食，其餘都係甜到漏開心果士多啤梨 - 甜，冇開心果味香印提子 - 個餡係唔知咩味，得甜味藍莓伯爵茶 - 有茶味嘅，但係都係偏甜法式檸檬 - 諗住間嘢有藍帶，法式檸檬呢啲咁經典嘅味應該穩陣，點知都係勁甜，都有酸味但完全冇檸檬香味總結係完全大伏，仲要成$40-$50一件，同大廈好幾間其他甜品小店都平同好食過佢，又或者貴少少幫襯酒店分分鐘冇藍帶都好食過佢…Read More

難得同屋企人入嚟赤柱行街食嘢，預早訂咗位，因為塞車所以預早打俾餐廳話會遲10分鐘，餐廳話OK，點知嚟到全場坐滿，全部人都係剛剛坐低。職員仲叫我哋等一陣，梗係唔等即刻走啦，個個都啱啱坐低，喺度等你成個鐘咩？Book咗枱都唔留枱比人，咁我book黎做乜？仲要我哋知自己會遲都已經預早打俾餐廳講聲，你哋又答OK，如果滿左不如同我哋講話滿晒，唔使人哋特登趕黎。上網見咁多人介紹話好食，老遠嚟到都食唔到🙄🙄🙄幾好食都冇用啦…Read More

真係好離譜，有個自稱經理既講粗口鬧人又掟板落枱，嚇到我哋即刻走！老人家生日，一行12人一早book左枱7點鐘12位，早2日係電話confirm左有房坐。點知我地今日6點45分去到，帶位呀姐話本野寫我地book左6點15，又打過俾我地幾次冇人聽，所以間房已經冇左。 我地真係冇收過電話，俾呀姐睇通話記錄，呀姐上左去同其他職員溝通，落返黎同我地話房真係冇，不過有張大枱執緊俾我地，因為有老有嫩唔想等太耐，照上去坐啦 初初都冇野，但係我地12個人坐張係大廳既9人10人枱，真係有d逼，有位白衫職員叫我地坐埋d，我地tun左少少，真係冇位再tun先碎碎唸話冇啦啦冇左間房，點知佢話係我地no show，咁我地咪俾電話記錄佢睇囉，真係冇收到電話，佢唔睇仲愈講愈大聲，話係我地冇聽電話，用字開始有粗口屋企人同佢理論，佢就大力掟塊板(黑色膠板，夾A4紙果種)落枱，差d整到其中一人，仲好大聲講"你地講x夠未"，個樣好兇，挺胸hung埋黎，好似想打人咁 屋企人忍唔住話佢明明係佢地寫錯時間令我地冇左係房既張枱，點解可以咁惡，我地都拎緊袋走，因為佢真係好似想打人咁，其他職員拉住佢佢都繼續兇我哋。我地行去搭𨋢時佢仲拎電話影我地！又話"你地叻呀，有錢呀"（依個時候我地已經入左𨋢走，聽唔到佢繼續鬧咩） 屋企人之前依過依間野話好好食，但係咁既服務態度真係幾好食都唔會再敢黎！事後我同朋友同網友傾返依件事, 佢地有d講到可能經理當日經歷左好多負面既野, 忍左成日, 到卒之忍唔住就發左係我地身上我同意佢地既講法, 因為一個正常人, 可以係餐廳做到經理級, 真係唔會因為咁小事發咁大脾氣, 但係老實講, 成件事我同屋企人冇做錯任何野, 我地有一早book枱, 餐廳有早一日confirm, 當日話冇左間房要坐係廳既一張唔太大既枱我都地OK, 如果唔係個經理又開聲話我地遲到/no show/係我地錯, 我地都唔會又出聲解釋話我地有book枱/佢地今日聲稱有打俾我地而我地真係收唔到(俾電話紀錄佢唔睇)仲要初初我地都係得1, 2個人開聲, 係個經理去到講粗口同掟野, 我地先愈黎愈多人出聲同開始拎野走人希望個經理真係只係果日受左好多氣, 忍左成日, 真係忍唔到先發落我地度, 我地就當自己唔好彩做左佢既出氣袋不過好彩既係老人家同小朋友都冇嚇親 (我反而當下真係呆左, 之後由一路由依間餐廳行去搵第2間餐廳, 一路打依篇野都有少少手震震) 仲有好彩既係雖然果日係星期6, 我地一行12人都可以係附近搵到另一間餐廳, 可以繼續同老人家食生日飯…Read More

最近鐘意左係度食晏, 因為又近公司又抵食!其實有好多選擇, 不過懶得諗, 次次都係食$40兩餸飯+例湯好鐘意飲湯, 所以例湯大大碗都會清哂, 飲過青紅蘿蔔/ 眉豆/ 菜乾之類, 次次唔同款都唔記得咁多!!仲要嗌少飯, 因為唔講明既話姐姐就會好重手...餸就成日都唔同款, 仲日日有成10個餸揀! (食過好多次都冇影相, 下次有影再寫另一篇食評!) 上次又嗌兩餸飯時見到有人嗌左常餐, 所以今次都試下$42有雞扒湯河, 火腿奄列同奶油豬, 仲有野飲 (食完飽到夜晚7,8點...)味道都ok!湯河睇落好清但係都夠味, 雞扒好脆但係唔係好油! 奄列油左少少奶油豬熱辣辣仲脆脆地, 好滿足既一個lunch!…Read More

收工同男朋友行街再食個晚飯因為入座時已經8點幾9點, 完全唔洗等位其實食dan ryan's最期待係佢個麵包籃, 因為個muffin真係好好味!!未落單侍應已經送上麵包籃, 有2個包同一個muffin, 因為我同男朋友都好鍾意個muffin, 所以問侍應可唔可以要多個, 佢地都好快就送左個黎!一路食muffin一路睇menu. 因為我一心係想食burger既, 所以好快決定叫classic cheeseburger男朋友突然想食牛扒 (不過唔記得左咩名...)食完muffin同個包其實都好飽不過因為都8點幾, 都幾肚餓, 所以都算食得哂d野!burger熱辣辣好好味, 好juicy又足料, coleslaw味道不過不失,  pickle我不嬲都會食少少, 男朋友鐘意食, 但係依個真係好酸, 食唔落...薯條就唔掂啦...有d係好似翻熱過既硬得滯, 有d又好林.....好失望牛扒我地要7成, 但係黎到好似welldone咁...一上枱熱食都還ok, 當燒肉囉...但係凍左少少就好un啦...薯條一樣唔掂, 粟米反而ok(純粹燒粟米如果咁都唔ok真係大鑊因為免費join左會員又like左fb所以送左枝手工啤, 味道ok啦不過主菜真係麻麻, 2個人食左$600幾, 得burger同條粟米好味, 真係唔係好抵…Read More

因為住新界, 好少可同屋企人過海今次媽媽生日, 特登帶佢去遠d食個靚brunch 揀左鰂魚涌既MR & MRS FOX, 因為媽媽鐘意食西餐鐘意環境靚既 餐廳,MR & MRS FOX無論環境定野食都好o岩媽媽心水!book定枱12點, 一去到唔洗等位就有staff帶我地上一樓入座卡位, 座位闊落好好坐!因為冇食早餐, 急不及待睇menu! 一落單職員就送上麵包同牛油 麵包好鬆軟, 有淡淡天然發酵既酸味, 牛油都似係自家製既!食完麵包爸爸媽媽都話塊包熱熱地好好味, 但係我果塊係凍既.....等左15分鐘就開始上菜我地嗌左2個set brunchstarter揀左homemade yogurt同saladyogurt超好味!!上面有又甜又脆既granola同雜莓, 酸酸甜甜好好味! 份量超多, 我怕食唔落其他野所以只係食左一半, 依個份量俾我一個人食哂既話我應該會飽哂….salad係媽媽嗌既, 依個配搭好難唔好食, 不過媽媽話佢覺得好食過其他餐廳喎跟住就到主菜, set brunch跟既係炸雞 waffle 同egg benedict爸爸就嗌左個dry aged strip steak炸雞 waffle好香好脆, 2樣都唔會有油林林既感覺, 上面大大舊牛油不過怕肥…冇食到媽媽嗌既egg benedict有牛肉係中間, 係好香, 不過好漏/_\strip steak叫medium就真係medium, 不過因為我食左半份炸雞 waffle已經好飽, 所以都冇食好多, 爸爸媽媽都好欣賞份牛扒, 2個人食哂佢最後打包左半份炸雞 waffle, 半份egg benedict因為真係食唔落, 同埋媽媽想試下d生蠔…所以又叫左半打! (唔記得影)唔係特別好食 (可能太飽同埋食左主菜, 個味蕾唔係好”ready”食生蠔…)因為好飽所以甜品我嗌左生果, 清清地媽媽就嗌左strawberry puff超滿足既一個brunch *最後飽到7點幾8點先食左個”light dinner”…Read More

去過大埔分店好多次，知道一定要等位所以都早d就排住隊先。其實等唔係問題，但係職員嘅安排真係好奇怪...我同屋企人3位，排隊排到下一張到我地，見到有張5-6人枱吉左成10分鐘，因為已經等左差唔多半個鐘，所以膽粗粗問下職員呢張枱會唔會安排人入座(因為知道beans冇得book位，一定唔會係留位)，佢地講左句話張枱留俾多d人既，咁我哋就繼續等位啦...點知轉個頭佢地就叫左排後面既4位(未齊人)入去果張大枱.......我同屋企人就繼續等，卒之等多半個鐘先有位，我地入座果陣果"4位"依然未齊人未落單.......其實如果佢真係俾5-6人坐我覺得冇問題，但係3個人同4個人有分別咩？仲要我地齊人佢地未，唔係應該照返排隊次序安排入座咩？講返野食，同大埔分店一樣咁好味！龍蝦湯(跟餐加$40)唔太夠熱，不過好香好好味，次次都嗌All day breakfast又係次次都會嗌，窩夫配忌廉係屋企人至愛，又有煙三文魚，炒菇，黑松露炒蛋，腸仔煙肉茄汁豆，分量十足！Scallop spinach risotto 第一次嗌，有驚喜!!飯好香濃忌廉味，煮得啱啱好(因為好怕risotto煮到一patpat）如果有多少少菠菜就仲好煙三文魚白汁意粉(唔太記得全名)意粉又係煮到啱啱好，唔會太林，又係白汁所以又係好香忌廉味Baby back ribs (half)超林超入味，不過咸左d...配菜有coleslaw，薯條同沙律，食唔哂因爲half都好大份，打包聽日做午餐！總括來講，嘢食好好味，期間職員嘅服務都好好，唯獨入座安排真係好奇怪...…Read More

食過好多間酒店既buffet, 今次諗住話試下未食過既Conrad, 點知…就中左伏啦…因為有折所以2個人$1200唔洗, 酒店buffet黎講算正常價錢, 不過以野食質素黎講…真係唔係好抵…外面差唔多價錢質素都一定好過依度!先講服務職員真係好responsive同有禮貌既,因為我地其實book左7點半, 但係因為我地6點就到金鐘…所以打去問會唔會可以早d入座, 職員話其實buffet 6點半就開始, 依家上去坐下先都得最後我地6點半上到去, buffet已經開始左可以去拎野食  職員好快就黎問我地飲咩呀/ 講下甜品要7點先開始有之類紅白啤酒汽水任飲, 不過白酒都麻麻地 (任飲既都唔expect會好飲…), 所以飲左一杯就嗌汽水, 期間職員見我地就飲完杯野都會主動問我地洗唔洗refill又會好快手收碟, 又好有禮貌咁thank you前thank you後, 所以真係5星級服務既~不過食物…選擇俾我想像中(同埋以往食buffet既經驗)少好多好多………Salad bar:算幾多配料, 有個大碗俾人自己撈沙律, 幾好玩~同埋食材都算新鮮冷盤:HAM 3款, 煙三文魚 X1,  味道OK啦, 芝士有3-4款, 但係味道麻麻, 冇brie…海鮮: 都新鮮既, 蝦同青口都好味, 其他就不過不失要讚既係refill得都幾快, 我地坐得近放海鮮果個area, 見住職員keep住冇咩就fill咩, 同埋有殼既海鮮都已經揼開左少少d殼先放出黎 (每張枱都有較剪同鉗)但係….我以為會有既生蠔原來冇…有ddd失望, 因為有好多酒店buffet依個價錢都有生蠔架啦嘛….日式食物:章魚燒…雖然有燈照住, 但係只係暖暖地, 唔夠熱既章魚燒係唔好味架!!!刺生得2-3款, 冇諗過咁少…味道普通…..其他地方會有既甜蝦/帶子/北寄貝果d依度都冇….壽司, 都有6-7款既, 不過我食飯會好快飽所以冇食(室內)熱食: 都有十幾款, 燒牛肉好味, 有個係豬既就硬到切都切唔到, 有2款魚都好味既, 一個係龍脷柳, 另一款唔記得左…燒味. 放到乾哂咁, 男朋友有食話普普通通即煮拉面/烏冬. 好多配料揀, 味道正正常常, 不過個面淥得唔夠耐, 有DDD生…湯, 中湯西湯, 試左西湯”西芹忌廉湯”, 好怪…*我食西芹架,所以唔係因為西芹味覺得怪!係個湯真係怪怪地…仲有其他都唔多記得啦, 望一望D樣/ D名就唔打算食,,因為完全唔係5星buffet質素既野食…BBQ:我以為都係其中一個賣點既BBQ會好吸引但係唔好咁大期望, 因為個area其實好細, 同埋唔多野食羊就好好味既, 仲有蝦/ pizza果d, 麻麻地…..生果/甜品:依part反而ok, 選擇多都同新鮮好味~哈密瓜, 密瓜, 西瓜, 菠蘿, 仲有中間果d我原本以為係display但係原本都食得既生果 (有2個內地遊客直頭一次過拎左十幾個紅毛丹……….)甜品都有十幾款, 已經我鍾意佢係由職員幫你拎, 唔會俾人”不”/切到D蛋糕樣衰哂味道都OK!! 尤其朱古力味既甜品都真係好濃朱古力味仲有佢有士多啤梨+CREAM+糖霜依個配搭! 好好味同埋對我黎講好有童年回憶雪糕係MOVENPICK, 有朱古力同呍呢嗱味, 仲有好多配料可以加~PS) 個日式櫻花野個樣係好靚, 不過唔好食…食左2啖放棄左…呀…7點半又係有即場劏魚表演, 唔記得係咩魚但係男朋友話係好新鮮既(我冇試~)總括黎講,5星級服務, 3星級野食$5-600一個人黎講, 係其他酒店既質素一定好過依度…所以…只此一次….…Read More

如果有個”最差粉麵排行榜”, 依間一家一定榜上有名十幾年前成日同屋企人食, 果陣又平又好食,如果係一家3口小朋友得8歲10歲,嗌2碗2-3餸, 其中一碗加底就夠哂飽之後去左外國就好耐冇幫襯過上次有次同屋企講起, 又去食下重拾下童年回憶點知, 直頭將我既美好回憶破壞埋!食得廿幾三十蚊一碗野, 你都唔會預有d咩好服務但係依間野既” 服務”直頭係用差黎形容!不過志在黎食野, 唔理咁多啦嗌返細個最鐘意既魚蛋牛腩河一上到枱, 真係眼都凸埋…(屋企人嗌左咩我已經唔記得…不過睇我果碗都夠哂嚇人…)牛腩??!! 牛腩絲4條…真係一條條架, 4條加埋都冇平時一舊咁多, 仲要又瘦又乾, 唔講以為係牛肉乾魚蛋, 有3粒, 但係會唔會細粒左d?用匙羹做比例, 4分1都唔知有冇?!2粒加埋都等於出面既一粒…河粉, 得3啖, 個口細d既話可能可以分4啖既…..一碗都唔會夠一個8歲10歲既小朋友食唔好話大人, 分分鐘2碗先覺飽….味道? 普通到唔普通…個人大埔人多數都知依間野有幾唔掂希望區外人會上黎睇食評, 唔好中伏!…Read More

今日同同事一行6人去食晏因為6個人所以預先book左枱. 不過12點45左右上到去, 都冇其他客人. (好似包左場咁, 好靜好舒服)落order時職員好好耐性, 因為我地一人一句又A又B又C, 亂哂龍佢都冇黑我地面當然我地都好醒目咁由頭黎過, 幾多人要A, 幾多人要B咁落單落完order冇耐就有湯飲 (唔記得影相……….)*紅腰豆忌廉* 個湯粉紅色咁好靚架!! 味道就…幾特別, 淡淡地忌廉湯味. 又有少少似”紫米露” 唔難飲, 不過係有d”特別”, 唔係好識形容野食都好快上枱 *我影得衰, D野食”真人靚過上鏡”架)我地total嗌左牛x1羊x3魚x1咖哩雞飯x1個個都覺得好好味!牛- 唔係好香牛味不過都幾林, 要8成熟就真係8成, 唔會變左全熟羊- 好好好林, 同埋唔羶, 連本身因為怕羶唔係好食羊既同事都試左一舊仔, 佢話ok接受到~魚同咖哩雞飯- 我冇試呀, 不過同事話好味連薯菜都值得一提 - 食得出有心機整~ 薯仔係有醃過有烤過(入味又林), ’菜”係秋葵, 煮到冇咩秋葵平時果d青味! 其中幾個同事話唔鐘意秋葵因為唔鐘意d青味同入面滑潺潺架, 不過最後都食哂! 反而我食唔哂因為野食既分量都唔細!! 男同事食果個咖哩雞飯都話好夠飽仲有, 我見佢FB upload既相既配菜係茄子唔係秋葵, 原來佢地有好心思, 會睇下咩野靚而用唔同既食材, 落單既時候可以問下今日有咩特別野/有咩好介紹!最後仲請我地食雪糕*v*(心急得制食左一啖先記得影相, 所以樣衰左d)同事話係餐廳自家制架~真係好好味, 好滑, 清清既雲呢嗱味, 唔會一味得個甜字!((set lunch有野飲架~不過我地只係嗌檸茶檸水之類, 唔特別講))總括黎講, 一個好滿足既lunch! 雖然由office行去唔係好就腳, 不過同事們都覺得可以再黎佢地直頭影埋個menu話諗住同屋企人去食晚餐 !再特別讚下職員既服務真係好好放低野食既時間會輕輕力, 又會提我地個碟熱要小心d我地自己眼大睇過龍以為唔夠餐具, 佢地又即係幫我地拎 (其實夠, 所以都唔洗再麻煩佢地)不過餐廳係工廈, 比較”應聲”, 多人起上黎應該會幾噪因為我地差唔多走既時間有另一枱客人(又係5-6個人?)入黎, 佢地一坐底成個area就嘈左好多, 如果真係坐滿人既話應該都幾嘈, 成班朋友上黎食飯ok既, 想浪漫想靜靜地既就未必適合啦~…Read More

尋日知道今日同男朋友去沙田都上網搵定餐廳book位, 因為沙田依家都已經變左遊客區...唔book定位一定等位等到傻!見到依間新新地嘅法國野做緊主菜買一送一, 見到D食評又OK就試下啦~book左7點半, 但係行街行到好攰, 所以7點3就去睇下可唔可以早少少入去可能因為5:30-7:30係主餐牌半價仲抵, 所以我地7點3去到上一轉嘅人都陸續賣緊單,5分鐘都唔洗就入得去!一坐底第1個感覺係: 張枱好似有d細…放左2杯水, 2 set餐具, 2 set menu, 2樽鹽同黑椒, 張枱已經都冇位剩,枱細嘅好處係枱與枱之間既通道會闊落d, 唔會好似同人搭枱咁唔好處係…我地只係嗌左1個小食, 2個主菜, 1杯野飲…都唔夠位擺野食同野飲好快到, 小食嗌左truffle fries $58個醬好香, 配薯條好好味! 不過薯條睇同食得出係翻炸…亦都解釋到點解咁快上到菜不過因為唔係話翻炸到好硬好乾, 同埋個醬好味, 所以都冇理照食野飲係lavish lavender, 男朋友見到佢係poster張相個樣幾靚就嗌黎試下, 不過初初飲佢話俾人呃左, 因為杯野好淡好淡好淡, 我試左一啖都覺得淡 (我係唔飲甜野嘅人都覺得依杯野淡…)*之後一路食主菜一路飲就覺得清清地中和下都幾好, 但係…唔係好值$58主菜買一送一所以嗌左2個主菜, 上菜速度真係好快, 小食都未食完主菜就到第1個係香煎帶子海蝦伴炒薯及菠菜配檸檬香草汁 ($168)帶子好味, 厚身又juicy, 蝦我就覺得有ddd鹹 (因為我口味比較啖) 男朋友就話ok菠菜有d咖哩味?! 不過都幾得意既, 薯仔就係將細細粒薯仔切片再煎嘅整體配搭都唔錯另一個主菜(法式油封鴨腿伴長邊豆配里昂炒薯, $158)又係好快上枱, 但係我地個薯條同第1道主菜都未食完…就係依個時候張枱就唔夠位啦侍應都唔係好理我地唔夠位就放底左…我同男朋友就自己係度執緊點樣先夠位放,最後就將放住薯條同醬嘅碟抽起, 另一個侍應見到都即刻過黎幫我地收走唔要嘅碟油封鴨腿係男友話要試嘅, 佢就覺得鹹鹹香香幾得意幾好味, 對我依個食慣啖口味嘅人黎講就麻麻地啦~不過配埋d薯仔同豆都ok嘅!同埋都係依個時候覺得杯野飲好飲左成餐飯只係食左半個鐘…張單好清楚係25分落order, 55分賣單…因為上菜速度真係好快…算係港式法國快餐?!賣單$320, 算做抵食 好唔好食就…普普通通啦可以有更好既選擇, 當然價錢未必只依個數!不過都會有下次, 可以既話, 下次會食5:30-7:30果轉!! 主餐牌半價仲抵! 另外望過下佢既蛋糕, 都幾靚! 不過今次冇食…Read More

星期日family day同屋企人一行人6大1細係mikiki搵野食,表妹俾display嘅甜品模型吸引住, 我地又見依層得依間算做闊落(因為老人家坐輪椅)就試下依間啦其實如果3-4人就唔洗等位嘅, 不過我地7個人, 要等其中一張枱走, 拍埋隔離嘅2張枱先夠位職員都好好, 放左個"留位"牌仔係果幾張枱 (因為好多比我地遲黎嘅3-4人一入去就想去坐果邊, 如果職員唔理, 我地就唔知要等位等到幾時啦!)等左15分鐘就有位, 一坐底就嗌野食, 因為老人家同工人姐姐已經食左少少野, 小朋友又唔食得多我地只係嗌左4個set share食, 3個係$78有主菜同甜品嘅set, 另一個係主菜加飲品(唔記得價錢)飲品黎到嘅時候我地其他人仲未有茶/水, 所以就同侍應講左聲, 女侍應都好快手就斟俾我地, 亦都特別用膠杯斟暖水俾小朋友都係等左大概15分鐘野食就陸陸續續黎 (相係屋企人影嘅, 影得麻麻地......)咖哩炸雞 ($78 set既主菜)*每份主菜都有份蒸蛋咁嘅物體, 不過...麻麻地好食...賣相唔多吸引, 我都冇食, 不過屋企人話味道ok既海鮮茄汁意粉 (主菜加飲品set嘅主菜)賣相ok, 味道ok, 咁多個主菜依個算好味…牛肉咖哩烏冬  ($78 set既主菜)個樣好似ok, 但係食落真係超唔掂牛肉-有怪味, 唔知係雪味定咩, 總之難食咖哩-好稀, 味道普通, 開到好稀嘅日式咖哩咁烏冬-超林, 未至於一pat pat但係真係好林好林好林, 冇牙食就o岩哂!芝士焗飯 ($78 set既主菜)又係個樣好似ok, 但係食落超唔掂2個字”超鹹”, 我食左一啖話,不過屋企人照試因為佢地知我本身口味淡但係依個飯係鹹到連食開濃味野嘅老豆都話鹹到入唔到口成碟要侍應拎走轉叫第2樣野…牛肉飯 (唔要芝士焗飯, 叫左個牛肉飯)個樣唔ok, 但係味道都ok…可能有燒汁所以依個嘅牛肉冇牛肉咖哩烏冬果d牛肉嘅怪味?...最後就係甜品算做成餐飯最好食…幾香奶味嘅軟雪糕, 下面係暖暖地嘅蕃薯野(唔知佢係咩, 但係配雪糕都幾得意)不過主菜太唔掂, 甜品ok都冇用....同埋雖然依個價錢唔貴, 但係都真係唔會有下次…Read More