eatwithmike's Profile

中午十二點半殺到太子呢間開咗十幾年嘅台灣店，門口已經排滿哂等食飯嘅打工仔，等咗十分鐘先有位。今次專登嚟會一會個「魷魚滷肉便當」，一上枱就知冇揀錯！個滷肉飯認真足料，同其他台灣店嗰啲「孤寒版」完全兩回事！肥瘦勻循嘅滷肉鋪滿成個飯面，珍珠米吸盡滷汁精華，每啖都掛到汁，膠質重到黏脷角，正宗台灣風味。配菜有爽脆木耳、滷香豆乾同清甜西蘭花，恰到好處咁解咗膩。重點嚟啦——條炸魷魚真係誇張到呢！炸到金黃香脆，咬落「咔嚓」聲，裡面嘅魷魚肉居然保持到超Q彈嘅口感，完全係台灣夜市即炸嘅水準！喺香港真係未食過同級數嘅炸魷魚，忍唔住影咗三張相先捨得食。仲要讚埋杯珍珠奶茶，茶味夠濃唔死甜，珍珠煙韌得嚟又彈牙，凍飲夠爽，熱飲更加暖胃。食到捧住個肚行出嚟，呢個價錢呢個質素，絕對係香港台灣菜界嘅隱世高手！…Read More

去黃金商場行街，是但搵到呢間。見門口廣告好吸引，食品亦好新奇    估唔到運氣都唔錯，食咗好味嘅一餐我揀左招牌乾撈盤盤麻辣燙。佢有得揀大中小辣，第一次試，我就揀咗小。好快就上菜，一上枱就聞到好香既香料味，而且份量唔少。即刻夾一啖肥牛入口，加埋啲汁真係好惹味。公仔麵必叫！可以話係成碗麵嘅靈魂非常之入味，索湯之選，吸曬麻辣湯汁超金菇菜亦好香好入味  蒜蓉同辣粉撈咪食，讚油炸鬼係即叫即炸，脆卜卜，非常之香口話咁快食晒成碗，覺得好滿足。雖然叫左小辣，但係都唔會覺得好淡味。 食食下都幾上癮好味指數:抵食指數:環境指數：服務指數:…Read More

經過福榮街睇到啲餐牌覺得好吸引，有飯有麵同埋好多台式小食供客人選擇，決定入黎試下。好彩午市唔洗等太耐，等咗兩三張枱就輪到我。 叫咗招牌紅燒牛肉麵， 牛肉麵個湯好香好好飲， 有牛肉味同藥材味，覺得好養生。啲面有啲似手工刀削麵，粗身有口感，滑得嚟都有少少彈牙。 個牛肉燜得好淋好入味，大大塊亦好軟諗，紅燒味濃郁， 下次再嚟都會再叫。午市套餐有送一杯野飲，我叫左杯熱檸水，無需另外加錢，覺得幾抵食。下次想約朋友黎仔試下其他台灣飯麵餐同埋夜市小食。…Read More