Schloss's Profile

星期日一點半到達餐廳，同行有兩個小朋友。當時餐廳未滿座，樓面有兩名職員一直傾偈，見到我哋係門口但冇理會。當時餐廳入面有一張大枱放咗留座牌，但另外仲有兩張二人枱，室外位置都有幾張吉枱。我哋行入去想搵位坐低時，職員就同我哋講冇位。我哋表示可以等，佢哋亦係回覆冇位。理解部份餐廳可能唔係咁鍾意小朋友，但係同行兩個小朋友都冇任何吵鬧或亂走嘅情況，而且當時並非繁忙時間。唔知道係咪唔歡迎小朋友，又或者午餐時間就嚟完準備落場？冇諗過會係香港竟然會受到咁樣嘅不友善嘅對待。…Read More

呢一年已幫襯好多次，因為價錢相宜，又可以揀餸 。尤其疫情期間因為冇咩選擇，有時都會選擇外送。明白有時多單，掛萬漏一都係人之常情，所以出錯一兩個餸、麵變飯，漏野飲都無奈接受，繼續幫襯。可惜最近質素愈嚟愈差，今次等咗差唔多成個鐘先發現成個餐漏咗。兩個餐變一個餐，其實好難發現唔到😰 打電話去了解情況時，店員好老實話出餐後已經知漏咗，但冇跟進過，因為唔識搵返係邊張單漏🤦🏻‍♀️其實三餸飯麵嘅配搭有好多，睇返係咩餸就check到，但店員話佢諗唔到。電話側邊仲有另一把聲叫佢快點搞掂呢個call. 咁嘅態度，以後可以blacklist…Read More