旺角浪流連's Profile

行行下街想放肆食個放題，撞正黃金時間啲連鎖集團冇book定就實冇位架啦咁岩搵到呢間大隱於市嘅放題就決定比個機會佢呢到嘅選擇都非常之多，同傳統放題唔一樣，唔係淨係得幾樣野食係主角 倒如三文魚😂😂 佢全部野都做到中上水準好穩定同埋啲野食熟辣辣，即叫即做抵讚，一定要嗌個湯同炒菜！！升級版極品海鮮拼盤：最貴同令我人最期待嘅食材就緊係魚子醬啦。有兩面，可以一面就咁食，另一面同其他刺身夾住黎食其餘項目包括鮑魚、螺、長腳蟹同埋凍蝦 全部都非常鮮甜 特別係個長腳蟹海膽帶子：好足料，粒帶子厚身之餘中間都夾住唔少海膽刺身拼盤：有三文魚、希靈魚、油甘魚、馬刀背、赤背、螺…基本上咩都嗌左啲黎試，都正常發揮有放題嘅水準。個人最推薦赤蝦，啖啖肉好頂癮泰式野：燒扇貝比較出色，其他就正正常常。勝在熱辣辣唔會黎到已經凍晒服務態度好 環境清幽 想靜靜地食嘅大家可以一試…Read More

第一步就要讚下個環境先，出面個花園非常有feel 同埋餐廳環境都幽靜幾岩兩個人撐枱腳- 酸忌廉煙肉薯條真係好開胃。薯條外面脆脆嘅，入面又軟，加埋酸忌廉同煙肉味，哇，真係正！呢個適合邊傾計邊食。 - 北海道帶子松露野菌意粉帶子新鮮到不得了，松露香濃嘅味道，每一啖都係享受。加埋野菌之後，味道更加有層次。  - 澳洲肉眼牛扒嗰塊肉啊，外面烤得焦香，裏面仲保持到多汁同軟滑。咬一口，肉汁四濺，佢哋嗰啲簡單嘅配菜同醬汁，完全就係為咗凸顯牛扒嘅美味。甜品方面，芝士蛋糕真係好細膩，甜而不膩，啲果醬更加係畫龍點等你可以試多啲層次。洋蔥湯就意外地好飲，佢嗰濃郁嘅味道同洋蔥嘅甜味完美結合，真心溫暖你嘅胃。  總之呢，呢間店提供嘅唔單止係食物，更係一次味覺上嘅小冒險。每樣菜都有佢嘅特色，絕對值得細細品嚐。不論你係想搵個地方好好食一頓，定係想試吓唔同嘅西餐，呢度都好岩…Read More

鹹魚白菜，各有所愛。可惜佢並不是我所愛鰹魚湯咖喱烏冬湯底正常但啲烏冬好鬼死韌似食緊粉團咁。當然呢個係有人食烏冬嘅樂趣，如果你嘅樂趣係食啲嫩滑嘅烏冬咁呢間唔係你嘅選擇。夏一烏冬呢個不過不失啦 都係同樣問題啲烏冬好韌 不過由於佢係冷烏冬所以都叫做可以接受 如果想試伏建議嗌冷烏冬最後我最不滿嘅係呢到啲烏冬懶係賣到好平 但係性價比低 全部烏冬都冇肉嘅 焗住要嗌set 重點係個骨付雞真係好普通大家食之無前請三思 駱駝漆仲有好多好野食…Read More

今次係第二次試牛摩，真係好鍾意一人邊爐嗰個愜意嘅感覺，舒舒服服咁按自己節奏去食。一如既往地職員服務態度好好 上菜速度快 出面任食區域都唔洗同人爭。我地兩個人食 揀左LV2精選牛肩胛 沙嗲同埋蕃茄湯底 個人認為蕃茄湯底比較吸引 一開始飲幾啖湯先 之後先開始烚牛黎食 個湯底會愈煮愈濃 食到中間唔洗點醬都會夠味至於醬料方面我揀左芝麻醬同埋柚子醋 都幾推薦嘅因為係咁食個湯底嘅味始終會厭 揀啲soft嘅汁可以解膩肉方面推薦牛肌腹同埋牛舌 牛肩胛略嫌唔夠厚身 冇好好吸到個湯底嘅精華 如果你都係嗌蕃茄湯嘅話豚肉係一個幾夾嘅不二之選 至於其他野食我只推青口 留意返佢係逐隻逐隻咁嗌 每次淨係可以嗌兩隻 所以記住每次落單都要嗌甜品方面 泡芺最出色 配埋佢個雪糕非常之夾整體黎講係一個幾好嘅體驗 唔係話會食到嘩一聲但想靜靜雞坐得舒服打個邊爐 住附近可以一試…Read More

上星期，我去咗間位於尖沙咀嘅十二味。第一眼見到個門面好大，我已經被佢嘅裝修吸引住，成間店裝潢得好有中國風，無論係擺設定係燈飾都令人心情舒暢。而且雖然整體係行暗色系，但都冇因為係黑色就懶唔清潔。店舖乾乾淨淨，大大方方。話說返食物，因為咁岩我個朋友食唔到辣，所以我地就選咗佢哋嘅「秘制醬香鍋」，係一個唔辣嘅鍋。我地加咗午餐肉、金錢肚、嫩牛肉、蓮藕片、鮮腐竹、寬粉同埋娃娃菜。總體嚟講，個鍋味道都唔錯，特別係佢嘅醬汁好香，啲食材都好入味，只不過就嫩牛肉有啲煮得唔夠淋，可能係因為太嫩所以要特別小心煮。但係整體嚟講，對於食唔到辣嘅朋友，我覺得呢個鍋都值得一試。至於飲品，我叫咗佢哋嘅「熱情果蘇打」，真係每次嚟「十二味」都會叫嘅飲品，夠晒大杯，又可以解渴，真係食鍋嘅最佳拍檔。不過提一句，佢哋嘅服務就真係得普通，唔係特別出色，可能係因為員工唔夠，有時多啲客人可能要等啲。總結，「十二味」係間不錯嘅餐廳，食材新鮮，環境舒適，但係希望佢哋可以加強小小嘅服務。…Read More

餐廳環境：呢間餐廳裝潢日式風格，燈光明亮，環境整潔，座位舒適，唔會擠迫。我幾鍾意佢個留意版同埋啲赤鬼真係好得意，所以再加分。醬汁同飲品：醬汁方面，有好多選擇，唔單止有傳統嘅港式三寶：碎蔥、辣椒同蒜茸，仲有芝麻醬同柚子醬等日式醬料。如果湯底冇揀壽喜燒，而又想撈蛋汁食嘅話，可以自己叫個蛋撈。至於飲品，選擇都幾標準，有汽水同茶，我最推薦冬瓜茶，甜而不膩。仲有果汁可以揀，可惜唔可以加冰，略嫌唔夠凍。火鍋：美國和牛質感同色澤好吸引，入口鮮嫩，色澤鮮豔。豬肉嫩而唔油膩，羊肉都幾唔錯，冇咩怪味。至於海鮮，我哋揀咗蝦同青口，非常新鮮同甜美。蔬菜方面，可以自己揀，我揀咗娃娃菜，味道普通，唔會過黃或者老。最出色嘅係沙嗲湯底，真係忍唔住飲咗兩碗，非常濃郁。用嚟配拉麵簡直係perfect match。甜品：有雪糕同爆谷，我揀咗雪糕，非常啱做refreshing，口感唔算太重，啱啱食過咁多肉可以降降火。Brownies 亦都好好食，有啲咬口但唔會太硬，好啱配埋雪糕。店員服務：店員會主動問你需唔需要加湯，亦會及時收走唔需要嘅碟。加湯嘅時候仲會用手擋住，唔會彈到湯係你身上，好貼心。…Read More

 門店及用餐環境：一上梯、轉個彎。見到有部舊式嘅Gaming Machine擺左係正門前方，即刻有種彷置日本小店嘅感覺。入到去更加比個環境深深吸引住，唔知點解好似有種家族經營生意嘅即時感，格外親切。我同朋友約得早(18:30)，可以任意揀位坐。環境清幽，又坐得唔逼。不過我地走個陣開始多人。費城卷 – $65最先黎嘅係フィラデルフィアロール 非常standard，個餡有三文魚、奶油芝士同黃瓜。係一個比較fresh嘅卷物且價錢相宜。龍卷風沙律 – $76今日嘅MVP，份量超大。最岩我呢啲成日係出面食飯嘅人，平時冇咩機會食菜嘅我即刻馬力全開。佢有好多蟹柳同埋蟹籽、同埋夠多沙律醬。每一啖都食到沾滿沙律汁嘅蟹籽同埋蟹柳，唔好覺得自己食緊草咁。係一道評價十分高嘅開胃菜！超級龍卷風 – $88跟住就到我最期待嘅特色卷物，比費城卷大舊，賣相吸引。有炸蝦芝士係入面，口感非常豐富juicy。可以作為主食，會係既滿足又飽肚嘅選足。雜錦天婦羅 – $88包括有蝦、紫薯同秋葵。上枱熱辣辣仲好脆，應該冇炸定先再返炸。蝦肉爽滑，紫薯香甜，秋葵新鮮！而且炸粉都唔算太厚，係一個有質素嘅天婦羅。整體店員服務態度不錯，會主動幫你加茶。而且會等你食晒啲野先執野。…Read More

18樓雞煲。故名思義一定係18樓架啦，保證大家唔會去錯。我地6點半左右入座，見到入面已經有唔小人，不過好彩都仲有一兩個位淨。呢間餐廳嘅特色係除左有雞煲食之外，仲可以打邊爐。我地揀左肥牛放題(A餐)。如果想食安格斯牛、海鮮(B餐)，甚至係和牛(C餐)的話就要比貴啲啦。店面燈光明亮，地板乾淨。行嘅係香港懷舊風，都幾得意。可以係啲鐵閘面前嘆住冷氣打邊爐，有少少後現代復古風。雞煲打頭炮嘅係雞煲。小辣應該最岩香港人胃口，吊味但又唔會辣到要係咁飲野（雖然呢到野飲任飲）。其實佢地醬汁都幾濃下，入味但食得多會覺得咸。頂唔順嘅朋友可以加小小湯落去溝淡佢。當中最juicy嘅一定係雞髀同埋雞胸肉，而其他多骨嘅部位可以唔食留返黎等陣打邊爐煲湯用。醬料和飲料醬料區就冇咩特別，得傳統港式三寶：碎蔥，辣椒、蒜茸。冇芝麻醬，柚子醬之類有啲可惜。教大家一個小技巧，可以攞多碟醬料，倒落個湯底到咁樣會夠味啲。野飲方面都正常，亮點係有樽裝茶揀。邊爐啲雪花肥牛到個陣已經覺得幾好食，一黎佢個色水幾鮮艷、二黎佢啲紋路都幾靚，果然入口冇令我失望。豬肉幾嫩，仲唔會好肥。羊肉都唔錯，冇乜騷味。個人幾鍾意佢個腐竹同埋山根。海鮮方面我地淨係order左蝦，頗鮮甜嘅。小食係最驚喜，強烈推薦煙肉薯仔波波，非常好食同埋香口。至於菜就係出面自己攞，我淨係攞左娃娃菜，正正常常咁啦，唔會好黃同埋老。食飽左出去自己攞順便當散下步。甜品有自助雪糕吧，有原味乳酪同芒果雪糕。同埋可以自己加唔同配料，有脆片、椰果、朱古力豆等。原味乳酪唔洗驚話好甜食多多都得。芒果雪糕就個人覺得唔夠甜 所以我將佢地溝埋一齊食，再加啲配料加強個甜味。如果又想食雞煲又想打邊爐的話呢間係不二之選。人均200幾蚊左右，食物選擇又多。…Read More

大排檔一直比人感覺係污糟、炎熱、昏暗。呢間餐廳就一反傳統，營造出乾淨、涼爽、明亮嘅vibe。夏天成班人re-u又唔想食到成身汗的話，妹記係一個不二之選。-炸豬手份量足夠，最岩食肉獸。啖啖肉，仲有舊係連埋骨。 同班熟嘅frd食，又唔怕失態的話可以揸住黎咬，別有一番風味。但味道偏咸，食得多嘅話可能會厭。-煎蠔餅好重口味。但同時都好口香，用黎餸白飯一流。同豬手一樣，都係咸食得多會厭。所以建議一大班人食先嗌，咁就唔驚食唔晒浪費。-通菜煲啲菜偏乾身，可能係唔夠新鮮或者煲得太耐。唔會話難食但感覺一般般。-黑椒牛柳粒鍋氣唔夠。同埋太少牛柳粒，薯仔亦都唔夠淋，一般水準。呢間始終唔係地舖，鍋氣可能唔夠。但有時真係要取捨，想嘆住冷氣食大排檔就唔可以有太多要求。總結，鍋氣唔夠，但係煎炸野都係高質。希望幫到大家order嘅時候揀到啲岩嘅餸啦！…Read More

第一次食呢間係比佢個名吸引到，心諗呢間舖頭都幾有gimmick，特登係登龍街開間舖頭叫燈籠滷味。做左少少research先知原來係台灣過江龍，個名唔係是但改。入面個裝潢都係行返台灣style，播返啲台灣嘅pop music。我覺得似一間高檔嘅車仔麵，都係揀餸同麵底。不過係台灣版嘅車仔麵囉，啲餸同埋麵底都係跟返台灣個邊。-雞翼 唐生菜 百頁豆腐 米血糕+王子麵滷水雞翼同埋唐生菜都冇咩特別，不過不失咁。值得稱讚嘅係百頁豆腐同埋米血糕。豆腐都頗為入味同埋爽口。不過就要睇彩數，我食過幾次。其中有一次個豆腐真心麻麻地，太淋。至於米血糕就相當出色，有咬口，同埋唔會整到好腥。另外，王子麵係呢間舖頭必食之選，麵底一律推薦揀王子麵。因為呢隻麵最索到滷味汁。留意呢到全部都係撈麵黎，並唔係同香港啲車仔麵檔一樣有唔同湯底。個人認為價錢偏貴，平均都要60-70蚊，加埋飲野隨時上80。可能啲食材要係台灣入口所以貴啲啦，不過佢個食王子麵加米血糕都值呢個價嘅，我自己就會keep住幫襯。…Read More

今日左成班係K11到等。聽朋友介紹呢間嘅蟹黃沾麵可以話係世一 。大概排左20分鐘隊終於入到去，店舖嘅裝潢都幾high-class。但係其實收費唔算貴，人均都係$160-250左右，係K11黎講都算抵玩。我地坐低冇耐就已經揀好左諗住落單，但佢人手真係唔夠，舉左手成5分鐘先有人理。-極上蟹黃沾麵Set包左一細碟蟹肉同蟹黃碎可以用黎餸麵，大大增加左沾麵嘅層次。仲有接近成隻炸軟殼蟹，啖啖肉超級好食。個沾麵湯底都好濃厚，我都99%肯定佢地係真材實料。雖然佢啲麵好一般，但係瑕不掩瑜。加上有個爐keep住加熱個湯底，唔會食食下凍左。當我將個麵放落個湯底到浸上10秒，再係匙放上蟹肉同蟹黃碎，一啖過。個種愉悅感係由心而發。啲軟殼蟹既可以浸係湯入面再食，又可以趁佢脆卜卜個陣齋食。同埋佢個份量好多，成隻蟹比你食晒咁濟。鍾意食蟹嘅人真係唔可以錯過！極度推薦大家去試。除左要等位同埋等野食要啲時間之外，基本上冇咩缺點。坐得舒服、環境又靚、啲野又好食！…Read More

有日同女朋友行D.PARK，佢一見到有冬甩雪糕即刻衝左過去拉都拉唔住。本來我地想食譚仔，但見堂食個SET包埋個冬甩，啲野又好似幾吸引咁就入左去。之後有時行過荃灣都特登過黎食左幾次。-柚子脆雞/牛油蜜糖芥末黑椒炸雞+蕃茄芝士炊飯柚子脆雞個柚子味幾出下，啲雞雖然偏乾身但唔會驚話好dry。而且份量岩岩好，個柚子味仲有啲消滯。變相令到之後嘅野食有昇華嘅空間。如果唔鍾意將啲雞同飯seperate咁食可以揀黑椒炸雞。因為牛油蜜糖芥末黑椒炸雞比較juicy，適合餸飯食。黑椒嘅味會比蜜糖出，但蜜糖都並不是一無是處。入口之後個後勁係蜜糖嘅甜。炊飯我會推薦蕃茄芝士，因為呢個飯唔會有個種食厭嘅feel。當食厭左啲餸嘅時候可以淨係食飯都得。-吉列豬扒+壽喜燒/蕃茄鳥冬吉列豬扒肉質偏實，唔會入口即溶。正因為佢啲肉夠緊緻所以食得好爽，需要不斷咀嚼。味道同出面啲吉列豬扒差唔多，但勝在口感更住。如果你係鍾意鬆脆嘅感覺咁佢可能唔岩你。湯底方面壽喜燒比蕃茄好。前者唔會搶走晒烏冬嘅味，後者嘅太過入味，完全蓋過烏冬。會好似食緊蕃茄咁但太過濃郁有啲變味，只適合重口味嘅人最後個冬甩雪糕先係主角，記住前面唔好食太飽。有幾好食就唔多描述啦，一定要親自去試下。你嘅味蕾會係甜同咸之間徘徊，相當過癮！…Read More

有時瞓死miss左下午茶時間，夜晚想食點心的話除左添好運都唔知可以去邊。直到我發現左陳師傅嘅存在。夜晚時分通常唔多人食，可以坐卡位慢慢食都冇人趕你走，大概5點左右去食就最perfect一開始見冇咩人食，我都冇太大期望。純粹個陣好想食點心，諗住求其醫飽個肚同埋完左個點心夢就算數，估唔到會有意外收獲。我同女朋友都係全日冇食野，好似餓鬼上身咁嗌左勁多野食。Menu選擇唔多，基本上同添好運差唔多。不過佢地做得精，overall全部點心嘅水準都有中上水評。其中最正嘅係棉花雞同埋鵪鶉蛋燒賣。棉花雞相當之順滑，瞇埋眼慢慢咬的話真係有種食緊棉花嘅感覺，唔會有好似食緊膠咁嘅feel。鵪鶉蛋燒賣嘅重點在於分清楚莊閒，燒賣先至係主角。而呢到嘅鵪鶉蛋燒賣乎合晒呢個principle，鵪鶉蛋只係點綴冇喧賓奪主。至於其他點心例如牛肉球、叉燒腸、豉汁鳳爪、春卷、奶黃包都好好食我就唔過多敘述啦。Gogogo if you like dim sum 畢竟係少數專門做點心嘅小店。…Read More

我諗有行開尖沙咀嘅朋友都聽過呢間野嘅大名。咁我就滿心歡迎咁入去啦，個日幾好彩等左一陣就有位。我同我個frd都覺得入面嘅設計係幾正嘅，有好多decro同埋background music夠澎湃。成功營造出主題餐廳嘅feel。不過坐得唔太舒服，啲枱排得太密集。我地叫左兩個味玉麻辣味噌拉麵。頭個兩啖都覺得碗麵幾好食，主要係個湯底好濃厚，啲麵掛湯。但食多幾啖就出事了，個湯底太重口味。碗麵愈食愈滯，個好味指數係直線下降。同埋碗野太多配菜，好難夾到拉麵。冇得係咁shu啲拉麵入口，間接影響左個爽快感。我同友人都認為碗味實在太油膩，雖然我地最後都食晒。可能係我地揀呢個湯底太濃啦，如果碗麵可以清淡少少就perfect了呢到價錢合理，個麵都有佢嘅可取之處。個人淨係推薦鍾意食油膩野同辣野嘅人去試。…Read More

如果我係住附近的話，應該會日日lunch都食佢。唯有返工出trip經過附近先有機會食到。呢間poke嘅價錢相當親民，$60幾蚊就可以有個Custom Bowl。不過最衰呢到冇得坐係到食，要侷住去附近公園食。我最鍾意嘅combo係醋飯+三文魚+青瓜+蟹棒沙律+蟹籽+菠蘿+蛋黃醬。佢做得最出色嘅係三文魚同個醬，非常之夾。同埋啲三文魚好fresh同juicy，就算依家咁熱係公園食都好有feel，個人認為好食過出面百幾蚊個啲丼飯。依家戴住個airpod係公園chill住食fnastic poke變成我經過新蒲崗嘅指定動作😂😂…Read More