Speedmaster88's Profile

坊間私房菜有好多選擇，個人認為真正用心機，優質食材再加上有創意菜式先算係私房菜！此店菜單中有多樣菜式係大廚自創，值得推介，其中以黃金一口鮑及海胆肉鬆凍豆腐更是一絕，兩款菜式均以海胆入餚，配以不同食材及自家醬汁，令菜式完全達至水乳交融效果。除咗自創菜式外，鮮拆蟹肉魚肚羹同招牌鎮江骨都係強烈推介，用藍花蟹拆肉，每碗蟹羹都有一只蟹鉗同啖啖蟹肉，囗感十足，令人回味。鎮江骨肉質鬆軟，肥瘦適中，醋香柔順，甜酸度恰到好處，絕對係上佳之作！溫馨提示：此店必須預約！…Read More

座落於大埔真正住家私房菜，環境舒適，私隱度高，免受其它人干擾，七天前預約訂枱，6位起。主廚會因應訂枱人數制訂當晚菜式，當中包括前菜，湯，海鮮，肉類，蔬菜及甜品。今次先介紹幾款招牌菜式比大家。必食招牌菜 - 海胆肉鬆豆腐凍(位上)，主廚自創菜式，結合多國食材，有大大片加拿大海膽、日本絹豆腐、泰國肉鬆及台灣豬肉紙組成，食前再加上主廚特别調制醬汁，回味無窮，一試難忘。主廚推介 - 鮮拆蟹肉魚肚羹(位上)，用活海蟹每日鮮拆蟹肉烹調，用料十足，啖啖鮮味蟹肉配上魚肚及高湯，美味無限。另一主廚推介 - 磯煮特大孔雀鮑，鮮甜味美，送酒佳餚。嗜酒人事可預先要求主廚一同加入清酒烹調，另有一番風味。*相片為因回應我們特别要求，多加入了珍寶帶子刺身佐酒。再一主廚推介 - 招牌鎮江骨(相中為鎮江小排骨)，用上六年陳鎮江香醋烹調，色、香、味佝全，入口鬆化，老少佳愛。老友鬼鬼 - 自家手打蝦膠，香脆味美，又一佐酒佳餚。話梅花雕雞 - 酒香撲鼻，加上話梅甜酸，别有一番風味。生炒臘味糯米飯 - 用榮華臘腸及潤腸即場生炒，需時三十分鐘，上枱時熱氣騰騰，一試難忘。石窩肉絲芥蘭梗水晶肴肉以上為當晚10人份量，再加上兩款前菜，冰鎮小雲耳，水晶肴肉及薑母三色蕃薯芝麻湯圓糖水，份量十足！…Read More