liukkdennis's Profile

疫情持續咗兩年，估唔到有一間餐廳啲員工唔戴口罩。今日經過尖沙咀，聞到一陣好香嘅burger味，即刻入間舖頭試下。入去嗰陣我掃咗安心出行，但餐廳員工冇叫我掃針卡，我提一提佢佢先幫我掃返，好驚畀人罰5000😖叫完個牛肉芝士漢堡，個收銀員工見到冇乜人，就除咗口罩周圍走，過咗大約十五分鐘之後先帶番個口罩。如果唔係落咗單，我應該走咗😷講番個漢堡包，係我係尖沙咀食過最好食嘅漢堡包。皮薄餡靚，塊漢堡超juicy，每咬一啖啲汁就係咁滴出嚟，多到成張枱都係。沙律菜都好用心去篩選，超新鮮👍🏻…Read More

朋友book咗呢間餐廳同我慶祝生日，裝修幾特別有間細細嘅包房。總共叫咗7樣餸,1個炒飯,食物幾靚,但食物質素有待改善。可以講係好睇唔好食。服務方面欠佳，落錯單上錯菜，服務員亦都唔夠，加茶都要等15分鐘。樓盤叫咗個拼盤，拼盤擺設幾靚，但係食物偏鹹，特別係個海蜇同埋醉雞。唯一好食嘅係炸魚。🥲🥲煙燻蛋超級咸，每隻蛋上面嘅調味料分量都唔同，有啲失望🥲🥲蒜泥白肉同埋抄手超甜，都唔知點解會係甜嘅，可能廚師撈亂咗調味料🥲🥲蟹粉豆腐有啲腥，應該係食菜唔夠新鮮🥲🥲揚州炒飯做得唔錯，乾中帶濕粒粒分明😀在後叫咗個甜品紅豆香蕉豆沙做生日蛋糕，油益味十分重。上蛋糕嗰陣時冇清枱，亦都唔記得咗插蠟燭，要叫樓面拎返返去插蠟燭再上過，搞到個氣氛好差🥲👎🏻👎🏻👎🏻如果真係想搞好間餐廳應該更加註重服務同埋食物質素👎🏻👎🏻👎🏻…Read More

成日食嘅一間餐廳，今日經過見佢lunch轉咗menu，即刻入去試下。由於今日係返工時間，所以lunch好爆，1樓同2樓都full左，唯有坐地下bar頭。叫咗個 set,揀咗個牛肉他他，花菜忌廉湯同埋咗墨汁意粉。先講牛肉他他，好有驚喜賣相好靚，牛肉他他配埋塊細薄餅食，好有特色好好味。個湯就一般，個人覺得有少少咸，如果煙肉冇咁多就會好啲。墨汁意粉上面有四隻大墨魚仔，大大隻食落好有口感，煮得易啱啱好。意粉方面配真嘅墨汁，比一般嘅墨汁意粉更加惹味，雖然食完之後有啲污糟，但一定要試👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻…Read More

今日去經過入去試下，叫左個手撕雞肉燥拌麵&1杯珍珠奶茶。1點鐘全場得我1枱，嘢食到咗我就知道原因，因為啲野好很難食。手撕雞肉燥拌麵個賣相好一般，份量好大。撈勻之後，食咗一啖手撕雞，大雞老到完全咬唔到，好似食牛根咁。再食啖面，完全冇味，真係一啲味都冇，懷疑佢啲肉燥唔記得落鹽。叫咗辣椒醬，落完之後終於食得落。最好食係啲辣椒醬，好開胃😅😅珍珠奶茶一般，真係一般都畀唔到評語。😅😅一定唔會再食。。。。。。…Read More

今日下晝好肚餓，喺中環行咗好耐都唔知食咩，行到威靈頓街見到有間餃子店就入咗去食。一入到去冇人叫我掃安心出行，店員服務有啲差，我好乖咁做做安心出行就坐低叫咗一碟豬肉芫茜煎餃同埋一份皮蛋。煎餃好香， 香到我唔記得影相，食到最後一粒先記得要影返相，食材新鮮又足料，每一啖都係芫茜味。餃子皮煎都好脆，又唔係好燶，做得好好。醬料亦都有兩款辣椒油，十分貼心。另外仲叫咗份皮蛋，一般般冇乜特別。埋單食唔算好貴感覺都算抵食。…Read More

今日試呢間係太子既傳統麵店，裝修好傳統，好有老舊香港餐廳既感覺，好親切好地道。叫咗一碗牛筋撈麵同埋一罐忌廉，埋單48蚊超抵食。講番碟牛筋撈麵，大大碟啲麵軟硬度啱啱好，仲配埋一碗上湯，但湯有少少偏咸，味道單一缺乏鮮味。夾面上面嘅牛筋大大嚿，好新鮮，咬落好彈牙得嚟又夠曬淋身，煮既時間啱啱好，好入味。老闆都好親切，會同顧客吹下水。聽老闆同顧客吹水內容得知原來好多客都係熟客。食物品質好又有人情味嘅小店，下次經過會再試下其他食物。…Read More

中環有好多傳統麵店，三次試試中環麥奀記，裝修幾好，好有老舊香港餐廳既感覺，好親切。講番碗雲吞麵，湯底好濃，仲有鮮甜既海蝦味。雲吞裏面啲蝦都好新鮮，咬落好彈牙，而個麵都好彈牙，煮既時間啱啱好。唯一個問題就係份量太少仲叫咗個炸醬麵，嚟到得兩啖，超級唔抵食，我要收 62蚊。雖然知道中環嘢食喺貴，兩個收費完全唔合理。雖然味道都可以接受，但係幾辣，餐牌上又冇講明。食完之後要再搵第二間再食過，去咗對面間沾仔記雲吞麵店好食太低好多…Read More

近排成日去中環，咁啱見到呢間bookmark咗又未試過。見餐最近又出左新嘅lunch menu 好似幾正咁，一定要試吓！今日1個人食，叫咗1個set lunch都好夠飽，好滿足😋😋😋頭盤係牛油果沙律＋薄脆， 個薄脆做得夠哂薄，又唔會因為放咗沙律係面而淋咗。牛油果日都好新鮮，質素有保證，亦都青瓜同蕃茄感覺上更健康✨慢煮法式雞胸卷，配菜多種，擺盤亦都好靚😀 雞胸慢煮完好滑好juicy，唔會硬身亦唔嚡口，入面應該包住啲雜菌，另層次更加豐富。Overall: 成間餐廳好多元化，嘢以fusion為主，有三層每層都有唔同風格，好有特色🥰送埋杯餐飲，埋單都係$228…Read More

由於之前係woke食完之後好滿意，所以情人節book左2位食個情人節餐。情人節餐有2個$520 4courses & $888 6個courses，因為飯後會去high tea，所以我地叫左2個$520餐。$520餐有4道菜，送1杯紅色氣泡酒：starter: 白朱古力士多啤梨鵝肝 - 鵝肝慢煮完加入cream雪凍，個面包咗白朱古力加風乾咗嘅士多啤梨，甜同鹹配合得啱啱好。soup: 蕃茄海鮮湯 - 用煎香咗嘅蕃茄加入魚湯，海鮮有蝦、墨魚仔同青口。香得黎又啖啖海鮮，飲完好暖胃又唔會太飽。主食： 我揀咗日本豬腩肉，另一半揀咗風乾三十日a4和牛，兩款都烹調得啱啱好，唔會太生又唔會太老。配埋個用紅菜頭汁煮嘅天使麵，食完好滿足。甜品：士多啤梨白朱古力芝士mousse - 之前食過佢整嘅甜品，一問之下原來佢係負責米芝蓮餐廳甜品部同埋成日上電視嘅藍帶廚師。今次呢個甜品好有驚喜，最底係白朱古力芝士mousse，中間係士多啤梨啫你，最上面係新鮮嘅士多啤梨加風乾咗士多啤梨，層次豐富啖啖士多啤梨味。 100分！！！！…Read More

Thank you so much for taking care of our family during our visit to Woke. The staff were so very accommodating and informed about speical dietary needs. Came for dinner with my family during the soft opening period. We had the CBD infused dinner tasting menu, the food was very impressive for a causal fine dining restaurant. We booked a table at 8:00pm. When we arrived at 7:30, the restaurant was half full, they got our table ready immediately. The food was excellent and so was the service. My son had a wonderful time and liked that he could order special food and the chef would make it so he could eat it. If you wouldn't mind telling me how you prepared the tuna , I would like to try making some for him at home, sinced he enjoy so much.Once again thank you so much for everything! We had a great day, and you and your staff helped to make it that way, we will be back soon! I will be sure to let you know in advance before we come again.🥰🥰🥰🥰🥰🥰🥰🥰🥰🥰🥰…Read More