shuk88han's Profile

之前食過荔枝角店已覺得好好食，而家開左係元朗，對於住新界西北人多一個選擇，當晚落好大雨都滿座，所以建議先book枱食物多選擇，小食、主菜、甜品、drinks都有很多不同款式選擇，而且插畫好可愛。我係朱古力控，呢杯smoothie朱古力味好濃烈炸魚柳配薯條，即炸所以好脆，另外有沙律菜可以減少油膩感。香草保雲酥燒焗魚柳焗的時間剛剛口，魚肉質地好鮮嫩，咬口充滿肉汁意式茄醬虎蝦意粉，蝦肉彈牙，意粉筋道剛剛好，不會太腍，整體的食物都好滿意，而且價錢亦非常合理，可以再和朋友過嚟chill…Read More

因為疫情問題都不敢外出堂食，但星期日好唔想煮午飯，所以就叫外賣食，太耐無去過yoho而家多左好多野食，見到aburi-en門口好多人等外賣，仲有85折優惠我地就決定食呢間。睇佢地門面同裡面都咁多豬仔就知佢地no.1係燒豚肉飯，餐牌上都有好多美食，除左豚肉佢地既宮崎和牛飯都好出名，另外仲有好多小食選擇我地叫左宮崎和牛飯、豚肉飯、豬腩肉拉麵，小食就叫左炸北海道八爪魚、火炙牛吞、宮崎和牛炸薯餅，外賣都好快手，大概20分鐘就有得拎。燒和牛飯好重牛味，牛油脂味好濃，好多汁，配上蔥花一齊食就剛剛好，不會太油膩，而且有香菇配搭，味道一流。本身我不太好豬肉，但呢個豚肉飯值得一讚，肉質好嫩，咬落去好腍好多汁，唔會覺得好柴，而且係用炙燒食落去更加惹味。果然no.1另外叫左一個拉麵，湯底好濃郁，拉麵好彈牙，而且豬腩肉炆到好腍好入味。呢個小食我地返到屋企再用焗爐烤返脆同熱，超好味另外牛舌係我必點美食之一，因為本人真係超鍾意食，另外炸八爪魚有驚喜，超彈牙，而且好大粒，好有口感！ 整體我們三個人食都好滿意，而且份量剛剛好，希望下次可以堂食，堂食應該會更好味。…Read More

我同男朋友一年四季都鍾意打邊爐，有日去屯市行完街後搵野食，行過見到新開張所以就即興入去牛氣日式火鍋，先選牛肉和湯底，牛氣有樣好就係牛肉和海鮮都可選任食。侍應安排我地入座後，好快就上鍋和每款牛肉、豚肉、雞肉和海鮮各一份，仲有一碟切身（本人覺得豚肉可不上，肉質好鞋）我地揀左極上美國牛小排+海鮮任食，我們不太喜歡脂質高既牛，所以揀左牛小排，牛小排牛味重，好食，但最有驚喜係大海蝦和花膠，大海蝦超彈口，好新鮮，初初以為花膠會好硬，但煮兩煮就好腍好快食得，女人要補返多啲骨膠原，所以我勁食花膠不過90分鐘真係唔夠時間食，牛氣本身仲有好多其他熟食，但時間太短所以無咩食到，如果120分鐘會更好。食野個陣見到枱面寫like fb就有movenpick 雪糕，我同男朋友即刻做野，聽講成日無貨，所以先問問侍應仲有無雪糕先。…Read More

跟朋友在中環無意中見到一間簡約風的cafe ，設計好舒適所以就入去坐下，原以為只得一層，原來有兩層，不過上層比較悶熱，只得一部冷氣機，但店舖都好細心，都有放多幾部直立式風扇降降溫、通通風。因為午餐食太多所以我們只點了兩杯飲品和一個牛角包，牛角包裡有好多芝士粒，口感豐富，好味，下次會想再試試其他咖啡和美食。…Read More

好朋友生日想食壽司，上網搵到Kura 食評話好味而且價格合理，所以我就book左午餐。午餐位置都坐滿人，建議要訂枱。咁岩我們去食有一個限定父親節set，見個set好full所以我們就試下呢個餐。呢個set包括有茶碗蒸和一份沙律、刺身三款、6件壽司，印象最深刻件海膽壽司，好鮮甜，入口即溶化，食完壽司後有一件拖羅手卷和一小碗烏冬，最後有個蜜桃雪芭。如果想食價格合理又要高質壽司，kura值得一試！下次有機會我都會想試下kura的omakase …Read More

未食過outback 午餐，所以今日中午去試下，假日真係好多人，慶幸不用等太長時間，我們二人點了兩個lunch set，1份豬肋骨，另1份燒蝦辣炒飯。點完餐後職員會即刻為你送上黑糖麵包、餐湯及沙律，好鍾意食呢個麵包，軟綿綿亦有咬口感，配埋個cream一齊食，食完會再想食，但要留肚食主菜，餐湯係忌廉湯，好濃烈，沙律菜就普普通通，不夠新鮮，另外可以再加多少少沙律醬。等大約10-15分鐘主菜就到，燒豬肋骨好入味，我鍾意佢燒到有少少燶，夠惹味，薯條係厚薯條，好脆燒蝦辣炒飯有少少失望，不夠熱，而且不夠辣、味道好淡，要自行加返辣汁先食得到。不過午餐真係好抵食…Read More

本人超鍾意食牛，聽朋友講尚八和牛好好味，抵受不住牛肉的我終於去試他們的和牛放題，因為想慳錢所以我們4人就9:30後先去食，如果想最平最好就平日5:00去食就最抵，呢晚雖然我們9:30後先去食，但超場爆滿，尚八的隔格幾好，我們4人坐一張大圓枱，位置舒適。一上菜就放低2盤和牛和1盤刺身，刺身就普普通通，但重點係和牛，我們就逐一試試邊款和牛岩我們口味，尚八用電子落單，非常方便，我們除左點牛，都有試其他小食，但無影相，因為不太吸引一開始有6款和牛部位，我們4人都鍾意牛三角，入口即溶，好有牛油香，而且重牛味，因為太好味，所以見相全部都係牛三角如果鍾意重牛味，都可以點牛胸腹，牛味重，而且肉質都易咬口，而牛外腿就太肥美，牛油重，如果鍾意牛騷味可以點呢款。我們最喜歡呢三個部位和牛，每次落單既牛都好靚，紋理清晰，見到會心心眼。食到最後忍唔住要encore牛三角，今次切左比較厚我們，初初以為好正，個人覺得薄切好食d，厚切有啲流，哈哈。其實牛舌都好好味，不過忘記影相…Read More

天時暑熱食返碗甜品可以解解暑，呢碗甜芋4號都幾足料，好多冰，如果做綿綿冰會更吸引，另外有好多芋圓，芋圓都做得幾Q，不過芋頭可以多一兩舊會更好，唔夠喉。食完可以即刻降降溫。…Read More

薄荷葉係一個老字號既泰國菜，10幾年歷史，係一間食泰國菜既酒吧，環境氣氛都好好feel，音樂又好聽，我有些朋友夜晚亦會去薄荷葉飲下酒聚下舊睇下波。難得朋友入黎元朗聚下，我就帶佢去呢間薄荷葉食飯，我地叫左一個細既冬陰公，一份肉碎生菜包，一個黃咖喱雞肉加薄餅，另外叫左個主菜炸豬手冬陰公材料豐富，而家夠酸辣，非常開胃，細冬陰公都可以每人兩碗，超抵食。肉碎生菜包好多汁，包生菜超fresh。黃咖喱雞配薄餅，好欣賞個黃咖喱，夠濃夠稠，配個薄餅一齊食剛剛好，不會感到流。炸豬手係我最愛既菜式，旁邊的珍珠菜超好味，好甜！炸到脆卜卜，另外啲沙律菜係老闆佢地自家種植，夠新鮮！炸豬手外脆內軟，肉汁豐富鮮嫩，兩個人我地都可以成舊食哂。…Read More

呢間afternoon tea 真係好難先book到，我們需要等成個幾月先預訂到位置。Butterfly room 係rosewood hotel 大堂左邊，我覺得係有啲難搵，好彩見到個環境即刻開心返哂，座檯都很舒適，我地兩個人叫左二人份afternoon tea，首先會上小食，我覺得小食好豐富，而且食落去不會感覺乾爭爭，食材很新鮮。食到咁靚既食物擺設令人心情喜悅，最欣賞的係madeleines ，咬落口好鬆軟，味精不會非常甜，scone 就無咩特別，奶油忌廉都好smooth，食完小食 三文治後，職員就會推架餐車問我地想食咩甜品蛋糕，甜品款式超多，我們每款都叫一份淺嘗，因為小食已令到我們好飽，我好欣賞朱古力系列的甜品，每款都可試試，另外拿破崙和藍莓撻都好吸引，藍莓撻上每粒藍莓都很鮮甜，如果不難book真的值得再去一試。…Read More

未開呢間已經常去水車館街食他們既餃子，餐廳座位都很舒適，而且很喜歡餐廳牆上的畫，很生動有趣，食物方面餃子係新鮮包既，你會見到職員周不時就切菜做餡料然後包餃子，仲有一樣係我最喜歡老闆用老火湯做湯底，開始轉春天，老闆用冬瓜生熟薏米豬骨湯去濕，超體貼細心，平時晚餐都喜歡吃餃子，健康又好味。 本人必推介芝士粟米煎餃，芝士配粟米真係必配，會食到停唔到口，我除左會堂食，我自己亦會買返去自己煎黎食，另外芫茜煎餃係我男朋友最愛，本人不太愛芫茜，但接受到維港灣的芫茜煎餃，好juicy！另外我們亦會點一個招牌4拼湯餃，裡面有白菜、韭菜、香芹和芫茜，餃子每粒都很肥嘟嘟，絕不會偷功！原來6點前有追加小食，我們點了涼拌蓮藕和炸魚片頭，涼拌蓮藕份量都很多，蓮藕都很大片，超級抵食。我們亦點了一份花雕醉雞，補充下蛋白質，醉雞好入味，好好彩有一隻雞髀yeah如果晚餐諗唔到食咩，真係可以揀維港灣，有多款餃子而且有很多小食，最緊要全部都係健康的食物。…Read More

最近都在家過日子，難得出尖沙咀，又想食泰國野，所以去cambo食少少野過口癮，我一個人點了生蝦刺身、炸蝦餅和泰式炒金邊粉，無錯，本人超愛食蝦，所以全部都係蝦蝦蝦，果然食泰國菜必到cambo，滿足的一個午餐。…Read More

已經成日聽到火焰雞煲好好味，身邊既朋友仲要食完再去，個個將榕記變左飯堂，適逢今日係節日所以就book枱試試。榕記分兩段時間，佢地係私房菜模式，所以係confirm booking個陣就會問你想要咩打邊爐材料，然後再去買材料，我地2個人所以無叫太多餸，但本身雞煲裡面必有材料都豐富，我們只點多一份牛和少少菜，雞煲好惹味，未食之前影好多相，但食完先發覺無影到煮熟左既雞煲我們已經食到得返個鑊。…Read More

慶祝生日當然要食豪少少，5人到牛角食日式燒肉，連鎖式餐廳水準一流，不會怕吃到差既肉，果然燒牛肉係百吃不厭的食物，牛肉種類豐富，可以吃到很多不同部位的牛，唯一缺點就係太貴。…Read More

平時飛前指定動作都係去麥記食啲野就上飛機，但望去右邊見到間越泰菜式，所以就進去食少少野再上機，我點了一份豬頸肉炒河，好大碟，有很多豬頸肉，另外配菜都好多，好抵食以後上機前又多一個選擇。…Read More