localfoodieso's Profile

難得今日放假，同朋友揸車入西貢chill吓，第一次嚟呢間cafe唔知規矩，原來要排隊🤣 一入門口已經有staff招呼我哋，好彩walk-in都可以電話留名，係附近行咗陣，等咗大概20分鐘左右就有位，可以入座😎 餐廳的環境舒適、簡潔明亮，非常適合細group聚會或獨自享受一個中午，缺點係坐得唔可以太耐。🎃南瓜海鮮濃湯配香烤酸種吐司🦐（阿根廷紅蝦，迷你蝦肉，魷魚圈，蟹肉，自家製南瓜湯，自家發酵酸忌廉）今次，我哋點咗碗招牌南瓜濃湯，南瓜湯香滑，冇南瓜渣，呢個價錢尚算濃稠，配搭香烤sourdough bread，軟硬適中，咬落香脆唔會刮口，再沾上鮮嫩南瓜海鮮湯，完美吸收湯汁，令成道菜嘅味道同口感更加豐富，一啖接著一啖，食到停唔到口。😢 不過，美中不足之處係南瓜湯入面嘅海鮮份量好少，蜆肉 & 蟹肉 真係迷你到肉眼完全睇唔到🙈 不過有幾塊魷魚圈，同2隻medium size紅蝦連蝦頭。✨呢款湯整體口感滑順，帶有微甜的南瓜海鮮味，搭配的香烤酸種吐司外酥內軟，CP價還算可以😌 第一次去必嗌！🍄‍🟫 烤焗原個大啡菇配自家羅勒青醬捲捲粉🌿接著係basil青醬的捲捲粉，呢款義大利粉係本地 cafe比較少見，所以幾有驚喜😆 令我諗起對上一次食已經係峇里島，特別有渡假feel~ 飲完濃郁嘅南瓜湯，再食呢款香甜大啡菇，配清新羅勒醬捲捲粉，感覺特別清新，唔油膩，唔太heavy，我個人偏好清淡，所以覺得呢款主食幾出色😌另外，配料仲有焗腰果、微酸番茄仔同炸物，令整道菜不會單調。以呢個價位，呢道菜的擺盤都十分精緻，令人賞心悅目。🍊️橙汁咖啡 ☕最後，我哋學「波叔」話齋要創新，跟佢叫咗杯凍橙啡，底部是新奇士橙汁，上面係偏fruity咖啡，色彩分明，喝起來清新怡人，打卡一流。值得一讚嘅係，咖啡底可以揀fruity / nutty，唔洗額外加錢💁🏻‍♀️整體而言，西貢嚟講算唔會中伏之選，值得再次光臨👍🏻…Read More

星期日中午嗌外賣，中大伏‼️竟然逢星期六日冇例湯之如，外賣仲要同我加$2😣野食又貴餸又少，外賣仲要等咗一段時間先有，絕冇下次。老闆態度好好👍🏻幾有禮貌，見我外賣等得耐，都不斷向我講唔好意思，但真係sorry今次，打開盒飯十分失望，等得耐換嚟嘅只係一盒白飯😂本地有啲餐廳真係幫唔落，我哋原意係諗住支持小店，但呢間嘅lunch真係太hea，我去便利店買便當🍱都好過佢，不得不說兩餸飯真係好過佢幾條街😮‍💨…Read More

作為麵包Monster嘅我，今次嚟大美督踩單車，順便試埋附近一間頗為出名嘅手工麵包餐廳。老闆係外國人有位印尼老婆，兩個人一手一腳打理呢間麵包店。當日光顧嘅時候，都見到唔少人特登揸車過嚟買呢度出品嘅出爐麵包🥖另外老闆自己亦係佐敦，開咗另一間分店，令我呢個九龍人都可以品嘗到佢嘅手工Vegan 麵包😋💫 Truffle lover係香港好少見到主打Vegan 嘅餐廳，可能因為普遍人都係Meatatarian掛，Truffle flavour嘅pizza亦少之又少，呢度以合理價錢提供頂級嘅pizza，真係好高性價比😍Pizza上面嘅火箭菜同菇，同塊餅底好夾，餅底猜得脆又嫩口唔乾身，帶啲煙韌，味精方面唔會太咸，平衡到truffle陣香味，Size同厚薄均勻，所有野夾埋啱啱好，係我食過最好食嘅pizza👍🏻另外，餐廳提供嘅Iced Americano，又係另一驚喜，冇諗過呢度啲nutty啡，竟然好飲過隔離街啲Cafe😂飲完直情帶有after taste，非常滿意。除此之外，HARD Passion Fruit Rudy's Kombucha 樽飲品，都值得一試，因比City super賣得仲便宜💫最後，由於餐廳pizza太好食，我哋嗌多咗份Sundried Tomato Ciabatta，叫店主幫我哋reheat啲包，佢見我哋咁比面，又拎咗佢哋鋪頭嘅Oil & vinegar比我哋點包食😋份包都冇令我哋失望，想再去翻兜食多次🤣…Read More

有朋友話想食韓國嘢，佢竟然喺毫無廣告宣傳之下，搵到呢間新開主打細細碟韓國小菜餐廳。我哋光顧嘅時候係7月頭，當日佢哋係連酒牌都未有，好似做緊新店開張試食優惠，所以我哋三個女仔係唔太肚餓嘅情況之下，粗粗地叫咗個2人餐，份量還算充足，非常之抵👍🏻味道方面，普遍一般般不過不失，冇俾到我哋咩驚喜，不過如果未試過嘅，都可以嚟食一次，可以同塊食物板打張卡，咁都值嘅😬全部細細碟，好啱我哋班女仔咩都想試晒想食，係約姊妹好去處😋 …Read More

呢間「東京街日本料理」唔係第一次食，我之前喺朋友屋企開party叫過外賣，覺得性價比幾高，刺身壽司款式多之餘，價錢又OK，所以就膽粗粗嚟咗土瓜灣分店堂食，點知簡直係中大伏😂🚁🚁🚁🚁 絕對唔建議大家嚟堂食😮‍💨首先環境坐得唔舒服，可能因為舖頭選址喺土瓜灣，服務生係一啲講唔鹹唔淡廣東話嘅內地姐姐，感覺好似入咗去譚仔食米線咁，然後我同朋友坐咗喺壽司師傅前面嘅吧枱，諗住斟水，點知原來座位前嘅斟水機竟然冇駁水管，加上連最基本嘅綠茶粉都冇供應，感覺唔似日本餐廳😣 最搞笑嘅係，果晚只得「譚仔」姐姐，完全冇壽司師傅嘅蹤影，欣賞唔到佢哋處理日式料理嘅功架。當日我哋叫咗Dinner set, 包一碗麵豉湯及沙律🥗，麵豉湯死鹹都係意料之外嘅事，點知啲嘢食竟然咁圖文不符，大失所望。👎🏻 吞拿魚拖羅蓉丼吞拿魚丼個賣相仲衰過另一間地鐵站連鎖店「爭X」，味道食落去唔奇怪，但個色水真係有啲難睇，另外吞拿魚蓉質素口感唔差，但碗丼飯明顯壽司飯為主，魚生切得太薄，感覺好寒酸。🤏🏻三文魚海膽魚籽丼三文魚睇嚟係餐廳嘅招牌菜，上次同今次食嘅三文魚都好厚切，海膽同魚籽冇腥味，感覺還好。相比吞拿魚🍣，簡直係天堂與地獄之別。以$158呢個價位，款式多之餘，食完唔肚痛嘅都算唔錯啦。想同店主講，如果入唔到靚嘅吞拿魚，倒不如唔好買🤣又或者賣貴少少，入貨入好啲，唔係真係倒自己米。雖然係咁多劣評，但呢間嘅外賣都好值得購入☺️…Read More

正宗嘅大件夾抵食😆係香港真係從來未食過份量咁多嘅越南撈檬，超級多炸蒜之餘，啲米粉、雞絲、其他生菜配料都毫不吝嗇，一人麵好似二人份量咁👍🏻搞到我相信元朗人真係大食啲同食嘢偏重口味啲。本來我叫撈檬就係想食得清淡啲，點知原來可以咁重口味😂果然正啊😎碗麵以呢個價錢嚟講，我真係冇嘢好挑剔，首先佢個手撕雞嘅肉真係啖啖肉，冇咬到筋之餘，亦都唔係全部都係肥膏，有機會係雞髀嚟添，好juicy，一啲都唔乾身。撈檬嘅魚露汁，亦都放喺桌上自助形式任拎，鍾意落幾多就落幾多，悉隨尊便，鍾意甜甜酸酸又得，唔落或落少少食清淡啲都得。呢間專做街坊嘅舖頭亦都好細心，舖頭內有大型電視機播放，街外嘅閉路電視📺，比揸車嘅朋友注意一下路面情況，避免俾人抄牌😎老闆真係好好人👍🏻如果入元朗一定會再去🤣…Read More

因為睇完某個YouTube Channel介紹，就約埋兩個朋友，特登入嚟西貢試由幾個鍾意玩水上活動年青人開嘅特色印尼小店，因為條片有講述佢哋會遲吓會搬鋪，作為mm （youtube channel嗰簡寫）小fan，叫做響應下個channel之外，都想試吓新菜式嘅☺️一入到去有好大浸香料味，非常之香同埋吸引，餐廳裝修佈局都好東南亞feel，有種青春活力嘅感覺，選址西貢值得一讚👍🏻✨招牌 白鬚牛骨湯飯 （每日限量發售）呢碗牛骨湯幾值得試嘅，洗得乾淨之餘，原材料足料冇落太多化學物質，帶點牛骨風味，市面上難啲搵到嘅。不過如果想食肉嘅人士，就唔好期待太多，因為呢幾塊真係會係純牛骨，有機會連帶少許牛骨骨膠原，但冇口感可言，只為所配嘅白飯，添加湯汁咁。順戴一提，白蘿蔔炆得幾好，好入味👍🏻🐮白鬚 印尼牛丸粉呢碗牛丸粉，麵條好似係普通米粉，手打牛丸幾特別，食得出係自家製，雖然我唔知正宗印尼牛丸係點，不過覺得呢款牛丸有啲過度吹捧，的確係彈力十足、肉味香濃，但就冇話內裏爆汁嘅感覺，可以再調節一下。🐷烤豬頸肉湯飯一碗望落似咖哩/沙嗲湯底嘅汁，點知只係一碗普通落黄薑，偏啖味嘅咖哩湯，朋友要再另外沾上自家製辣椒油先話夠味😂但烤豬頸肉，塊肉片烤得夠乾身，脆口香濃，沾埋辣椒油還好。冷檸檬茶呢度嘅檸檬茶係冇走甜嘅，我哋叫咗走甜，但完全被無視，服務態度麻麻，明明餐廳都冇乜人🫢…Read More

完全唔明點解會有人讚🥴太多打手🫠招牌雞又貴又唔好食，太子咁多米線選擇，不能理解點解仲會有分店。我第一次嚟嗌咗佢碗招牌花膠雞米線。首先塊雞本身已經好老（我已經第一時間夾晒出，費時佢煮到老囇），仲要懶係嘢用火爐暖住碗米線，真係多舊魚🥴之後全部花膠炆得一啲都唔入味，食落好似咬軟膠咁，明顯係用化學物質發大嘅，招牌菜竟然係咁，真心接受唔到。✨我已經撇除佢啲雞肉只得肥膏，冇肉食，竟然差到連雞皮都仲有雞毛🪶未清理好（慶幸自己冇加$10轉雞髀，唔係真係抌心口）睇相碗米線同湯分開上菜，望落好細心，但其實米線上菜時已經煮過龍，腍到冇囇彈性，一劈嘢咁上菜，垃圾中嘅垃圾🗑️唔會有下次😔…Read More

我一兩年前已經嚟過呢間Cafe，嗰陣啲咖啡都仲係平平無奇，冇乜特色同選擇，但依家嘅佢煥然一新，好似出咗幾款新咖啡款式，lunch Menu又有不同選擇，對比附近嘅Cafe，呢間性價比都幾高☕️呢杯Iced Americano係炎炎夏日就啱囇☀️，冇加錢都覺得佢嘅House blend幾易入口，唔會over-roasted，咖啡果酸有層次，可能加咗冰嘅關係啦，帶微微bitter，唔會搶focus，中上嘅凍啡👍🏻值得一讚嘅係，佢係外賣杯非常高級，杯身外型靚之餘，硬膠質地挺身，不需飲管都飲到，好體貼嘅設計😋下次要夜晚試吓佢間bar🍸…Read More

坦白講一開始見到呢間舖頭嘅裝修真係完全無好感，只係我同朋友都行街行到有啲攰，想求其坐低食啲嘢醫飽肚，所以對呢間餐廳都冇抱有期望，但竟然高手在民間，呢間絕對會係糧尾/一大班人食泰菜嘅恩物😬✨招牌檸檬燒牛肉🐂呢座牛肉山真係驚艷咗我哋，份量多之餘，亦都好惹味，微微地嘅辣點綴咗檸檬汁，牛肉質地發得又大又鬆軟，雖然牛肉味唔重，但以呢個價錢嚟講，我絕對可以接受，真係做爛市，十分推介👍🏻鐵板蠔仔炒蛋🦪呢碟相當有gimmick，大大粒蠔仔，豐富嘅蛋漿，配有爽口粗壯大豆芽，非常有口感，我自己幾鍾意嘅。但就嫌佢假扮份量多，蠔仔落咗好重粉，食到底有好多煮熟咗凝固嘅粉團。木瓜沙律$59 激量木瓜山😂真係買少見少，小辣偏重口味，唔係行清甜路線，但切得夠幼夠爽口，面頭嘅蕃茄仔都好新鮮好清甜。薄餅味道好差，可以唔嗌，差過喺超市買冰櫃入邊嗰啲😗下次我會試吓蒜蓉包🍞海鮮🦞冬蔭功湯（小）完全地係水溝冬蔭功味精，配冰鮮海鮮，唔OK。椰青水🥥幾新鮮，椰肉都好容易刮到出嚟👍🏻全晚其實食得幾開心，喺九龍城叫咗咁多樣餸都係$400幾蚊，值得推介😎…Read More

呢間喺上水嘅豆廠老字號，出邊坊間都有做批發。我哋去果日見到有好多老人家旅行團係附近消費。如果有旅遊車接送嘅話，性價比相對好高，本身熱豆腐花都有提供$15任食，黃糖、薑水都係任拎（無任食凍豆腐花），舖頭亦有賣腐乳、小食（燒賣、魚蛋）、豆瓣醬、辣椒醬等產品，老少咸宜。口感方面，低糖原味鮮豆漿口感滑順，帶有淡淡豆香，以每樽$9/ 500ml嚟講，性價比還好，一啲都唔稠。雖然係低糖配方但都有成5g/ 100ml，但相當甜🙂‍↕️，有啲失望嘅，美中不足係無添加糖只有1L樽裝，選擇有限制。風味方面，除咗平日常見原味黃豆之外，豆漿同豆腐花竟然有提供黑芝麻，今次我叫咗黑芝麻豆腐花（$11/碗），走薑水走黃糖，可能本身黑芝麻已經自帶微糖，所以淨豆腐花已經好夠甜，豆腐花口感滑嫩，石膏粉份量適中，豆腐花挺身，入口即化，但略嫌黑芝麻味道偏淡，黑芝麻唔係太夠，味道可以再進取多啲。舖頭地點始終比較偏遠，工場為主，真係有私家車/想喺附近踩單車一日遊，得閒無聊先好嚟，唔係嘅話，汗流浹背專登嚟都真係幾失望。始終係村屋入邊嘅小食店，應該支持吓嘅😂 Made in homekong😋…Read More

好後悔點解會咁遲先認識呢間麵包店，食完呢間真係翻唔到轉頭，老麥果啲魚柳包真係即刻比下去。宜家物價貴，以前細細個食老麥明明塊魚柳大過麵包，唔知幾時開始包入面嘅沙律醬覆蓋面仲大過塊魚柳，再者好多時候塊包一拎上手就冧晒，酸菜沙律汁又好酸，0誠意同0心機，所以我都冇食好多年了😂適逢今朝早心血來潮，想去吓啲老店當做支持下老人家老闆。其實好耐之前已經略有聽聞過啲住港島嘅朋友話呢間嘅麵包唔錯，但我當然因為佢嘅簡約、殘舊嘅店舖而卻步啦，真係有眼不識泰山～ 最近我去多咗銅鑼灣，幾乎每次經過都見到好多人買，令我對呢間舖頭充滿好奇心，相信佢應該係大家嘅食堂🫢果然冇令我失望🤤鋪頭對包都幾講究，由其係招牌有餡料包🤩（熱狗、漢堡包、魚柳包、豬扒包etc) ，每次都會先用鐵板烘一烘熱塊包，塊包去咁上下溫度就會翻炸石斑魚塊，令佢非常之脆口，加上又大塊，仲熱辣辣添，完全食唔到雪藏味。麵包亦都好鬆軟，脹卜卜，賣相幾好。我嗌左少醬（茄醬同沙律醬），味道啱啱好，醬汁唔會掩蓋佢嘅脆口，又唔會太鹹，交俾我嘅時候仲好細心咁用牛油紙包住，再入紙袋👍🏻鋪頭有好多捧場客，我買嘅過程中都遇到幾個熟客仔。佢哋大多嚟買菠蘿包、熱狗同埋奶茶咖啡，可能因為唔使等佢烘熱，快靚正，真係附近「扮工」人嘅早餐好選擇😎支持一下本地老店好過幫襯連鎖店🤘🏻😋 唔係吓吓，真係要到執笠嗰刻先嚟排長龍支持😅…Read More

今次打邊爐加燒肉嘅體驗有啲意想不到，呢間餐廳環境舒適，枱面乾淨整齊，而且侍應服務態度幾好，仲有得任食任飲（加$48清酒任飲）令我同友人都食慾大增。我哋今次揀咗最平嗰set （$228，全日免+1），嗌咗牛里肌、特選豚肉同鯛魚片。係食材方面，豬肉新鮮嫩滑，油花分佈均勻，我個人覺得口感比牛肉更好。牛肉肥瘦適中，口感爽脆，配上醬汁更添風味。魚片薄切，肉質細嫩，有啲似鯇魚咁爽口，比想像中出色。蔬菜同丸類就基本選擇，不過不失。湯底方面，我哋嗌咗芫荽皮蛋做湯底，清甜可口，冇過多的調味，皮蛋足料又大粒，係芫荽略嫌可以再多啲😆我都忍唔住食咗幾粒皮蛋。服務方面，服務員態度親切，我哋一行3人都係等咗一陣就有位，入座之前佢都好客氣叫我哋等等，話執緊枱，好耐冇試過喺香港食放題有咁好服務態度。上菜速度算快，而且會主動詢問我哋需唔需要加湯，非常貼心。有朋友想飲清酒，但明明成枱3個人，呢間都唔會夾硬收足人頭，都係按杯收費，收我哋2人清酒放題價錢，都幾均真👍🏻總體而言，今次打邊爐嘅體驗非常滿意，食材新鮮，湯底清甜可口，服務周到，絕對值得推薦！不過食材偏健康唔太油膩，如果追求濃味嘅人，可能就唔太適合🤣…Read More

對食拉麵一向高要求嘅我，平時喺香港真係唔敢亂咁食，尤其係新開，因為好多時都有好多味精，湯底不單止死鹹，價錢亦都唔平，簡直係俾錢買難受😮‍💨呢間雞白湯拉麵，主打嫩質薄切雞胸肉，雖然賣相唔係出眾，配料亦都唔係特別多，粒蛋就正正常常糖心蛋，不過勝在啲麵真係好好食，好彈牙，平時細食嘅我都忍唔住加咗底，廚師即叫即煮，所以等待煮麵嘅時間都比較長，但以$98食到一碗咁高質嘅拉麵，唔會太油膩，又唔會死鹹，感覺好健康，叫物有所值☺️可惜朋友嗌咗雞醬油拉麵，醬汁淡而無味，小失望，總結係可以唔嗌😂…Read More

今次係我哋第二次光顧呢間街坊小店，上次好似已經係一年前嘅夏天。我朋友好念念不忘呢度出品嘅凍柚子Americano，幾清新同特別，啡味重，回甘嘅時候又帶出柚子嘅甜酸，透明杯身令成杯飲品嘅presentation都靚，尤其係筲箕灣呢度嘅咖啡店寥寥可數，所以印象特別深刻。因為上次去石澳泳灘🏖️嘅經歷，一邊嘆啡一邊囇太陽☀️，感覺很爽，所以今次一提到去翻果邊嘅沙灘，我哋都決定買翻杯凍啡先至出發😋呢次我哋試咗佢個新出品Iced Tiramisu Latte，如果當佢係一杯正常咖啡☕️咁品嘗你一定會大失所望，但如果你當佢係一杯甜水，就肯定有驚喜。佢嗰層厚厚嘅Tiramisu Foam放喺重奶嘅啡底上面，可能小店成本有限，所以冇咩Rum酒味，但果層Foam就好creamy，好重Vanilla，喺呢個筲箕灣咖啡沙漠入邊，能夠飲到呢杯高級版奶蓋，都算唔話得啦，因為啲分係俾佢個咖啡底嘅😂，所以先會覺得佢叫做對得住個價錢。其實我自己個人就麻麻地呢杯甜水，因為佢做唔到Tiramisu應有嘅酒香又過分甜，變咗甜品，不過我朋友就飲得好開心，所以篇野大部分都係佢嘅觀感，我就覺得齋飲呢間小店嘅Americano即可👍🏻叫做支持下😆…Read More