bbbyu's Profile

夜晚唔知食咩 本來想食個間只收現金 所以就決定試吓呢間叫咗個沙薑雞 同酸菜魚 個餐仲送咗兩個例湯沙薑雞個汁係幾好味 雞份量都正常 可惜幾多碎骨酸菜魚魚片唔知係咩魚 魚肉唔滑仲好多骨 我剩係想啖啖魚肉 但係每片都有起碼2條骨 諗住食唔到魚 食下配菜 但係個湯底酸得好奇怪 好似落咗好多醋咁 我真係一啖都食唔落 就係咁成個飯都食唔到 請咗垃圾桶食。。。 我怪我自己 人地個鋪叫果園雞 做咩叫個魚黎食姐…Read More

今日做完運動 朋友仔話想食車仔麵 咁就去咗附近一間叫十兄弟車仔麵試吓我哋各自叫咗一個自選車仔麵 一個招牌八寶麵加可樂先唔講食物質素好唔好 大家可以睇吓圖片呢一嚿係乜嘢原來呢度就係招牌八寶麵其中一個餸牛坑腩 嘩嘩嘩 真係唔講唔知 呢個餸仲係皇牌必食推介 差啲以為廚房俾咗嚿煲湯瘦肉我 定係知我最近減肥所以要食清淡啲？好老實屋企人煲湯落個嚿肉都好過你講返碗八寶麵 魚蛋都係一個亮點 陳皮味好淡 魚蛋實的的 豬皮好細塊 湯底唔夠熱 唯一合格係白蘿蔔 食落幾清甜 但肉眼睇仲有渣另外我個自選麵 雞腎偏硬 豬軟骨細嚿同散 咖哩牛栢葉夠入味 滷水汁湯底同米粉好夾香港餐廳成日話租金貴 成本高 又話香港人鍾意北上消費同旅遊 埋怨之前 諗吓你嘅食物能唔能夠留得住班客 食完會唔會再返黎食 而唔係求其餵飽個客就可以得過且過…Read More

今晚8點幾入坐 叫左個鐵線雞同花膠米線餐牌寫濃雞湯 但入口淡而無味 仲要唔夠熱鐵線雞米線寫有沙薑雞 但只得4小舊同好瘦無乜肉 滷水雞腎無色無味 薑蔥手撕雞撈哂成碗湯都揾唔到 咁嘅價錢大把餐廳做得好過佢由於openrice要打多過2百字先可以評分 我唯有繼續打待應服務可圈可點 需要加強培訓 米線轉飯 廚房唔識應該點做 要樓面教 如果係筲箕灣收$78一個米線 完全對唔住食客同食物 建議廚房同餐廳老闆去一去灣仔痴膠雞試下人地個雞湯米線 湯底鮮味 每舊雞都好好肉 花膠唔算大舊 但起碼係滑 你仲可以揀用鍋上 唔會怕食到尾凍哂…Read More