greedybon's Profile

今晚(5/12)九點幾去KFC買外賣，未埋到去都見到幾個職員圍埋傾緊計等收工。埋到counter，個職員唔知係咪發緊夢，講幾次都聽唔到我叫咩，佢隔離個同事都已經聽到提佢。然後班職員繼續吹水，傾邊個崗位最hea。其中一個男仔好自滿咁話自己個個崗位都做過，除左經理未做過。佢可能覺得好驕傲，因為我兩盒食物都放左佢面前，佢都要傾埋先入袋。然後應該盒飯外面有d汁，佢整污糟左隻手，佢望住對手仲要叫「哎呀污糟左」，之後周圍搵野抹手，我d野食又係要等佢抹埋手先入袋。最後返到去打開，檸水變左檸茶，我肯定落單果個聽到水字，因為佢聽左幾次都以為我講汽水。仲要無比餐具，無比糖我都算。落單果個發夢，執食物果個執錯，pack袋果個傾計兼怕污糟，成班都咁唔想做不如返屋企玩手指啦。…Read More

記得多年前特登入長沙灣，食過程班長一次咁大把，當時係感覺不錯，但之後無機會再特登入長沙灣覆桌。今日Lunch出街搵野食，無意之中發現原來佢地間野就喺新公司嘅附近，諗都唔諗就決定去。佢地喺工廈一樓，都幾易搵。我同同事各自都叫左個排骨便當外賣，飯上面放有排骨約四舊（舊舊都幾大舊）、半隻蛋、齋、酸菜、椰菜、紅蘿蔔、食飽飽五十蚊有找，份量好又夠熱，味道好。另一個同事食牛肉麵都話正。我地等左五分鐘多d就有食物拎，等果時門口不斷都有客入，證明d野食真係不錯。…Read More

我好少出旺角，但上次朋友話約去旺角食飯，食完行過彌敦道見到呢間嘢好似新開，又有d文青feel，就入去試下。我叫咗杯鮮奶紅茶，微甜，朋友叫咗杯萬波紅茶，都係微甜。我地都覺得估唔到咁好飲。茶味夠，奶嘅份量適中，整體唔會太甜，成杯嘢個比例剛剛好。本身我好少飲太甜，初初仲諗咗好耐微甜定半甜好，店員又比咗d意見，最後比我揀中咗啱我嘅口味。朋友後來話特別留意到個杯蓋嘅設計好得意，最衰我留意唔到無影相。我諗我經過或者行開旺角油麻地都會再去，想試下個奶蓋系列!!…Read More

今日睇openrice見到間野，於是同男友黎試下。食物無咩特別，上得好快。羅宋湯幾好味，我地仲落緊單就上左湯比我地，係暖暖地既。我叫左煙三文魚天使面，味道正常，三文魚係厚切既，成cm厚，感覺似係係佢地自己買返黎先smoke，而且有d parts 似煮熟左(變左啞色同埋塊魚會散開)。個天使面最特別，因為個天使係電左dreadlock架，所以d頭髮先有咁粗（根本就係普通意粉）。男友叫左豬扒飯，佢無咩評語。但係令我決定要寫食評既係我差不多食完時見到既野。有個阿姐係度執緊d外賣既盒同餐具，點知就唔小心一疊咁跌左落地，d蓋仲成疊跌左入櫃底，我睇住佢執返哂d盒，再伸隻手入櫃底liu返哂d外賣蓋出黎，再疊返整齊放入櫃備用...... 會唔會有d過份...其實間野裝修好有心機好特別，但如果淨係得個外表，會有d可惜......我本來好少寫食評，可能我個人怕污糟啦，同埋腸胃比較弱，所以我接受唔到...... 忍唔住要講...…Read More