canjie_kigor's Profile

位於將軍澳海旁嘅地中海餐廳The Hunter🌊，藍白色嘅裝修加埋麻繩設計🔹▫️，配合埋輕快嘅音樂🎶，再望住個海真係好chill💭。〰️🍽️ Hunter Salad | 💰148 🌟依個沙律嚟到嘅時候真係”嘩”咗一聲，完全無諗過係咁大份，入面除咗有番茄、青瓜、羅馬生菜同櫻桃蘿蔔之外，仲有牛油果同紅石榴，所有蔬菜都超級新鮮，而且個自家製嘅薄荷醬好清新又唔會好刺激，每方面都平衡得好好，上面啲麵包脆脆無油膱味，鹹鹹哋又係勁好食。 🍽️ Tuna Tartare | 💰198 🌟依個吞拿魚他他又係超好食，下面嘅茄子蓉完全唔會有青味，質地亦唔係我哋平時食嗰啲，唔會腍啤啤，而且加咗韓國泡菜令成個他他變到酸酸辣辣勁開胃。 🍽️ Lobster Bisque | 💰128 🌟服務員超好人咁話可以幫我哋將個湯直接分一半變成兩碗，一上枱已經聞到好香，飲落仲好creamy好鮮，而且係好濃郁嘅龍蝦味。 🍽️ 21 Day Dry-Aged 1855 USDA Prime Black Angus Striploin with Pearl Onion and Mushroom Sauce | 💰398五成熟嘅牛扒切開係好靚嘅粉紅色，而上面嗰啲就係有少少辣嘅香草牛油，仲帶有啲煙肉味，同個牛扒都幾夾，另外就揀咗洋蔥珍珠蘑菇汁去襯返，食落肉質係好腍有炭香味，而且無筋有肉汁。 🍽️ Hunter Thick Fries | 💰88 🌟又係超有驚喜嘅薯條，首先餐廳係用蕃薯切成粗條再即炸，外脆內軟，除咗有一般茄汁之外，仲有最愛嘅酸忌廉洋蔥醬，完全係食唔停。 🍰 Passionfruit Panna Cotta | 💰78 ✖️依個熱情果意式奶凍我哋一致俾差評，首先兩樣嘢係完全唔夾，上面個熱情果醬超甜，個奶凍又唔滑而且個味好奇怪。 🍰 Classic Bread Pudding | 💰88麵包布甸嘅份量係好大，入面仲有兩種提子乾，上面有啲香脆嘅金寶，入口夠濕潤而且有蛋香。最好食係個雲呢拿雪糕，係手工製有雲呢拿籽個種，好香濃好滑又唔會死甜。 🍹Lavender Sea | 💰115🍹Hunt on~ TKO~ | 💰120Cocktail就不太特別，飲落係無乜酒精咁。〰️❣️依間係pet-friendly嘅餐廳🐶，不過就要坐室外🌤️➖➖➖➖➖➖➖➖➖➖➖➖➖➖➖➖🌸 服務 🌕🌕🌕🌗🌑🌃 環境 🌕🌕🌕🌕🌗📍The Hunter將軍澳唐賢街29號藍塘傲地下11號舖…Read More

每次經過Lúa，都會忍唔住望上去掛滿燈籠🏮嘅露台，成間餐廳嘅裝修都令人好似去咗會安古城一樣🏞️，好有越南風情🇻🇳。〰️🍽️ 香茅青檸葉煮鮮蜆(辣) | 💰198 🌟依個蜆一嚟到已經聞到好香嘅香茅同青檸葉味，入口清新得嚟又帶有少少辣同微酸，啲蜆全部都好新鮮，而且煮到啱啱好唔會老，仲要大大隻又無沙。 🍽️ 小食自選拼盤 | 💰296依個拼盤可以喺九款小食入面揀三至五款，每款都有兩件而價錢都係唔一樣。1️⃣ 即叫即製手工粉包 : 個皮薄得嚟但係煙韌，入面包住木耳碎、沙葛碎同碎豬肉，配埋上面嘅青瓜同炸乾蔥，加埋好似魚露嘅汁真係好好味2️⃣ 豬肉春卷 : 入面包住豬肉、白同紅蘿蔔仲有木耳，加埋酸酸哋汁味道係幾好，只可惜唔係即刻炸，個皮唔脆入面都唔熱3️⃣ 柑桔汁雞翼 : 雞翼好大隻，而且嫩滑有肉汁，不過食得出唔係即炸同已經放咗一陣，所以個皮食落好厚又唔脆4️⃣ 香茅牛串伴秘製鹹蛋黃醬 : 食落香料味好重，但係冇牛味，上面嘅鹹蛋黃醬入口亦都好似消失咗咁5️⃣ 甘蔗豬串 : 依個豬肉串食落係有肉汁同有豬肉味，蔗汁嘅甜味亦都好出 🍽️ 特選自拼撈檬 | 💰129烤牛扎肉嘅黑椒同香料味好出，食落有肉味，香茅豬肉係薄切，成碗餸嘅份量偏小，但係檬粉嘅質地彈牙，而且個撈檬汁酸酸甜甜好好食。 🍹鮮青檸沙冰 | 💰62🍹凍鮮熱情果梳打 | 💰52杯青檸沙冰係睇得出有加青檸皮，飲落酸酸甜甜幾消暑。另一杯熱情果梳打就係想像得到嘅味道。〰️❣️鍾意食辣嘅記得要追加免費嘅越南青辣椒片🌶️，加落任何嘢食都好過癮，不過千祈唔好一次放太多，因為依隻辣椒真係超級超級辣🔥❣️每張枱都已經有越南黑豆醬/甜辣醬/越南沙嗲醬🥫，仲可以免費追加湯粉嘅香料、青檸同自家制魚露🥣，絕對可以滿足每個人嘅口味😋❣️嘢食都算正宗越南味✅，不過今次無試到湯粉同法包😢，下次一定會再嚟食💟❣️室外嘅2樓露台打卡位只係得2️⃣張枱，所以如果想坐出面影相嘅📸，記得一定要book枱⚠️➖➖➖➖➖➖➖➖➖➖➖➖➖➖➖➖🌸 服務 🌕🌕🌕🌕🌑🌃 環境 🌕🌕🌕🌕🌑📍 ℒ𝓊𝒶銅鑼灣東角道26號怡安大廈1樓13-15號舖及地下13-16號舖🟰🟰🟰🟰🟰🟰🟰🟰🟰🟰🟰🟰🟰🟰🟰🟰…Read More

超過8️⃣0️⃣年歷史，樓高4️⃣層嘅鏞記酒家經過翻新之後裝修都幾有格調🎖️，曾經數次獲得米芝蓮一星餐廳推介💮，更加入選過全球百大最佳中餐廳💯，相信佢哋嘅招牌燒鵝大家都有聽過💫。〰️🍽️ 炭燒蜜汁叉燒 | Barbecued Pork | 💰200 🌟本身想嗌另一個肥燶叉，不過當日已經賣晒，而依個叉燒雖然唔係肥叉，但食落肉質十分之腍，一啲都唔乾，而且成個邊都燒得好靚唔會太燶，蜜汁都啱啱好，份量都足夠。 🍽️ 佛山汾酒鹵燻蹄 | Preserved Pig’s Knuckle | 💰110入口係有淡淡嘅汾酒香，唔會過鹹，而且肉同啫喱嘅比例都好平均。 🍽️ 正宗炭燒黑鬃鵝(例牌) | Signature Charcoal Roasted Goose (Regular) | 💰260話晒鏞記最出名嘅就係燒鵝，所以我哋一心嚟到就係為咗食佢，本身去到一坐低嘅時候服務員就話燒鵝已經賣晒，咁我哋都諗住叫其他嘢食，點知轉個頭又有服務員行過嚟同我哋講仲有最後一份例牌，結果我哋就好好彩咁可以試到。但可能因為係最後一份，所以入口個皮唔脆，鵝肉亦都唔算嫩滑，食落係有燒鵝味但又唔係好香，配搭嘅亦唔係一般甜酸醬，而係特制嘅燒鵝醬汁，不過我哋一致認為係名大於實。 🍽️ 蟹肉扒乾燒茄子 | Sauteed Eggplant and Topped with Crab Meat | 💰360蟹肉份量多，整體係有鑊氣，不過因為茄子有走過油，所以會比較偏油。 〰️❣️某啲菜式係要預訂同限量供應🈵，所以如果大家想去試嘅話記得要打電話去預留📞➖➖➖➖➖➖➖➖➖➖➖➖➖➖➖➖➖🌸 服務 🌕🌕🌕🌕🌑🌃 環境 🌕🌕🌕🌕🌕📍鏞記酒家中環威靈頓街32-40號地舖…Read More

主打開放式廚房設計📐，亦係香港第一間用原木材🪵同直火燒烤🔥嘅Fireside，更加係入選世界百大扒房之一💯。一入門口就見到放滿餐廳精心挑選嘅環球靚肉窖🥩，今次直接坐喺Bar枱，可以近距離欣賞廚師嘅廚藝🧑🏻‍🍳。〰️🍽️ "Carabinero" Scarlet Cardinal Prawn Flambadou | 💰368 ✨依個燒西班牙野生紅蝦絕對係全晚嘅Highlight，當晚有3個Size可以揀，分別係中($268) 大($368) 特大($468)，我哋得2個人所以就揀咗大。首先大廚會將紅蝦開邊放入特製嘅石磚爐烤焗，之後再將煮滾嘅牛肉脂肪滴上去，令到成隻紅蝦更加油香。入口肉質好似刺身咁好有彈性，而且蝦頭有滿滿嘅蝦膏，食落濃郁鮮味好出，真係超級好味❤️。 🍽️ Homemade Smoked Butter & Sourdough | 💰48依個麵包係服務員見到我哋嗌咗西班牙紅蝦之後推薦我哋加點嘅，酸種麵包整濕後放入石磚爐焗，再配合自家製嘅煙燻牛油，食落十分軟熟，加埋啲蝦膏更好食，不過如果再熱多少少會更加好。 🍽️ Burnt Brittany Lobster Roll, Smoked Salmon Roe, Black Brioche | 💰288✨竹炭麵包上面放滿龍蝦肉，加埋三文魚籽同燒過嘅蛋黃醬，層次豐富好滿足。 🍽️ Grilled Bone Marrow with Oscietra Caviar | 💰458第一次食鋪滿魚子醬嘅牛骨髓，再用燒過嘅迷迭香墊底，食落去係滿口油脂仲有鹹香，不過兩個人食真係好腬，同埋如果配搭嘅係麵包而唔係餅乾感覺上會更加適合。 🍽️ Mayura Station "Chocolate Feed" Australian Wagyu M5 OP Rib | 💰238/100g 💰1475本身好期待依個牛扒，因為介紹嘅時候係話用朱古力餵飼，而且話牛味係比較濃郁嘅，咁我哋就叫咗5成熟，切開之後係好靚嘅粉紅色，但係食落嘅時候無和牛嘅香亦都無”朱古力”味，咬落仲有少少韌，好似唔係太特別，或者其他熟成肉會更好。另外值得一提嘅係我哋揀完食邊款牛之後，服務員會將切好咗全生嘅牛扒拎比我哋睇同埋影相，之後仲會拎啲唔同設計嘅刀出嚟比我哋自己慢慢揀。 🍽️ Caramelized Almond Parfait, Mandarin Gel,Smoked Ecuador 68% Chocolate | 💰118依個亦有啲驚喜，本身以為會係好重好重嘅杏仁味，但食落又唔會，軟雪糕嘅質地加埋酸酸地嘅柑橘啫喱同煙燻咗嘅朱古力醬，係幾特別嘅。唯一覺得嘅係上面塊焦糖太甜，食到最後有啲涸喉。 🥂Max.f Richter Riesling Mosel | 💰118🥂Arzuaga Chardonnay | 💰128🍷Alto Moncayo | 💰178🍷David Duband Hautes Cotes de Nuits | 💰198我哋分別揀咗2杯白酒同2杯紅酒，4杯我哋都好滿意好啱心水，佢哋酒嘅選擇都幾多，如果大家去食嘅時候可以問返服務員介紹返。〰️❣️當我哋坐低咗之後就有服務員過嚟介紹菜式🍴同埋牛肉🥩，等我哋了解到唔同產地🗺️同熟成日期📆嘅分別，再揀返自己想食嘅🥄❣️值得一讚嘅係當我哋食完晒所有菜式之後🔚，服務員就會幫我哋執乾淨張枱，再影一張即影即有做留念📸❣️今次未有機會試到市面上比較少見嘅本地熟成馬友🐟，下次再去會試埋依個餐廳之一嘅招牌菜🆗➖➖➖➖➖➖➖➖➖➖➖➖➖➖➖➖🌸 服務 🌕🌕🌕🌕🌕🌃 環境 🌕🌕🌕🌕🌕💰人均 ~$1800📍Fireside中環砵甸乍街45號The Steps ‧ H Code 5樓🟰🟰🟰🟰🟰🟰🟰🟰🟰🟰🟰🟰🟰🟰🟰🟰…Read More

位於酒店頂層嘅天外天坐擁無敵維港大海景🌆，第3️⃣年榮獲Wine Luxe雜誌評選為香港十大葡萄酒配對餐廳，獲米之蓮推介💮，更連續6️⃣年入選南華早報百大餐廳。🍽️紅袍龍皇抱太子 | Wok-fried Lobster and Scallop Stuffed in Tomato | $288 🌟依個係夏日精選菜式，將龍蝦肉同帶子釀入新鮮番茄，再加埋酸酸甜甜嘅汁，開胃得嚟亦都有驚喜。🍽️蜜汁叉燒 (輕量) | Honey-glazed Barbecue Pork (Light Portion) | $118肥瘦適中，食落肉質都幾腍，但唔夠焦香，可以再燒燶啲脆啲，蜜汁亦都可以多啲，另外加分位係可以揀輕量(四嚿)或者例牌(八嚿)。🍽️冰燒三層肉 (輕量) | Crispy Roasted Pork Belly (Light Portion) | $110依個都係可以揀輕量(六嚿) 或者例牌(十二嚿)，個皮好脆，食落亦都唔會覺得成口肥膏。🍽️宮廷海鮮酸辣羹 | Hot and Sour Soup with Seafood | $138所謂海鮮羹其實入面得蝦，不過味道方面幾好，酸辣度都幾平均。🍽️蟹肉菜苗羹 | Braised Vegetable Sprout Soup with Crab Meat | $138味道濃郁，蟹肉分量算多亦都拆得乾淨無殼。🍽️蔥燒和牛面頰肉 | Braised Wagyu Beef Cheek with Spring Onion | $368 🌟分量比想像中多，足足有八嚿，而且用熱嘅鐵板上，肉質非常之腍，食落就係好食嘅洋蔥燒汁味，牛肉味無完全比蓋過，連配菜洋蔥都唔辣好入味。🍽️靈苓菇炆豆腐 | Braised Bean Curd and Marmoreal Mushrooms | $148一碟有八嚿嘅油豆腐，味道方面正常，不過可以再入味啲。❣️因為我哋無訂位，入到去坐低嘅時候服務員同我哋講片皮鴨同炸子雞已經賣晒😭，所以如果大家想食同埋要坐窗邊位嘅記得提早book定❇️❣️餐廳另外仲有啲套餐同埋可以加錢配埋酒🍷，不過因為今次無晒片皮鴨所以我哋今次無試到，已經決定咗下次會再嚟試埋佢🙆🏻‍♀️🌸 服務 🌕🌕🌕🌕🌑🌃 環境 🌕🌕🌕🌕🌕💰人均 ~$900📍天外天 Above & Beyond 尖沙咀科學館道17號Hotel ICON唯港薈28樓…Read More