rockwell0812's Profile

餸的份量比其他雙餸飯舖頭少，而收費亦都比較貴，飯餸嘅質量同收嘅錢唔成正比，性價比好低。店員態度差，對顧客呼呼喝喝，好似欠左佢哋咁，影響進食嘅心情！收費欠缺透明度，每樣餸啲價錢都唔同，價錢任佢哋開，雙餸飯特色就係冇樣都一樣價錢隨着顧客每日唔同嘅心情去選擇，但係佢哋啲唔同價錢諸多限制，海鮮價！啲餸好似擺咗好耐咁，顧客流量小，建議大家食雙餸飯，去返街市嗰邊，嗰邊啲餸又好食啲，老闆對客人亦都好客氣！絕對不推薦這間！…Read More

今日食完午餐就走過來幫襯，打算試下啲小食，見到個menu有咁多選擇，我都企喺度思考左好耐最後就買左腸粉餐配咖哩魚蛋，再加一串燒賣打包，見到老闆娘包緊啲魚蛋個時已經聞到啲咖哩汁好香，好期待翻去食個時係點。啲燒賣好好食，冇平時街邊嗰啲咁粉，腸粉都好滑，配埋啲醬簡直一流。見到網上好多人都推介佢個炸雞髀，下次等我餓啲既時候，我一定帶埋班friend 再來挑戰，另外見到佢有個電話可以order 定啲生炸雞髀，咁下次就可以唔使等，直接開餐！…Read More

平時weekend都會同家人去鼎天食早餐，每次去到都人山人海，慶幸老細員工食客都好好人，就算坐得好迫都會互相遷就，又唔會趕你走，同出面啲茶餐廳好唔同！今日帶埋媽媽啲friend來一齊食好野，呢度早餐好就好在有好多選擇，想食傳統早餐有得好似我咁想食啲特別啲嘅早餐都得！平時早餐都會叫豬軟骨米線，今日咁啱有姐姐推介話有隱藏Menu，可以免費轉咖喱湯底，以前試過去日本叫咖喱湯烏冬之後都好難搵到好食嘅咖喱湯，今次豬軟骨米線配咖喱湯底簡直驚為天人飲咖啡嘅朋友都可以試吓個咖啡，啲咖啡都幾好飲架！仲可以另外叫牛角包牛角包，餸菜好香上枱熱辣辣一流，今次比滿分 💯…Read More

某日去還書的時候,老豆就帶左我去林記點心一坐底就即刻走去嗌兩碗排骨飯(怕賣晒)&點心s排骨飯($12):排骨好淋,好好味,D飯仲正,好有嚼頭(比其他茶樓好勁多)。其他點心只係$=quality(一般),但係茶位只係$2咋:)…Read More

响呢度食左兩次野睇完飯友咁多好食評,放左學就同老豆兩丁友去試下佢啲腸粉&粥 及弟粥:及弟粥足料同埋D粥都好綿。 魚片腸,牛肉腸:腸粉皮好薄好滑,牛肉好滑好鮮味,魚片超好食,好似平時出面蒸魚的品質.。找數$50(有D貴)幾曰後夜晚再戰陳漢記,等左一陣就入得叫左: 牛肉滑雞煲仔飯($3?):冇飯友們寫得咁好味,但算中上。 花蟹粥($25):超好味,碗粥入面有超多蟹黃,粥底好綿,D蟹好鮮甜,不能不講句ICHIBAN:)P.S.下次一定要試下佢D粉麵!!~~~…Read More