shingotoy's Profile

垃圾中的垃圾，打電話訂位時只能訂18:00或19:30，訂了19:30，19:15到場時被告知要等到19:45，最後等到20:00才能入座。明知道任食火鍋限時兩小時，但提出不合理的訂座時間給客人選擇。垃圾。…Read More

咁岩入大埔做野，就搵舊同事食LUNCH，因為大家都鍾意拉麵，所以佢推介左日曜日。可能時間仲早只係12：30，入到去時很一枱客，自己坐底斟水飲，係仲有冰碎既凍水，正。餐牌好簡單，本來習慣第一次食既鋪頭都會點最基本既拉麵先，但被佢個每日限定10碗既二朗系拉麵吸引左。雖然係最貴$120，掙扎左又陣，再加上未食早餐，所以就決定挑戰下。碗麵既實物比佢手機點餐裡邊張相靚好多，亦都大碗好多，有點擔心會食唔晒。幫碗麵影左張後，就正式開始戰鬥。豚骨湯不過不失，麵係中粗都係不過不失。背脂比較碎，一了開個麵就消失係湯底。但勝在佢真係夠二郎系，粗芽菜夠多，椰菜都有，兩都都係好爽口，撈埋落d麵度食好正亦都令人覺得無咁膩。佢呢個叉燒口感同味都好正，筍唔多但算粗切好夠味。仲有無入鏡既半熟蛋都入晒味，蒜頭夠多，成碗感覺都叫滿足。枱上有自制既昆布醋，可惜趕時間無法清到個湯，所以野清得晒，飲埋應該會頂胃😂。可以再食，會搵機會再入大埔。…Read More

今日路過朗豪坊搵食時,見到間新開既日式鐵板鋪- Pepper Lunch,係D相好吸引既情況下,同MASTER一人食左一個SET (連優惠2人共$108.0).鐵板黑椒牛肉飯(跟汽水) :牛肉最初係圍係飯邊,要快手同D飯兜熟,飯有好香既黑椒味,但唔會話辣.鐵板一口牛+ 漢堡扒餐(跟白飯及汽水) :牛肉好好好靚~~~ (由於佢适冇貨既關係,所以免費UPGRADE左做肉眼!!!)本來係全生既,一放上鐵板就比你囉走.可能坐得遠既關係,囉到番埋位就要同塊牛轉身,牛肉預先切成小塊, 上面放左塊好香既牛油~反左無幾耐就己經見唔到粉紅色,就將D牛肉放晒上配菜既芽菜面(防止塊肉太熟變老)咬開入面仲係粉紅色好多汁好正~~而塊漢堡扒都好正~ 食到尾都一咬有汁.唔怕肥頭就直情可以將D白飯倒入鐵板點D牛油+ 牛肉汁食, 又係正~~一食完就即刻同MASTER去研究下餐叫邊款牛~個人攻略：1, 近FOOD COURT入口有個PEPPER LUNCH既廣告牌,好彩既可以囉到$15.0既優惠卷.2, 坐位以近PEPPER LUNCH既好D,唔係未番到位D牛肉都熟到變老.3, 等位同等佢準備既時間都比較耐,請比D耐性.4, 最好睇左佢個電視教學先食,學到唔少野.5, 記得記得將D整好既牛肉放上菜面...如果唔係後果自食...…Read More

今日收到風話哈迪斯係香港既最後2間分店會係明天(06年12月27日)全線結業,所以同男朋友即刻去左中環店食番個TEA.哈迪斯D雞既脆皮真係好過KFC多.夠味,又夠脆,(KFC要食辣先有脆皮,唔辣既齋炸唔脆又冇咁好食...)三藩市芝堡剛剛整起,芝士半溶,加埋煙肉真係好正,跟餐既粟米永遠係同類型產品中最甜最好食...唔知遲D會唔會再番黎呢?定有綠既會係其他方再食...又,係M記呢個又標榜話自己D貨全部係美國貨既同時又可以以人民幣升值,生產價格上升而做借口想架價既同時.(到底M記比我地食既係大陸貨定美國貨?)仲有幾間炸雞漢堡店可以做得住?…Read More

其實黎呢度食黎係可以唔洗睇餐\牌,你只要同師傅講心目中既大約價錢(建議每人$300或以上)同大約想食d乜,等師傅同你諗仲好啦,又可以食到最新鮮既野,又可以食得多d.幾好呀~個人推介:海膽池魚針魚和牛(唔怕生牛既人一定要試下~)麵豉湯*如果人多(4人左右)可以叫師傅整隻龍蝦刺身(約$500),師傅會將d龍蝦頭尾囉去煲湯,到最尾會有碗龍蝦湯拉麵比你食~正呀~…Read More

(宜家先開飯開到過澳門...)2月中同男朋友到澳門2日1夜.乜都唔識之下,跟書仔黎左呢間餐廳.講真,玩左一日餓住個肥等左好耐位...等到冇心心機,可能澳門同香港人既心態唔同.餐廳既工作人員行出行入都唔係點理你.等左都有半個鐘決定入去入面等.見到有吉枱又唔見佢安排又唔敢坐,但一對比我地遲黎既母子居然問都唔問就自己入坐都冇比人話.我地都唔執輸自己去左張吉枱度坐.等到一肚氣,但好彩D野食實在太正~一D都冇後悔比人冷落左成粒鐘.點左燒牛仔骨,炸豬腸燒羊扒,燒秋刀魚同馬介休薯蓉,外加一渣菊花茶.牛仔骨好香,羊扒唔會蘇.燒秋刀魚同炸大腸都有一定水準.馬介休薯蓉好正~清晒碟.食咁多野好在有菊花茶清一清~一定要再去~食咁多野都係$150左右~…Read More

同事介紹下,搞到宜家去親油麻地BC睇戲前都要走轉黎食碗麵.湯正麵正.唯一缺點就真係要等...…Read More

食左廿幾年,最正都係肥腩伊,越肥越正~D脂肪入口完全唔覺得膩,淨係覺得香~湯永遠都係清晒見碗底.*可惜宜家爽腩要淨叫先有,冇得跟麵上*…Read More

一碟炸蜆芥鯪魚球+ 一碟薑蔥拌麵,食完鯪魚球之後倒埋D蜆芥一齊拌麵食~超正~~~…Read More

因為近男朋友屋企,所以都間唔鐘會黎呢間食,都食過起碼5次以上架啦.淨係抵當然唔會留得住我既心,佢地d食物真係好正~點菜之後就會送上free既麵包/餅乾+ 橄欖蓉湯唔會係一般既紅/白湯,主菜既薄餅永遠都好夠脆.意粉同飯都係水準之上,某次點左個海鮮湯意粉.個湯一飲就知用左大量既青口黎煲.勁鮮甜~~~比我地搶住飲晒~最正既係佢係真係會每個月轉餐牌,令人有季節性既感覺.除左一般既set dinner之外,最抵食既係佢地既每月2人餐.平既$148,貴既$168.2個人抵到爛~裝修得唔錯,但晚餐時多半要等一陣位.有心最好訂定位唔好要女朋友陪你企門口等.…Read More

星期日同男朋友慶祝生日,本來諗住同佢去食日本菜,但之前食開果間咁岩休息,情急之下諗起N 年前食過呢間,印象都唔錯,所以帶左佢黎.(佢係未食過任何鐵板燒的)點左一個2人SET,HK$488.0的伊勢海老鐵板燒(唔記得個名有冇錯呢...)1, 青瓜絲蟹子沙律：唔錯,夠絲夠涷.2, 燒銀雪魚：燒都邊位好脆口,好香個汁都好正.3, 燒伊勢海老：2個人一隻,成隻龍蝦仔咁,好爽口好正,最正係師傅用蝦頭既蝦膏加牛油做調味.而個蝦頭好快番左入廚房準備煮成湯.4, 燒安格斯牛扒：師傅事先會問我地要幾成熟,男友決定要五成,真係燒得剛剛好,男友對食牛扒係要求好高,佢都話正(當然正過X王之王),加埋師傅一早準備好既燒蒜片,真係好香口.5, 伊勢海老蝦頭湯：好清甜,個蝦頭仲有好多肉食.6, 炒飯及炒菜：一般水準,但將菜沾上上一道牛扒既肉汁,就正好多.7, 紅豆雪榚：好正~可能我自己之前未過.就係咁啦,再另外每人加多一罐果汁(HK12.0)服務員同師傅都好有禮貌,食得好開心.男朋友話得會黎食下第二樣喎~…Read More