kandykanlam的個人專頁

🍗夢幻雞翼外層炸到脆卜卜，肉質少少乾，但唔算太影響，因為佢有陣陣嘅胡椒香，味道香氣四溢，辣味亦好足，令人一口接一口，根本停唔到！食到唔覺唔覺已經食曬，仲有少少鹹味，配啤酒真係一流，完美嘅搭配！🍳鐵板蛋配蝦餅個蛋喺鐵板上，完全唔會過熟，啲蛋滑到無得輸！將滑蛋擺喺蝦片上面，咬落去即時感受到脆脆滑滑嘅口感，真係好味！配埋大板燒風味醬汁，仲有啲甜甜嘅醬，味道好match，加埋海苔同芝士，真係超級夾，推介！🧈香煎鰻魚雞蛋卷比較熟，冇嗰種軟熟感，玉子好飽滿！似乎唔落水、唔落奶，淨係用蛋炒，所以蛋味真係勁重！不過鰻魚比例稍微少咗，如果多番啲會開心啲，咁味道會更加出色！🥘 名古屋炒拉麵真係幾抵食！份量多到夠晒你食，味道正常，但有啲油，可能少少過咗頭。麵條彈牙，食落口好有咬感。裡面有醬油、椰菜爽脆，仲有木魚碎，口感真係好豐富。🍘香炸竹輪海苔卷脆卜卜嘅竹輪，食落真係好香口，但冇乜特別賣點。其實都係一般嘅送酒小食，食得開心，但唔會令你驚喜。🍇巨峰乳酸燒酒梳打味道酸酸甜甜，真係好飲，仲可以完美中和燒酒嘅味道，飲落非常易入口。特別啱女仔！…查看更多

🧇夾心雙重開心果雞蛋仔餡料雖然填滿雞蛋仔，但食落去就覺得外脆內軟都唔夠香。開心果醬冇乜調味，食起略嫌寡左少少，整個組合偏乾。開心果醬嘅果仁香味一般，開心果味又唔濃，食到最後有啲滯，如果對開心果興趣不大嘅建議嘗試其他口味。…查看更多

🌯香芒大蝦米子卷👍🏻👍🏻👍🏻👍🏻🍞咖吔斑斕多士👍🏻👍🏻👍🏻🐔青椰海南雞👍🏻👍🏻👍🏻🌯香芒大蝦米子卷好精緻！米紙唔算太厚，包住咗新鮮大蝦，咬落去口感一流。再加上香甜嘅芒果，真係好有份量，味道超級配合！仲有其他雜菜，清新得嚟又唔會膩，特別適合夏天食!🐔青椰海南雞雞肉嫩滑，完全無骨，啖啖肉都。搭配三款醬汁，姜蓉清新提味，辣椒醬有啲刺激，黑醬油就添咗份香氣，味道正常發揮。🍞咖吔斑斕多士必點之選！綠色吐司散發住香蘭嘅清香，夾住咖央醬同牛油，口感真係一流。厚厚嘅牛油配上咖吔醬，外脆內滑，咬落口入面就好柔軟。甜中帶有椰香，味道真係好正。…查看更多

❤️呢個係我暫時食過最好味既越南法包！🥖越式法包 👍🏻👍🏻👍🏻👍🏻👍🏻👑🌯 米紙蝦卷 👍🏻👍🏻👍🏻😋已經唔止一個朋友推薦呢間越南餐廳！佢哋都一致好評表示越式法包好好食！🥖法包有加熱過上枱嘅時候暖暖嘅，而且表皮香脆，材料好簡單有扎肉、肉鬆、酸蘿蔔同菜，我最鍾意係佢既酸蘿係蔔😍食完咁大個麵包都唔會覺得滯！ 🌯 米紙蝦卷本來我哋諗住當小食，但係發現上到台佢超級紮實！材料超多，除咗蝦之外，仲有豬肉同埋檬粉！食完超級飽！呢個價錢嚟講超級抵食😋…查看更多

❤️私心推介一間灣仔漢堡店俾大家，灣仔漢堡嚟講其實選擇好多，但係呢一間係我每一次去灣仔都會想食嘅漢堡店。🍔Atomic Bomb 👍🏻 👍🏻 👍🏻 👍🏻 👍🏻😋我特別鍾情佢嘅大啡菇，因為佢可以做到啡菇外層香脆同時亦都可以鎖住嘅水份，菇嘅水份唔會整到個包好濕，但係你咬落去就會食到菇嘅汁同埋漢堡嘅牛肉汁，真係好好食！😋而且另外一個令我鍾意佢嘅地方就係佢好多配菜選擇，除咗最基本嘅薯條之外，仲有炸薯條、魚柳、雞翼、芝士條、甚至洋蔥圈都可以選擇。而今次冇選擇配菜係因為我覺得佢個漢堡已經好夠飽啦，所以就唯有下次再去啦。…查看更多

🌟大推比姐妹們去飲下酒傾下計，超多款酒類比大家選購！我自己最鍾意佢峰蜜酒，甜甜地岩曬女仔，大愛荔枝綠茶味，再帶啲果味好易入口（唔係日日有嫁想試可能要去多幾次🤭）。 而且食物整體都唔差，無論主食串燒定送酒小食都有水準，而且價都好合理，但係要小心會坐坐下唔少心叫多左🤭🍺我話事(任選6杯啤酒/峰蜜酒）👍🏻👍🏻👍🏻👍🏻👍🏻🍝卡邦尼煙肉意粉👍🏻👍🏻🍯蜜糖芥末雞翼👍🏻👍🏻👍🏻🍗日式照燒汁燒雞肉棒👍🏻👍🏻👍🏻🐔明太子雞翼（兩隻）👍🏻👍🏻🦑避風塘魷魚鬚👍🏻👍🏻👍🏻🥣明太子忌廉烏冬👍🏻👍🏻👍🏻👍🏻🍟小食拼盤 (薯條 炸雞 雞軟骨)👍🏻👍🏻…查看更多

😋廢話唔多講！直擊三大優勝之處！☝🏼食物嘅種類繁多，除咗主打嘅火鍋。一坐低就已經有燉湯飲，隨即就再有個魚生做前菜，食完魚生仲有個雞煲做開胃菜。而且以上所講嘅所有前菜都好高質，魚生新鮮份量足，雞煲亦都10分惹味。所以第一印象分勁高！而且係食完一樣都一樣，唔會趕頭趕命！✌🏼海鮮任食！火鍋一開始佢會預先送一盤海鮮拼盤，拼盤海鮮種類超多，而且保證每人一隻，而且仲有活動送咗少少海鮮，其實已經超滿足。點知發現原來任食點心紙裏面都仲有海鮮可以選擇，所有鮑魚蟶子蝦蟹蠔都係任食，真係有少少可惜自己食唔到多！👌🏻火鍋料種類非凡，佢完全唔係平時食開任食嗰啲hea爆配料，俾幾個極端嘅例子，例如豬腦、雞子、牛骨髓，呢啲有時喺非任食火鍋店都未必有嘅，但係佢係任食！而且個質素都係唔差！所以價錢貴少少都物有所值！…查看更多

🫓泡菜煎餅韓國大叔主理果然大韓國既味道，味道較重，事關有好足料既泡菜。選用既泡菜酸為主，唔食辣都可以放心叫。🍖芝士烤排骨排骨份量好夠，兩個人真係食唔晒，叫既時候真係要三思。味道方面比我想像中淡，好處係唔會搶左芝士既味，但後期芝士凝固咗，淨係食就好似唔係好夠味。所以建議上枱就即刻食！🍲 米腸湯首先本人好鍾意食米腸，第一次喺香港見到有米腸湯。米腸同喺韓國食過嘅有少少唔同，而且浸個湯嗰個內臟嘅味道冇咁重。加上佢個湯超好飲，所以對我嚟講整體好高分！建議食米腸嘅要試。🍜炸醬麵可惜嘅係炸醬，感覺上比想像中好唔同，無論係個樣同埋味道都唔係我記憶中嘅炸醬麵。除此之外，味道唔算出眾，所以唔好抱太大期望。…查看更多

🦆麻辣鴨血寬粉先講主角鴨血，鴨血未算得上係好入味，但有味既都幾好食只不過係唔重。湯低唔算太辣，食到當少少辣都可以放心叫，寬粉本人就幾鐘意佢口感，整體比想像中好！🐔夜市鹽酥雞本人幾鐘意佢個鹽酥雞，外表炸得好乾脆入面又唔會太乾。而且調味好足夠！相中份量係跟餐加$16既份量，食得曬既加一份我都覺得唔過份。☕️冬瓜茶比想像中飲開既淡口，但好處就係有平時飲開既咁甜。…查看更多

🐣紫菜肉鬆雞蛋仔終於同大家沖出香港，第一次介紹澳門既小食。首先口味選擇超級多！今次就簡左自己最愛既紫菜肉鬆。本人覺得佢最吸引嘅係料超爆滿，粒粒都包左勁多肉鬆！而每一粒都係咁多！如果要挑剔既係，如果再脆多少少就更好食啦。…查看更多

呢個配撘已經唔係第一次食啦，但佢而家殺入元朗作為元朗人點會放過佢呢！芝士味係不二之選會停唔到口！之前試過BBQ味，芝士味不但冇比BBQ味遜色，而且仲係俾佢出色！薯條都係用番我最愛既幼薯條，元朗人快啲去撐場！…查看更多

🐙章魚燒😋整體來講因為即叫即整，新鮮出爐粒粒熱辣辣而且外層香脆，內面粉漿唔多，而且料都唔少，基本既元素都有。原味沙律醬好食 好還原到日本章魚燒經典的味道，明太子就還好，不過有少少辛口，感覺好似冇咁膩。…查看更多

🍔素年經典不可能芝士漢堡不可能！真係不可能！我食到最後都唔相信佢唔係肉，因為漢堡既元素佢都有，除左少左啲牛味，但口感肉汁真係唔敢相信！🌮不可能肉醬墨西哥脆片配純素酸忌廉小食黎講份量都算多，脆片夠乾身就算加左肉醬都保持到脆口，酸忌廉酸酸地越食越停唔到口，做傾計既伴口小食一流！🥣自家製麻醬雞絲粉皮呢個本人就覺得有待改善，因為粉皮本來就冇味，麻醬就成為左個好重要既角色，可惜麻醬味道唔重，相反芫荽既草青味更出，搞到味道有啲奇怪。…查看更多

火鍋湯底濃味嘅就叫咗沙嗲，而清淡少少嘅就叫咗蜆湯底，沙嗲湯底好夠味，又唔會太鹹。而蜆湯底雖然係冇咁濃味，但係亦未至於完全冇味道。火鍋料料方面熱門打邊爐既料都有！而且值得一讚係份量足夠之餘仲好新鮮，而且每樣都好高質，一啲都唔馬虎！肉既新鮮程度係有眼得睇。而且最特別就係紫山藥，店家表示係要夾岩氣候既少有品種。熟食飲品嘩！佢既大大杯飲品真係好爽！如果食辣一直！而且佢仲有提供熟食選擇，為左唔好太飽只係叫左個鹽酥雞，估唔到都幾高質。…查看更多

🐷燒醬油黑毛豬白切肉飯😋首先要讚擺盤，白切肉擺得好靚好整齊，加上黑毛豬一層肉肥一層瘦肉，盡冇違和感。味道上，肥肉夠香瘦肉夠淋，調味哈度好處，加埋泡菜飯既少少少辣，正好解到肥肉既膩。🐟粒粒魚籽與三文魚蛋黄醬飯😋一開始睇到個名已經覺得好吸引，黎到果然達到我的期望值，每件飯卷都有滿滿既魚籽，而且都幾大粒，同三文魚蛋黃醬好夾，飯卷冇咩調味，所以魚籽同蛋黃醬既味好出。🍊濟州柑橘乳酪😋真心而論打卡真係好靚，飲落就真係一般，乳酪冇咩味，味道比較淡，未致於難飲，但對比個對比賣相係差左少少。…查看更多