cczia's Profile

呢間食佐好多次，越嚟越差特別係價錢加佐，但份量超少二百幾蚊一個酸菜魚，得幾塊魚椰菜花味道唔錯，相睇落去，好似都唔太少但其實份量都好少叫兩個餸已經三百幾，完全唔飽性價比好底，唔會再食…Read More

梳乎厘班戟出色，估唔到肉眼扒，意粉都好出色呢間日式裝修，整間店營造出令人舒適嘅氛圍感，職員都好nice，餐牌上嘅食物都有好多選擇，有Brunch，意大利粉/麵，牛扒，日式洋食料理…. 仲有限定套餐，唔知點揀，食呢個最好，唔使諗，而且好豐富我今次就揀佐個all day，肉眼牛扒，蜆肉扁意粉，再加兩杯飲品all day真係超豐富，有齊沙律，牛油果，大啡菇，煙肉，腸仔，黑松露滑蛋，乳酪，牛角包窩夫，另加佐份煙三文魚，食得出食物都好新鮮，而且份量好多肉眼牛扒叫佐7成熟，肉質鮮嫩，啖啖肉，超愛蜆肉扁意粉，呢個做法幾特別，香辣惹味，麵體軟硬適中，食落口感好fresh，而且蜆肉真係好多，值得一試飲品叫佐flat white同mocha，咖啡係深焙，奶幾香滑，易入口，mocha朱古力好濃郁，唔太鍾意飲咖啡嘅人，一定要試吓呢杯估唔到雖然主打食pancake，但原來其他主菜都好高質，好適合一大班人叫多幾款一齊share食，咁就可以試多幾款😌藍帶廚師主理超人氣梳乎厘班戟梳乎厘班戟出色，估唔到肉眼扒，意粉都好出色呢間日式裝修，整間店營造出令人舒適嘅氛圍感，職員都好nice，餐牌上嘅食物都有好多選擇，有Brunch，意大利粉/麵，牛扒，日式洋食料理…. 仲有限定套餐，唔知點揀，食呢個最好，唔使諗，而且好豐富我今次就揀佐個all day，肉眼牛扒，蜆肉扁意粉，再加兩杯飲品all day真係超豐富，有齊沙律，牛油果，大啡菇，煙肉，腸仔，黑松露滑蛋，乳酪，牛角包窩夫，另加佐份煙三文魚，食得出食物都好新鮮，而且份量好多肉眼牛扒叫佐7成熟，肉質鮮嫩，啖啖肉，超愛蜆肉扁意粉，呢個做法幾特別，香辣惹味，麵體軟硬適中，食落口感好fresh，而且蜆肉真係好多，值得一試飲品叫佐flat white同mocha，咖啡係深焙，奶幾香滑，易入口，mocha朱古力好濃郁，唔太鍾意飲咖啡嘅人，一定要試吓呢杯估唔到雖然主打食pancake，但原來其他主菜都好高質，好適合一大班人叫多幾款一齊share食，咁就可以試多幾款😌…Read More

富華食過好多次好早之前食過，覺得麻麻近排食過之後，覺得食物比以前進步好味佐，今次午餐時間經開荃灣見到有就入去食午餐set都有好多款，有牛扒薯菜，意粉焗飯，感覺幾吸引，最後叫佐個西冷牛扒拼辣肉腸十薯菜，$68點知上菜時，我真係凸咗一凸，兩塊西蘭花－個蕃茄，好薄一塊西冷，一條辣腸唯一一個正常size係薯仔，自問唔係大食但你收$68蚊，出呢個分量給客人你都夠膽收？良心何在？雖然呢間係咁，但我都會留港消費，支持有良心嘅餐廳…Read More

夜晚行過經開附近見到呢間餐廳就入去食叫佐個豬扒，雞扒雙扒意粉餐一上抬我真係嚇佐一跳，唔係吧豬扒完全係放佐好耐，又乾又柴，而且好膿雞扒得半塊，意粉完全冇味問佐著白色衫個女經理佢話佢地個出品就係咁，雞扒只有半塊我完全0咀，真係好野，服務唔敢有要求但個態度真係都幾差，比錢受氣而且整個餐好似廚餘咁樣都可以上餐比客人食有心去支持香港飲食業，但原來飲食業完全唔憂做，老實講，見到呢個出品同態度好難會再去食，見到都怕…Read More

呢間之前係荃灣堂食過幾次服務都幾好，但土瓜灣呢間完全另一回事今次經過土瓜灣附近見到有分店就行過外買返屋企食，我同個職員講要一個泡菜牛肉豆腐湯， 炒年糕個職員話要唔要＂dede ＂啊⋯⋯真係get唔到咩意思，我話可唔可以講多次，跟著個職員態度好囂張，反白眼咁對著我我真係嚇親，唔係吧，你自己講野唔清晰仲咁惡劣嘅態度對個客，真係好無話返到屋企試佐個泡菜牛肉豆腐湯，牛肉真係咬唔爛，完全食唔到，認真比起荃灣果間相差太遠，特別係職員咁差嘅態度，講真真係冇下次…Read More

今日行過元朗超肚餓一見到呢間茶記就行去食我哋叫咗兩個常餐，一個係蜜汁叉燒米粉另一個係雞翼公仔麵，加炒蛋野飲就叫佐熱檸茶凍檸茶職員上一上到碗蜜汁叉燒米粉，由於太肚餓滿心歡喜即刻食，點知出事，個湯底又咸又甜，真係好難食，同職員反映佢好強硬個語氣話個湯底一直都係咁，好理所當然，真係第一次遇到一間咁嘅餐廳，食物難食仲要客人硬死，真係0曬嘴，在我堅持最後先換咗另一款雪菜肉絲麵比我，點知一樣咁難食，我費事再同佢吵，食咗幾啖就走人，豪比佢，真係估唔到呢間咁唔掂，難食仲要人硬食，職員態度仲咁差，真係好離譜。…Read More

唐記嘅包由一開始開店食到衣家平時都好鍾意係唔同分店買來食整體來講都好食，而且價錢都算抵雖然已經加左價今日去咗九龍灣地鐵站分店買佐個饅頭買完企係旁邊等叫攞入面有兩個職員，一個入好個包係袋之後交比另一個職員攞比客我正正企係攞包職員面前我見入面個職員將個饅頭跌佐係地下跟住執返個饅頭直接比另一個職員比我我完全見到呢個過程，而且職員都見到我見到呢一幕，但衣然比我，我真係0曬咀，我立即要求一個比我，當然最後職員有換一個比我，但我相信佢一定將呢個跌咗地下嘅饅頭比下一個客人，因為佢明明見到我見到呢－幕但職員都仲可以將呢個跌咗係地下既饅頭俾我，你哋係做飲食行業…Read More

呢間bookmark佐耐，終於約佐朋友去我特登book佐台，仲要求要圓枱但到佐餐廳職員比佐門口個位比我我同職員反應返book時已經有特別要求呢個職員好理直氣壯話，圓枱只比三個人以上，兩個人嘅唔會安排，我心諗點解之前唔告知，仲要我黎到先知，態度都好差本身想走，但山長水遠一場黎到為有照食了，我哋揀佐兩個餐紅酒牛肋骨扁意粉$168香煎北海道帶子番花紅意大利飯$188飲品：熱朱古力$40，flat white $40另加一兩個餐擺盤都好靚，但份量超少，味道好普通，食完覺得仲好肚餓，朋友個食量好細仲係食過早餐都覺得好似冇野落肚我哋係book佐1點半，我朋友1點半去到攞位先，我大約1點50先到，之後我哋先開始點餐，點完個餐已經2點零，食物一來到我地影佐幾張相，大約2點半，之後職員行过嚟同我地講，我哋淨返半個鐘頭要交枱，我0曬嘴，我哋d野都全未開始食，你同我講得半個鐘頭我要食完？唔係啩，去茶餐廳食飯，我都可以有時間食吓飯，你依家呢個餐廳價錢都唔係便，有加一，要客人係半個鐘頭食完，真係第一次見到咁差嘅服務我哋雖然係book佐1點半，但我哋1點50先開始點餐，如果你哋計時間，你可以係我哋點餐時同我講我要3點交枱，而唔係中間同我講得半個鐘頭要食完一開始安排已經錯曬，仲要客人半個鐘頭食完交枱，真係離晒譜順便講下，送餐職員都幾nice,唯獨安排座位果位職員態度真係差，你呢間餐廳唔係茶餐廳，咁嘅待客態度真係好唔得，講野态度好差，好似欠左佢十萬九千，真係冇下次…Read More

早排去元朗順便去佐呢間咖啡店水泥簡約裝潢，細細間，好溫馨假期下午時間，大約等佐10分鐘左右就有位主要都係輕食同蛋糕，食完午飯可以tea 吓我哋叫佐一杯flat white&朱古力&all match toast-朱油果+炒蛋呢杯咖啡入口香醇濃厚嘅咖啡口感真係一試難忘，真係超愛呢咖咖啡嘅純度，咖啡超香朱古力相對咖啡略一般佐D,不過都唔差朱油炒蛋土司都幾好食又足料下次一定要再嚟☺️…Read More

一早已經想黎，但怕假期太多人一直冇去好不容易平日有時間就去了，不過最終都係冇坐到我想坐果個sofa 座🥹Latte $42柚子蜜桃梳打$48四重芝士慢煮牛小排三文治$88芝士牛小排三文治，係用碎牛再加上半溶芝士，芝士味真係出同碎牛一齊食味道好惹味，另加佐椰菜花粒，中和碎牛芝士嘅油膩感，整份食完都覺得好fresh，唔錯😆Latte易入口，奶偏多，我就一般般而另一杯柚子蜜桃梳打，酸酸甜甜夏天飲幾適合.呢間我好鐘意佢個環境真係好舒適，野食都唔錯，一定要再來😌…Read More

之前去Mikiki行街，行到夠鐘食飯見到有間日式料理店，除咗丼飯仲有咖喱飯拉麵……日式小食都唔少，品種好多我哋叫佐個2人套餐$235加－主食叫佐－個親子丼，一個滑蛋豬扒飯小食有三款，炒魷魚鬚，芝士雞翼，南瓜炸薯餅，兩個主餐都一般般，係個滑蛋豬扒d豬扒相對好食d幾香脆，肉質都算嫩，個親子丼真係超一般😂三款小食都好食，特別呢個南瓜炸薯餅，真係必叫，食落脆卜卜，入面d南瓜蓉超香甜又夠粉，超鐘意，炒魷魚鬚同埋芝士雞翼都唔錯，呢個餐食得過，小食相對比較優秀，值得一試🥰…Read More

之前食過覺得唔錯所以見行開九龍城咪再去食，點知質素下降價錢又貴佐呢個海南雞飯份量少都可憐，而且肉質唔夠嫩，飲仲要係白飯，連油雞飯都慳埋🫣$81呢質素比起出面求奇－間$50幾蚊嘅質素都差，呢度仲要加一另一個係咖喱牛腩飯$81咖喱係幾入味，牛腩又係少都可憐，全部都係d配菜🫠串燒$57 得三串，－串成$19蚊，味道都好－般，全餐食完都唔飽，仲要加－，整餐咁就食佐2百幾蚊，真係唔知食咗咩🥹好多普通餐廳好食過佢都大把，唔值得黎.…Read More

呢間餐廳去咗好耐，甚至已經忘記要分享⁣近排見到好多人去所以先醒起，分享下⁣我哋果日係晚餐時間，前面有兩個人排緊⁣排佐8分鐘左右，就可以入座,都算快⁣餐廳好少位，我記憶中得四，五張枱⁣不過座位方面設計都算舒適，幾溫馨嘅感覺⁣⁣晚餐有套餐同散叫都有⁣我哋叫佐一個兩人套餐，揀咗一份牛肉拌飯，一份炸雞，一份紫菜包飯，包兩罐罐裝飲品，仲有小菜，每樣都好足料，特別份拌飯，拌飯嘅牛肉同青瓜絲，蘿蔔絲，涼拌菠菜，蘑菇，翠玉瓜….好豐富，食到好飽⁣炸雞都好香脆，肉質鮮嫩，再蘸埋佢地個自家甜辣椒醬，酸酸甜甜幾開胃，紫菜包飯都唔錯，飯少料多，不知不覺好快整條都食曬⁣⁣總體來講都幾抵食又足料，下次想試煎蛋蛋卷，我見都好吸引咁😏⁣⁣⁣⁣⁣⁣…Read More

黎西貢一定要試吓呢個乳酪雪糕🍦每次黎西貢就會去買糕點，菠蘿包今次終於有新寵，就係呢個乳酪雪糕真係超多人排隊，有杯裝同筒裝杯裝成200g,如果唔係有人同你share 真係都幾大杯吓，我見好多人都買杯同朋友仔一齊share,因為只有我一個人食，最後我揀咗筒裝，而且杯裝靚仔好多，筒裝影相冇咁靚，不過最重要好食就得了😎我仲加佐個芝士蛋糕，細細個，加埋乳酪雪糕一齊食真係又香濃又滑如果係杯裝可以叫多兩個加配，真係好豐富下次要買個杯裝試吓😝…Read More

早前去咗呢間coffee shop，雖然細細間但係都幾舒適，果日下午時間都爆場，見門口位冇人坐，所以我哋揀佐門口外，不過果日真係超級曬，下次都係要甚重考慮先🫣Pasta with Mussels in white wine$98Flat white $40Ice Chocolate $52咖啡真係幾唔錯，好香醇，酸度好啱我口味而杯凍朱古力就一般般，最令人有驚喜係呢個白酒墨魚汁意粉，青口嘅份量都幾多下，墨汁意粉好有彈性，超鐘意呢個口感，蒜香味超濃郁，真係好香，呢個真係必叫…Read More