chung_0245's Profile

一開始係比餐廳既環境吸引到，同朋友都好想試下。打電話去訂枱，無人聽電話的。咁我就特登walk in去訂下一個月的after lunch 窗口位，咁個職員都話可以mark低，不過唔保證有窗口位，咁我都ok照book。到左當日我都預早到左報到，職員已經話今日無哂窗口位…我已經有啲失望，始終一早訂左，不過間餐廳出左名，個個都係想坐窗口位，無位我都明。佢話園景都係窗口位，問我地坐唔坐，我心諗咁都得，我當日係指住湖邊窗口位話想坐果度，佢就好似求其想我知難而退咁。我就本住佛系心態，一路同佢繼續交涉。咁我問佢如果想坐窗口位幾點先有，我可以照等，佢話: 講咁耐都係要坐窗口位姐，要四點後喎，不過無野食。態度已經係帶不耐煩。我聽到佢咁寸已經嬲嬲地但我又見到佢窗口啲枱有哂reserved 既牌，我問佢reserved 果啲枱幾時訂架，佢答我2個月前…2個月前餐廳都未營業啦，想耍我都諗真先講。唉，講到咁真係有位都無心情食，貼錢買難受，仲要睇過食評話食物唔出色。咁都無謂要大家難堪，我決定放下，證明我同呢間”高級餐廳”無緣。我認為服務都係整個用餐體驗很重要的一環，雖然態度語氣都係觀點與角度問題，不過我個人感受真係好差，就算將來餐廳唔洗訂位，大把吉位，我都係會笑一笑經過，免費都唔會有興趣入去食…Read More

拎左外賣行左陣街，番到屋企都隔左2小時，個湯都仲係小小熱的即刻開餐蓋上面已經寫好係咩嘢湯底，不過一聞都分得出，因為黑蒜藥膳湯實在太香，同埋一定要配新竹米粉，夠晒煙銀彈牙又可以吸到湯汁。雞件一碗都有四五件，唔係滑雞不過都有雞肉香，仲會有幾粒雲耳。湯底好足料有藥膳香味，仲有紅棗杞子龍眼肉，數量都好多。我叫套餐會配飲品，每次都會揀愛文芒果茉莉花茶，好香芒果味，配藥膳湯一鹹一甜，令人胃口大增。每次我都會飲晒個湯，正常都會有味精，但係飲完都唔會太口渴，食完個人暖粒粒，好滿足。…Read More

見到係日本過江龍已經令我為之心動💓，係日本要排長龍先有得食，難得經過唔洗等，梗係🐶衝入去食啦😆。其實菜單得三款天婦羅丼飯，都唔洗點諗就揀左江户前天丼，要試就食個最貴既🤗🤗。雖然都好想試下個菇菇🍄天婦羅，追加一份又好似太多野食，等下次先試啦。落左單等食期間就飲下黑豆茶，黑豆茶材料簡單又好有益，水怪本人飲左好多杯😂😂，打個底食炸野都無咁內疚。終於等到上菜，woww同菜單張相一模一樣，好似Copt and paste咁，職員好細心介紹要點食，不過我都係free style亂食😂。個魷魚天婦羅好正呀，炸左都好濕潤，又脆又軟，好食。原來個碗係裝假狗，好淺，仲以為好大碗飯，都好既，多都食唔哂🤣，飯都有d醬汁，係珍珠米，好食既👍🏻食到一半就整爆個天婦羅蛋🤤🤤🤤嘩，金黃色蛋漿流出來簡直係視覺享受，撈飯食好正，有蛋香🤤🤤🤤。整體來講炸物新鮮炸全部都香脆好食唔油膩，淋埋醬汁送飯一流，仲配左d前菜開胃，跟埋個麵豉湯，全個set合格有餘！…Read More

成日經過佢個餅櫃都鬼死咁靚.....今次我個甜品胃發作仲睇中左佢個鮮忌廉朱古力蛋糕 12cm 價值$135。講真而家買件靚d既切餅都四五十蚊，咁呢個價錢我認為好合理，就買番個試下！店員仲好好，問我蛋糕係咪慶祝生日用？口快快答左係😂😂😂。拎左個蛋糕就急急腳番屋企嘆🥰🎉🎉。一打開，shit...放左兩個冰種係入面，好細心呀😭😭好有日本既感覺。之後再望望，唔係掛😱😱個生日牌係塊朱古力，寫日文，重點係好好食🤣好彩要左姐😍😍，諗起當年連鎖西餅店都有朱古力生日牌，不過好難食，甜到hihi，搞到我對生日牌有陰影⋯⋯。之後我認真望下個蛋糕面.....想點呀，有四粒生朱古力，黑白朱古力各一片再加多粒波波朱古力....洗唔洗咁多，為咗方便切蛋糕，我唯有食哂佢地先😅。丫，每一款咁鬼好食既....，生朱古力好香滑呀！未食蛋糕我已經食左一堆朱古力🤣，終於開始食個蛋糕，切四分一試吓先，d忌廉好鬆軟，夾心應該仲有d脆脆，多左一種口感😋。全部食材都好融洽相處，無搶大家風頭。為表誠意，最後我係啪哂成個蛋糕😂，諗起都爽！…Read More

石門突然開左好多新食店，搵到呢間食日本野，個門口好日式有feel店仔細細竟然有間獨立房仔，坐到六個人左右。講下食物先: 1. 個海膽壽司好靚仔，食落都ok2. 牛肉烏冬湯底好淡，烏冬係扁身果隻唔夠彈牙3. 好彩叫左個寿喜燒煱，可以配烏冬就有味好多，正常寿喜燒既味道4. 有兩碟唔記得乜乜卷，味道一般無乜印象5. 三文魚松露釜飯，呢個超好食，加得松露一定好香職員會比個原貌你睇睇影下相呃like，之後佢會幫手撈好個飯再分比你，岩哂我地d懶人，個飯好香好有味道，仲有小小飯焦，我一個可以隊哂全份囉！6. 炸蝦天婦羅新鮮炸好脆口，正常好食7. 南瓜天婦羅又係好好食，好甜好薄好脆食物份量偏細....三個人都叫左好多野食，但又未係飽到上心口喎Like jor Facebook page仲有野送，三個選擇中竟然有Asahi 總結，為左釜飯值得去試一次！…Read More

呢間酒樓開左咁耐都未幫襯過，見今日天氣好，行下海濱過去食晚飯。見有孖寶優惠就揀左松子魚同椒鹽魷魚，松子魚炸得好香脆配酸汁好開胃，椒鹽魷魚就比較細碟，不過都係新鮮炸熱辣辣好香口。用優惠價加咗個肥牛粉絲煲，呢個送飯一流，所以我叫左個鮑汁炒飯，其實個飯淨食都好好食好夠味。仲有叫左個小食九肚魚，又係細細碟得幾條，不過都好食，係新鮮即炸既。仲有叫埋西檸雞，酸度剛剛好，好開胃，d雞炸脆左吸哂d汁好正。不過最後係敗在個西米露，其實加蘆薈都有d九唔搭八，不過其他又唔岩食就試一試啦，第一啖我無乜味既？？？25蚊喎大佬，有需要溝咁多水嗎？？又細碗喎。總結，食物係好食，上菜速度快，新鮮熱辣，價錢就中上，間唔中食一餐半餐啦。職員有禮貌，主動勤力。係衰係碗糖水度…Read More

去完海洋公園行幾步就到酒店食自助餐。所有野食都好新鮮放得好整齊。一開始食d熱野暖一暖胃，去左拎清蒸龍蝦，每人半隻，係師傅即刻開邊，肉質好爽有膏，好食過好多酒店提供既橡膠凍龍蝦，我係一共食左6半邊，去到自助餐尾聲師傅都繼續新鮮蒸出嚟，好有心供應比客人食。之後就試下鴨肝，一般般正常貨式，底下塊包放到好um，可以分開放比人自己夾會好食d。跟住係和牛，有師傅即場煎，超香，有肉味好肥美，食多兩舊會好滯但都忍唔到，真係太香。好彩有燉湯供應，清清地，熱辣辣飲完解油膩好舒服。之後再戰甜品，比個雪糕櫃迷住左，有好多品牌供應，食左勁多。其實有好多野食不能盡錄。可以話整體質素係好高分，職員都好有禮貌，收碟又快。極推薦，加上而家有海洋公園站，超方便。…Read More

經openrice訂枱有9折喎，睇介紹有酸菜魚食，咁就訂枱試一下啦。 早左小小去到問下職員係咪有酸菜魚食，點知原來要訂架，職員都好好，介紹其他野食比我知，不過我一心想食酸菜魚，咁唯有下次打去訂啦。我見入面環境都幾舒服，卡位都好闊。下次有機會要試吓…Read More

見咁多好評就去試下，首先講環境，坐位一般啦，如果諗住坐耐d嘆茶就難d，因為有d椅子無椅背，地方都不夠空間，不過做生意想放多d枱都明既佢既燉湯咁出名，一定要叫，咁叫餐好似抵d，散叫一個湯都四五十蚊，餐都係加廿幾蚊姐。餐叫左點心拼盤加川弓白芷魚頭湯，另外叫多籠包。首先上左個湯，好誠實地有齊魚頭(2小件...)及各類藥材，一打開蓋，嘩，勁香藥材味，心諗今次勁野無中伏，飲番一啖先，無味既............真係好健康喎.............期望太大，果一下真係失望到一個點....唔怪得枱面有樽鹽...一定要落...比四五十蚊我真係唔會特登黎飲...d湯料都係交功課出現一下咁....其他點心都好似係番貨質素，無驚喜無特別...總括黎講，飲茶食點心都係正正經經去番酒樓吧啦…Read More

見呢間餐廳係openrice都好多好評，食物賣相都唔錯，就去試一試。今次係平日午餐時間去用膳，人不算多，一個人去不用撘枱，set lunch平均$100有找，龍蝦湯要加錢，幾濃味。主菜係蒜香蝦炒天使麵？個名唔記得，都唔重要，重要既係佢好好食！蒜頭怪最愛，超重蒜香味，炒天使麵好彈牙，每一條都有蒜香味，仲有大量蒜片，食完口臭一日都甘心。d蝦應該係雪藏貨，無乜蝦味。整體個意粉真係好出色，煮得剛剛好，火候控制得好好。餐飲要咖啡好似要補差價不咖啡癮起都無辦法都要加錢…Read More

次次食simplylife都係食牛扒同菇意粉品質好穩定，次次都好食。跟牛扒既薯條好惹味，意粉好多菇好香。今次個餐湯係菇湯，simplylife既餐湯偏向淡味，我麻麻地。…Read More

晚餐時段只有散叫，前菜叫左黑松露薯條，薯條真係薯仔連皮切條炸，黑松露就係點醬，呢個配撘係好食，不過好似都要六十幾蚊。主菜叫左carbonara ，無味既？？好清淡....仲有叫左個煙三文魚pizza，原來pizza係香草包加topping...一般啦，無乜特別。兩個主菜都無乜味....不過餐廳環境幾好，好文青feel，比你慢慢食唔會理你，又有室外位置。點餐就半自助形式，要出櫃枱點餐比錢，之後服務生會將餐點送上，餐具、醬料、飲用水有個corner放好哂比你自己拎 。食一次夠嚕…Read More

見佢米之蓮推介，本住一試無防既心態去食下，點知有驚喜！一坐底就會奉上熱騰騰麵包一份，望落去乾爭爭，好似麻麻，點知食落好正，好香好脆，唔會乾，剛剛好，一食難忘，好快已經食哂，服務生有問需唔需要再添，不過夠食就算了，無再添。之後有d後悔，真係好食Lunch time有set，叫左2個course，前菜要左煙三文魚沙律，正路貨色，好食。Main course 要左石斑魚海鮮湯，石斑魚煎到皮脆肉嫩，海鮮湯好香甜好鮮味，好夾好好食另外再散叫一個carbonara ，d意粉係餐廳即日自製，口感好好，個汁好creamy好香，仲有風乾火腿粒，regular size 兩個人share食剛剛好，不會太heavy。食到開左胃，再叫多個7吋pizza，都無令我地失望，超多芝士，熱辣辣，個餅底又係好脆好香，一流成餐飯都好滿意，食物好好食，每食一道菜，服務生都會換一個新碟，唔會影響每道食物既味道。同埋每道菜會你差不多食完再奉上，服務很用心！好推介，一定會再去。…Read More

叫左A10辣蝦湯蝦肉魚片米粉配熱檸蜜。好快就整好送到我面前，第一時間飲下個湯先，好香好濃，叫米粉可以吸湯汁，蝦肉魚皮份量都好多，整體來說好好食，去開灣仔會再去食。不過地方就好窄，坐面壁自閉位，迫到手踭撞手踭。快快食完走人。…Read More

食物1. 黑松露蘑菇意粉一直都好食菇菌類，所以呢個意粉好岩口味，好香黑松露味，好多雜菇，意粉Al Dente，好好食2. 炭燒美國安格斯肉眼16oz炭燒味唔夠，可以再香d，都有肉味，$308..16oz算抵食，配黑松露薯條，唔錯3. 跟set配菇湯，足料有菇粒，好飲環境地方淺窄，枱與枱之間好近，隔離講乜聽得好清楚職員職員都算友善…Read More