JJon99's Profile

見咁多人 comment 幾好，又試下佢，但可能咁啱我唔係咁好彩…啱啱收工過去買外賣，可能時間比較夜（7:30pm左右？ 員工有禮貌，落單，攞外賣全程都無咩問題。 但食物嘅質素就…1） 胡麻醬手撕雞冷麵： 麵淋溼溼，好似放咗一段時間咁2） 香腸肉鬆手抓餅： 手抓餅唔香，生菜睇到唔新鮮3） 韓烤牛肉便當： 烤牛燶晒，餅… 好難食4） 鹽酥豬排便當： 鹽酥豬排OK，但餅都係好難食…5） 塔香鹽酥雞： 呢個OK，咁多樣嘢入面，呢個最得6） 黑白撈撈： 爆珠，珍珠，芋圓都好似未熟咁…7） 珍珠奶茶： 呢個最慘，未食過咁難食嘅珍珠，好似入咗雪櫃幾日咁…可能真係咁啱我唔好彩 *嘢食就無影相，為有post 單…Read More

講咗總結先：食材- 以火鍋放題黎講，高質。（唔會好似其他火鍋放題咁，第一轉嘅食材ok，但 encore嘅食材就差好遠）環境- 裝修望落係舒服嘅- 座位舒服（但可能因為咁啱未有 4人枱，又無人等緊 6人枱，前面嘅靚女姐姐比咗張 6人枱我地）- 乾淨程度要扣少少分（可能趕住執枱比我地？ 地下仲有 d 垃圾）服務- 好好，真係要讚下前面兩位靚女姐姐，我一直企係前面聽到佢地對住唔同客人嘅「特別問題」，都一直好有禮貌咁回答。 其中一位靚女姐姐知道我同行有兩位老人家（大鄉理，第一次食，問下長者優惠嘅問題），就話「其實轉彎有個打卡位，如果無人坐/無人照相，可以叫老人家坐住先。係食得有 d 趕嘅（係 120分鐘，但因為差唔多 9:30pm先入坐，10:30pm 廚房就截單）。咁但係琴晚係元旦ma，比 d 同理心，無問題嘅 。其實我地又唔係要慶祝/倒數先出去食飯，只係出開新都會買嘢，諗住食埋飯先返屋企，但完全唔記得琴晚係完旦，等咗超耐，等到老人家都差 d 訓著 。 不過，入座後見到 d 食材，又覺得值得 。已經係 APP攞定飛，諗住唔洗等咁耐，不過原來係會先入打電話/網上訂咗位嘅顧客先（APP攞飛同walk-in計，大鄉里第一次黎食 🤣）以為到咗 83號，好快到 87號，8:20pm左右就係果度等，點知最後等到 9:24pm先入得 🥲…Read More

食完牛角次男，當然食埋個甜品先返屋企 太太話之前同朋友係附近食過一間甜品店，個椰皇好好味。 咁就問佢係邊ka?「唔知wor」；咁附近有咩ka?「唔知wor」😑😑 真係多謝曬。既然太太比嘅資料咁有用，唔係搵唔到ma，最後皇天不負有心人，終於比我搵到，原來係呢間 Sweet Heart。 一去到門口，見到都有人係門口，入去問下兩位要等幾耐，馬上有位，咁就坐底食埋先 太太叫返佢最愛嘅椰皇系列，我呢 d 咁傳統嘅老人家，食返芒果西米露就得 …Read More

牛角次男之前都食過好多次，但耐無食又想去食，貪佢重口味 d and 最重要有我喜歡嘅牛舌 因為時間關係，一坐底基本上已經可以落單（唔知幾時改咗自己係電話落單，對上果次仲係入坐之前叫 ）同太太一人一份，太太叫果碗咩都有 d，貪佢可以一次過試返 d 口味，我就當然係為咗牛舌啦～ 不過係我太耐無食？ 我就覺得同之前差咗少少，好似我碗牛舌丼咁，牛舌唔夠熱，飯又有 d 硬，但我太太果碗嘅肉係夠熱嘅，可能只係我果碗嘅問題？加配方面，我地加咗一份炸花枝，一份炸「蟹肉餅」（唔記得咗個本名 ）都係一般般。 所以整體都係覺得差咗…Read More

身為香港人，對打邊爐呢個香港文化當然要深入研究下，話說真係有段時間無打邊爐，一講起就口痕，點知又咁好彩，約即日都約到，無奶油唔打啦？ 雖然唔係第一次去牛大人，但因為之前都係去旺角多，今次試荃灣呢間，點都要記錄下。 到咗「英皇」（係，我嘅年代係叫英皇，改唔到口ka；之係叮噹永遠係叮噹一樣 ）要排隊坐lift就預咗，但上到去一開門全部都係人就真係「嘩」咗出黎（鬼叫小弟見識少咩），好彩都係等一陣就入得。 我地一行四人，分工合作，一個坐底就舉手落餐落湯底，另外兩個已經攞咗個「碗」出去攞配菜 。上餐速度幾快手，負責攞配菜嘅兩位朋友返到黎時，其他肉已經到咗，prefect 湯底一如既往嘅濃、配菜一如既往嘅多選擇、第一 round 嘅肉一如既往嘅比之後再叫嘅好（睇第一張相同之後兩張相就比較到）。 真係要挑剔嘅，可能係地方真係唔夠旺角果兩間大，枱與枱之間嘅距離 and 入口等候嘅位置都相對較迫。…Read More

老婆之前試過黃金海岸果間話唔錯，屋企附近開咗間，當然要試下佢 去到等咗一陣就有位，一坐底就馬上落單（未到已經睇定，諗定要食咩 ）叫咗一份豪華和牛肉壽喜燒定食，一份豪華吉烈定食（有豬排 and 廣島蠔），加份「提拉米蘇白玉窩夫」（咁上下名）和牛壽喜燒嘅和牛嫩口，吉烈定食方面，吉烈蠔火候控制得幾好，但吉烈豬排瘦咗少少，肥返 d 就 prefect 本來無對甜品有好大期望，但甜品原來最有驚喜，正 卡位坐落幾舒服，坐位間隔唔會好逼，整體感覺係舒服同乾淨嘅 …Read More

太太話近近地有「疏乎厘pancake」食，馬上打去 book位，一放工就狗衝過去（為咗疏乎里pancake，幾盡都得 ）去到見到好多人，我估大家都係為咗打卡，因為基本上都係女性 。 可能因為 book 咗位，基本上都唔洗等；同事帶我地到樓上坐好後就 scan QR code 落單，但… 問題就開始了所有疏乎厘pancake都 sold out 我地一家三口就係為咗疏乎厘pancake過黎… 黑仔到爆。 好失望咁叫咗一份黑松露炒雜野菌雞肉烤薄餅，一份脆炸軟殼蟹鹹蛋黃蟹籽忌廉意大利麵，一杯 flat white，及一份蘋果金寶火灸焦糖蛋捲配雲呢拿雪糕草草了咗個晚餐就算。嘢食嘅咩全部都改到水蛇春咁長，味道一般，無咩特別，杯 flat white 連包糖都唔比我（可能只係我嘅壞習慣加糖？），甜品上面個最唔應該出問題嘅雲呢拿雪糕嘅口感都非常「特別」…非常失望嘅一次經驗…Read More

做嘢做到無停手，雖然過曬 tea time，咁就黎個 early dinner，拍返杯咖啡止下頭痛先。行下行下，黎到一盞燈門口，睇落環境幾好，裝修得好似都唔錯（以長沙灣區黎講），就入去試試佢。入去揀咗個角落頭嘅卡位坐好，好快可以放鬆落黎（可能被店舖氣氛影響？）因為之後跟手返屋企食飯，係咁e 叫個 burger 同太太 share，兩杯嘢飲就算。最後叫咗個西班牙黑毛豬 burger，叫咗杯瑪奇朵，叫咗杯一草一天堂慢慢 relax下。一草一天堂一上，我同太太不約而同地笑了，因為上面個拉花係一隻豬 瑪奇朵反而有少少驚喜，i mean 個 size，好似杯 shot 咁細細杯（冇諗過咁細） 個西班牙黑毛豬burger就有少少失色，成個 burger 都只係暖暖地（無奶油我打卡打到包都凍埋 ）整體感覺，環境OK，食物有待改善 …Read More

D2 Place one 新開燒肉店，既然新開當然唔好放過試下佢同太太一齊去試，小試牛刀，叫咗一份 炎藏和牛極致6點拼盤 + 一份和牛炒飯極致 6點拼盤有6款唔同部位嘅牛，全部都好高汁，可以話入口即溶，食到我同太太都心心眼 相比之下和牛炒飯就失色少少店內地方都好闊落，一家大細應該都唔係問題。點餐可以直接用電話掃枱面個QR code，非常方便。絕對可以再 encore 期待下次試下佢地 d 燒牛脷 and 和牛西冷薄切大判燒* 門口仲有部機可以影 AR和服相 …Read More

好耐無一家三口出去食嘢，之前太太同家中小公主講過，搞到小公主都好期待，所以搵咗晚收工後，掛名係自己嘅生日飯去試試佢 行緊過去已經見到成條隊，最後因為無枱嘅關係，但又想滿足小公主，最後決定買外賣返屋企食（外賣返屋企食係會凍曬，但好過見到小公主失望果個樣）。我地叫咗一份龍蝦沙律，海膽意粉，牛油果漢堡包，士多啤梨疏乎厘 pancake。 最後好好彩，因為一件事，令到我地可以享受到熱辣辣嘅美食（轉頭先分享發生咗咩事）。龍蝦沙律：明顯眼到大份龍蝦肉，新鮮嘅沙律菜，新鮮嘅牛油果，粟米，蛋，及少少點綴嘅魚子/三文魚子海膽意粉：海膽有一定分量，加埋隻半生熟蛋 牛油果漢堡包：漢堡牛肉多汁鮮嫩，加上有牛油果（我係牛油果怪）士多啤梨疏乎厘：啱啱出爐，熱辣辣，再加上果個 cream and 水果，yummy～～  （直係唔敢想像，返到屋企凍咗，對佢嘅評價會差咗幾遠）好好彩事件：如以上提到，一去到已經見到成條隊，不過既然一場嚟到，排就排啦 排咗一陣，有位店員出黎數咗一數，都同我地提過，因為我地都係後補第4台三人，有枱機會好渺茫，建議我地考慮外賣（呢個動作我覺得好窩心，唔洗客人等到尾先知無枱，話曬排隊都攰）。因為公主非常期待，我地就博一博，繼續排。排到最後，因為堂食客人到 9點都未有離開，最後太太 and 公主都好失望，唯有買外賣去滿足佢地。係等外賣嘅期間，奇蹟一般嘅事情發生咗，有兩枱分別前後腳離開，其中一位台員（我諗係經理）走過黎同我地講，可以比我地坐底食埋先，但只可以用外賣盒 and 只可以比我地食到 9:40pm。呢一個少少嘅舉動，對好多人黎講可能唔係咩，對店員/經理黎講，可能只係做多一枱，少一枱嘅分別。但對我地一家黎講，係一個好窩心嘅舉動。公主仲叫呢位員工/經理做「天使姐姐」。就係因為「天使姐姐」及當晚嘅各位員工幫忙，我地先可以享受到熱辣辣嘅晚餐。…Read More

見到網上好多人討論呢間「過江龍」，既然係咁，當然要搵個借口試下佢。收工過到去，排咗一陣就入得，比我預期中快（可能朝聖嘅人群已過 ）。等緊位時，已經同太太把握時機諗好曬食咩，所以一坐底已經可以掃QR code點餐（一分鐘都無浪費）我地兩個人都眼闊肚窄，叫咗兩份蛋包飯（漢堡扒 and 吉烈豬），龍蝦湯，忌廉蟹餅 and 原味疏乎厘 pancake。龍蝦湯：太鹹 忌廉蟹餅：太 creamy（可能我地食開Outback果類美式蟹餅）兩份蛋包飯：配菜夠新鮮，配色好靚。漢堡扒一般，燒汁等有特色；吉烈豬太瘦，咖喱汁ok原味疏乎厘pancake：成為咗當晚最出色之選好多人對佢地有讚有彈，我個人覺得「正常law」未試過可以一試，我試完暫未有衝動再去 …Read More

返屋企途中，順便去買埋外賣返去食，搵搵下 openrice 見到吉川爸爸，照慣例，未試都想試試，所以就走過買兩份外賣試試佢。Menu唔算多選擇（啱晒我呢啲有選擇困難症嘅人）最後咗咗份吉列豬扒烏冬 及 和風牛肉配冷蕎麥麵+柚子汁外賣盒以分層設計，就算吉列豬扒都唔怕比烏冬搞到「淋治治」，跟餐嘅醬汁都好細心咁用貼紙分開，唔洗返到屋企再估估下邊個汁 for 邊個餐（豬扒汁有個豬頭貼紙，柚子汁有個柚子貼紙）以呢個價位，份量十足；味道方面，我個人覺得個柚子汁酸咗少少，豬扒汁超正唔知係太餓 or 太期待？ 竟然食到一半先記起未影相，為有切頭切尾咁影 …Read More

今時今日嘅長沙灣，要搵四十頭嘅午餐其實都唔易，咁岩經過時代冰室見佢大大張 poster 介紹蛋包飯，仲要 $42，就一終試下佢。可能我領悟力低，我以為張 poster 上面係四款蛋包飯，原來係兩款，每款都係雙拼:)。最後叫咗咖哩豚肉+薈雞，本來以為咖哩係主角，點知食落反而 like 佢個薈雞多過咖哩，有 d 出乎意料咖哩汁無問題，但可能因為個咖哩豚肉個口感一d 都唔豚肉，所以對咖哩果邊個感覺麻麻。雖然冇跟嘢飲，但份量足，食得好飽。簡簡單單又一餐。…Read More

今日WFH，又想食日式嘢，就試下附近間町町丼丼。可能因為疫情關係，基本上都有discount（menu上嘅價格已減）。連屋企人嘅份量一齊叫，叫咗四個餐（一份燒牛肉烏冬，一份滑蛋吉列豬扒飯，一份牛肉飯，一份鰻魚飯）份量黎講 ok 嘅，夠食；味道黎講，ok la，未試過可以試下。我就暫時未有打算短時間內再試 …Read More

因為疫情，鴻運都停咗一段時間（應該都差唔多成個月）呢段時間一到 lunch time就過去望望；有一日，鴻運終於開返啦～ 好多街坊都等佢開門等咗好耐，所以果日等外賣係會耐少少，但無所謂，話曬都成個月無食過，點都等啦第一時間叫返個豬皮，大腸，雞中翼，油麵腩汁，另加罐肥可…Read More